سورة الأنعام

پھر بھی کافر( مخلو قات۔ مقر بانِ الٰہی، ملا ئکہ، اجنّہ، پیغمبروں، بزر گوں کو) اپنے پر وردگار کے برابر قرار دیتے ہیں۔

(اللہ ) دہی تو ہے جس نے تم کو مٹی سے پیدا کیا ۔ پھر زندگی کی ایک مدّت مقرر کی ۔

اور(اسکے سوا) ایک اور مدّت مقرر کی جو اُس(اللہ) کے پاس طے شدہ ہے۔

پھر بھی تم اللہ تعالیٰ کے اٰلٰہِ واحد ہو نے کے بارے میں شک و شبہات میں پڑے ہوئے ہے۔

وہ اللہ ہی ہے جو آسمانوں اور زمین میں موجود ہے۔

وہ تمہاری پو شیدہ باتوں اور ظا ہر حالات کو جانتا ہے جو کچھ تم کر تے ہو۔

اور اللہ تعالیٰ کے اِلٰہ واحد ہونے کی نشانیوں میں سے ان کے پاس ان کے رب کی طرف سے جو بھی نشانی آتی ہے۔

مگر وہ اس سے اعراض ہی کر جا تے ہیں(نہیں مانتے پیٹھ پھیر کر چل دیتے ہیں)

جب بھی ان کے پاس حق آیا تو انھوں نے اس کو جھٹلا دیا۔

لہٰذا جن چیزوں کا یہ مذاق اڑاتے ہیں عنقریب اس کا انجام ان کے سامنے آئے گا(عذاب آئے گا یا مسلمان غالب ہوں گے)

کیاان لوگوں نے نہیں دیکھا کہ ان سے پہلے کتنی، ہی قوموں کو ہم نے ہلاک کردیا۔ ان کو ملک میں بڑا اقتدار بخشا تھا، ویسا اقتدار تم کو نہیں دیا گیا۔

اور ہم نے اُن پر آسمان سے لگا تار مینہ بر سا یا(روزی کا ذریعہ بنا یا)

اور نہریں جاری کیں جو اُن کے (مکانوں سے) نیچے کی طرف بہہ رہی تھیں

پھر ہم نے اُن کو اُن کے گنا ہوں کے سبب ہلاک کردیا۔

اور ہم نے ان کے بعد(ان کی جگہ) دوسری قوموں کو آباد کیا۔

اور اگر ہم کا غذ پر لکھی ہوئی کتاب آپؐ پر نا زل کر تے پھر وہ اُس کو اپنے ہا تھوں میں لے کر دیکھ بھی لیتے۔

(تب بھی) کا فریہی کہتے یہ تو ایک کھلا جا دو ہے ۔

اور انھوں نے(یہ بھی کہا) اس نبی پر کوئی فرشتہ (آسمان سے ) کیوں اُتارا نہ گیا( جس سے اُس کے رسول ہو نے کی تصدیق ہوتی۔)

اور اگر ہم فرشتہ نازل کرتے تو پھر کبھی کا فیصلہ ہو چکا ہو تا۔ پھر وہ ذرا بھی مہلت نہ پاتے(یعنی عذاب نازل ہو جا تا)

اور اگر ہم اُسکو(فرشتے کو) رسول بنا کر بھیجتے تو اسکو بھی انسان ہی بنا کر بھیجتے

اور انھیں اُسی شبہ میں ڈالے رکھتے جس شبہ میں وہ اب پڑے ہوئے ہیں۔

اور ائے نبیؐ آپ سے پہلے بھی بہت سے رسولوں کا مذاق اُڑا یا گیا ہے ۔ پھر جس عذاب کے آنے کا انھوں نے مذاق اڑایا تھا، وہ اُن پر واقع ہوکر رہا۔

(ائے نبیؐ ) ان سے پو چھیئے آسمانوں اور زمین میں جو کچھ(مخلوق) ہے وہ کس کی مِلک ہے؟ کہیئےسب کچھ اللہ ہی کا ہے (جس کو تم بھی جانتے ہو)

(اللہ تعالیٰ نے) اپنے آپ پر رحمت لا زم کر لی ہے ۔

(رحم وعدل کا تقا ضہ ہی یہ ہے) کہ تم کو محا سبۂ اعمال لے لیے قیامت کے دن جمع کرے جس کے واقع ہونے میں کوئی شک و شبہ نہیں۔

جو لوگ اپنی ہی تبا ہی کا باعث بنتے ہیں، ایمان نہیں لاتے ہیں۔

اور جو مخلوق رات( کی تا ریکیوں) اور دن( کے اُجا لے) میں بستی ہے، اُسی کی ہے(اسی کے تابع فر مان ہے ) اور وہی(ہر ایک کی فریاد) سننے والا(اور سب کے احوال) جاننے والا ہے۔

(جب یہ حقیقت ہے تو اے نبیؐ) کہیئے کیا میں( اللہ تعالیٰ کو چھوڑ کر) غیر اللہ کو اپنا کار ساز(حاجت روا) بنائوں (اور اس اللہ تعالیٰ کو کار سا ز وحاجت روا نہ سمجھوں جو)وہی آسمانوں اور زمین کا پیدا کر نے والا ہے۔ اور وہی(سب کو) کھلا تا پلا تا ہے۔ وہ خود کھا نے سے بے نیاز ہے۔

