سورة المنافقون

ائے محمد ﷺ جب منافق آپؐ کے پاس آتے ہیں تو کہتے ہیں ہم گواہی دیتے ہیں کہ آپؐ یقیناً اللہ کے رسول ہیں اور جانتے ہیںکہ آپ اللہ کے رسول ہیں
اور اللہ تعالیٰ یہ گواہی دیتے ہیں کہ منافق جھوٹے ہیں(آپؐ کو رسول نہیں مانتے)

انھوں نے اپنی قسموں کو ڈھال بنارکھاہے اور اس طرح یہ اللہ کہ راستہ سے لو گوں کو روکتے ہیں
کیسی بری حرکت ہے جو یہ کرتے ہیں ۔
یہ لوگ ایسے کام اس لئے کرتے ہیں کہ پہلے یہ ایمان لائے پھر انکار حق کیا
پس اس پاداش میں اللہ تعالیٰ نے ان کے دلوں پر مہر لگا دی اب وہ حق بات سمجھ ہی نہیں سکتے۔

ان کی طرف دیکھیں تو آپ کو ان کی جسامت اور شخصیت پسند یدہ نظر آئے گی

اور جب وہ گفتگو کریں تو بس آپ ان کی باتیں سنتے ہی رہ جائیں (اپنے ایمان لانے کا ایسا اقرار کرتے ہیں کہ آپ کو یقین آجائے)

(مگر اصل میں یہ) گویالکڑی کے کندے ہیں جو دیوار سے لگا کر کھڑا کردیئے گئے ہیں
(اور بزدل ایسے کہ) ہر زور دار آواز کو سمجھتے ہیں کہ ان پرکوئی بلا آئی
یہ تمہارے پکے دشمن ہیں، ان سے بچ کر رہو
اللہ کی مار ان پر یہ کدھر اُلٹے پھرے جارہے ہیں۔

اور جب ان سے کہا جاتا ہے کہ آؤ اللہ کے رسول تمہارے لئے مغفرت کی دعا کریں تو وہ مغرو رانہ سر ہلاتے ہیں
اور آپ انھیں دیکھتے ہیں کہ وہ تکبّر کے ساتھ منہ پھیر لیتے ہیں(یعنی توبہ کرنے اور معافی مانگنے کو اپنی توہین سمجھتے ہیں)۔
ائے نبی ﷺ آپ چاہے ان کے لئے مغفرت کی دعا کریں یا نہ کریں ان کے لئے یکساں ہے
اللہ تعالیٰ ان کو ہرگز معاف نہیں کریں گے

یقیناً اللہ تعالیٰ فاسق لوگوں کو ہدایت نہیں دیتے ۔

یہ وہ لوگ ہیں جو کہتے ہیں کہ رسول اللہ کے ساتھیوں پر خرچ کرنا بند کردو۔ یہاں تک کہ یہ خود بہ خود منتشر ہو جائیں

حالانکہ آسمانوں اور زمین کے خزانے اللہ ہی کے پاس ہیں لیکن یہ منافق نہیں سمجھتے ۔

یہ کہتے ہیں ہم مدینہ واپس پہنچ جائیں تو
جو عزت والا ہے وہ ذلیل کو وہاں سے نکال باہر کردے

حالانکہ عزت تو اللہ اور اس کے رسول اور مومنین کے لئے ہے لیکن یہ منافق نہیں جانتے ۔

اور جو رزق ہم نے تمہیں دیا ہے اس میں سے خرچ کرو
قبل اس کے کہ تم میں سے کسی کی موت آجائے
وہ اس وقت کہنے لگے، پروردگار تونے مجھے تھوڑی سی اور مہلت کیوں نہ دی
کہ میں صدقہ دیتا اور صالح لوگوںمیں شامل ہوجاتا
اور جب کسی کی موت کا وقت آجاتا ہے تو اللہ تعالیٰ اس کو مہلت نہیں دیتے
اور جو کچھ تم کرتے ہو اللہ اس سے باخبر ہیں۔