بِسْمِ اللّٰهِ الرَّحْمٰنِ الرَّحِيْمِ
اللہ کے نام (اسی کی مدد) سے جورحمٰن اور رحیم ہے، میں اس کا م کا آغاز کر ر ہا ہوں۔
تَنْزِيْلُ الْكِتٰبِ مِنَ اللہِ الْعَزِيْزِ الْحَكِيْمِ۱
یہ کتاب اللہ کی طرف سے نازل کی گئی ہے جوبڑے ہی زبردست اورنہایت ہی حکمت والے ہیں، (جن کی تجاویز اٹل اور مبنی برحکمت ہیں۔ اس کتاب کی ساری تعلیم حکیمانہ ہے۔)
اِنَّآ اَنْزَلْنَآ اِلَيْكَ الْكِتٰبَ بِالْحَقِّ
(ائے نبیﷺ) ہم نے یہ کتاب آپؐ کی طرف حق وصداقت کے ساتھ نازل کی ہے۔
فَاعْبُدِ اللہَ مُخْلِصًا لَّہُ الدِّيْنَ۲ۭ
لہٰذا آپ خالص اللہ تعالیٰ ہی کی بندگی کیجئے۔ عبادت اسی کیلئے مختص ہے۔
اَلَا لِلہِ الدِّيْنُ الْخَالِصُ۰ۭ
خبردار ! طاعت وعبادت خالص اللہ تعالیٰ ہی کا حق ہے۔
وَالَّذِيْنَ اتَّخَذُوْا مِنْ دُوْنِہٖٓ اَوْلِيَاۗءَ۰ۘ
جن لوگوں نے اللہ کے سوا اوروں کواپنا کارساز(خیرخواہ دوست، حاجت روا، مشکل کشا) بنا رکھا ہے۔
مَا نَعْبُدُہُمْ
وہ ان کے بارے میں یہ توجہ کرتے ہیں کہ ہم ان کی عبادت نہیں کرتے (انھیں معبود ومستعان نہیں مانتے)
اِلَّا لِيُقَرِّبُوْنَآ اِلَى اللہِ زُلْفٰى۰ۭ
مگر اس خیال سے کہ وہ ہمیں اللہ تعالیٰ سے قریب کردیں گے۔
اِنَّ اللہَ يَحْكُمُ بَيْنَہُمْ فِيْ مَا ہُمْ
یقیناً اللہ تعالیٰ ان کے درمیان ان تمام باتوں کا فیصلہ فرمادیں گے۔
فِيْہِ يَخْتَلِفُوْنَ۰ۥۭ
جن میں وہ اختلاف کررہے ہیں۔
اِنَّ اللہَ لَا يَہْدِيْ مَنْ ہُوَكٰذِبٌ كَفَّارٌ۳
بے شک اللہ تعالیٰ ایسے شخص کوہدایت نہیں دیتے جوجھوٹا اورکفران نعمت کرنے والا ہوتاہے۔
لَوْ اَرَادَ اللہُ اَنْ يَّتَّخِذَ وَلَدًا
اگراللہ تعالیٰ کسی کواپنا بیٹا بنانا چاہتے
لَّاصْطَفٰى مِمَّا يَخْلُقُ مَا يَشَاۗءُ۰ۙ
اپنی مخلوق میں سے جس کو چاہتے برگزیدہ فرمالیتے
سُبْحٰنَہٗ۰ۭ
وہ پاک ہے(ہر طرح کے احتیاج، عجز، عیب ونقص سے)
ہُوَاللہُ الْوَاحِدُ الْقَہَّارُ۴
وہ اللہ یکتا اور سب پرغالب ہے۔
خَلَقَ السَّمٰوٰتِ وَالْاَرْضَ بِالْحَـقِّ۰ۚ
اسی نے آسمان اورزمین کومناسب طورپر پیدا کیا
يُكَوِّرُ الَّيْلَ عَلَي النَّہَارِ
وہی دن پر رات کو
وَيُكَوِّرُ النَّہَارَ عَلَي الَّيْلِ
اور رات پر دن کو لپیٹا ہے۔
وَسَخَّرَ الشَّمْسَ وَالْقَمَرَ۰ۭ
اوراسی نے سورج وچاند کواپنے اپنے کام پرلگائے رکھا ہے۔
كُلٌّ يَّجْرِيْ لِاَجَلٍ مُّسَمًّى۰ۭ
ہرایک، ایک وقت مقررہ تک چلتا رہتا ہے۔
اَلَا ہُوَالْعَزِيْزُ الْغَفَّارُ۵
آگاہ ہوجاؤ۔ وہ بڑا ہی زبردست اوربڑا ہی بخشنے والا ہے۔
خَلَقَكُمْ مِّنْ نَّفْسٍ وَّاحِدَۃٍ
اسی نے تم کوایک جان سے پیدا کیا
ثُمَّ جَعَلَ مِنْہَا زَوْجَہَا
پھر اس سے اس کا جوڑا بنایا
وَاَنْزَلَ لَكُمْ مِّنَ الْاَنْعَامِ ثَمٰنِيَۃَ اَزْوَاجٍ۰ۭ
اوراسی نے تمہارے لئے مویشیوں میں سے آٹھ نر ومادہ پیدا کئے (اونٹ، گائے، بھیڑ، بکری، ان کے چار نر اور چار مادہ )
يَخْلُقُكُمْ فِيْ بُطُوْنِ اُمَّہٰتِكُمْ خَلْقًا مِّنْۢ بَعْدِ خَلْقٍ فِيْ ظُلُمٰتٍ ثَلٰثٍ۰ۭ
وہی تم کوتمہاری ماؤں کے پیٹ میں تین تاریک پردوں کے اندر مرحلہ درمرحلہ شکلیں بدلتے ہوئے بالآخر انسانی شکل میں پیدا کرتا ہے۔
ذٰلِكُمُ اللہُ رَبُّكُمْ لَہُ الْمُلْكُ۰ۭ
یہی اللہ تمہارا پروردگار ہے (جس کی یہ قدرتیں ہیں۔)
اورکائنات عالم کی فرماں روائی اسی کے لئے ہے (وہی تنہا فرماں روا ہے)
لَآ اِلٰہَ اِلَّا ہُوَ۰ۚ
اس کے سوا کوئی معبود وحاجت روا نہیں ہے۔
فَاَنّٰى تُصْرَفُوْنَ۶
پھر تم کس طرح اس اللہ کی عبادت سے بہکائے جارہے ہو۔(کیوں ان بہکانے والوں کے اثر میں آرہے ہو)
اِنْ تَكْفُرُوْا فَاِنَّ اللہَ غَنِيٌّ عَنْكُمْ۰ۣ
اگر تم کفر کرو تو اللہ تعالیٰ تم سے بے نیاز ہیں۔
وَلَا يَرْضٰى لِعِبَادِہِ الْكُفْرَ۰ۚ
اور وہ اپنے بندوں کے لئے کفر کوپسند نہیں فرماتا
وَاِنْ تَشْكُرُوْا يَرْضَہُ لَكُمْ۰ۭ
اور اگر تم شکر کرو (یعنی اللہ تعالیٰ کوالہ واحد مانو اور اللہ کی تعلیم کے مطابق زندگی بسر کرو) تووہ اس کوتمہارے لئے پسند فرماتا ہے۔
وَلَا تَزِرُ وَازِرَۃٌ وِّزْرَ اُخْرٰى۰ۭ
کوئی بوجھ اٹھانے والا کسی دوسرے کا بوجھ نہیں اٹھائے گا۔
ثُمَّ اِلٰى رَبِّكُمْ مَّرْجِعُكُمْ
تم سب کواپنے رب کی طرف ہی لوٹنا ہے۔
فَيُنَبِّئُكُمْ بِمَا كُنْتُمْ تَعْمَلُوْنَ۰ۭ
