اور اگروہ پھر ایسی ہی حرکات کرنے لگیںتواگلے لوگوںکے لیے جو طریقہ جاری ہو چکا ہے وہی اُن کے حق میں بر تاجائے گا۔
یعنی ا للہ تعالیٰ کے رسولوںکوجھٹلانے پر اللہ تعالیٰ کی جو سنّت ہے وہ اُن سے متعلق ہو جائے گی ان پر عذاب آکر رہے گا۔

اور اُن لوگوںسے لڑ تے رہو یہاں تک کہ کفر وشرک اور فتنہ کا غلبہ باقی نہ رہے اور اللہ کا دین غالب ہو کر رہے۔

پھر اگر وہ (کفروشرک سے) باز آجائیں تو اللہ تعالیٰ اُن کے اعمال کو دیکھ رہے ہیں۔

اور اگر وہ روگردانی کریں(یعنی تم سے لڑنے کو تیار ہو جائیں) تو یقین رکھو کہ اللہ تعالیٰ تمہارے دوست ہیں(کارساز ہیں) بڑے اچھے دوست اور بڑے ہی اچھے کار ساز و مدد گار ہیں ہر حال میں تمہاری مدد کریں گے۔

اور اس بات کو جان لو کچھ مالِ غنیمت تم نے حاصل کیا ہے، اس کاپانچواں حصّہ اللہ اور اس کے رسول کے لیے ہے۔

اور قرابت داروں اور یتیموں اور مسکینوں اور مسافروں کے لیے ہے(رسول اللہ ﷺ کے قرابت دار مُراد ہیں۔)

اگر تم اللہ پر ایمان و یقین رکھتے ہو اورنصرت پر جو اللہ تعالیٰ نے حق وباطل کے فیصلہ کے دن(جنگ بدر میں جب کہ دونوںفوجیںباہم مقابل ہوئی تھیں)اپنے بندہ محمد ﷺ پرنازل کی۔

اور اللہ تعالیٰ ہر بات پر قادر ہیں(اللہ تعالیٰ کو اختیار رہے جو چاہیں فیصلہ کریں)

جس وقت تم (مدینہ کی)وادی سے قریب تھے اور (کفّار) مدینہ کے دوسری طرف (کچھ فاصلے پر) تھے اور قافلہ(قریش اپنے کثیر مالِ تجارت کہ ساتھ) تمہارے نچلے (نشیبی) حصّہ کی طرف سمندر کے کنارے کنارے تھا۔

اگر تم پہلے سے جنگ کی نسبت کوئی دن تاریخ مقرر کرتے تو تم وقتِ معینہ میں اختلاف کر جاتے۔

لیکن اللہ تعالیٰ جس بات کا فیصلہ کرچکے تھے وہ ہوکر رہا۔
(اللہ تعالی کو منظور تھا کہ حق و باطل کا ایک معر کہ ہو جائے اس لیے دفعتہ جنگ کا واقعہ پیش آگیا)

تاکہ(دین حق کی)واضح دلیل آنے کے بعد جس کو ہلاک ہونا ہے، ہلاک ہوجائے اور دین حق ظاہر ہو جا نے کے بعد جس کو زندہ رہنا ہے، وہ دلیل روشن کے ساتھ زندہ رہے۔

اور یقینا اللہ تعالی سننے والے جاننے والے ہیں۔
(کہ ان مذکورہ حقائق کو دیکھنے کے بعد کون کُفر پر اڑا رہتا ہے اور کون ایمان لا تا ہے)

(وہ واقعہ بھی قابلِ ذکر ہے) جبکہ اللہ تعالیٰ نے آپؐ کے خواب میں دشمنوں کی تعداد کم دکھائی۔

اور اگر آپ کو ان کی تعداد زیادہ دکھا تے تو تم لوگ ہمت ہار جاتے اور عین لڑائی کے وقت جھگڑا شروع کر دیتے۔

