بِسْمِ اللّٰهِ الرَّحْمٰنِ الرَّحِيْمِ
اللہ کے نام (اسی کی مدد) سے جورحمٰن اور رحیم ہے، میں اس کا م کا آغاز کر ر ہا ہوں۔
وَالصّٰۗفّٰتِ صَفًّا۱ۙ
قسم ہے ان (فرشتوں) کی جوصفیں باندھ کرکھڑے ہوتے ہیں(یعنی احکام الٰہی کی تعمیل میں ہروقت مستعد رہتے ہیں)
فَالزّٰجِرٰتِ زَجْرًا۲ۙ
پھر ان فرشتوں کی قسم جو(دشمنان حق کو) ڈانٹ کرتے ہیں(ان انھیں حوادثات وآفات میں مبتلا کرتے ہیں)
فَالتّٰلِيٰتِ ذِكْرًا۳ۙ
پھر ان فرشتوں کوقسم جوکلام نصیحت سناتے ہیں۔
اِنَّ اِلٰہَكُمْ لَوَاحِدٌ۴ۭ
یقیناً تمہارا معبود حقیقی ایک ہی ہے۔
بس وہی تمہارا معبود، حاجت روا، کارساز، کارفرما، خالق مالک ورازق ہے۔
رَبُّ السَّمٰوٰتِ وَالْاَرْضِ وَمَا بَيْنَہُمَا
آسمانوں اورزمین اورجوچیزیں ان کے درمیان میں ہیں،
وَرَبُّ الْمَشَارِقِ۵ۭ
سب کا وہی رب اور مالک ہے اور سارے مشارق (ومغارب) کا بھی رب ہے۔
اِنَّا زَيَّنَّا السَّمَاۗءَ الدُّنْيَا بِزِيْنَۃِۨ الْكَـوَاكِبِ۶ۙ
ہم نے آسمان دنیا کوستاروں سے زینت بخشی۔
وَحِفْظًا مِّنْ كُلِّ شَيْطٰنٍ مَّارِدٍ۷ۚ
اور ہرشیطان سرکش سے اس کومحفوظ کردیا۔
لَا يَسَّمَّعُوْنَ اِلَى الْمَلَاِ الْاَعْلٰي
شیاطین ملاء اعلیٰ کی باتیں نہیں سن سکتے۔
وَيُقْذَفُوْنَ مِنْ كُلِّ جَانِبٍ۸ۤۖ
(جب وہ ملاء اعلی کی طرف جاتے ہیں تو) ہرطرف سے ان پر آگ کے شعلے برسائے جاتے ہیں۔
دُحُوْرًا
مارے اوربھگاے جاتے ہیں،
وَّلَہُمْ عَذَابٌ وَّاصِبٌ۹ۙ
اور ان کے لئے پیہم عذاب ہے۔
اِلَّا مَنْ خَطِفَ الْخَــطْفَۃَ فَاَتْــبَعَہٗ شِہَابٌ ثَاقِبٌ۱۰
تا ہم اگر ان میں سے (فرشتوں کی) کوئی بات لے اڑے توایک دہکتا ہوا شعلہ اس کا تعاقب کرتا ہے۔
فَاسْتَفْتِہِمْ اَہُمْ اَشَدُّ خَلْقًا اَمْ مَّنْ خَلَقْنَا۰ۭ
لہٰذا ائے نبی(ﷺ) ان سے پوچھئے، کیا ان کی پیدائش زیادہ مشکل ہے یا ان چیزوں کی جنہیںہم نے پیدا کیا ہے؟ (یعنی دیگر مخلوقات)
اِنَّا خَلَقْنٰہُمْ مِّنْ طِيْنٍ لَّازِبٍ۱۱
ہم نے انھیں لیس دار(چمٹ جانے والی) مٹی سے پیدا کیا ۔
بَلْ عَجِبْتَ وَيَسْخَرُوْنَ۱۲۠
آپؐ تو(اللہ تعالیٰ کی قدرت وکاریگری پر) متعجب ہیں اور یہ اس کا مذاق اڑارہے ہیں۔
وَاِذَا ذُكِّرُوْا لَا يَذْكُرُوْنَ۱۳۠
اور جب انھیں نصیحت کی جاتی ہے(کسی حکم وہدایت کوسنتے ہیں) تو نصیحت حاصل نہیں کرتے۔
وَاِذَا رَاَوْا اٰيَۃً يَّسْتَسْخِرُوْنَ۱۴۠
اورجب کوئی نشانی دیکھتے ہیں تواس کی ہنسی اڑاتے ہیں ۔
وَقَالُوْٓا اِنْ ھٰذَآ اِلَّا سِحْرٌ مُّبِيْنٌ۱۵ۚۖ
اور کہتے ہیں یہ توکھلاجادو ہے۔
ءَ اِذَا مِتْنَا وَكُنَّا تُرَابًا وَعِظَامًا
کیا ایسا بھی ہوسکتا ہے کہ جب ہم مرجائیں گے اورمٹی بن جائیں گے اور ہڈیاں رہ جائیں گے۔
ءَاِنَّا لَمَبْعُوْثُوْنَ۱۶ۙ
تو ہم دوبارہ زندہ اٹھائے جائیں گے؟
اَوَاٰبَاۗؤُنَا الْاَوَّلُوْنَ۱۷ۭ
اورکیا ہمارے آباء واجداد بھی جوپہلے گزرچکے ہیں ؟
قُلْ نَعَمْ وَاَنْتُمْ دَاخِرُوْنَ۱۸ۚ
کہئے ہاں(بلاشبہ قبروں سے اٹھائے جاؤگے) اورتم بہ لحاظ انجام ہمیشہ کے لئے ذلیل وخوار ہوکر رہوگے۔
فَاِنَّمَا ہِىَ زَجْرَۃٌ وَّاحِدَۃٌ
پھر وہ ایک ڈانٹ کی طرح زوردار آواز ہوگی۔
فَاِذَا ہُمْ يَنْظُرُوْنَ۱۹
جس کے ساتھ ہی (وہ تمام احوال قیامت جن کی خبر ان منکران حق کودی گئی تھی) اپنی آنکھوں سے دیکھ رہے ہوں گے۔
وَقَالُوْا يٰوَيْلَنَا ھٰذَا يَوْمُ الدِّيْنِ۲۰
اور وہ اس وقت کہیں گے ہائے ہماری کم بختی یہ تویوم الجزاء ہے ۔
ھٰذَا يَوْمُ الْفَصْلِ الَّذِيْ كُنْتُمْ بِہٖ تُكَذِّبُوْنَ۲۱ۧ
(ان سے کہا جائے گا) یہی وہ فیصلہ کا دن ہے جسے تم جھٹلایا کرتے تھے۔