پھر وہ تمہیں بتادے گا جو کچھ تم(نجات کے تعلق سے غلط اعمال) کیا کرتے تھے۔
اِنَّہٗ عَلِـيْمٌۢ بِذَاتِ الصُّدُوْرِ۷
بے شک وہ دلوں کے پوشیدہ رازوں تک واقف ہے ۔
وَاِذَا مَسَّ الْاِنْسَانَ ضُرٌّ
اور جب انسان کوتکلیف پہنچتی ہے (کسی مصیبت وآفت میں مبتلا ہوجاتا ہے
دَعَا رَبَّہٗ مُنِيْبًا اِلَيْہِ
تواپنے معبودان باطل سے مایوس ہوکر) اپنے پروردگار رب العالمین ہی کوپکارتا ہے اور دل سے رجوع ہوکر اسی سے فریاد کرتا ہے۔
ثُمَّ اِذَا خَوَّلَہٗ نِعْمَۃً مِّنْہُ
پھر جب وہ اسے اپنے فضل سے نعمتیں عطا فرماتا ہے تو
نَسِيَ مَا كَانَ يَدْعُوْٓا اِلَيْہِ مِنْ قَبْلُ وَجَعَلَ لِلہِ اَنْدَادًا
اس مصیبت کوبھول جاتا ہے جس کے لئے پہلے پکارا تھا اور دوسروں کواللہ تعالیٰ کا ہمسر ٹھیراتا ہے۔
لِّيُضِلَّ عَنْ سَبِيْلِہٖ۰ۭ
تا کہ (لوگوں کو) اس (اللہ) کے راستے سے گمراہ کرے۔
قُلْ تَمَــتَّعْ بِكُفْرِكَ قَلِيْلًا۰ۤۖ
ائے نبیﷺ آپ اس سے کہئے کہ چند دن اپنے کفر سے فائدہ اٹھالے
اِنَّكَ مِنْ اَصْحٰبِ النَّارِ۸
یقیناً تودوزخیوں میں سے ہے۔
اَمَّنْ ہُوَقَانِتٌ اٰنَاۗءَ الَّيْلِ سَاجِدًا
(کیا اس شخص کی روش بہتر ہے یا اس شخص کی جواللہ تعالیٰ کا مطیع وفرماں بردار ہے، رات کی ساعتوں میں اس کے آگے سجدہ ریز ہوتا ہے۔
وَّقَاۗىِٕمًا يَّحْذَرُ الْاٰخِرَۃَ
اوراللہ کی عبادت میں کھڑا ہوجاتا ہے۔ انجام آخرت سے ڈرتا ہے
وَيَرْجُوْا رَحْمَۃَ رَبِّہٖ۰ۭ
اور اپنے رب کی رحمت سے آس لگائے رہتا ہے
قُلْ ہَلْ يَسْتَوِي الَّذِيْنَ يَعْلَمُوْنَ وَالَّذِيْنَ لَا يَعْلَمُوْنَ۰ۭ
ائے نبیﷺ ان سے پوچھئے کیا جاننے والا اورنہ جاننے والا دونوں برابر ہوسکتے ہیں ؟
اِنَّمَا يَتَذَكَّرُ اُولُوا الْاَلْبَابِ۹ۧ
نصیحت تو وہی حاصل کرتے ہیں جوعقلمند ہوتے ہیں۔ (سمجھ بوجھ سے کام لیتے ہیں)
اور جو لوگ رات کی ساعتوں میں اللہ تعالیٰ کی عبادت میں لگے رہتے ہیں، انجام آخرت کا خوف انھیں دامن گیر ہوتا ہے۔ اللہ تعالیٰ انھیں صاحب سمجھ فرماتے ہیں اگر چہ کہ وہ ان پڑھ ہی کیوں نہ ہوں۔
قُلْ يٰعِبَادِ الَّذِيْنَ اٰمَنُوا اتَّقُوْا رَبَّكُمْ۰ۭ
(ائے نبیﷺ) آپ مومنین کو (میری طرف سے) کہئے۔ ائے میرے ایمان لانے والے بندو تم اپنے پروردگار سے ڈرتے (اور گناہوں سے بچتے) رہو۔
لِلَّذِيْنَ اَحْسَنُوْا فِيْ ہٰذِہِ الدُّنْيَا حَسَـنَۃٌ۰ۭ
ان لوگوں کے لئے جنہوں نے اس دنیا میں نیکیاں کیں، ان کا انجام اچھا ہوگا۔
وَاَرْضُ اللہِ وَاسِعَۃٌ۰ۭ
اوراللہ کی زمین کشادہ ہے۔
اِنَّمَا يُوَفَّى الصّٰبِرُوْنَ اَجْرَہُمْ بِغَيْرِ حِسَابٍ۱۰
(ترک وطن سے جوتکلیفیں پہنچتی ہیں ان پر) صبر کرنے والوں کو بے شمار اجردیا جاتا ہے۔
قُلْ اِنِّىْٓ اُمِرْتُ اَنْ اَعْبُدَ اللہَ مُخْلِصًا
(ائے نبیﷺ) کہئے مجھے حکم دیا گیا ہے کہ (بلاشرکت غیرے) خالص اللہ ہی کی عبادت کروں۔
لَّہُ الدِّيْنَ۱۱ۙ
طاعت وعبادت اللہ ہی کے لئے ہے (کوئی عبادت قبول نہیں ہوتی جب تک کہ وہ اللہ کے لئے خالص نہ ہو)
وَاُمِرْتُ لِاَنْ اَكُوْنَ اَوَّلَ الْمُسْلِمِيْنَ۱۲
اورمجھے حکم دیا گیا ہے کہ سب سے پہلے میں خود مسلم (اللہ تعالیٰ کا فرماں بردار بندہ) بنوں۔
قُلْ اِنِّىْٓ اَخَافُ اِنْ عَصَيْتُ رَبِّيْ عَذَابَ يَوْمٍ عَظِيْمٍ۱۳
(یہ بھی) کہئے اگر میں (بفرض محال) اپنے رب کی نافرمانی کروں تومجھے (قیامت کے) عظیم ترین دن کے عذاب کا ڈر ہے۔
قُلِ اللہَ اَعْبُدُ مُخْلِصًا لَّہٗ دِيْنِيْ۱۴ۙ
(ائے نبیﷺ) کہہ دو کہ میں خالص اللہ ہی کی عبادت کرتا ہوں میری طاعت وعبادت اسی کے لئے ہے ۔
فَاعْبُدُوْا مَا شِئْتُمْ مِّنْ دُوْنِہٖ۰ۭ
تم اس (اللہ) کے سوا جس جس کی بندگی کرنی چاہو کئے جاؤ
قُلْ اِنَّ الْخٰسِرِيْنَ الَّذِيْنَ خَسِرُوْٓا اَنْفُسَہُمْ وَاَہْلِيْہِمْ يَوْمَ الْقِيٰمَۃِ۰ۭ
(ائے نبیﷺ) یہ بھی کہئے کہ انتہائی نقصان اٹھانے والے تو وہ لوگ ہیں جنہوں نے قیامت کے دن اپنے آپ کواوراپنے اہل وعیال کوخسارے میں ڈال دیا(ایسا خسارہ جس کی تلافی ممکن نہیں)
اَلَا ذٰلِكَ ہُوَالْخُسْرَانُ الْمُبِيْنُ۱۵
خوب اوراچھی طرح سن لو! یہی اصلی گھاٹا ہے۔
ترجمہ:۔ وہ جو کچھ آگے بھیج چکے اور اس کے جونشان اپنے پیچھے چھوڑگئے ہم اس کولکھ لیتے ہیں۔
لَہُمْ مِّنْ فَوْقِہِمْ ظُلَــلٌ مِّنَ النَّارِ
