سورة الاحقاف

حٰ مٓ یہ حروف مقطعات کہلاتے ہیں ان کے کوئی معنیٰ رسول اللہﷺ سے بہ سند صحیح ہم تک نہیں پہنچے ہیں۔
یہ کتاب (قرآن مجید) اللہ تعالیٰ کی طرف سے نازل کی گئی ہے جوبڑا ہی زبردست اورحکمت والا ہے۔
ہم نے آسمانوں کوزمین کواور ان ساری چیزوں کو جو ان کے درمیان ہیں، برحق پیدا کیا ہے، ان کا ایک انجام بھی مقرر کیا ہے اور ایک میعاد مقررہ کے لئے یہ نظام قائم کیا ہے۔
جو لوگ کافر ہیں( یعنی دعوت حق کلمہ توحید لاالہ الا اللہ کا انکار کرتے ہیں) ان کی روش یہ ہے کہ جس چیز سے ڈرایا جاتا ہے اسی سے اعراض کرتے ہیں۔

(ائے نبیﷺ) ان سے کہئے کیا تم نے کبھی اس بات پر غور کیا ہے کہ اللہ تعالیٰ کے سوا (مدد کے لئے) تم جنہیں پکارتے ہو
ذرا مجھے دکھاؤ توسہی کہ انہوں نے زمین پر کونسی چیزیں پیدا کی ہیں ؟

یا آسمانوں کے بنانے میں (اللہ تعالیٰ کے ساتھ) ان کا کوئی حصہ ہے ؟
( اگر ہے تو ان کے شریک خدائی ہونے کی تائید میں) اس سے پہلے کی کوئی کتاب میرے پاس لے آؤ۔
اگر تم سچے ہو تو کوئی علمی دلیل(یا قدیم زمانہ کے انبیاءوصلحاء کی تعلیمات کا کوئی حصہ جو قابل اعتماد وذرائع سے تواتر کے ساتھ پہنچا ہو) پیش کرو۔

اور اس شخص سے زیادہ گمراہ کون ہوسکتا ہے جو اللہ تعالیٰ کے سوا مدد کے

لئے ان ہستیوں کوپکارے

جو قیامت تک اسے جواب نہ دے سکے
اور جو ان کی دعاؤں سے بے خبر بھی ہوں ؟

اور جب تمام انسان (میدان حشر میں) جمع کئے جائیں گے تووہ اس وقت اپنے پکارنے والوں کے دشمن ہوں گے
اور ان کی پرستش کا انکار کریں گے۔

اورجب ان کے سامنے ہماری صاف و واضح آیتیں پڑھی جاتی ہیں تو
کافر (منکران حق) اس سچی بات کو جب وہ ان کےپاس پہنچتی ہے توکہتے ہیں۔

یہ توصریح جادو ہے۔
یا کہتے ہیں کہ اس نے اپنی طرف سے گھڑلیا ہے کہئے اگر میں نے اس کوگھڑلیا ہے۔
تو تم مجھے اللہ تعالیٰ کی گرفت سے نہیں بچا سکتے
(نبی بھی خدائی گرفت سے آزاد نہیں ہوسکتے اور نہ ہی خدائی قوانین میں رد وبدل کرسکتے ہیں۔)
وہ ان تمام باتوں کوجانتا ہے جو تم اس بارے میں بناتے ہو
وہی میرے اور تمہارے درمیان گواہی کے لئے کافی ہے
اور وہ بڑا درگذرکرنے والا اور رحیم ہے۔(بشرطیکہ توبہ کرلی جائے)

(ائے نبیﷺ) ان سے کہئے میں کوئی نیا رسول نہیں ہوں( مجھ سے پہلے بہت سے رسول آچکے ہیں)
اور میں نہیں جانتا کہ میرے ساتھ کیا سلوک کیا جائے گا اورتمہارے