لیکن اللہ تعالیٰ نے تم کو (ایسی باتوں سے) بچا لیا بے شک وہ دلوں کا حال جانتا ہے۔

اور(اس واقعہ کو ذہن میں رکھو) جب تم ایک دوسرے کے مقابل ہوئے تو ان کا فروں کو تمہا ری نظر میں بہت کم دکھا یا۔

اور اُن کافروں کی نظر وں میں تم کو کم دکھا یا۔
(تاکہ دو نوں فریق اس خیال سے کہ مقابل کے لوگ ایک دوسرے سے تعداد میں کم ہیں۔ پوری قوت سے جنگ شروع کر دیں)

تاکہ اللہ تعالیٰ جس بات کا فیصلہ کر چکے تھے پورا ہو کر ہے۔

اور تمام اُمور وفیصلے کے لیے اللہ تعالیٰ کے سامنے پیش کیے جائیں گے۔
(کہ کون کس قسم کی سزاوجزا ء کا مستحق ہے)

اور اللہ تعالیٰ کو کثرت سے یاد کرتے رہو (اللہ تعالیٰ سے لو لگائے رکھو) تاکہ تم فلاح پاؤ (کامیاب ہوجاؤ)

اور اللہ رسول کی اطاعت کرو۔
(یعنی جنگ کے تعلق سے اللہ رسول کا جو بھی حکم ہواُس کی پوری پوری تعمیل کرو)

اور آپس میں نہ جھگڑو ورنہ تم بُز دل ہو جائو گے

اور تمہاری ہوا اُکھڑ جائے گی(یک جہتی باقی نہ رہے گی، اِنتشار پیدا ہوگا) صبر سے کام لو (جنگ میں جو بھی تکلیف پہنچے برداشت کر لو)

بے شک اللہ صبر کرنے والوں کے ساتھ ہیں(صبر کرنے والوں کی مدد کرتے ہیں)

اور اُن لو گوں کی طرح نہ ہو جا نا جواکڑتے اِتراتے لو گوں کو اپنی شان دکھا تے اپنے گھروں سے نکلتے ہیں

اور جن کی روش یہ ہے کہ لو گوں کو اللہ کی راہ سے روکتے ہیں

اور جو کچھ وہ کرتے ہیں اللہ تعالیٰ اُن پر احاطہ کیے ہوئے ہیں(یعنی اِن کے اعمال اللہ تعالیٰ کی گرفت میں ہیں۔ انھیں پوری پوری سزا مل کر رہے گی)

اور جب شیطان نے ان کے اعمال کو ان کی نظر میں خوشنما کر دکھا یا۔

اور (انھیں دلا سہ دیتے ہوئے) کہا آج تم پر کوئی غالب نہیں آسکتا اور میں تمہارا رفیق ہوں( ہر طرح کی مدد کے لیے تیار ہوں)

پھر جب اس نے دو نوں فو جوں کو ایک دوسرے سے مقابل ہوتے دیکھا تو پیٹھ پھیر کر چل دیا۔

اور کہا مجھے تم سے کچھ تعلق نہیں میں تم سے بری الزمہ ہوں۔

میں ایسی چیزیں دیکھتا ہوں جسے تم نہیں دیکھ سکتے میں اللہ سے ڈر تا ہوں۔

اور اللہ تعا لیٰ بڑا ہی سخت عذاب دینے والے ہیں۔

اِن (مسلما نوں) کے دین نے انھیں دھو کہ میں ڈال رکھا ہے۔
(مٹھی بھر بے سرو سامان مسلمان قریش جیسی بڑی طاقت نے ٹکرانے جارہے ہیں۔ اپنے دینی جوش میں دیوانے ہو گئے ہیں۔ اس معر کہ میں ان کی تباہی یقینی ہے۔ یہ جان بوجھ کر موت کہ منہ میں جار ہے ہیں وغیرہ)