اُحْشُرُوا الَّذِيْنَ ظَلَمُوْا
وَاَزْوَاجَہُمْ
(حکم ہوگا) جمع کرو، ان تمام ظالموں (سرکشوں نافرمانوں) اوران کے ساتھیوں (ہم جنسوں، ہم عقیدہ عورتوں مردوں) کو
وَمَا كَانُوْا يَعْبُدُوْنَ۲۲ۙ
اوران معبوان باطل کوجن کی اللہ کے سوا وہ عبادت کرتے تھے۔
مِنْ دُوْنِ اللہِ فَاہْدُوْہُمْ اِلٰى صِرَاطِ الْجَحِيْمِ۲۳
پھر ان سب کوجہنم کا راستہ دکھادو۔
وَقِفُوْہُمْ اِنَّہُمْ مَّسْـُٔـوْلُوْنَ۲۴ۙ
(کہا جائے گا) ذرا انھیں ٹھیراو، ان سے کچھ پوچھنا ہے۔
مَا لَكُمْ لَا تَنَاصَرُوْنَ۲۵
(پوچھا جائے گا) تمہیں کیا ہوگیا۔ اب کیوں ایک دوسرے کی مدد نہیں کرتے۔
بَلْ ہُمُ الْيَوْمَ مُسْتَسْلِمُوْنَ۲۶
بلکہ وہ توآج (شرمندگی سے) سرجھکائے کھڑے ہوں گے ۔
وَاَقْبَلَ بَعْضُہُمْ عَلٰي بَعْضٍ يَّتَسَاۗءَلُوْنَ۲۷
اورباہم ایک دوسرے کے مقابل ہوکرتکرار کرنے لگیں گے۔
قَالُوْٓا اِنَّكُمْ كُنْتُمْ تَاْتُوْنَنَا عَنِ الْيَمِيْنِ۲۸
(اپنے پیشواؤں سے) کہیں گے یقیناً تم تو ہمارے خیر خواہ بن کر(پوری توانائیوں کے ساتھ) دین کی شکل میں ہمیں دین ہی سے برگشتہ کررکھا تھا۔
قَالُوْا بَلْ لَّمْ تَكُوْنُوْا مُؤْمِنِيْنَ۲۹ۚ
ان کے پیشوا کہیں گے(ایسا نہیں ہے) بلکہ تم خود ہی ایمان لانا نہیں چاہتے تھے۔
وَمَا كَانَ لَنَا عَلَيْكُمْ مِّنْ سُلْطٰنٍ۰ۚ
اور تم پرہمارا کوئی زور تونہ تھا۔
بَلْ كُنْتُمْ قَوْمًا طٰغِيْنَ۳۰
بلکہ تم خودہی ایک سرکش قوم تھے۔
فَحَــقَّ عَلَيْنَا قَوْلُ رَبِّنَآ۰ۤۖ
پس ہمارے بارے میں ہمارے پروردگار کی بات پوری ہوکر رہی۔
اِنَّا لَذَاۗىِٕقُوْنَ۳۱
اب ہم سب عذاب کا مزہ چکھنے والے ہیں۔
فَاَغْوَيْنٰكُمْ اِنَّا كُنَّا غٰوِيْنَ۳۲
ہم نے تم کوبہکایا جب کہ ہم خود بھی گمراہ تھے۔
فَاِنَّہُمْ يَوْمَىِٕذٍ فِي الْعَذَابِ مُشْتَرِكُوْنَ۳۳
لہٰذا وہ سب اس روزعذاب میں شریک رہیں گے۔ (پیروی کرنے والے اوران کے پیشوا، گمراہ کرنے والے اور گمراہ ہونے والے)
اِنَّا كَذٰلِكَ نَفْعَلُ بِالْمُجْرِمِيْنَ۳۴
ہم گنہگاروں کے ساتھ ایسا ہی سلوک کرتے ہیں۔
اِنَّہُمْ كَانُوْٓا اِذَا قِيْلَ لَہُمْ لَآ اِلٰہَ اِلَّا اللہُ۰ۙ
ان کا حال یہ تھا کہ جب ان سے کہا جاتا کہ اللہ تعالیٰ کے سوا کوئی (معبود اورمستعان) نہیں ہے تو
يَسْتَكْبِرُوْنَ۳۵ۙ
وہ تکبر کرتے۔
وَيَقُوْلُوْنَ اَىِٕنَّا لَتَارِكُوْٓا اٰلِـہَتِنَا لِشَاعِرٍ مَّجْــنُوْنٍ۳۶ۭ
اورکہا کرتے تھے کہ کیا ہم اپنے معبودوں کوچھوڑدیں ایک شاعر اور دیوانے کی خاطر ؟
بَلْ جَاۗءَ بِالْحَــقِّ وَصَدَّقَ الْمُرْسَلِيْنَ۳۷
حالانکہ وہ ایک سچا دین لے کرآئے تھے اورپچھلے پیغمبروں کی بھی تصدیق کرتے تھے۔
اِنَّكُمْ لَذَاۗىِٕقُوا الْعَذَابِ الْاَلِــيْمِ۳۸ۚ
(اگر تم نہ مانو تویاد رکھو) یقیناً تم دردناک عذاب کا مزہ چکھنے والے ہو۔
وَمَا تُجْزَوْنَ اِلَّا مَا كُنْتُمْ تَعْمَلُوْنَ۳۹ۙ
اور تم کواسی کا بدلہ ملے گا جو تم کیا کرتے تھے(کسی اورکا عمل کام نہ آئیگا)
اِلَّا عِبَادَ اللہِ الْمُخْلَصِيْنَ۴۰
سوائے ان کے جواللہ تعالیٰ کے خاص بندے ہیں(یعنی جن کے عقیدہ وعمل میں شرک نہیں ہے وہ عذاب سے بچالئے جائیں گے)
اُولٰۗىِٕكَ لَہُمْ رِزْقٌ مَّعْلُوْمٌ۴۱ۙ
یہی وہ لوگ ہیں جن کے لئے (خوش ذائقہ) غذائیں مقرر ہیں۔
فَوَاكِہُ۰ۚ وَہُمْ مُّكْـرَمُوْنَ۴۲ۙ
(طرح طرح کے)پس میوے انھیں دیئے جائیں گے اور وہ وہاں نہایت ہی اعزاز کے ساتھ رہیں گے۔
فِيْ جَنّٰتِ النَّعِيْمِ۴۳ۙ
انواع واقسام کے میوؤں سے بھرے ہوئے باغوں میں ۔