ان کے اوپر آگ کے (طباق) سائبان ہوں گے
وَمِنْ تَحْتِہِمْ ظُلَــلٌ۰ۭ
اور ان کے نیچے بھی آگ کےفرش ہوں گے
ذٰلِكَ يُخَــوِّفُ اللہُ بِہٖ عِبَادَہٗ۰ۭ
یہ وہ انجام ہے جس سے اللہ تعالیٰ اپنے بندوں کوڈراتے ہیں۔
يٰعِبَادِ فَاتَّقُوْنِ۱۶
(تو) ائے میرے بندو مجھ ہی سے ڈرو ۔(میرے غضب سے بچو)
وَالَّذِيْنَ اجْتَنَبُوا الطَّاغُوْتَ اَنْ يَّعْبُدُوْہَا
اور (بخلاف اس کے) جن لوگوں نے طاغوت، بتوں، شیطانوں اور معبودات باطلہ کی بندگی وپرستش سے اجتناب کیا
وَاَنَابُوْٓا اِلَى اللہِ لَہُمُ الْبُشْرٰى۰ۚ
اور ہمہ تن اللہ تعالیٰ ہی کی طرف متوجہ رہے(حاجتوں میں اللہ ہی کو پکارا) توان کے لئے خوشخبری ہے۔
فَبَشِّرْ عِبَادِ۱۷ۙ
پس ائے نبیﷺ میرے ان بندوں کوخوشخبری دیجئے ۔
الَّذِيْنَ يَسْتَمِعُوْنَ الْقَوْلَ فَيَتَّبِعُوْنَ اَحْسَنَہٗ۰ۭ
یہ وہ لوگ ہیں جو بات( احکام الٰہی) کوغور سے سنتے ہیں (اور جن باتوں کا انھیں حکم دیا جاتا ہے) بطریق احسن ان کوبجالاتے ہیں۔
اُولٰۗىِٕكَ الَّذِيْنَ ہَدٰىہُمُ اللہُ وَاُولٰۗىِٕكَ ہُمْ اُولُوا الْاَلْبَابِ۱۸
یہ وہ لوگ ہیں جنہیں اللہ تعالیٰ نے ہدایت بخشی اوریہی لوگ دانش مند ہیں۔
اَفَمَنْ حَقَّ عَلَيْہِ كَلِمَۃُ الْعَذَابِ۰ۭ
اس شخص کو کون بچاسکتا ہے جس سے عذاب کا فیصلہ متعلق ہوچکا ہو۔
اَفَاَنْتَ تُنْقِذُ مَنْ فِي النَّارِ۱۹ۚ
کیا آپ اس کوبچاسکتے ہیں(دوزخ سے نکال سکتے ہو) جو آگ میں گرچکا ہے۔
لٰكِنِ الَّذِيْنَ اتَّــقَوْا رَبَّہُمْ لَہُمْ غُرَفٌ مِّنْ فَوْقِہَا غُرَفٌ مَّبْنِيَّۃٌ۰ۙ
لیکن جولوگ اپنے پروردگار (کی نافرمانی کے انجام سے) ڈرتے ہیں، ان کے لئے اونچے اونچے عالی شان محل ہیں، ان کے اوپر منزل بہ منزل بالاخانے بنے ہوئے ہیں۔
تَجْرِيْ مِنْ تَحْتِہَا الْاَنْہٰرُ۰ۥۭ
جن کے نیچے نہریں بہہ رہی ہوں گی۔
وَعْدَ اللہِ۰ۭ
یہ اللہ تعالیٰ کا وعدہ ہے۔
لَا يُخْلِفُ اللہُ الْمِيْعَادَ۲۰
اللہ تعالیٰ کبھی اپنے وعدہ کی خلاف ورزی نہیں فرماتے ۔
اَلَمْ تَرَ اَنَّ اللہَ اَنْزَلَ مِنَ السَّمَاۗءِ مَاۗءً
کیا تم دیکھ نہیں رہے ہو کہ اللہ تعالیٰ آسمان سے پانی برساتے ہیں۔
فَسَلَكَہٗ يَنَابِيْعَ فِي الْاَرْضِ
پھر اس کوسوتوں، چشموں اوردریاؤں کی شکل میں زمین کے اندر جاری کرتے ہیں۔
ثُمَّ يُخْرِجُ بِہٖ زَرْعًا مُّخْتَلِفًا اَلْوَانُہٗ
پھر اس پانی کے ذریعہ مختلف قسم کی رنگ برنگ کھیتیاں اگاتے ہیں۔
ثُمَّ يَہِيْجُ فَتَرٰىہُ مُصْفَرًّا
پھر وہ پک کر خشک ہوجاتی ہیں پھر تم دیکھتے ہو کہ وہ زرد پڑجاتی ہیں۔
ثُمَّ يَجْعَلُہٗ حُطَامًا۰ۭ
پھر آخر کار اس کوبھس بنادیا جاتا ہے۔
اِنَّ فِيْ ذٰلِكَ لَذِكْرٰى لِاُولِي الْاَلْبَابِ۲۱ۧ
(اللہ تعالیٰ کے) اس نظام میں عقل سے کام لینے والوں کے لئے نصیحتیں اوربڑی ہی عبرتیں ہیں۔ یعنی ۔
۱۔ یہ کہ دنیا ایک دن اسی طرح فنا ہونے والی ہے۔ ۲۔ یہاں کی زندگی اورزینتیں عارضی ہیں۔
۳۔ یہاں کسی کودوام نہیں۔ ۴۔ دوامی زندگی بس آخرت کی ہے۔
۵۔ دانشمندی یہ ہے کہ موت کے بعد جس آخرت کی زندگی سے سابقہ پڑنےوالا ہے اس کی تیاری میں لگ جائیں۔
اَفَمَنْ شَرَحَ اللہُ صَدْرَہٗ لِلْاِسْلَامِ
کیا وہ شخص جس کا سینہ اللہ تعالیٰ نے اسلام کے لئے کھول دیا یعنی جو شخص ایمان لایا اورمحمدﷺ کی تابعداری اختیار کی۔
فَہُوَعَلٰي نُوْرٍ مِّنْ رَّبِّہٖ۰ۭ
اور وہ اپنے پروردگار کے عطا کئے ہوئے نور بصیرت اسلام پرقائم ہو
کتاب وسنت کومشعل راہ بنایا ہو تو کیا وہ اس شخص کی طرح ہوسکتا ہے، جس نے ان باتوں سے کوئی سبق نہیں لیا۔
فَوَيْلٌ لِّــلْقٰسِيَۃِ قُلُوْبُہُمْ مِّنْ ذِكْرِ اللہِ۰ۭ
پس بڑی خرابی ہے ان لوگوں کے لئے جن کے دل اللہ تعالیٰ کی نصیحت کے باوجود اورزیادہ سخت ہوگئے ہیں۔
اُولٰۗىِٕكَ فِيْ ضَلٰلٍ مُّبِيْنٍ۲۲
وہ کھلی گمراہی میں پڑے ہوئے ہیں۔
اَللہُ نَزَّلَ اَحْسَنَ الْحَدِيْثِ
اللہ تعالیٰ نے نہایت ہی عمدہ کلام (قرآن) نازل فرمایا ہے۔
كِتٰبًا مُّتَشَابِہًا مَّثَانِيَ۰ۤۖ
ایک ایسی کتاب جس کے تمام اجزا(بہ لحاظ مضمون) ملتے جلتے ہیں
( گو الفاظ بدلے ہوئے ہوتے ہیں مگر بات ایک ہی ہوتی ہے اور جس میں مضامین مختلف مثالیں دے کردہرائے گئے ہیں۔)
تَــقْشَعِرُّ مِنْہُ جُلُوْدُ الَّذِيْنَ يَخْشَوْنَ رَبَّہُمْ۰ۚ