اور جو کوئی اللہ تعالیٰ پر بھروسہ رکھتا ہے (تو اَسباب ظاہری کے بغیر ہی اللہ تعالیٰ اس کی مدد فرماتے ہیں۔)

بے شک اللہ تعالیٰ زبر دست حکیم ہیں( حکیمانہ طریقے پر فتح و نصرت بخشتے ہیں)

(محمد ﷺ) آپ اگر وہ منظر دیکھتے جب فرشتے کا فروں کی جانیں نکالنے لگتے ہیں۔

وہ اُن کے چہروں اور اُن کی پیٹھوں پر(کوڑوں اور ہتھو ڑوں سے ) مارتے جا تے ہیں اور کہتے جا تے ہیں

آگ میں جلنے کامزہ چکھو( کس قدر سخت عذاب ہے)

یہ تمہا ری بد اعمالیوں کی سزا ہے۔ وہ اعمال جن کو تم نے اپنے ہا تھوں پہلے ہی بھیج رکھا تھا۔

اور(واقعہ یہ ہے کہ) اللہ تعالیٰ اپنے بندوں پر ذرّہ برابر ظلم نہیں کرتے۔

فرعونیوں اور ان سے پہلے کے لو گوں کی طرح انھوں نے الٰہی تعلیمات کا انکار کیا۔

تو اللہ تعالیٰ نے (کفر وشرک جیسے سنگین ) گناہوں کی پاداش میں انھیں پکڑ لیا

بے شک اللہ تعالیٰ بڑی ہی قوت والے اور سخت ترین عذاب دینے والے ہیں۔

یہ سزا اس لیے ہے کہ اللہ تعالیٰ کسی قوم کو کوئی نعمت عطا کرتے ہیں تو اس وقت تک نہیں بدلتے

جب تک کہ وہ خود اپنے آپ کو بدل نہ ڈالے (یعنی اپنا نا اہل ہونا ثابت نہ کر دے)

بے شک اللہ تعالیٰ سب کچھ (بلا واسطہ ووسیلہ) سننے اور جاننے والے ہیں۔

فر عو نیوں اور ان سے پہلے کے لوگوں کی طرح انھوں نے بھی اپنے رب کی تعلیمات کو جھٹلا یا تو ان کے گناہوں کی پاداش میں ہم نے انھیں ہلاک کر دیا۔

اور ہم نے فر عو نیوں کو در یا میں ڈبو دیا کیونکہ وہ سب بڑے ظالم تھے۔

اللہ تعالیٰ کے نزدیک جانوروں سے بھی بد تر وہ لوگ ہیںجوکافرہیں (یعنی جو دین حق کا انکارکرتے ہیں)وہ کسی طرح ایمان نہیں لاتے ۔

جن لوگوں سے آپﷺ نے صلح کا عہد کیا ہے

پھر وہ ہر باراپنے کیے ہوئے کو توڑ ڈالتے ہیں

اور وہ (عہد شکنی کے نتائج سے) نہیں ڈرتے۔

اگروہ لڑائی میں تمہارے ہاتھ آجائیں

اِن کی خوب خبر لیجئے(انھیں سزا دیجیے)جولوگ اِن کی پُشت پناہی کرتے ہیںاُن کے حال کو دیکھ کر بھاگ جائیں۔شایدکہ وہ اس سے عبرت لیں۔

اوراگر تم کو کسی قوم سے دغا باز ی کااندیشہ ہو تو

ان کاعہدانھیںکی طرف پھینک دو(برابرکاجواب دو)

یقیناً اللہ تعالیٰ دغا بازوں کوپسندنہیں فرماتے
(عہد واقرار ایک امانت ہے۔ اس کیخلاف ورزی خیانت ہے)

اور اُن (کافروں سے مقابلہ کے لیے)جتنا بھی تم سے ممکن ہوسکے (ہتھیاروں سمیت) قوتمہیارکھو۔

اور جنگی گھوڑوں سے تیارر ہو تاکہ اس کے ذریعہ تم اپنا رعب اپنے اور اللہ کے دشمنوں پر جمائے رکھو۔