عَلٰي سُرُرٍ مُّتَـقٰبِلِيْنَ۴۴
نہایت ہی مزین مرصع تخت ہائے فاخرہ پرآمنے سامنے ایک دوسرے کے مقابل بیٹھے رہیں گے۔
يُطَافُ عَلَيْہِمْ بِكَاْسٍ مِّنْ مَّعِيْنٍؚ۴۵ۙ
شراب کے چھلکتے ہوئے جام ان کے سامنے پیش کئے جائیں گے۔
بَيْضَاۗءَ لَذَّۃٍ لِّلشّٰرِبِيْنَ۴۶ۚۖ
وہ (شراب) سفید ہوگی اور پینے والوں کیلئے نہایت ہی خوش ذائقہ بھی
لَا فِيْہَا غَوْلٌ وَّلَا ہُمْ
(دنیا کی شراب کی طرح) کوئی نقصان وہ چیز نہ ہوگی۔
عَنْہَا يُنْزَفُوْنَ۴۷
اورنہ اس کے سبب وہ بدحواس ہوں گے (اورنہ ہی وہ فضول بکواس کرینگے)
وَعِنْدَہُمْ قٰصِرٰتُ الطَّرْفِ عِيْنٌ۴۸ۙ
اوران کے پاس (ان کی زوجیت میں) نگاہیں نیچی رکھنے والی باحیا (شرمیلی) بڑی بڑی آنکھوں والی حسین عورتیں ہوں گی۔
كَاَنَّہُنَّ بَيْضٌ مَّكْنُوْنٌ۴۹
گویا کہ وہ بیضۃ الخدر یعنی اس طرح پردہ میں رکھی ہوئی لڑکیاں ہوں گی جنہیں کسی نے دیکھا یا ہاتھ لگایا نہ ہوگا۔
فَاَقْبَلَ بَعْضُہُمْ عَلٰي بَعْضٍ يَّتَسَاۗءَلُوْنَ۵۰
پھر وہ ایک دوسرے کی طرف متوجہ ہوکر حالات پوچھیں گے۔
قَالَ قَاۗىِٕلٌ مِّنْہُمْ اِنِّىْ كَانَ لِيْ قَرِيْنٌ۵۱ۙ
ان میں سے ایک کہے گا۔ دنیا میں میرا ایک ہم نشین تھا۔
يَّقُوْلُ اَىِٕنَّكَ لَمِنَ الْمُصَدِّقِيْنَ۵۲
کہتا تھا۔ کیا تم بھی ایسی باتوں کے ماننے والوں میں سے ہو ۔
ءَ اِذَا مِتْنَا وَكُنَّا تُرَابًا وَّعِظَامًا
کہ جب ہم مرجائیں گے اور مٹی وہڈیاں ہوجائیں گے
ءَاِنَّا لَمَدِيْنُوْنَ۵۳
توکیا ہم کوجزا وسزا دی جائے گی۔ (کیا محاسبۂ اعمال کے لئے ہمیں دوبارہ پیدا کیا جائے گا ؟)
قَالَ ہَلْ اَنْتُمْ مُّطَّلِعُوْنَ۵۴
ارشاد ہوگا کیا تم جھانک کراس کودیکھنا چاہتے ہو ؟
فَاطَّلَعَ فَرَاٰہُ فِيْ سَوَاۗءِ الْجَحِيْمِ۵۵
پس وہ جھانکے گا تواس کودوزخ کے بیچوں بیچ دیکھے گا ۔
قَالَ تَاللہِ اِنْ كِدْتَّ لَتُرْدِيْنِ۵۶ۙ
اس سے مخاطب ہوکر کہے گا۔ اللہ کی قسم تو تومجھے تباہ کرنے ہی کوتھا۔
وَلَوْلَا نِعْمَۃُ رَبِّيْ لَكُنْتُ مِنَ الْمُحْضَرِيْنَ۵۷
اور اگر میرے پروردگار کا فضل شامل حال نہ ہوتا تومیں بھی آج ان گرفتار ہونے والوں میں سے ہوتا۔
اَفَمَا نَحْنُ بِمَيِّتِيْنَ۵۸ۙ
اچھا توکیا اب ہم (کبھی) مرنے والے نہیں ہیں ؟
اِلَّا مَوْتَتَنَا الْاُوْلٰى
پہلی بار مرنے کے سوا(وہ توہوچکا)
وَمَا نَحْنُ بِمُعَذَّبِيْنَ۵۹
اور نہ ہم عذاب پانے والوں میں ہیں۔
اِنَّ ھٰذَا لَہُوَالْفَوْزُ الْعَظِيْمُ۶۰
بے شک یہی عظیم الشان کامیابی ہے۔
لِــمِثْلِ ھٰذَا فَلْيَعْمَلِ الْعٰمِلُوْنَ۶۱
ایسی کامیابی کے لئے عمل کرنے والوںکوعمل کرنا چاہئے (ایمان لانا اور اطاعت کرنی چاہئے)
اَذٰلِكَ خَيْرٌ نُّزُلًا اَمْ شَجَرَۃُ الزَّقُّوْمِ۶۲
کیا یہ مہمانی (عزت ولذت) بہتر ہے یا زقوم کا درخت
اِنَّا جَعَلْنٰہَا فِتْنَۃً لِّلظّٰلِمِيْنَ۶۳
ہم نے اس درخت کوظالموں کے لئے فتنہ بنادیا ہے۔
(یعنی ان کے لئے امتحان وعذاب کا ذریعہ بنایا ہے)
اِنَّہَا شَجَــرَۃٌ تَخْرُجُ فِيْٓ اَصْلِ الْجَحِيْمِ۶۴ۙ
وہ ایک درخت ہے جوجہنم کی تہ سے نکلتا ہے۔
طَلْعُہَا كَاَنَّہٗ رُءُوْسُ الشَّيٰطِيْنِ۶۵
اس کے خوشے شیطان کے سرجیسے ہوں گے۔
ناگ سانپ کی پھنی کی طرح جس کوناگ پھنی یا چپل سینڈ کہتے ہیں۔
فَاِنَّہُمْ لَاٰكِلُوْنَ مِنْہَا
پھر وہ(جہنمی) اس درخت کے پھل کھائیں گے۔
فَمَالِـــــُٔوْنَ مِنْہَا الْبُطُوْنَ۶۶ۭ
اور اسی سے پیٹ بھریں گے (یہی ان کی غذا ہوگی)
ثُمَّ اِنَّ لَہُمْ عَلَيْہَا لَشَوْبًا مِّنْ حَمِيْمٍ۶۷ۚ
پھر ان کے لئے اس کھانے کے بعد کھولتے ہوئے پانی کے ساتھ (خون و پیپ کا) آمیزہ دیا جائے گا۔