اسے سن کر ان لوگوں کے رونگٹے کھڑے ہوجاتے ہیں، جو اپنے پروردگار سے ڈرتے ہیں۔
ثُمَّ تَلِيْنُ جُلُوْدُہُمْ وَقُلُوْبُہُمْ اِلٰى ذِكْرِ اللہِ۰ۭ
پھر ان کے جسم اور دل نرم گداز ہوکر ذکر الٰہی کی طرف مائل ہوجاتے ہیں۔
ذٰلِكَ ہُدَى اللہِ يَہْدِيْ بِہٖ مَنْ يَّشَاۗءُ۰ۭ
یہ اللہ تعالیٰ کی ہدایت ہے۔ (وہ اس قرآن کے ذریعہ) جسے چاہتے ہیں ہدایت سے سرفراز فرماتے ہیں۔
وَمَنْ يُّضْلِلِ اللہُ فَمَا لَہٗ مِنْ ہَادٍ۲۳
اور جس کسی کواللہ تعالیٰ گمراہی میں پڑا رہنے دیں، پھر اس کو کوئی ہدایت دینے والا نہیں۔
اَفَمَنْ يَّتَّـقِيْ بِوَجْہِہٖ سُوْۗءَ الْعَذَابِ يَوْمَ الْقِيٰمَۃِ۰ۭ
بھلا اس شخص کی بدحالی کا تم کیا اندازہ کرسکتے ہو جو اپنے منہ سے عذاب کوروکتا ہے۔
وَقِيْلَ لِلظّٰلِمِيْنَ ذُوْقُوْا مَا كُنْتُمْ تَكْسِبُوْنَ۲۴
اورظالموں سے کہا جائے گا۔ جو کچھ (بداعمالیاں) تم کرتے رہے تھے اس کے مزے چکھو۔
كَذَّبَ الَّذِيْنَ مِنْ قَبْلِہِمْ فَاَتٰىہُمُ
جو لوگ ان سے پہلے تھے انہوں نے بھی تکذیب کی تھی۔
الْعَذَابُ مِنْ حَيْثُ لَا يَشْعُرُوْنَ۲۵
بالآخر ان پرعذاب ایسی جگہ سے آیا کہ انھیں خبر بھی نہ ہوئی (جس کا وہ تصور بھی نہیں کرسکتے تھے)
فَاَذَاقَہُمُ اللہُ الْخِــزْيَ فِي الْحَيٰوۃِ الدُّنْيَا۰ۚ وَلَعَذَابُ الْاٰخِرَۃِ اَكْبَرُ۰ۘ
پس اللہ تعالیٰ نے انھیں دنیا میں بھی رسوائی کا مزہ چکھایا اورآخرت کا عذاب توبڑا ہی سخت ہے۔
لَوْ كَانُوْا يَعْلَمُوْنَ۲۶
کاش، یہ سمجھتے۔
وَلَــقَدْ ضَرَبْنَا لِلنَّاسِ فِيْ ھٰذَا الْقُرْاٰنِ مِنْ كُلِّ مَثَلٍ لَّعَلَّہُمْ يَتَذَكَّرُوْنَ۲۷ۚ
اور ہم نے لوگوں کوسمجھانے کے لئے اس قرآن میں طرح طرح کی مثالیں بیان کی ہیں تا کہ وہ نصیحتیں حاصل کریں۔
قُرْاٰنًا عَرَبِيًّا غَيْرَ ذِيْ عِوَجٍ
یہ قرآن عربی زبان میں ہے جس میں کوئی ٹیڑھا پن نہیں ہے۔
یعنی اس کے سمجھنے میں کوئی دشواری نہیں ہے اورانداز بیان بھی نہایت صاف ہے۔
لَّعَلَّہُمْ يَتَّـقُوْنَ۲۸
تا کہ لوگ بدعقیدگی کے انجام بد سے بچ سکیں۔
ضَرَبَ اللہُ مَثَلًا رَّجُلًا فِيْہِ شُرَكَاۗءُ مُتَشٰكِسُوْنَ
اللہ تعالیٰ (موحدو مشرک کے بارے میں) ایک مثال بیان فرماتے ہیں۔ ایک شخص تو وہ ہے جو کئی ایک مختلف المزاج اور بدخو لوگوں کا غلام ہے۔
وَرَجُلًا سَلَمًا لِّرَجُلٍ۰ۭ
اور دوسرا شخص وہ ہے جو ایک ہی شخص کا غلام ہے۔
ہَلْ يَسْتَوِيٰنِ مَثَلًا۰ۭ
توکیا ان دونوں کا حال یکساں ہوسکتا ہے؟ (نہیں ہرگز نہیں)
اَلْحَمْدُ لِلہِ۰ۭ
تمام تعریفیں اللہ تعالیٰ ہی کے لئے ہیں۔
بَلْ اَكْثَرُہُمْ لَا يَعْلَمُوْنَ۲۹
لیکن اکثر لوگ اس حقیقت کونہیں جانتے۔
اِنَّكَ مَيِّتٌ وَّاِنَّہُمْ مَّيِّتُوْنَ۳۰ۡ
ائے نبیﷺ آپ کوبھی مرنا ہے اورانھیں بھی مرنا ہے۔
ثُمَّ اِنَّكُمْ يَوْمَ الْقِيٰمَۃِ عِنْدَ رَبِّكُمْ تَخْتَصِمُوْنَ۳۱ۧ
آخر کارقیامت کے روز تم سب اپنے پروردگار کے سامنے اپنا اپنا مقدمہ پیش کروگے(اور جھگڑا فیصل کردیا جائے گا)
فَمَنْ اَظْلَمُ مِمَّنْ كَذَبَ عَلَي اللہِ
پھر اس سے بڑا ظالم کون ہوگا جو اللہ تعالیٰ پرجھوٹی باتیں بنائے ( کہ اللہ تعالیٰ اپنے مقرب بندوں کواپنے اختیارات کا کوئی جز عطا فرما کر انھیں اپنا شریک کاربنایا ہے)
وَكَذَّبَ بِالصِّدْقِ اِذْ جَاۗءَہٗ۰ۭ
اورجب سچی بات (قرآن کے ذریعہ) اس تک پہنچ جائے (کہ اللہ تعالیٰ نے کسی کواپنا شریک نہیں بنایا ہے) تو اس کو جھٹلادے۔
اَلَيْسَ فِيْ جَہَنَّمَ مَثْوًى لِّلْكٰفِرِيْنَ۳۲
کیا جہنم کافروں کا ٹھکانا نہیں ہے۔
وَالَّذِيْ جَاۗءَ بِالصِّدْقِ وَصَدَّقَ بِہٖٓ
اور جو یہ سچی بات لے کرآئے (کہ اللہ تعالیٰ ہی کائنات ارضی وسماوی کے تنہا بلاشرکت غیرے فرماں روا معبود ومستعان ہیں)
اُولٰۗىِٕكَ ہُمُ الْمُتَّـقُوْنَ۳۳
اورجنہوں نے اس بات کومان لیا وہی لوگ متقی ہیں۔ (عذاب الٰہی سے بچنے والے ہیں)
لَہُمْ مَّا يَشَاۗءُوْنَ عِنْدَ رَبِّہِمْ۰ۭ ذٰلِكَ جَزَاۗءُ الْمُحْسِـنِيْنَ۳۴ۚۖ
(اس حقیقت کومان لینے کے بعد) ان کے لئے اپنے رب کے پاس وہ سب کچھ ہے، جو وہ چاہیں گے۔ نیکو کاروں کا یہ صلہ ہے۔
لِيُكَفِّرَ اللہُ عَنْہُمْ اَسْوَاَ الَّذِيْ عَمِلُوْا
اس صلہ میں اللہ تعالیٰ ان سے ان کے برے اعمال مٹادیں گے جن کے وہ مرتکب تھے۔
وَيَجْزِيَہُمْ اَجْرَہُمْ بِاَحْسَنِ الَّذِيْ كَانُوْا يَعْمَلُوْنَ۳۵
