سورة الحديد

آسمانوں اور زمین میں ہر چیز اللہ تعالیٰ کی تسبیح کرتی ہے۔

وہ بڑا ہی زبر دست حکمت والا ہے۔

آسمانوں اور زمین کی فرمانروائی اسی کے لئے ہے

وہی زندگی بخشتا ہے۔( موت اور حیات اسی کے اختیار میںہے۔)
اور وہ ہر چیز پر قادر ہے ۔
وہی ہر شئے کے اول اور انجام کو جانتا ہے
اور اس کے ظاہر وباطن کوبھی

اور وہ ہر شئے کو بخوبی جانتا ہے۔
وہی توہے جس نے آسمانوں اور زمین کو چھ دن میں پیدا کیا

پھر عرش پر متمکن ہوا
وہ جانتا ہے جو کچھ زمین کے اندر داخل ہوتا ہے اور جو کچھ اس سے نکلتا ہے
اور جو آسمان سے اتر تا ہے
اور جو کچھ اس میں چڑھتا ہے
وہ تمہارے ساتھ ہے جہاں کہیں تم ہو

اور جو کچھ تم کرہے ہو اللہ تعالیٰ اسے دیکھ رہے ہیں۔
آسمانوں اور زمین کی فرماں روائی اسی کے لئے ہے اور تمام امور فیصلے کے لئے اسی کے پاس لوٹائے جاتے ہیں۔

وہی رات کو دن میں داخل کرتاہے
اور دن کو رات میں داخل کرتا ہے
اور وہ دلوں کے رازوں سے تک واقف ہے ۔

پس اللہ پر ایمان لاؤ اور اس کے رسول ؐ پر بھی
اور اس مال میں سے (راہ حق میں دین کی بقاء واشاعت میں)خرچ کیا کرو۔ جس مال کا تمہارے مورث کے بعد اللہ تعالیٰ نے تمہیں مالک بنایا
لہٰذا جو لوگ تم میں سے اللہ تعالیٰ پر ایمان لاتے ہیں(اور راہ حق میں) مال خرچ کرتے ہیں ان کے لئے بڑا اجر ہے ۔

اور (اہل کتاب) تم کو کیا ہو گیا کہ تم اللہ تعالیٰ پر ایمان نہیں لاتے جب کہ رسول ﷺ تم کو تمہارے اپنے رب پر ایمان لانے کی دعوت دیتے ہیں
اور خود اللہ تعالیٰ نے تم سے اپنے آخری رسول ؐ پر ایمان لے آنے کا وعدہ لے رکھا ہےاگر تم(اللہ کی اس یاددہانی کا) یقین کرنے والوں میں سے ہو ۔

وہی تو ہے جس نے اپنے بندہ (محمد ﷺ) پر اپنی واضح تعلیم نازل کی

تاکہ تم کوکفر و جہل کی تاریکیوں سے نکال کر علم کی روشنی میں لے آئے

اور بے شک اللہ تعالیٰ تم پر بڑے ہی شفیق اور بڑے ہی مہر بان ہیں۔

اورتمہیں کیا ہو گیا کہ تم اللہ کی راہ میں اپنا مال خرچ نہیں کرتے؟
آسمانوں اور زمین کی ملکیت اللہ تعالیٰ ہی کے لئے ہے ۔

تم میں سے جس نے فتح مکہ سے قبل اپنا مال اللہ تعالیٰ کی راہ میں خرچ کیا اور (اہل باطل سے) جدال وقتال کرتا رہا

وہ لوگ درجہ میں ان لو گوں سے بڑھے ہوئے ہیں
جنھوں نے فتح مکّہ کے بعد خرچ کیا اور کفّار سے جہاد و قتال کیا
تاہم دونوں کے لئے اللہ تعالیٰ نے اچھا وعدہ کر رکھا ہے
اور جو کچھ تم کرتے ہو اللہ تعالیٰ ان سے باخبر ہیں (کہ تم میں سے کسی نے کس موقع پر جان ومال کی قربانی دی)

(تو وہ ان سے کہا جائے گا) آج تمہارے لئے خوش خبری ہے ایسے باغوں کی، جن کے نیچے نہریں بہتی ہوں گی اور جن میں تم ہمیشہ ہمیشہ رہو گے
اور یہی بڑی کا میابی ہے ۔
اس دن منافق مرد اور منافق عورتیں اہل ایمان سے کہیں گے

(ذرا) ہمارا بھی انتظار کیجئے تاکہ ہم بھی تمہارے نور سے فائدہ حاصل کر سکیں
(مگر) انھیں جواب دیا جائے گا، پیچھے ہٹ جاؤ اور اپنا نور کہیں تلاش کرو