ثُمَّ اِنَّ مَرْجِعَہُمْ لَا۟اِلَى الْجَحِيْمِ۶۸
پھر ان کی واپسی جہنم ہی کی طرف ہوگی۔
اِنَّہُمْ اَلْفَوْا اٰبَاۗءَہُمْ ضَاۗلِّيْنَ۶۹ۙ
انہوں نے اپنے آباو اجداد کوگمراہی کی حالت میں پایا ہے۔
فَہُمْ عَلٰٓي اٰثٰرِہِمْ يُہْرَعُوْنَ۷۰
پھر یہ بھی انھیں کے قدم بہ قدم دوڑچلے۔
وَلَقَدْ ضَلَّ قَبْلَہُمْ اَكْثَرُ الْاَوَّلِيْنَ۷۱ۙ
اوران سے پہلے بھی ان کے پیشرو، اکثر گمراہ ہوچکے ہیں۔
وَلَقَدْ اَرْسَلْنَا فِيْہِمْ مُّنْذِرِيْنَ۷۲
حالانکہ ہم نے ان میں (انجام آخرت سے) ڈرانے والے پیغمبر بھیجے تھے۔
فَانْظُرْ كَيْفَ كَانَ عَاقِبَۃُ الْمُنْذَرِيْنَ۷۳ۙ
پھر دیکھئے ان تنبیہ کئے جانے والوں کا کیا انجام ہوا۔
اِلَّا عِبَادَ اللہِ الْمُخْلَصِيْنَ۷۴ۧ
سوائے اللہ تعالیٰ کے مخلص بندوں کے (جن کے عقیدے وعمل میں شرک نہ ہوگا، اس عذاب سے بچالئے جائیں گے)
وَلَقَدْ نَادٰىنَا نُوْحٌ فَلَنِعْمَ الْمُجِيْبُوْنَ۷۵ۡۖ
اورنوحؑ نے (قوم کی اذیت رسانیوں سے تنگ آکر مدد کے لئے) ہمیں پکارا توہم بھی (پکارنے والوں کو) کیا ہی اچھا جواب دینے والے ہیں (یعنی دعاؤں کوسن لیتے اور مدد کرتے ہیں)
وَنَجَّيْنٰہُ وَاَہْلَہٗ مِنَ الْكَرْبِ الْعَظِيْمِ۷۶ۡۖ
اور ہم نے انھیں اوران کے گھر والوں کوشدید ترین اذیتوں سے نجات دی۔
توضیح : حضرت نوحؑ مدت ہائے دراز تک قوم کودین کی طرف بلاتے رہے، بجز معدودے چند ساری قوم نے مخالفت کی۔ بالآخر مایوس ہوکر انہوں نے ان الفاظ میں دعا کی فَدَعَا رَبَّهُ أَنِّي مَغْلُوبٌ فَانتَصِرْ (سورہ قمرآیت نمبر ۱۰) اپنے رب سے دعا کی الٰہی میں ان کے مقابلہ میں کمزور ہوں، میری مدد کیجئے۔
وَجَعَلْنَا ذُرِّيَّتَہٗ ہُمُ الْبٰقِيْنَ۷۷ۡۖ
اوران کی اولاد کودنیا میں باقی رکھا۔
وَتَرَكْنَا عَلَيْہِ فِي الْاٰخِرِيْنَ۷۸ۡۖ
اورآنے ولی نسلوں میں ان کا ذکر جمیل چھوڑا۔
طوفان نوحؑ کے ہزاروں برس گزرنے کے بعد بھی دنیا ان کا ذکر خیر کررہی ہے۔
سَلٰمٌ عَلٰي نُوْحٍ فِي الْعٰلَمِيْنَ۷۹
نوحؑ پرسلامتی ہودنیا جہاں میں۔
اِنَّا كَذٰلِكَ نَجْزِي الْمُحْسِـنِيْنَ۸۰
ہم نیکوں کاروں کوایسا ہی بدلہ دیتے ہیں۔
اِنَّہٗ مِنْ عِبَادِنَا الْمُؤْمِنِيْنَ۸۱
واقعی وہ ہمارے مومن بندوں میں سے تھے۔
ثُمَّ اَغْرَقْنَا الْاٰخَرِيْنَ۸۲
پھر ہم نے دوسرے گروہ کوغرق کردیا۔
وَاِنَّ مِنْ شِيْعَتِہٖ لَاِبْرٰہِيْمَ۸۳ۘ
اورنوحؑ ہی کے طریقوں پرابراہیمؑ تھے۔
اِذْ جَاۗءَ رَبَّہٗ بِقَلْبٍ سَلِـيْمٍ۸۴
جب کہ وہ اپنے رب کے پاس قلب سلیم کے ساتھ آئے۔
اِذْ قَالَ لِاَبِيْہِ وَقَوْمِہٖ مَاذَا تَعْبُدُوْنَ۸۵ۚ
جب انہوں نے اپنے باپ اوراپنی قوم سے کہا یہ کیا چیزیں ہیں جن کی تم سب عبادت کرتے ہو؟
اَىِٕفْكًا اٰلِــہَۃً دُوْنَ اللہِ تُرِيْدُوْنَ۸۶ۭ
کیا تم اللہ تعالیٰ کے سوا اپنے ہی گھڑے ہوئے معبودان باطل کی پرستش کرتے ہو؟
فَمَا ظَنُّكُمْ بِرَبِّ الْعٰلَمِيْنَ۸۷
آخر اللہ رب العالمین کے بارے میں تمہارا کیا خیال ہے؟
فَنَظَرَ نَــظْرَۃً فِي النُّجُوْمِ۸۸ۙ
پھر(ابراہیم ؑ نے) تاروں پرایک نگاہ ڈالی اور (سوچنے لگے)
فَقَالَ اِنِّىْ سَقِيْمٌ۸۹
پھر کہا میں (تمہارے کفر سے) سخت نالاں ہوں۔
فَتَوَلَّوْا عَنْہُ مُدْبِرِيْنَ۹۰
چنانچہ وہ لوگ انھیں چھوڑکر واپس ہوگئے۔
فَرَاغَ اِلٰٓى اٰلِـہَــتِہِمْ
پھر وہ(ان کی واپسی کے بعد ان کے مندر میں گھس پڑے) اور ان کے معبودان باطل کی طرف متوجہ ہوئے۔
فَقَالَ اَلَا تَاْكُلُوْنَ۹۱ۚ
کہا تم (اپنے سامنے رکھی ہوئی بھینٹ چڑھائی ہوئی چیزیں) کھاتے کیوں نہیں ہو؟