اوربہترین جزادیں گے، نیک کاموں کی جو وہ کیا کرتے تھے۔
اَلَيْسَ اللہُ بِكَافٍ عَبْدَہٗ۰ۭ
کیا اللہ تعالیٰ اپنے بندوں کے لئے کافی نہیں ہے؟
وَيُخَوِّفُوْنَكَ بِالَّذِيْنَ مِنْ دُوْنِہٖ۰ۭ
(ائے نبیﷺ) یہ لوگ آپ کو(اپنے معبودان باطل سے) ڈراتے ہیں جنہیں وہ اللہ تعالیٰ کے سوا تجویز کررکھے ہیں۔
وَمَنْ يُّضْلِلِ اللہُ فَمَا لَہٗ مِنْ ہَادٍ۳۶ۚ
اللہ تعالیٰ جسے گمراہی میں پڑا رہنے دیں پھر اسے کوئی ہدایت دینے والا نہیں (جو گمراہی کوپسند کرتا ہے اس کو ہدایت کی توفیق نہیں ہوتی)
وَمَنْ يَّہْدِ اللہُ فَمَا لَہٗ مِنْ مُّضِلٍّ۰ۭ
اورجسے اللہ تعالیٰ ہدایت دیں پھر اسے کوئی گمراہ نہیں کرسکتا۔
اَلَيْسَ اللہُ بِعَزِيْزٍ ذِي انْتِقَامٍ۳۷
کیا اللہ تعالیٰ زبردست انتقام لینے والے نہیں ہیں۔
وَلَىِٕنْ سَاَلْــتَہُمْ مَّنْ خَلَقَ السَّمٰوٰتِ وَالْاَرْضَ
اوراگر آپ ان سے پوچھیں کہ آسمانوں اور زمین کوکس نے پیدا کیا ہے؟
لَيَقُوْلُنَّ اللہُ۰ۭ
(بے ساختہ) کہیں گے اللہ تعالیٰ (ہی نے پیدا کیا ہے)
قُلْ اَفَرَءَيْتُمْ مَّا تَدْعُوْنَ مِنْ دُوْنِ اللہِ اِنْ اَرَادَنِيَ اللہُ بِضُرٍّ ہَلْ ہُنَّ كٰشِفٰتُ ضُرِّہٖٓ
(ائے نبیﷺ) آپ ان سے کہئے۔ کیا تم نے کبھی غور بھی کیا ہے۔ اللہ تعالیٰ کے سوا جن غیراللہ کوتم مدد کے لئے پکارتے ہو۔ اگر اللہ تعالیٰ مجھے کوئی تکلیف پہنچانا چاہیں توکیا یہ غیراللہ اس تکلیف کودور کرسکتے ہیں
اَوْ اَرَادَنِيْ بِرَحْمَۃٍ
یا اللہ تعالیٰ مجھ پر رحم فرمانا چاہیں۔
ہَلْ ہُنَّ مُمْسِكٰتُ رَحْمَتِہٖ۰ۭ
توکیا یہ اللہ تعالیٰ کی رحمت کو روک سکتے ہیں۔
قُلْ حَسْبِيَ اللہُ۰ۭ
کہئے میرے لئے اللہ تعالیٰ کافی ہیں۔
عَلَيْہِ يَتَوَكَّلُ الْمُتَوَكِّلُوْنَ۳۸
اہل توکل کواللہ ہی پر بھروسہ رکھنا چاہئے۔
قُلْ يٰقَوْمِ اعْمَلُوْا عَلٰي مَكَانَتِكُمْ
کہئے ائے میری قوم کے لوگو! تم اپنی جگہ اپنا کام کئے جاؤ۔
یعنی میرے خلاف جس قدر تدبیریں کرسکتے ہو کئے جاؤ۔ کوئی کسر اٹھا نہ رکھو۔
اِنِّىْ عَامِلٌ۰ۚ
میں بھی اپنا کام کئے جاؤں گا۔
فَسَوْفَ تَعْلَمُوْنَ۳۹ۙ
عنقریب تم جان لوگے ۔
مَنْ يَّاْتِيْہِ عَذَابٌ يُّخْزِيْہِ
کہ کس پررسوا کن عذاب آتا ہے۔
وَيَحِلُّ عَلَيْہِ عَذَابٌ مُّقِيْمٌ۴۰
اور دائمی عذاب کا کون مستحق بنتا ہے۔
اِنَّآ اَنْزَلْنَا عَلَيْكَ الْكِتٰبَ لِلنَّاسِ بِالْحَـقِّ۰ۚ
ائے نبیﷺ ہم نے تمام انسانوں کی ہدایت کے لئے یہ کتاب برحق آپ پر نازل کی ہے۔(جس کی تعلیم سے انسانی زندگی سنورجاتی ہے)
فَمَنِ اہْتَدٰى فَلِنَفْسِہٖ۰ۚ
لہٰذا جس نے راہ ہدایت اختیار کی اس کا فائدہ اسی کوپہنچے گا۔
وَمَنْ ضَلَّ فَاِنَّمَا يَضِلُّ عَلَيْہَا۰ۚ
اورجوگمراہی اختیار کرے گا اس کا وبال اسی پر پڑے گا
وَمَآ اَنْتَ عَلَيْہِمْ بِوَكِيْلٍ۴۱ۧ
اورآپ ان کے اعمال کے ذمہ دار نہیں ہیں۔
اَللہُ يَتَوَفَّى الْاَنْفُسَ حِيْنَ مَوْتِہَا
وہ اللہ ہی ہے جو موت کے وقت روحیں قبض کرتا ہے
وَالَّتِيْ لَمْ تَمُتْ فِيْ مَنَامِہَا۰ۚ
اور جو ابھی نہیں مرا ہے اس کی روح نیند میں قبض کرلیتا ہے۔
فَيُمْسِكُ الَّتِيْ قَضٰى عَلَيْہَا الْمَوْتَ وَيُرْسِلُ الْاُخْرٰٓى اِلٰٓى اَجَلٍ مُّسَمًّى۰ۭ
پھر جس پر وہ موت کا فیصلہ نافذ کرتا ہے اسے روک لیتا ہے۔ اور دوسروں کی روحیں ایک وقت مقررہ کے لئے واپس بھیج دیتا ہے۔
اِنَّ فِيْ ذٰلِكَ لَاٰيٰتٍ لِّــقَوْمٍ يَّتَفَكَّرُوْنَ۴۲
اس میں غور وفکر کرنے والوں کے لئے(قدرت کی) نشانیاں ہیں۔
اَمِ اتَّخَذُوْا مِنْ دُوْنِ اللہِ شُفَعَاۗءَ۰ۭ
کیا انہوں نے اللہ تعالیٰ کے سوا اوروں کواپنا سفارشی بنا رکھا ہے؟
قُلْ اَوَلَوْ كَانُوْا لَا يَمْلِكُوْنَ شَـيْـــــًٔا
کہئے۔ اگرچہ کہ وہ کسی چیز کا اختیار نہ رکھتے ہوں۔
وَّلَا يَعْقِلُوْنَ۴۳
اور نہ ہی کچھ سمجھتے ہوں۔
قُلْ لِّلہِ الشَّفَاعَۃُ جَمِيْعًا۰ۭ
کہئے نظام شفاعت بالکلیہ اللہ تعالیٰ ہی کے اختیار میں ہے۔
لَہٗ مُلْكُ السَّمٰوٰتِ وَالْاَرْضِ۰ۭ
کائنات ارضی وسماوی کی فرماں روائی(بلاشرکت غیرے) اسی کیلئے ہے۔
ثُمَّ اِلَيْہِ تُرْجَعُوْنَ۴۴
پھر تم سب (محاسبۂ اعمال کے لئے) اسی کی طرف لوٹادئے جاؤگے۔
وَاِذَا ذُكِرَ اللہُ وَحْدَہُ اشْمَاَزَّتْ قُلُوْبُ الَّذِيْنَ لَا يُؤْمِنُوْنَ بِالْاٰخِرَۃِ۰ۚ