ساتھ کیا ہوگا۔
میں توصرف اسی کی اتباع کرتا ہوں جو مجھ پر وحی کی جاتی ہے اور میں علی الاعلان (کفر وشرک کے انجام آخرت سے) ڈرانے والا ہوں۔

(ائے نبیﷺ) ان سے کہئے کیا کبھی تم نے اس بات پر غور بھی کیا ہے کہ اگر یہ (قرآن) اللہ تعالیٰ ہی کی طرف سے ہو اور تم اس کا انکار کرتے ہو( تو تمہارا کیا انجام ہوگا؟)
اور بنی اسرائیل میں سے ایک گواہی دینے والے نے
( اس کے کلام الٰہی ہونے کی) گواہی بھی دی ہے۔
اور وہ ایمان بھی لے آیا اور تم اپنے گھمنڈ میں پڑے رہے
بے شک اللہ تعالیٰ ظالم قوم کوہدایت نہیں دیا کرتے۔

اور وہ لوگ جو کافر ہیں ایمان والوں کی نسبت کہتے ہیں کہ (اگر اس قرآن اور دعوت حق میں) کوئی خوبی ہوتی تو یہ لوگ اس کی طرف ہم سے پہلے سبقت نہ کرتے ؟

اور جب وہ اس (قرآن) سے ہدایت یاب نہ ہوئے تووہ کہنے لگتے ہیں یہ توپرانا جھوٹ ہے۔ (جو اگلوں سے چلا آرہا ہے)

ٰؑحالانکہ اس سے پہلے موسیٰ کی کتاب رہنما اور باعث رحمت تھی۔

اور یہ کتاب اس کی تصدیق کرنے والی ہے(یعنی اس میں بھی ویسے ہی مضامین ہیں) اور یہ عربی زبان میں نازل کی گئی ہے

تاکہ ظالموں (مشرکوں) کو ان کے انجام بد سے خوف دلائے

اور نیکو کاروں کو(جو شرک نہیں کرتے) جنت کی خوشخبری دے۔ٰٰؑؑ
یقیناً جن لوگوں نے یہ تسلیم کیا کہ اللہ تعالیٰ ہی بلاشرکت غیرے ہمارا رب ہے پھر اس اقرار پر مضبوطی سے جمے رہے۔

پس ان کوآخرت میں نہ کسی قسم کا خوف ہوگا اور نہ حزن وغم

ایسے ہی لوگ جنت میں ہمیشہ ہمیشہ رہیں گے
یہ ان اعمال کا بدل ہے جو وہ کیا کرتے تھے۔

اورہم نے انسان کواپنے والدین کے ساتھ بھلائی کا حکم دیا۔

اس کی ماں نے اس کوبڑی ہی مشقت کے ساتھ پیٹ میں رکھا، اور اس کوتکلیف کے ساتھ جنا
اور اس کا پیٹ میں رہنا اور اس کا دودھ چھوڑنا تیس ماہ (یعنی ڈھائی سال) میں ہوتا ہے۔

یہاں تک کہ وہ اپنی جوانی کی عمر کوپہنچ جاتا ہے
اور چالیس سال کا ہوتا ہے
توکہتا ہے ائے میرے پروردگار مجھے توفیق دیجئے کہ میں آپ کی ان نعمتوں کا شکر ادا کروں جو آپ نے مجھے پر اور میرے ماں باپ پر فرمائے ہیں۔
اور ایسا نیک عمل کروں جس سے آپ راضی ہوں
اور میرے لئے میری اولاد کوبھی نیک بنادیجئے

میں آپ کی جناب میں توبہ کرتا ہوں اور میں فرماں برداروں میں سے ہوں۔

یہ وہ لوگ ہیں جن کے بہترین اعمال ہم قبول کرتے ہیں۔

اور ان کے گناہوں سے درگذر کرجاتے ہیں۔
(ان کا شمار) جنتیوں میں ہوگا۔
اس سچے وعدے کے مطابق جو ان سے کیا جاتا رہا ہے۔