مَا لَكُمْ لَا تَنْطِقُوْنَ۹۲
تمہیں کیا ہوگیا ہے، تم بات بھی نہیں کرتے؟
فَرَاغَ عَلَيْہِمْ ضَرْبًۢـا بِالْيَمِيْنِ۹۳
پھر پوری قوت کے ساتھ انھیں ضربیں لگائیں۔ (انھیں توڑپھوڑکررکھ دیا)
فَاَقْبَلُوْٓا اِلَيْہِ يَزِفُّوْنَ۹۴
پس وہ لوگ (گھبرائے ہوئے) آپکی طرف دوڑے دوڑے چلے آئے۔
قَالَ اَتَعْبُدُوْنَ مَا تَنْحِتُوْنَ۹۵ۙ
ابراہیمؑ نے کہا کیا تم اپنی ہی تراشی ہوئی چیزوں کوپوجتے ہو؟
وَاللہُ خَلَقَكُمْ وَمَا تَعْمَلُوْنَ۹۶
حالانکہ تم کواللہ نے پیدا کیا اور ان چیزوں کوبھی جنہیں تم بناتے ہو۔
قَالُوا ابْنُوْا لَہٗ بُنْيَانًا فَاَلْقُوْہُ فِي الْجَــحِيْمِ۹۷
انہوں نے آپس میں کہا، ان کے لئے آگ کا ایک آلاؤ تیار کرواور(دہکتی ہوئی) آگ میں انھیں ڈال دو۔
فَاَرَادُوْا بِہٖ كَيْدًا فَجَعَلْنٰہُمُ الْاَسْفَلِيْنَ۹۸
انہوں نے ان کی خلاف (انھیں جلاکر ہلاک کرنے کی) تدبیریں کیں تھیں، لیکن ہم نے انھیں نیچا دکھا دیا۔
وَقَالَ اِنِّىْ ذَاہِبٌ اِلٰى رَبِّيْ سَيَہْدِيْنِ۹۹
اورابراہیمؑ نے کہاں میں اپنے پروردگار کی طرف جانے والا ہوں وہی مجھے راستہ دکھائے گا (یعنی اللہ تعالیٰ ہی کا ہورہنے میں قوم دشمنی پرتل گئی ہے اس لئے میں اللہ ہی کے لئے اور اللہ ہی کے بھروسہ پرترک وطن کرتا ہوں وہی میری رہنمائی فرمائے گا )
رَبِّ ہَبْ لِيْ مِنَ الصّٰلِحِيْنَ۱۰۰
(اورساتھ ہی دعا فرمائی) ائے میرے پروردگار مجھے ایک بیٹا عنایت فرمائیے جوصالحین میں سے ہو
فَبَشَّرْنٰہُ بِغُلٰمٍ حَلِـيْمٍ۱۰۱
سوہم نے ایک حلیم الطبع لڑکے کی بشارت دی۔
فَلَمَّا بَلَــغَ مَعَہُ السَّعْيَ
جب وہ ان کے ساتھ دوڑدھوپ کرنے کی عمر کو پہنچا تو۔
قَالَ يٰبُنَيَّ اِنِّىْٓ اَرٰى فِي الْمَنَامِ اَنِّىْٓ اَذْبَحُكَ
ابراہیمؑ نے کہا، ائے میرے بیٹے میں نے خواب میں تمہیں ذبح کرتے دیکھا ہے۔
فَانْظُرْ مَاذَا تَرٰى۰ۭ
اس بارے میں تمہارا کیا خیال ہے؟
قَالَ يٰٓاَبَتِ افْعَلْ مَا تُــؤْمَرُ۰ۡسَتَجِدُنِيْٓ
صاحبزادے نے کہا، ابا جان آپ کوجو حکم ہوا ہے وہی کیجئے
اِنْ شَاۗءَ اللہُ مِنَ الصّٰبِرِيْنَ۱۰۲
انشاء اللہ آپ مجھے صابر پائیں گے۔
فَلَمَّآ اَسْلَمَا وَتَلَّہٗ لِلْجَبِيْنِ۱۰۳ۚ
پھرجب دونوں نے سرتسلیم خم کردیا توباپ نے بیٹے کو پیشانی کے بل لٹادیا(وہ ذبح کرنے ہی کوتھے کہ)
وَنَادَيْنٰہُ اَنْ يّٰٓــاِبْرٰہِيْمُ۱۰۴ۙ
ہم نے انھیں آواز دی، ائے ابراہیمؑ
قَدْ صَدَّقْتَ الرُّءْيَا۰ۚ
تم نے اپنا خواب سچا کردکھایا۔
اِنَّا كَذٰلِكَ نَجْزِي الْمُحْسِـنِيْنَ۱۰۵
بے شک ہم نیکی کرنے والوں کوایسی ہی جزادیتے ہیں۔
اِنَّ ھٰذَا لَہُوَالْبَلٰۗــؤُا الْمُبِيْنُ۱۰۶
یقیناً یہ ایک کھلی آزمائش تھی(اطاعت کا امتحان تھا)
وَفَدَيْنٰہُ بِذِبْحٍ عَظِيْمٍ۱۰۷
اورہم نے اس کے فدیہ میں ایک بڑی قربانی دے کراس کو بچالیا۔
وَتَرَكْنَا عَلَيْہِ فِي الْاٰخِرِيْنَ۱۰۸ۖ
اور اس کی تعریف وتوصیف ہم نے بعد میں آنے والوں کے لئے ہمیشہ کے لئے چھوڑدی۔
کہ اطاعت وجاں نثاری کے اس واقعہ کی عظیم الشان یادگار قیامت تک باقی رہے۔
سَلٰمٌ عَلٰٓي اِبْرٰہِيْمَ۱۰۹
سلام ہے ابراہیمؑ پر
كَذٰلِكَ نَجْزِي الْمُحْسِـنِيْنَ۱۱۰
ہم نیکی کرنے والوں کوایسی ہی جزادیتے ہیں۔
اِنَّہٗ مِنْ عِبَادِنَا الْمُؤْمِنِيْنَ۱۱۱
بے شک وہ ہمارے مومن بندوں میں سے تھے
وَبَشَّرْنٰہُ بِـاِسْحٰقَ نَبِيًّا مِّنَ الصّٰلِحِيْنَ۱۱۲
اور ہم نے انھیں ایک اورفرزند اسحاقؑ کی بشارت دی کہ وہ نبی ہوں گے اور نہایت ہی شائستہ لوگوں میں سے ہوںگے۔
وَبٰرَكْنَا عَلَيْہِ وَعَلٰٓي اِسْحٰقَ۰ۭ