اور اُن کے علاوہ دوسروں پر بھی جن کو تم بالیقین نہیں جانتے ۔ اللہ تعالیٰ اُن کو خوب جانتے ہیں۔

اور جو کچھ تم اللہ کی راہ میں خرچ کرو گے(اس کا بدل) پورا پورا تمہیں دیا جائے گااورتم پر ذرابھی ظلم نہ کیا جائے گا(تمہاری حق تلفی نہیں کی جائے گی)

اور اگر وہ صلح چاہیں تو آپؐ بھی صلح کی طرف مائل ہوجائیے اورا للہ پر بھروسہ کیجئے۔

یقیناً وہی سب کچھ سننے اور جاننے والے ہیں۔

اور اگر وہ آپ کو دھوکہ دینا چاہتے ہیں تواللہ تعالیٰ آپ کے لیے کافی ہیں(اُن کی دھوکہ دہی بے اثر ہو گی)

وہی تو ہے جس نے آپؐ کو اپنے فرشتوں اور مو منوں کے ذریعہ نُصرت بخشی۔

اور اُن (اہل ایمان)کے دلوں میں باہم محبت پیدا کردی۔

اگرآپؐزمین کے پورے خزانے بھی خرچ کر ڈالتے۔ آپؐ اُن کے دِلوں میں محبت پیدانہ کرسکتے۔

لیکن اللہ تعالیٰ نے اُن کے دِلوں میں محبت پیدا کردی۔(انھیں متحد کردیا) بے شک وہ بڑے ہی زبر دست حکیم ہیں،(یعنی ساری تجاویز حکیمانہ اوراٹل ہیں)

ائے نبی اللہ تعالیٰ آپ کے لئے کافی ہے اور ان تمام اہل ایمان

کے لئے بھی جو آپ ﷺ کی اتباع کرتے ہیں

اور اگر تم میں بیس صبر کرنے والے ہوں تو دو سوپر غالب آئیںگے۔

اور اگر تم میں ایسے (پختہ ایمان والے) ایک سوہوںتوایک ہزار کافروںپرغالب آئیںگے۔

کیو نکہ وہ کافر ایک ایسی قوم ہے جو دین کی سمجھ نہیں رکھتی۔

اب اللہ تعالیٰ نے تمہارے حق میں آسانی فرمادی ہے اورجان لیا کہ تم میںکتنی کمزوری ہے۔

پس اگر تم میں سے ایک سو ثابت قدم ہوں گے تو دوسو پر غالب آئو گے۔

اور اگر تم میں ایک ہزار ہوں گے تواللہ کے حکم سے دوہزار پر غالب رہیںگے۔

اور اللہ تعالیٰ صبر کرنے والوں کے ساتھ ہیں۔
(یعنی راہِ حق میں جان ومال کی تکلیف بہ طیب خاطر برداشت کرنے والوںکاساتھ دیتے ہیں)

کسی نبی کے شایان شان نہیںکہ اس کے پاس قیدی ہوں تاآنکہ زمین میں کُفر کی طاقت اچھی طرح کچل دی جائے (کُفر کا زور توڑ دیا جائے)

تم لوگ دنیا کا مال واسباب چاہتے ہو

اور اللہ تعا لیٰ تو آخرت کی بھلائی چاہتے ہیں

اور اللہ تعالیٰ زبر دست حکیم ہیں(ایسی تجاویز فرماتے ہیں۔ جن میں تمہاری بھلائی ہو تی ہے)

اگر اللہ تعالیٰ کا حکم پہلے سے نہ ہو چکا ہو تا تو جو (فدیہ) تم نے لیا ہے ،اس کی وجہ تم پر بڑا عذاب نازل ہو تا ۔

لہٰذا حلال و پاک (مال) جو تمہارے ہاتھ آیاہے۔ اس کو تو کھالو اور اللہ تعالیٰ سے ڈرتے رہو (کہ کوئی بات مرضی رب کیخلاف نہ ہونے پائے)