اور ایک شخص جس نے اپنے ماں باپ سے کہا ’’اف ‘‘ تنگ کردیا تم نے۔

کیا تم مجھے خبردیتے (اور خوف دلاتے) ہو کہ مرنے کے بعد قبر سے نکالا جاؤں گا۔
حالانکہ مجھ سے پہلے بہت سے لوگ گذرچکے ہیں۔(ان میں سے کوئی بھی زندہ ہوکر نہ آیا)
اور وہ دونوں (ماں اور باپ) اللہ تعالیٰ کی دہائی دے کر کہتے ہیں۔
اے کم بخت مان جا۔
بے شک اللہ تعالیٰ کا وعدہ سچا ہے۔
تووہ کہتا ہے یہ تو پہلے کے لوگوں کی (فرسودہ) کہانیاں ہیں۔اس کے سوا کچھ نہیں۔

یہ وہ لوگ ہیں کہ جن کے بارے میں عذاب کا فیصلہ ہوچکا ہے۔
ان سے پہلے جناتوں اور انسانوں کے جوٹولے اسی قماش کے گذرے ہیں انھیں میں یہ بھی جا شامل ہوں گے
بے شک یہ سب نقصان اٹھانے والے ہیں۔

اور دونوں گروہوں میں سے ہر ایک کے لئے ان کے اعمال کے لحاظ سے درجات مقرر ہیں۔
اورانھیں ان کے اعمال کا پورا پورا بدلہ دیا جائے گا اور ان پر کسی طرح کا ظلم ہرگز نہ کیا جائے گا۔

اور جس دن کافر آگ کے سامنے لا کھڑے کئے جائیں گے اور (ان سے کہا جائے گا) تم اپنے حصہ کی نعمتیں (لذتیں) دنیوی زندگی میں ختم کرچکے۔
اوران سے جی بھرفائدہ اٹھالیا۔

لہٰذا ٓج تم کو رسو ا کن عذاب دیا جائے گا۔ اس پا داش میں کہ تم زمین میں ناحق اپنی بڑائی جتاتے اور ظلم وزیادتی کرتے رہے تھے۔

اوراس وجہ سے بھی کہ تم نافرمانیاں کرتے تھے۔

میں تمہارے بارے میں ایک ہولناک دن کے عذاب کا اندیشہ رکھتا ہوں۔
انہوں نے کہا کیا تم ہمارے پاس اس لئے آئے ہو کہ ہمیں بہکا کر ہمارے معبودوں سے پھیردو۔

پس لے آؤ پاس وہ عذاب جس کے واقع ہونے کا تم خوف دلاتے رہو۔ اگر تم (اپنے اس بیان میں) سچے ہو ۔

پیغمبر نے کہا، اس کا علم تواللہ تعالیٰ ہی کو ہے۔
اورمیں تمہیں وہ احکام پہنچا رہا ہوں جنہیں دے کر مجھے بھیجا گیا ہے
لیکن میں تم کونری جہالت میں دیکھتا ہوں(کہ تم عذاب کی فرمائش کرتے ہو)

پھر جب انہوں نے اس (عذاب) کو اپنی وادیوں کی طرف آتے دیکھا تو
کہنے لگے کہ یہ بادل ہے جو ہم پر برسے گا

بلکہ یہ وہی (عذاب) ہے جس کے لئے تم جلدی کرتے تھے

ایک طوفانی ہوا ہے جس میں درد ناک عذاب چلا آرہا ہے۔
جو ہرچیز کو اپنے پروردگار کے حکم سے تباہ وتاراج کئے دیتا ہے تووہ ایسے ہوگئے کہ ان کے گھروں کے سوا کچھ نظرہی نہیں آتا تھا
ہم مجرمین کوایسی ہی سزا دیا کرتے ہیں۔