اور ہم نے ان پر اوراسحاق پربرکتیں نازل کیں
وَمِنْ ذُرِّيَّـتِہِمَا مُحْسِنٌ
اور ان دونوں کی اولاد میں کوئی نیکوکار ہے
وَّظَالِمٌ لِّنَفْسِہٖ مُبِيْنٌ۱۱۳ۧ
توکوئی اپنے آپ پرظلم کرنے والا گنہگار۔ (یعنی مشرک، کافر، فاسق وغیرہ)
نیز، حضرت اسحاقؑ کے پیدا ہونے کی جوبشارت دی گئی ہے۔ غلامٌ علیم ہے اور یہاں جس لڑکے کی بشارت دی گئی ہے بغلام حلیم۔ ذبح کاحکم بغلام حلیم ہی سے متعلق ہے، اس کے علاوہ حضرت اسحاقؑ کی پیدائش کی بشارت کے ساتھ حضرت ابراہیمؑ کے پوتے حضرت یعقوبؑ کی بشارت بھی دی گئی ہے۔
وَلَقَدْ مَنَنَّا عَلٰي مُوْسٰى وَہٰرُوْنَ۱۱۴ۚ
اور ہم نے موسیٰ وہارونؑ پر بھی احسانات کئے
وَنَجَّيْنٰہُمَا وَقَوْمَہُمَا مِنَ الْكَرْبِ الْعَظِيْمِ۱۱۵ۚ
اور ہم نے ان کو اوران کی قوم کوایک نہایت ہی شدید مصیبت سے نجات دی۔
فرعون اور اس کی قوم کے مظالم سے بنی اسرائیل کوبچالیا۔
وَنَصَرْنٰہُمْ فَكَانُوْا ہُمُ الْغٰلِبِيْنَ۱۱۶ۚ
اور ہم نے ان کی مدد کی، چنانچہ وہ غالب رہے۔
وَاٰتَيْنٰہُمَا الْكِتٰبَ الْمُسْتَبِيْنَ۱۱۷ۚ
اور ہم نے ان دونوں کوایک نہایت ہی واضح کتاب( توریت) عنایت کی۔
وَہَدَيْنٰہُمَا الصِّرَاطَ الْمُسْتَــقِيْمَ۱۱۸ۚ
اورانھیں راہ راست دکھائی۔
وَتَرَكْنَا عَلَيْہِمَا فِي الْاٰخِرِيْنَ۱۱۹ۙ
اور ان کے بعد آنے والی نسلوں کے لئے ان کا ذکر خیر (مستند تاریخی حیثیت سے) باقی رکھا۔
سَلٰمٌ عَلٰي مُوْسٰى وَہٰرُوْنَ۱۲۰
سلام ہوموسیٰ وہارونؑ پر
اِنَّا كَذٰلِكَ نَجْزِي الْمُحْسِـنِيْنَ۱۲۱
ہم نیکی کرنے والوں کوایسی ہی جزا دیتے ہیں
اِنَّہُمَا مِنْ عِبَادِنَا الْمُؤْمِنِيْنَ۱۲۲
واقعی وہ دونوں ہمارے مومن بندوں میں سے تھے
وَاِنَّ اِلْيَاسَ لَمِنَ الْمُرْسَلِيْنَ۱۲۳ۭ
اور یقینا الیاسؑ بھی پیغمبروں میں سے تھے۔
اِذْ قَالَ لِقَوْمِہٖٓ اَلَا تَتَّقُوْنَ۱۲۴
جب انہوں نے اپنی قوم سے کہا کیا تم (اللہ تعالیٰ کی نافرمانی کے انجام سے) نہیں ڈرتے ؟
اَتَدْعُوْنَ بَعْلًا وَّتَذَرُوْنَ اَحْسَنَ الْخَالِقِيْنَ۱۲۵ۙ
کیا تم بعل نامی بت کومدد کے لئے پکارتے ہو اور سب سے بہتر پیدا کرنے والے احسن الخالقین کوچھوڑدیتے ہو ؟
اللہَ رَبَّكُمْ وَرَبَّ اٰبَاۗىِٕكُمُ الْاَوَّلِيْنَ۱۲۶
اللہ تمہارا بھی رب ہے اور تمہارے گذرے ہوئے آباء واجداد کا (بلاشرکت غیرے) پروردگار ہے۔
فَكَذَّبُوْہُ فَاِنَّہُمْ لَمُحْضَرُوْنَ۱۲۷ۙ
مگر انہوں نے انھیں جھٹلایا، پس یقیناً وہ (سزا کے لئے) پیش کئے جانے والے ہیں۔
اِلَّا عِبَادَ اللہِ الْمُخْلَصِيْنَ۱۲۸
بجز اللہ تعالیٰ کے ان خاص بندوں کے جن کو خالص کرلیا گیا تھا۔
وَتَرَكْنَا عَلَيْہِ فِي الْاٰخِرِيْنَ۱۲۹ۙ
اور ہم نے (الیاسؑ کا ذکرخیر بھی تاریخی حیثیت سے) بعد میں آنے والی نسلوں کے لئے باقی رکھا۔
سَلٰمٌ عَلٰٓي اِلْ يَاسِيْنَ۱۳۰
سلام ہوا الیاسؑ پر
اِنَّا كَذٰلِكَ نَجْزِي الْمُحْسِـنِيْنَ۱۳۱
ہم نیکی کرنے والوں کوایسی ہی جزادیتے ہیں۔
اِنَّہٗ مِنْ عِبَادِنَا الْمُؤْمِنِيْنَ۱۳۲
بے شک وہ ہمارے مومن بندوں میں سے تھے۔
وَاِنَّ لُوْطًا لَّمِنَ الْمُرْسَلِيْنَ۱۳۳ۭ
اور یقیناً لوطؑ بھی پیغمبروں میں سے تھے۔
اِذْ نَجَّيْنٰہُ وَاَہْلَہٗٓ اَجْمَعِيْنَ۱۳۴ۙ
جبکہ ہم نے لوطؑ کو اوران کے گھر والوں کونجات دی(عذاب سے بچالیا)
اِلَّا عَجُوْزًا فِي الْغٰبِرِيْنَ۱۳۵
سوائے ایک بڑھیا کے جوپیچھے رہ جانے والوں میں سے تھی۔
(جس کا مبتلائے عذاب ہونا طے شدہ تھا)
ثُمَّ دَمَّرْنَا الْاٰخَرِيْنَ۱۳۶
پھر ہم نے باقی سب کوتہس نہس کردیا۔