اور جب اکیلے اللہ کا ذکر کیا جاتا ہے توآخرت پرایمان نہ رکھنے والوں کے دل کڑھنے لگتے ہیں۔
وَاِذَا ذُكِرَ الَّذِيْنَ مِنْ دُوْنِہٖٓ اِذَا ہُمْ يَسْتَبْشِرُوْنَ۴۵
اورجب اس کے سوا دوسروں کا ذکر کیا جاتا ہے توخوشی سے کھل اٹھتے ہیں۔
قُلِ اللّٰہُمَّ فَاطِرَ السَّمٰوٰتِ وَالْاَرْضِ
(ائے نبیﷺ اس طرح دعا کیجئے) ائے اللہ آسمانوں اورزمین کے پیدا کرنے والے
عٰلِمَ الْغَيْبِ وَالشَّہَادَۃِ
حاضر وغائب(ہرکھلی وچھپی چیز) کے جاننے والے
اَنْتَ تَحْكُمُ بَيْنَ عِبَادِكَ فِيْ مَا كَانُوْا فِيْہِ يَخْتَلِفُوْنَ۴۶
جن حقائق میں لوگ اختلاف کرتے ہیں حق تعالیٰ آپ ہی ان کے درمیان فیصلہ کرنے والے ہیں۔
وَلَوْ اَنَّ لِلَّذِيْنَ ظَلَمُوْا مَا فِي الْاَرْضِ جَمِيْعًا
اور اگر ان ظالموں کے پاس زمین کی ساری دولت ہوتی۔
وَّمِثْلَہٗ مَعَہٗ لَافْتَدَوْا بِہٖ مِنْ سُوْۗءِ الْعَذَابِ يَوْمَ الْقِيٰمَۃِ۰ۭ
اور اس کے ساتھ اسی قدر اوربھی ہوتی توقیامت کے روز سخت ترین عذاب سے بچنے کے لئےبلا تامل سب کچھ دینے کیلئے تیار ہوجاتے۔
وَبَدَا لَہُمْ مِّنَ اللہِ مَالَمْ يَكُوْنُوْا يَحْتَسِبُوْنَ۴۷
جن اعمال کو(وہ نجات اخروی کا ذریعہ سمجھ کر) کیا کرتے تھے (ان کی برائی) ان پر ظاہر ہوجائے گی۔
یعنی ان کے مشرکانہ اعمال ان کو جہنم میں پہنچانے کا ذریعہ بنیں گے جس کا وہ تصور بھی نہیں کرتے تھے۔ بزرگوں، بتوں، دیوتاؤں کے تعلق سے جن غلط عقائد میں مبتلا تھے کہ ان کی سفارش سے نجات ہوجائے گی۔ ان کا بے حقیقت ہونا ان پر عیاں ہوجائے گا۔
وَبَدَا لَہُمْ سَيِّاٰتُ مَا كَسَبُوْا
اوران کے اعمال کی برائیاں ان پرظاہر ہوجائیں گی۔
وَحَاقَ بِہِمْ مَّا كَانُوْا بِہٖ يَسْتَہْزِءُوْنَ۴۸
اور جس عذاب کی وہ ہنسی اڑارہے تھے وہ ان پر واقع ہوکر رہے گا۔
فَاِذَا مَسَّ الْاِنْسَانَ ضُرٌّ دَعَانَا۰ۡ
جب انسان کوتکلیف پہنچتی ہے توہمیں پکارنے لگتا ہے۔
ثُمَّ اِذَا خَوَّلْنٰہُ نِعْمَۃً مِّنَّا۰ۙ
پھر جب ہم اس کواپنی طرف سے نعمتیں بخشتے ہیں
قَالَ اِنَّمَآ اُوْتِيْتُہٗ عَلٰي عِلْمٍ۰ۭ
توکہتا ہے یہ تومجھے میرے علم ودانش کے سبب ملا ہے۔
بَلْ ہِىَ فِتْنَۃٌ وَّلٰكِنَّ اَكْثَرَہُمْ لَا يَعْلَمُوْنَ۴۹
بلکہ(دولت کا دیا جانا) ایک امتحان ہے لیکن اکثر لوگ اس حقیقت کونہیں جانتے۔
قَدْ قَالَہَا الَّذِيْنَ مِنْ قَبْلِہِمْ
جو لوگ ان سے پہلے تھے وہ بھی یہی کہا کرتے تھے۔
فَمَآ اَغْنٰى عَنْہُمْ مَّا كَانُوْا يَكْسِبُوْنَ۵۰
جو کچھ انہوں نے کمایا ان کے کسی کام نہ آیا۔
فَاَصَابَہُمْ سَـيِّاٰتُ مَا كَسَبُوْا۰ۭ
پھر ان کی بداعمالیوں کا وبال انھیں پر پڑا
وَالَّذِيْنَ ظَلَمُوْا مِنْ ہٰٓؤُلَاۗءِ سَيُصِيْبُہُمْ سَـيِّاٰتُ مَا كَسَبُوْا۰ۙ
اور ان میں سے جوظالم ہیں انھیں بھی ان کی بداعمالیوں کا بدلہ ملنے والا ہے۔
وَمَا ہُمْ بِمُعْجِزِيْنَ۵۱
اور وہ (اللہ تعالیٰ کے عذاب سے بچنے کیلئے بھاگ کراللہ تعالیٰ کو) عاجز نہیں کرسکتے۔
اَوَلَمْ يَعْلَمُوْٓا اَنَّ اللہَ يَبْسُطُ الرِّزْقَ لِمَنْ يَّشَاۗءُ وَيَقْدِرُ۰ۭ
کیا وہ نہیں جانتے کہ اللہ تعالیٰ جس کے لئے چاہتے ہیں رزق میں کشادگی فرماتے ہیں اور جس کیلئے چاہتے ہیںتنگی بھی کرتے ہیں (یہ سب مبنی برحکمت ہے)
اِنَّ فِيْ ذٰلِكَ لَاٰيٰتٍ لِّقَوْمٍ يُّؤْمِنُوْنَ۵۲ۧ
اس میں ان لوگوں کیلئے(اللہ کی قدرت کی) نشانیاں ہیں جوایمان لاتے ہیں
قُلْ يٰعِبَادِيَ الَّذِيْنَ اَسْرَفُوْا عَلٰٓي اَنْفُسِہِمْ
(ائے نبیﷺ میری طرف سے) کہئے، ائے میرے بندو، جنہوں نے اپنی جانوں پرزیادتی کی ہے۔
لَا تَقْنَطُوْا مِنْ رَّحْمَۃِ اللہِ۰ۭ
اللہ تعالیٰ کی رحمت سے نا امید نہ ہوں۔
اِنَّ اللہَ يَغْفِرُ الذُّنُوْبَ جَمِيْعًا۰ۭ
بے شک اللہ تعالیٰ(توبہ کے بعد) تمام گناہ معاف فرما دیتے ہیں (حدیث میں آتا ہے، اگر چہ کہ تمہارے گناہ سمندر کے جھاگ کے برابر کیوں نہ ہوں)
اِنَّہٗ ہُوَالْغَفُوْرُ الرَّحِيْمُ۵۳
بے شک وہ بڑے ہی بخشنے والے (بندۂ مومن پر) بڑی ہی رحمت فرمانے والے ہیں۔
وَاَنِيْبُوْٓا اِلٰى رَبِّكُمْ وَاَسْلِمُوْا لَہٗ
اوراپنے پروردگار کی طرف(توبہ واستغفار، طاعت وایمان اعمال صالحہ کے ساتھ) رجوع ہوجاؤ۔
مِنْ قَبْلِ اَنْ يَّاْتِيَكُمُ الْعَذَابُ
قبل اس کے کہ تم پراچانک عذاب آجائے۔