کہیئے مجھے یہی حکم دیا گیا ہے کہ میں سب سے پہلے اسلام لا نے والوں میں سے ہو جا ئوں(یعنی اسی کا اطاعت گزار بندہ بنا رہوں) اور مشرکین میں سے نہ ہو جائوں۔

(ائے نبیؐ) کہہ دیجئے اگر میں اپنے رب کی نا فرمانی کروں تو اس دن کے سخت ترین عذاب سے ڈر تا ہوں(جو قیامت کے دن لاحق ہوگا۔)

اس روز جس شخص سے عذاب ٹال دیا گیا تو اللہ تعالیٰ نے اس پر بڑی مہربانی کی۔

اور یہ بڑی ہی نمایاں کامیابی ہے۔

اور اگر اللہ تمہیں کو ئی تکلیف یا نقصان پہنچائیں تو اس کے سوا اس کو کوئی دور کر نے والا نہیں۔

اور اگر وہ تمہیں بھلا ئی پہنچا ئے(توکوئی اس کاروکنے والا نہیں ) پس وہ ہر چیز پر قادر ہے۔

اور وہ اپنے بندوں پر (پُورا پُورا اختیار رکھتا ہے)غالب ہے اور وہ بڑا ہی دانا(ہر چیز سے) باخبر ہے۔

ان سے پو چھئے کہ سب سے بڑھ کر (قرینِ انصاف) کس کی شہادت معتبر ہو سکتی ہے؟ کہہ دیجئے اللہ تعالیٰ کی۔

وہ میرے اور تمہارے در میان گواہ ہے(اس سے بڑھ کر بڑی گوا ہی کونسی ہو سکتی ہے؟)

اور( یہ بھی کہیئے) یہ قر آن مجھ پر وحی کیا گیا ہے تا کہ میں اس (قر آن) کے ذریعہ تم کو ڈرا ئوں۔

اور جس شخص تک وہ پہنچ سکے اس کو آگا ہ کردوں(و نیز جس شخص تک یہ تعلیم پہنچے اُس کے بھی یہی فرا ئض ہوں گے۔ )

کیا تم اس بات کی شہادت دیتے ہو کہ اللہ تعالیٰ کے ساتھ (اللہ تعالیٰ کے سوا) اور بھی معبود ہیں۔

(ائے محمد ﷺ) کہہ دیجئے میں تو ایسی غلط شہادت نہیں دے سکتا۔ کہہ دیجئے صرف وہی ایک معبود ہے ۔ (قابلِ عبادت، لائق استعانت)

اور میں تمہا رے اُن مشر کانہ اعمال سے بے تعلق ہوں جنھیں تم کیا کرتے ہو۔

جن لوگوں کو(تم سے پہلے) ہم نے کتابیں دی تھیں وہ انھیں (ہمارے ان پیغمبرکو) اسی طرح جانتے ، ہیں جس طرح وہ اپنے بیٹوں کو پہچا نتے ہیں

جو لوگ اپنی آپ تبا ہی کا باعث بنتے ہیں وہی ایمان نہیں لاتے۔

یا احکام ِ الٰہی کو جھٹلا دے یعنی جو حقائق اللہ تعالیٰ نے بیان فر ما ئے ہیں ، ان کی تکذیب کرے۔

یقیناً(ایسے) ظا لم فلاح نہیں پاتے۔

اور جس دن ہم اُن سب کو جمع کریں گے ۔ پھر ہم شرک کرنے والوں سے پو چھیں گے ۔ کہاں ہیں وہ تمہارے شریک ؟ جن کے بارے میں تمہارا اِدّعا تھا (کہ وہ تمہیں مصا ئب سے بچا ئیں گے ۔)

پھر تو اُن سے کوئی عذر نہ بن پڑے گا۔ سوائے اس کے کہ
کہیں گے قسم ہے اللہ تعالیٰ کی جو ہمارا پر ور دگار ہے ہم مشرکین میں سے نہ تھے ۔

دیکھئے اپنے آپ پر وہ کس دروغ بیانی سے کام لیں گے۔
اور (اللہ تعالیٰ کے تعلق سے) جو مشرکانہ عقائد انھوں نے (بطور خود ) گھڑ رکھے تھے وہ سب اُن کے ذہنوں سے نکل جا ئیں گے۔

اور اُن میں بعض ایسے بھی ہیں جو ( بظاہر بڑی توجہ سے ) آپ کی طرف کان لگا ئے رکھتے ہیں (حالانکہ وہ سنتے سمجھتے کچھ نہیں)

اور ہم نے (انکار ِ حق کی پاداش میں) ان کے دلوں پر پردے ڈال دیئے ، ہیں تا کہ ہ سمجھ ہی نہ سکیں۔

اور ان کے کانوں میں ثقل پیدا کر دیا( کہ حق بات سُن ہی نہ سکیں)