اور ہم نے ان کو وہ سب کچھ(مال ودولت، اقتدار) دیا تھا جو تم کونہیں دیا گیا۔

اورہم نے انھیں کان اور آنکھ اوردل دیئے تھے
(یعنی سوچنے سمجھنے غور وفکر کی صلاحیتیں دی تھیں)
مگر وہ ان کے کان اور ان کی آنکھیں اوران کے دل ان کے کسی کام نہ آسکے جب انہوں نے اللہ کے احکام سے جھگڑنا شروع کیا۔

اور جس (عذاب) کا وہ مذاق اڑارہے تھے اسی عذاب نے انھیں آگھیرا۔

واسطہ وسیلہ) سمجھتے ہوئے معبود بنالیا تھا
بلکہ (واقعہ یہ ہے کہ ایسے وقت) وہ سب ان کے ذہنوں سے نکل گئے (یعنی ان کا بے اختیار ہونا ان پر ظاہر ہوگیا)
اوریہ تھا انجام ان کی افترا پردازی کا۔

اور وہ واقعہ بھی قابل ذکر ہے جب کہ ہم نے جنوں کے ایک گروہ کوآپ کی طرف بھیجا کہ وہ قرآن سنیں
جب وہ (سننے کے لئے) نبی آخر الزماںﷺ کے پاس آئے توآپس میں کہنے لگے خاموش رہو(غور سے سنو)
پھر جب (قرآن) پڑھا جا چکا تووہ لوگ اپنی قوم کے پاس خبردار کرنے والے بن کر لوٹے۔

انہوں نے کہا ائے ہماری قوم کے لوگو ہم نے ایک کتاب سنی ہے
جو موسیٰ کے بعد نازل کی گئی ہے
جواپنے سے پہلے کی کتابوں کی تصدیق کرتی ہے
(یعنی اس میں وہی تعلیم ہے جو پہلے کے لوگوں کودی گئی تھی)
جو راہ حق دکھاتی ہے اور سیدھا راستہ بتاتی ہے۔

ائے ہماری قوم کے لوگو اللہ تعالیٰ کی طرف بلانے والے کی بات قبول کرلو
اور اس پر ایمان لے آؤ تواللہ تعالیٰ تمہارے گناہ معاف فرمادیں گے
اورتمہیں درد ناک عذاب سے بچالیں گے۔

اور جو کوئی اللہ تعالیٰ کی طرف بلانے والے کی بات قبول نہیں کرتا

تو وہ زمین میں بھاگ کراللہ کوعاجز نہیں کرسکتا اورنہ کوئی اللہ تعالیٰ کے

مقابلہ میں اس کے حمایتی ہوں گے ایسے ہی لوگ کھلی گمراہی میں پڑے رہتے ہیں۔
کیا انھیں سمجھائی نہیں دیتا کہ اللہ نے آسمانوں اور زمین
کوپیدا کیا۔

اور نہ ان کے پیدا کرنے سے تھکا
وہ اس بات پرقادر ہے کہ مردوں کوجِلا اٹھائے

ہاں، یقیناً وہ ہر چیز پرقادر ہے۔
اور جس روز کافر آگ کے سامنے لائے جائیں گے۔

(پوچھا جائے گا) کیا یہ حق نہیں ہے؟
وہ کہیں گے۔ ہاں ہمارے رب کی قسم، حق ہے
اللہ تعالیٰ فرمائیں گے توپھر عذاب کا مزہ چکھو، اپنے اس انکار کی پاداش میں جو تم کرتے رہے تھے۔

ائے نبیﷺ صبر کیجئے جس طرح اولوالعزم رسولوں نے صبر کیا تھا۔

ان کے لئے (انتقام الٰہی کی) جلدی نہ کیجئے۔
جس دن وہ اس (عذاب ) کودیکھیں گے، جس کا ان سے وعدہ کیا جاتا رہا ہے۔
توانھیں یوں محسوس ہوگا کہ دنیا میں ایک گھڑی سے زیادہ نہیں رہے تھے۔
اس انجام کی اطلاع انھیں پہنچادی گئی۔
پس نافرمان قوم کے سوا اور کون ہلاک ہوسکتا ہے؟