ثُمَّ لَا تُنْصَرُوْنَ۵۴
پھر تمہیں کہیں سے مددنہ مل سکے گی(اورنہ اس وقت توبہ قبول ہوگی)
وَاتَّبِعُوْٓا اَحْسَنَ مَآ اُنْزِلَ اِلَيْكُمْ مِّنْ رَّبِّكُمْ
اوراللہ تعالیٰ کی بہترین نصیحتوں پرعمل کرو جو تمہاری طرف بھیجی گئی ہیں۔
مِّنْ قَبْلِ اَنْ يَّاْتِيَكُمُ الْعَذَابُ بَغْتَۃً وَّاَنْتُمْ لَا تَشْعُرُوْنَ۵۵ۙ
قبل اس کے کہ تم پراچانک عذاب آجائے اور تم کوخبر بھی نہ ہو۔
اَنْ تَـقُوْلَ نَفْسٌ يّٰحَسْرَتٰى عَلٰي مَا فَرَّطْتُّ فِيْ جَنْۢبِ اللہِ
ایسا نہ ہوکہ کوئی شخص حسرت سے کہنے لگے کہ ہائے افسوس ! اس قصور وکوتاہی پر جو میں نے اللہ تعالیٰ کے بارے میں کی ہے (اللہ تعالیٰ کا حق ادا نہ کیا)
وَاِنْ كُنْتُ لَمِنَ السّٰخِرِيْنَ۵۶ۙ
اور میں تو(اللہ رسول کی باتوں کا) مذاق اڑانے والوں میں تھا۔
اَوْ تَقُوْلَ لَوْ اَنَّ اللہَ ہَدٰىنِيْ لَكُنْتُ مِنَ الْمُتَّقِيْنَ۵۷ۙ
یا یہ کہنے لگے اگر اللہ تعالیٰ مجھے ہدایت دیتے تومیں بھی متقین میں سے ہوجاتا۔
اَوْ تَـقُوْلَ حِيْنَ تَرَى الْعَذَابَ
یا جب عذاب دیکھے توکہنے لگے۔
لَوْ اَنَّ لِيْ كَرَّۃً فَاَكُوْنَ مِنَ الْمُحْسِـنِيْنَ۵۸
اگر مجھے پھر ایک بار دنیا میں جانا نصیب ہو تو میں نیکو کاروں میں سے ہوجاؤں۔
بَلٰى قَدْ جَاۗءَتْكَ اٰيٰتِيْ فَكَذَّبْتَ بِہَا
(اس وقت اللہ تعالیٰ کی طرف سے جواب ملے گا) ہاں ہاں یقینا ًمیری آیتیں (میرے احکام) تجھ تک پہنچ چکے، پس تونے انھیں جھٹلایا۔
وَاسْتَكْبَرْتَ وَكُنْتَ مِنَ الْكٰفِرِيْنَ۵۹
اور شیخی میں آگیا (اپنے کواس سے بے نیاز بالاوبرتر جانا) اور تو تھا ہی کافروں میں سے۔
وَيَوْمَ الْقِيٰمَۃِ تَرَى الَّذِيْنَ كَذَبُوْا عَلَي اللہِ وُجُوْہُہُمْ مُّسْوَدَّۃٌ۰ۭ
اورآپ قیامت کے دن ان لوگوں کودیکھیں گے جنہوں نے اللہ تعالیٰ پر جھوٹی باتیں بنائیں۔ ان کے چہرے سیاہ ہوں گے۔(جو ان کے جہنمی ہونے کی علامت ہوگی)
اَلَيْسَ فِيْ جَہَنَّمَ مَثْوًى لِّلْمُتَكَبِّرِيْنَ۶۰
(انھیں کہا جائے گا) کیا غرور کرنے والوں کاٹھکانہ دوزخ نہیں ہے؟
وَيُنَجِّي اللہُ الَّذِيْنَ اتَّــقَوْا بِمَفَازَتِہِمْ۰ۡ
اور جن لوگوں نے دنیا میں متقیانہ زندگی بسر کی، ان کی کامیاب مساعی کے سلسلہ میں اللہ تعالیٰ انھیں (جہنم سے) نجات دیں گے۔
لَايَمَسُّہُمُ السُّوْۗءُ وَلَا ہُمْ يَحْزَنُوْنَ۶۱
نہ انھیں کوئی تکلیف پہنچے گی اور نہ وہ غم زدہ ہوں گے۔
اَللہُ خَالِقُ كُلِّ شَيْءٍ۰ۡ
اللہ تعالیٰ ہی ہرچیز کے خالق ہیں۔
وَّہُوَعَلٰي كُلِّ شَيْءٍ وَّكِيْلٌ۶۲
اوروہی ہرچیز پرنگہبان ہیں۔
لَہٗ مَقَالِيْدُ السَّمٰوٰتِ وَالْاَرْضِ۰ۭ
زمین وآسمان کے خزانوں کی کنجیاں اسی اللہ کے پاس ہیں (یعنی وہی مالک ہے)
وَالَّذِيْنَ كَفَرُوْا بِاٰيٰتِ اللہِ اُولٰۗىِٕكَ ہُمُ الْخٰسِرُوْنَ۶۳ۧ
جو لوگ اللہ تعالیٰ کے احکام کا انکار کرتے ہیں وہی نقصان اٹھانے والے ہیں۔
قُلْ اَفَغَيْرَ اللہِ تَاْمُرُوْۗنِّىْٓ اَعْبُدُ اَيُّہَا الْجٰہِلُوْنَ۶۴
(ائے نبیﷺ) ان سے کہئے، ائے نادانوں کیا پھر بھی تم مجھے اللہ کے سوا غیر اللہ کی پرستش کرنے کوکہتے ہو۔
وَلَقَدْ اُوْحِيَ اِلَيْكَ وَاِلَى الَّذِيْنَ مِنْ قَبْلِكَ۰ۚ
یقیناً ہم نے آپ کی طرف اورآپ سے پہلے گزرے ہوئے پیغمبروں کی طرف وحی بھیجی۔
لَىِٕنْ اَشْرَكْتَ لَيَحْبَطَنَّ عَمَلُكَ وَلَتَكُوْنَنَّ مِنَ الْخٰسِرِيْنَ۶۵
(مفروضہ کے طور پر ارشاد ہے بفرض محال) اگرآپ بھی شرک کئے ہوتے توآپ کے سارے اعمال ضائع ہوجاتے اورآپ نقصان اٹھانے والوں میں سے ہوجاتے( شرک کے بعد کوئی عمل صالح قرار نہیں پاتا)
بَلِ اللہَ فَاعْبُدْ وَكُنْ مِّنَ الشّٰكِرِيْنَ۶۶
لہٰذا آپ اللہ ہی کی عبادت کیجئے اوراللہ تعالیٰ کے شکر گزار بندوں میں سے ہوجائیے۔
وَمَا قَدَرُوا اللہَ حَقَّ قَدْرِہٖ۰ۤۖ
اورانہوں نے اللہ تعالیٰ کی قدرشناسی جیسی کرنی چاہئے تھی نہ کی۔
وَالْاَرْضُ جَمِيْعًا قَبْضَتُہٗ يَوْمَ الْقِيٰمَۃِ
(اللہ تعالیٰ کی قدرت کا تویہ حال ہے) قیامت کے دن روئے زمین اللہ کی مٹھی میں ہوگی۔
وَالسَّمٰوٰتُ مَطْوِيّٰتٌۢ بِيَمِيْنِہٖ۰ۭ
اورتمام آسمان اللہ تعالیٰ کے دست قدرت میں لپیٹے ہوئے ہوں گے۔
(جیسے کوئی ہاتھ میں کاغذ لپیٹ لیتا ہے۔ كَطَيِّ السِّجِلِّ لِلْكُتُبِ (انبیاء آیت ۱۰۴)