وَاِنَّكُمْ لَتَمُرُّوْنَ عَلَيْہِمْ مُّصْبِحِيْنَ ۱۳۷ۙ وَبِالَّيْلِ۰ۭ
اور(ائے منکران قوم) تم صبح شام ان قوموں کی تباہ شدہ بستیوں پرسے گذرتے ہو۔
اَفَلَا تَعْقِلُوْنَ۱۳۸ۧ
توکیا تم پھر بھی نہیں سمجھتے(کیا تمہیں اتنی بھی عقل نہیں) ؟
کچھ توسمجھ بوجھ سے کام لئے ہوتے اور دوسروں سے عبرت لئے ہوتے۔
وَاِنَّ يُوْنُسَ لَمِنَ الْمُرْسَلِيْنَ۱۳۹ۭ
اوریونسؑ بھی پیغمبروں میںسے تھے۔
اِذْ اَبَقَ اِلَى الْفُلْكِ الْمَشْحُوْنِ۱۴۰ۙ
جب وہ ایک بھری ہوئی کشتی کی طرف بھاگ نکلے (اورجاسوار ہوئے)
فَسَاہَمَ فَكَانَ مِنَ الْمُدْحَضِيْنَ۱۴۱ۚ
کشتی والوں میں قرعہ اندازی ہوئی (آپ بھی شریک قرعہ ہوئے)
تووہ زک وہزیمت اٹھانے والوں میں سے ہوگئے۔
(چنانچہ انھیں دریا میں ڈھکیل دیا گیا)
فَالْتَقَمَہُ الْحُوْتُ وَہُوَمُلِـيْمٌ۱۴۲
پس مچھلی نے انھیں (ثابت) نگل لیا اور وہ اپنے آپکوملامت کرتے رہے۔
ابق کا لفظ ان ہی لوگوں پر بولا جاتا ہے جو اپنے آقا، مالک، رب کی اجازت کے بغیر بھاگ جاتے ہیں۔ جب آپ کو اس بات کا احساس ہوا تو اپنے آپ پرملامت کرنے لگے۔
فَلَوْلَآ اَنَّہٗ كَانَ مِنَ الْمُسَبِّحِيْنَ۱۴۳ۙ
اگر وہ اللہ تعالیٰ کی تسبیح کرنے والوں میں سے نہ ہوتے۔
لَـلَبِثَ فِيْ بَطْنِہٖٓ اِلٰى يَوْمِ يُبْعَثُوْنَ۱۴۴ۚ
تو وہ لوگوں کے دوبارہ زندہ کئے جانے۔ (یعنی قیامت) تک مچھلی کے پیٹ میں رہتے۔ (یعنی مچھلی کا پیٹ ان کی قبر بنتا)
فَنَبَذْنٰہُ بِالْعَرَاۗءِ وَہُوَسَقِيْمٌ۱۴۵ۚ
پھر ہم نے انھیں ایک ساحلی چٹیل میدان میں ڈال دیا اور وہ اس وقت نہایت ہی مضمحل وناتوان تھے۔
وَاَنْۢبَتْنَا عَلَيْہِ شَجَرَۃً مِّنْ يَّقْطِيْنٍ۱۴۶ۚ
اورہم نے ان پر ایک بیل دار پودا اگایا (مثل تربوز وغیرہ تا کہ وہ ان پر سایہ کئے ہوئے رہے اوراس کا پھل غذا اور پانی کا کام دے)
وَاَرْسَلْنٰہُ اِلٰى مِائَۃِ اَلْفٍ اَوْ يَزِيْدُوْنَ۱۴۷ۚ
اور ہم نے ان کو لاکھ یا اس سے زیادہ لوگوں کی طرف پیغمبر بنا کر بھیجا (یہ وہی بستی تھی جس کو چھوڑکر حضرت یونسؑ بھاگ نکلے تھے۔)
فَاٰمَنُوْا فَمَتَّعْنٰہُمْ اِلٰى حِيْنٍ۱۴۸ۭ
پھر وہ لوگ ایمان لے آئے توہم نے انھیں ایک خاص وقت تک دنیا سے متمتع ہونے کا موقع دیا۔
فَاسْتَفْتِہِمْ اَلِرَبِّكَ الْبَنَاتُ وَلَہُمُ الْبَنُوْنَ۱۴۹ۙ
ائے نبی(ﷺ) ان مشرکین سے پوچھئے کہ تمہارے پروردگار کے لئے توبیٹیاں اور خود ان کے لئے بیٹے ہیں۔
اَمْ خَلَقْنَا الْمَلٰۗىِٕكَۃَ اِنَاثًا وَّہُمْ شٰہِدُوْنَ۱۵۰
کیا واقعی ہم نے فرشتوں کوعورتیں ہی بنایا ہے اور کیا وہ اس وقت موجود تھے۔ (کیا یہ آنکھوں دیکھی بات کہہ رہے ہیں)
اَلَآ اِنَّہُمْ مِّنْ اِفْكِہِمْ لَيَقُوْلُوْنَ۱۵۱ۙ
دیکھو یہ اپنی جھوٹ موٹ بنائی ہوئی (بات) کہتے ہیں کہ
وَلَدَ اللہُ۰ۙ
اللہ تعالیٰ اولاد رکھتے ہیں۔
وَاِنَّہُمْ لَكٰذِبُوْنَ۱۵۲
بے شک وہ بڑے ہی جھوٹے ہیں۔
اَصْطَفَى الْبَنَاتِ عَلَي الْبَنِيْنَ۱۵۳ۭ
کیا اللہ تعالیٰ نے بیٹوں کے مقابلے میں اپنے لئے بیٹیاں پسند کرلیں ؟
مَا لَكُمْ۰ۣ كَيْفَ تَحْكُمُوْنَ۱۵۴
تمہیں کیا ہوگیا (تمہاری عقلیں کہاں ماری گئیں) تم کیسا (غلط اوربیہودہ) حکم لگاتے ہو۔
اَفَلَا تَذَكَّرُوْنَ۱۵۵ۚ
کیا تم غوروفکر سے کام نہیں لیتے ؟
اَمْ لَكُمْ سُلْطٰنٌ مُّبِيْنٌ۱۵۶ۙ
کیا تمہارے پاس اس غلط وباطل عقیدے کے جواز میں کوئی سند علمی ہے؟
فَاْتُوْا بِكِتٰبِكُمْ اِنْ كُنْتُمْ صٰدِقِيْنَ۱۵۷
اگر تم سچے ہو تو اپنی کتاب پیش کرو( جس کے تم مدعی ہو ؟ )
( اور جس میں اللہ تعالیٰ نے یہ فرمایا ہو کہ فرشتے میری بیٹیاں ہیں)