بے شک اللہ تعالیٰ بڑے ہی بخشنے والے رحم وعفو ودرگزر فرمانے والے ہیں۔

اگر اللہ تعالیٰ یہ جان لیں کہ تمہارے دلوں کے اندر نیکی قبولیتِ حق کا جذبہ پیدا ہو گیا ہے

(اور تم نے دین حق کی مخالفت ترک کردی تو) جو کچھ تم سے (فدیہ) لیا گیا ہے اس سے بہتر اسی دنیا میں تمہیں دیا جائے گا اور تمہارے گناہ بھی معاف کیے جائیں گے ۔اللہ تعالیٰ بڑے بخشنے والے رحم فرمانے والے ہیں۔

اور اگر یہ لوگ آپ ؐ سے دغا کرنا چا ہیں تو یہ پہلے ہی اللہ تعالیٰ سے دغا کرچکے ہیں۔

پھر اللہ تعالیٰ نے اُن کو آپؐ کے قبضہ میں دے دیا۔ اور اللہ تعالیٰ بڑے ہی جاننے والے حکمت والے ہیں۔

یقیناً جو لوگ ایمان لائے(جنھوں نے الٰہی تعلیم قبول کرلی) اور اللہ کی راہ میں ہجرت کی (ترکِ وطن کیا) اور اپنی جان ومال سے جہاد کیا۔

اور جنھوں نے ہجرت کرنے والوں کو پناہ دی اور اُن کی ہر طرح مدد کی

وہی دراصل ایک دوسرے کے دوست و ہمدرد ہیں۔

اور جو لوگ ایمان لائے مگر اللہ تعالیٰ کی راہ میں ہجرت نہ کی

تو وہ جب تک ہجرت نہ کریں کسی طرح تمہارے دوست نہیں ہوسکتے۔

اور اگر وہ (دین کے معاملے میں) تم سے کسی قسم کی مدد کے طالب ہوں

تو تم پران کی مدد کرنی لازم ہے۔

لیکن کسی ایسی قوم کے خلاف نہیں جس سے تمہارا معا ہدہ ہو

اور تم جو کچھ کرتے ہو اللہ تعالیٰ اس کو دیکھ رہے ہیں (تم کو اس کی جزاء دیں گے)

اور جو لوگ کافر ہیں وہ باہم ایک دوسرے کے دوست ہیں۔(یعنی ایک دوسرے کی مدد کرنے میں کسی عہد و پیمان کا لحاظ نہیں کرتے بے تکلّف عہد شکنی کرڈالتے ہیں)

اگر تم(مذکورہ حکم پر) عمل نہ کرو گے (یعنی وقت پر اپنے لوگوں کی مدد نہ کرو گے) تو ملک میں فتنہ پیدا ہو گا اور فساد عظیم پھیلے گا۔

اور جو لوگ ایمان لائے ہجرت کی ، راہ خدامیں جان ومال سے جہاد کرتے رہے۔

اور جنھوں نے مہاجرین کو پناہ دی اور ہر طرح اُن کی مدد کی (دراصل ) یہی لوگ سچّے مو من ہیں۔

ان کے لیے مغفرت ہے اور اللہ تعالیٰ کے پاس اعلیٰ ترین روزی ہے۔

اورجولوگ بعد میں ایمان لائے لیکن تمہارے ساتھ ہجرت و جہاد کی منزلیں طے کیں وہ بھی تم ہی میں سے ہیں۔

(مگر یہ بات ذہن نشین رہے کہ میراث کے تعلق سے) نسلی رشتہ دار ہی حسب ِ حکم الٰہی ایک دوسرے کے زیادہ حقدار ہیں۔

بے شک اللہ تعالیٰ ہر چیز سے واقف ہیں۔جانتے ہیں کہ تمہارے لیے مفید کیا ہے اور مضر کیاہے۔