پھر ان کے درمیان ایک دیوار کھڑی کردی جائے گی، جس میں ایک دروازہ ہوگا
جس کے اندرونی حصہ میں رحمت الٰہی ہوگی
اور اس کے بیرونی حصہ میں عذاب ہوگا۔

(اس عذاب کو دیکھ کر منافق) اہل ایمان سے کہیں گے، کیا ہم دنیا میں تمہارے ساتھ نہ تھے؟
اہل ایمان کہیں گے ہاں تم ہمارے ساتھ تو تھے لیکن تم نے اپنے آپ کو فتنے میں ڈالا
اور موقع پرستی کی اور(دینِ الٰہی کے بارے میں) شک وشبہ میں پڑے رہے
اور تمہاری بے جا تمنّا ؤں(غلط آرزوؤں) نے تمہیں دھو کہ میں ڈال رکھا

تا آں کہ اللہ تعالیٰ کا فیصلہ آگیا اور آخروقت تک اس دھو کہ باز (شیطان) نے تم کو دھو کہ میں رکھا۔
آج تم سے کوئی فد یہ قبول نہیں کیا جائے گا اور نہ ان لو گوں سے جنھوں نے کفر کیا۔
تمہارا ٹھکا نہ دوزخ ہے
وہی تمہارے لائق ہے اور وہ بہت بری جگہ ہے ۔

(احوالِ قیامت کو سن لینے کے بعد بھی )کیا اہل ایمان کے لئے ابھی وقت نہیں آیاکہ ان کے دل ذکر الٰہی سے نرم اور رقیق ہو جائیں
اور جو کچھ حقائق(قرآن کے ذریعہ) بیان کئے گئے ہیں اس سے ان کے دل نرم و گداز ہو جائیں

اور وہ ان لو گوں کی طرح نہ ہو جائیں جنھیں پہلے کتاب دی گئی تھی(لیکن انھوں نے اس کی تلاوت کی اور نہ اس کے سمجھنے کی کوشش کی)
(اسی حالت میں) ایک زمانہ دراز گزر گیا
تو ان کے دل سخت ہو گئے (قبولیت حق کی صلاحیت باقی نہ رہی) اور ان میں سے اکثر فاسق ہی رہے ۔

یہ بات جان لو کہ اللہ تعالیٰ ہی زمین کو اس کے مردہ(یعنی خشک اور نا قابل نمو ہونے کے بعد زندہ کرتے ہیں یعنی زمین پر مینہ برسا کر اسے نباتات اگانے کے قابل بنادیتے ہیں)
یقیناً ہم نے اپنی نشانیاں کھول کر تم سے بیان کردی ہیں تاکہ تم عقل سے کام لو۔

بے شک خیر خیرات کرنے والے مرد اور خیر خیرات کرنے والی عورتیں
خلوص و خوش دلی کے ساتھ اللہ تعالیٰ کو قرض دے رہے ہیں
یعنی جہاد وقتال میں اپنا مال خرچ کرتے ہیں

ان کا وہ انفاق(اللہ کی راہ میں خرچ کرنا) ان کے لئے کئی گنا بڑھا کر دیا جائے گا

اور ان کے لئے بہترین اجر ہے ۔
اور جو لوگ اللہ تعالیٰ پر اور اس کے رسولوں پر ایمان رکھتے ہیں، ایسے ہی لوگ اپنے رب کے پاس صدیق و شہید ہیں
ان کے لئے ان کے اعمال کا خصوصی اجر ہے اور (پل صراط پر)ان کے

ایمان کی خصوصی روشنی
اور جن لو گوں نے کفر کیا اور ہما ری آیتوں کو جھٹلا یا وہ دوزخی ہیں

اور مال واولاد میں ایک دوسرے سے بڑھ جانے کی کوشش میں لگے رہنا ہے
اس کی مثال بارش کی سی ہے کہ (اس سے کھیتی اگتی اور خوب بہار پر آتی ہے تو ) کسانوں کو بھلی لگتی ہے
پھر ائے دیکھنے والے تو اس کو دیکھتا ہے کہ پک کر زرد پڑجا تی ہے
پھر وہ خس و خاشک کی طرح ہو جاتی ہے

اور آخرت میںکافروں کے لئے شدید ترین عذاب ہے اور (اہل ایمان کے لئے) اللہ تعالیٰ کی طرف سے بخشش و رضا مندی ہے۔

اور دنیا کی زندگی زیب و زینت عیش و عشرت ایک دھو کہ کے سوا کچھ نہیں

اپنے پر ور دگار کی بخشش و مغفرت حاصل کرنے کے لئے ایک دوسرے سے آگے بڑھنے کی کوشش کرو
اور اس جنت کی طرف (سبقت کرو)جس کی وسعت آسمان وزمین جیسی ہے