وَجَعَلُوْا بَيْنَہٗ وَبَيْنَ الْجِنَّۃِ نَسَـبًا۰ۭ
اورانہوں نے اللہ تعالیٰ اور فرشتوں کے درمیان نسب کا رشتہ قرار دے رکھا ہے۔
وَلَقَدْ عَلِمَتِ الْجِنَّۃُ اِنَّہُمْ لَمُحْضَرُوْنَ۱۵۸ۙ
حالانکہ اجنہ خوب جانتے ہیں کہ یہ لوگ (جو اللہ تعالیٰ پر ایسی جھوٹی باتیں بناتے ہیں) مجرم کی حیثیت سے حاضر کئے جانے والے ہیں۔
سُبْحٰنَ اللہِ عَمَّا يَصِفُوْنَ۱۵۹ۙ
اللہ تعالیٰ پاک ہیں ان صفات سے جن کویہ اللہ تعالیٰ کی طرف متصف کرتے ہیں۔
اِلَّا عِبَادَ اللہِ الْمُخْلَصِيْنَ۱۶۰
مگر اللہ تعالیٰ کے مخلص بندے ایسے باطل عقائد نہیں رکھتے لہٰذا
فَاِنَّكُمْ وَمَا تَعْبُدُوْنَ۱۶۱ۙ
تم اور جن کوتم پوجتے ہو(جن کی عبادت کرتے ہو)
مَآ اَنْتُمْ عَلَيْہِ بِفٰتِـنِيْنَ۱۶۲ۙ
(اللہ تعالیٰ کے مخلص بندوں میں سے) کسی کو بھی نہیں بہکاسکتے۔
اِلَّا مَنْ ہُوَصَالِ الْجَحِيْمِ۱۶۳
مگر اس کو جو دوزخ کی بھڑکتی ہوئی آگ میں داخل ہونے والا ہے(جس کا جہنمی ہونا طے شدہ ہے وہی تمہارے دام فریب میں آسکتا ہے)
وَمَا مِنَّآ اِلَّا لَہٗ مَقَامٌ مَّعْلُوْمٌ۱۶۴ۙ
کہ ہم میں سے ہر ایک مقام مقرر ہے۔
وَّاِنَّا لَنَحْنُ الصَّاۗفُّوْنَ۱۶۵ۚ
اور ہم تواللہ رب العزت کے صف بستہ خدمت گار ہیں
وَاِنَّا لَنَحْنُ الْمُسَبِّحُوْنَ۱۶۶
اور ہم ہر وقت اللہ تعالیٰ ہی کی تسبیح بیان کرنے والے ہیں۔
(اللہ تعالیٰ کا ہرنقص وعیب سے پاک ہونا بیان کرتے رہتے ہیں)
وَاِنْ كَانُوْا لَيَقُوْلُوْنَ۱۶۷ۙ
اور یہ (منکران حق) یہ بھی کہا کرتے تھے کہ
لَوْ اَنَّ عِنْدَنَا ذِكْرًا مِّنَ الْاَوَّلِيْنَ۱۶۸ۙ
اگر ہمارے پاس بھی پہلے کے لوگوں کی طرح کتاب آتی تو
لَكُنَّا عِبَادَ اللہِ الْمُخْلَصِيْنَ۱۶۹
یقیناً ہم (بلاشرکت غیرے) خالص اللہ تعالیٰ کی عبادت کرتے
فَكَفَرُوْا بِہٖ فَسَوْفَ يَعْلَمُوْنَ۱۷۰
مگر جب وہ کتاب آگئی توانہوں نے اس کا انکار کردیا۔ پس عنقریب وہ (انکار حق کے نتیجہ کو) جان لیں گے۔
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِيْنَ۱۷۱ۚۖ
اورپیام الٰہی پہنچانے والے بندوں کے بارے میں ہماری یہ بات طے شدہ ہے کہ
اِنَّہُمْ لَہُمُ الْمَنْصُوْرُوْنَ۱۷۲۠
بیشک (ہمارے رسولؐ) مخالفین کے مقابلے میں کامیاب ہوکر رہیں گے۔
وَاِنَّ جُنْدَنَا لَہُمُ الْغٰلِبُوْنَ۱۷۳
اور ہمارا لشکر ہی ان پر غالب ہوکر رہے گا۔
فَتَوَلَّ عَنْہُمْ حَتّٰى حِيْنٍ۱۷۴ۙ
پس(ائے نبیﷺ) آپ کچھ مدت تک ان سے کنارہ کش رہئے (انھیں ان کے حال پر چھوڑدیجئے)
وَّاَبْصِرْہُمْ فَسَوْفَ يُبْصِرُوْنَ۱۷۵
اورانھیں دیکھتے رہئے، عنقریب وہ بھی اپنے انجام کودیکھ لیں گے۔
اَفَبِعَذَابِنَا يَسْتَعْــجِلُوْنَ۱۷۶
کیا وہ ہمارے عذاب کے لئے جلدی کرتے ہیں؟
فَاِذَا نَزَلَ بِسَاحَتِہِمْ
جبہمارا عذاب ان کے قریب میدانوں میں آئے گا
فَسَاۗءَ صَبَاحُ الْمُنْذَرِيْنَ۱۷۷
تووہ ان کے لئے بہت ہی برا ہوگا جنہیں ڈرایا گیا ہے۔
وَتَوَلَّ عَنْہُمْ حَتّٰى حِيْنٍ۱۷۸ۙ
اور آپ کچھ مدت تک ان سے منہ پھیرلیجئے (انھیں کے حال پر چھوڑ دیجئے)
وَّاَبْصِرْ فَسَوْفَ يُبْصِرُوْنَ۱۷۹
اورانھیں دیکھتے رہئے پس عنقریب یہ بھی(اپنے کفر کا نتیجہ) دیکھ لیں گے۔
سُبْحٰنَ رَبِّكَ رَبِّ الْعِزَّۃِ عَمَّا يَصِفُوْنَ۱۸۰ۚ
(ائے نبیﷺ) آپ کا پروردگار پاک ہے ان مشرکانہ باتوں سے جو وہ بیان کرتے ہیں۔
وَسَلٰمٌ عَلَي الْمُرْسَلِيْنَ۱۸۱ۚ
اور سلام ہو تمام رسولوں پر
وَالْحَـمْدُ لِلہِ رَبِّ الْعٰلَمِيْنَ۱۸۲ۧ
اور ساری تعریف اللہ تعالیٰ ہی کے لئے ہے جو سارے عالمین کا رب (حاجت روا، کارساز، مالک ومختار) ہے۔