سُبْحٰنَہٗ وَتَعٰلٰى عَمَّا يُشْرِكُوْنَ۶۷
وہ پاک اوربالا وبرترہے اس شرک سے جووہ کرتے ہیں۔
خالق اورمخلوق میں رتی برابر بھی شرک کا تصور نہیں کیا جاسکتا۔ کہاں خالق کل اورکہاں ذرۂ خاک۔
وَنُفِخَ فِي الصُّوْرِ فَصَعِقَ مَنْ فِي السَّمٰوٰتِ وَمَنْ فِي الْاَرْضِ
اور جب صور پھونکا جائے گا توآسمانوں اورزمین میں جومخلوق ہے۔ بے ہوش ہوجائے گی۔
اِلَّا مَنْ شَاۗءَ اللہُ۰ۭ
سوائے اس کے کہ جس کواللہ تعالیٰ بچانا چاہیں۔(عرش کے اٹھانے والے فرشتے، جنت ودوزخ کے دربان)
ثُمَّ نُفِخَ فِيْہِ اُخْرٰى
پھر دوسری دفعہ صور پھونکا جائے گا۔
فَاِذَا ہُمْ قِيَامٌ يَّنْظُرُوْنَ۶۸
تو وہ اس وقت سب کھڑے ہوکرچاروں طرف دیکھنے لگیں گے۔
وَاَشْرَقَتِ الْاَرْضُ بِنُوْرِ رَبِّہَا
اور زمین اپنے رب کے نور سے جگمگا اٹھے گی۔
وَوُضِعَ الْكِتٰبُ
اور (ہر ایک کے) اعمال کی کتاب کھول کر رکھ دی جائے گی۔
وَجِايْۗءَ بِالنَّـبِيّٖنَ وَالشُّہَدَاۗءِ
اور انبیاء علیہم السلام اورتمام گواہ حاضر کئے جائیں گے۔
وَقُضِيَ بَيْنَہُمْ بِالْحَــقِّ وَہُمْ لَا يُظْلَمُوْنَ۶۹
اور ان لوگوں کے درمیان ٹھیک ٹھیک فیصلہ کیا جائے گا اوران کے ساتھ بے انصافی نہیں کی جائے گی۔
وَوُفِّيَتْ كُلُّ نَفْسٍ مَّا عَمِلَتْ
اور ہرمتنفس کو جو بھی وہ عمل کرتا رہا تھا اس کا پورا پورا بدل دیا جائے گا۔
وَہُوَاَعْلَمُ بِمَا يَفْعَلُوْنَ۷۰ۧ
اور جو کچھ وہ کرتے ہیں اللہ تعالیٰ جانتے ہیں۔
وَسِيْقَ الَّذِيْنَ كَفَرُوْٓا اِلٰى جَہَنَّمَ زُمَرًا۰ۭ
اور (فیصلہ الٰہی کے بعد) کافر گروہ درگروہ جہنم کی طرف ہانکے جائیں گے۔
حَتّٰٓي اِذَا جَاۗءُوْہَا فُتِحَتْ اَبْوَابُہَا
یہاں تک کہ جب وہ اس کے پاس پہنچ جائیں گے تودوزخ کے دروازے کھول دیئے جائیں گے۔
وَقَالَ لَہُمْ خَزَنَــتُہَآ
اور اس کے نگران کار فرشتے ان سے پوچھیں گے۔
اَلَمْ يَاْتِكُمْ رُسُلٌ مِّنْكُمْ
کیا تمہارے پاس تمہاری قوم میں سے پیغمبر آئے نہ تھے
يَتْلُوْنَ عَلَيْكُمْ اٰيٰتِ رَبِّكُمْ
جو تم کو تمہارے رب کی آیتیں پڑھ پڑھ کرسناتے
وَيُنْذِرُوْنَكُمْ لِقَاۗءَ يَوْمِكُمْ ھٰذَا۰ۭ
اور اس دن کے پیش آنے سے تمہیں ڈراتے۔
قَالُوْا بَلٰى وَلٰكِنْ حَقَّتْ كَلِمَۃُ
وہ جواب میں کہیں گے ہاں پیغمبر آئے تھے
الْعَذَابِ عَلَي الْكٰفِرِيْنَ۷۱
لیکن کافروں کے حق میں عذاب کا فیصلہ طے شدہ تھا۔
قِيْلَ ادْخُلُوْٓا اَبْوَابَ جَہَنَّمَ خٰلِدِيْنَ فِيْہَا۰ۚ
کہا جائے گا جہنم کے دروازوں میں داخل ہوجاؤ۔ (تم کو) ہمیشہ ہمیشہ اسی میں رہنا ہے۔
فَبِئْسَ مَثْوَى الْمُتَكَبِّرِيْنَ۷۲
تکبر کرنے والوں کا کیا ہی برا ٹھکانہ ہے۔
وَسِيْقَ الَّذِيْنَ اتَّقَوْا رَبَّہُمْ اِلَى الْجَنَّۃِ زُمَرًا۰ۭ
اور جو لوگ اپنے پروردگار (کی نافرمانی کے انجام) سے ڈرتے رہے (یعنی الٰہی تعلیم کے مطابق مرضیات الٰہی پر عمل پیرا رہے) انھیں جماعت درجماعت جنت کی طرف لے جایا جائے گا
حَتّٰٓي اِذَا جَاۗءُوْہَا وَفُتِحَتْ اَبْوَابُہَا
یہاں تک کہ جب وہ اس کے پاس پہنچ جائیں گے، جنت کے دروازے کھول دیئے جائیں گے۔
وَقَالَ لَہُمْ خَزَنَـــتُہَا سَلٰمٌ عَلَيْكُمْ
اور اس (جنت) کے متظمین ان سے کہیں گے تم پر سلام۔
طِبْتُمْ فَادْخُلُوْہَا خٰلِدِيْنَ۷۳
تمہارا انجام خوب رہا۔ پس ہمیشہ ہمیشہ کے لئے جنت میں داخل ہوجاؤ۔
وَقَالُوا الْحَمْدُ لِلہِ الَّذِيْ صَدَقَنَا وَعْدَہٗ
اور وہ کہیں گے شکر ہے اللہ تعالیٰ کا جس نے ہمارے لئے اپنا وعدہ سچ کردکھایا۔
وَاَوْرَثَنَا الْاَرْضَ نَـتَبَوَّاُ مِنَ الْجَــنَّۃِ
اور ہم کوارض جنت کا وارث بنایا۔
حَيْثُ نَشَاۗءُ۰ۚ
ہم جنت میں جہاں چاہیں رہ سکتے ہیں۔
فَنِعْمَ اَجْرُ الْعٰمِلِيْنَ۷۴
پس نیک عمل کرنے والوں کا کیا ہی اچھا صلہ ہے۔
وَتَرَى الْمَلٰۗىِٕكَۃَ حَاۗفِّيْنَ مِنْ حَوْلِ الْعَرْشِ يُسَبِّحُوْنَ بِحَمْدِ رَبِّہِمْ۰ۚ
ائے نبیﷺ اس وقت آپ فرشتوں کودیکھیں گے کہ وہ سب حلقہ بنا کر عرش الٰہی کوگھیرے ہوئے اپنے رب کی حمدو ثنا کرتے ہوں گے۔
وَقُضِيَ بَيْنَہُمْ بِالْحَقِّ
اوران میں انصاف کے ساتھ فیصلہ کردیا جائے گا۔
وَقِيْلَ الْحَـمْدُ لِلہِ رَبِّ الْعٰلَمِيْنَ۷۵ۧ
اور(ہر طرف سے) کہا جائے گا کہ ہر طرح کی تعریف اللہ تعالیٰ ہی کے لئے سزاوار ہے جو سارے جہانوں کا پروردگار ہے۔