جو ان لو گوں کے لئے تیار کی گئی ہے جو اللہ اور اس کے رسولوں پر ایمان لاتے ہیں
یہ اللہ تعالیٰ کا فضل عظیم ہے جس کو چاہتے ہیں عطا کرتے ہیں۔

اور اللہ تعالیٰ بڑے فضل والے ہیں۔
کوئی مصیبت ایسی نہیں ہے جو زمین (ملک ) پر یا تمہاری
جانوں پر آتی ہو
مگر قبل اس کے کہ ہم اس کو پیدا کریں کتاب لوح محفوظ میں لکھی ہو تی ہیں

ایسا کرنا اللہ تعالیٰ کے لئے بہت آسان ہے۔
(یہ سب کچھ اس لئے ہے) تاکہ(دنیاکی) کوئی چیز تمہارے ہاتھ سے نکل جائے تو اس کارنج نہ کرو(کہ اس کا ضائع ہونا لکھا جا چکا ہے)

اور کوئی چیز اللہ تعالیٰ تمہیں عطا کریں تو (یہ سمجھ کر) نہ اتراؤ(کہ وہ تمہاری عقل و تدبیر سے ملی ہے)
اور اللہ تعالیٰ کسی اترانے والے شیخی بازکو پسند نہیں کر تے ۔

یہ وہ لوگ ہیں جو خود بھی بخل کرتے ہی اوردوسروں کو بھی بخل پر اکساتے ہیں
اور جو کوئی (احکام الٰہی سے) رو گردانی کرتا ہے(اور اپنی کج روی پر اڑا رہتا ہے تو اللہ تعالیٰ کو اس کی کچھ پرواہ نہیں) بے شک اللہ تعالیٰ بڑے ہی بے نیاز سرا پا خوبیوں کے مالک ہیں۔

یقیناً ہم نے اپنے پیغمبروں کو (بندوں کی اصلاح و ہدایت کے لئے) نہایت واضح احکام دے کر بھیجا

اور ان کے ساتھ کتاب اور عدل وانصاف کی تعلیم نازل کی تاکہ لوگ انصاف پر قائم رہیں(اور افراط و تفریط سے بچیں)
اور ہم نے لوہا پیداکیا
جس میں شدید قوت ہے
اور لو گوں کے لئے بہت سے فوائد ہیں۔

تاکہ اللہ تعالیٰ یہ جان لیں کہ (لو ہے کہ آلا ت حرب سے آراستہ ہو کر ) اللہ رسول پر ایمان بالغیب لانے والوں میں دین حق کی بقاو اشاعت میں کو ن اہل باطل سے لڑتا ہے
بے شک اللہ تعالیٰ زبر دست قدرت والے ہیں۔

تو ان میں بعض تو ہدایت یافتہ ہوئے
اور بہت سے ان میں نافرمان رہی رہے ۔
پھر ان کے بعد ہم نے پئے درپے اپنے رسول بھیجے
اور جن کے بعد عیسیٰ ابن مریم کو بھیجا اور انھیں انجیل عطا کی۔

اور جن لو گوں نے ان کی پیروی کی، ان کے دلوں میں ہم نے شفقت وہمدردی پیدا کی

اور رہبا نیت خود انھوں نے ایجاد کرلی

ہم نے ان کو اس کا حکم نہیں دیا تھا اللہ کی خوشنودی کی طلب میں انھوں نے یہ بدعت نکالی
پھر یہ اس رہبانیت کو بھی نباہ نہ سکے

پس ان لو گوں میں سے جو ایمان لائے تھے۔ ہم نے انھیں ان کا اجر عطا کیا

مگر ان میں سے اکثر فاسق اور نافرمان ہیں۔
ائے لوگوں جو ایمان لائے ہواللہ تعالیٰ سے ڈرو۔
اور اللہ کے رسول (محمد ﷺ) پر ایمان لاؤ
اللہ تعالیٰ تمہیں اپنی رحمت کا دوہرا حصہ عطا فرمائیں گے

اور وہ تمہیں ایمان بخشے گا، جس کی روشنی میں تم چلو گے اور تمہارے قصور معاف کردے گا
اور اللہ تعالیٰ بڑے ہی بخشنے والے اور(بندئہ مومن پر) بڑے ہی رحیم ہیں
(اور یہ دوہری نعمتیں تم کو اس لئے عنایت کرے گا)تاکہ اہل کتاب یہ بات جان لیںکہ
وہ اللہ کے فضل پر کچھ بھی قدرت نہیں رکھتے

اور فضل تو بس اللہ ہی کہ ہاتھ میں ہے

وہ جس کو چاہتا ہے عطا کرتاہے
اور اللہ تعالیٰ تو بڑے فضل والے ہیں۔