اور اگر یہ صدا قت کے تمام آثار(ونشا نیاں) دیکھ بھی لیں۔

تو ایمان نہ لائیں۔ تا آنکہ جب وہ آپؐ کے پاس آتے ہیں تو جھگڑ نے کے لیے ہی آتے ہیں(حق کو سمجھنے کے لیے نہیں آتے)

کافر(کلامِ الٰہی سن کر) کہتے ہیں یہ تو پہلے کے لوگوں کی کہا نیا ں ہیں۔

اور وہ اس سے ( اور وں کو بھی) روکتے ہیں اور خود بھی اس سے رُکتے ہیں۔

اوروہ ٰ (اس طرح کی حرکتوں سے) اپنے آپ کو ہلاک کرتے ہیں۔ اورانھیں اس کا شعورتک نہیں۔

اور کاش آپؐان کو اُس وقت دیکھتے جبکہ وہ دوزخ کے کنا رے لا کھڑا کیے جائیں گے( انھیں اُمیدپیداہوگی شاید کہ وہ پھر دنیا میں بھیجے جائیں (اس وقت) وہ کہیں گے کیا ہی اچھا ہو تا کہ ہم (دنیا میں) واپس لوٹا ئے جاتے۔

تو اپنے پرور دگار کے احکام کو نہ جھٹلا تے اور ایمان لانے والوں میں شامل ہو جا تے۔

بلکہ جس حقیقت کو وہ اس سے قبل چھپائے رکھے تھے وہ ان پر ظا ہر ہوجائے گی(ان کا مشر ک ہو نا ثابت ہو جائے گا)

اور اگر وہ دنیا میں لوٹا ئے بھی جاتے تو جن(مشر کانہ اعمال) سے انھیں منع کیا گیا تھا پھر وہی کرنے لگتے۔

اور یہ بڑے ہی جھوٹے ہیں۔

اور(منکرانِ حق) کہتے ہیں ، زندگی تو بس اِسی دنیا کی ہے۔

اور ہم ( مرنے کے بعد) دوبارہ( زندہ) نہیں اُٹھا ئے جا ئیں گے۔

اورکاش آپؐ اُن کو اس وقت دیکھتے جب وہ اپنے پر ور دگار کے سامنے (محا سبۂ اعمال کے لیے ) لاکھڑا کئے جا ئیں گے۔

(اللہ تعالیٰ) فر مائیں گے کیا یہ ( دوبارہ زندہ ہونا ) ایک حقیقت نہیں ہے؟

تو وہ کہیں گے۔ ہاں ہمارے پر ور دگار کی قسم بجا و بر حق ہے۔

اللہ تعالیٰ فر ما ئیں گے تم اپنے کفر کے بدلے( جو دنیا میں کیا کرتے تھے) عذاب کے مزے چکھو۔

یہاں تک کہ جب اُن پر قیامت اچانک آموجود ہو گی(اس وقت) وہ کہیں گے ۔ افسوس ہم پر۔ اس معاملہ میں ہم سے کس قدر کو تاہی ہوگئی(ہم نے کتنی بڑی غلطی کی)

اور وہ اپنے اعمال کے بو جھ( گناہ) اپنی پیٹھوں پر اُٹھا ئے ہو ںگے۔

کیا ہی بُرا بوجھ ہوگا، جسے وہ اُٹھائے ہوںگے۔

اور دنیا کی زندگی(آخرت کی حقیقی ابدی سر ورو شاد مانی کی زندگی کے مقابلہ میں) ایک کھیل تما شہ سے زیادہ نہیں۔

اور آخرت کا گھر نہایت ہی اچھا ہے اُن لوگوں کے لیے جو(اللہ تعالیٰ) سےڈرتے ہیں( اور مر ضیاتِ الٰہی کے مطابق زندگی بسر کر تے ہیں) کیا تم اتنی بات بھی نہیں سمجھتے۔

(ائے نبیؐ) یہ لوگ آپ کے تعلق سے جو باتیں کہتے ہیں ہم جانتے ہیں کہ آپ کو تکلیف پہنچتی ہے۔

دراصل وہ آپ کو نہیں جھٹلا رہے ہیں بلکہ یہ ظا لم اللہ تعالیٰ کے احکام (الٰہی تعلیمات کا) انکار کیے جا رہے ہیں۔

اور آپؐ سے پہلے بہت سے رسول جھٹلا ئے جا چکے ہیں، مگر وہ اس تکذیب اور اُن اذیتوں پر جو انھیں پہنچا ئی گئی تھی، صبر کرتے رہے ۔

یہاں تک کہ ہماری مدد ان کو آ پہنچی اور (رسولوں سے کیا ہوا وعدۂ نصرت بدل نہیں سکتا) خدا تعالیٰ کی باتوں کو کوئی بدلنے والا نہیں۔

اور ان رسولوں کے ساتھ جو کچھ پیش آیا، اس کی خبر یں آپ تک پہنچ چکی ہیں( کہ کس طرح اللہ تعالیٰ نے اُن کی وقتاً فوقتاً مدد کی تھی۔)

اور اگر اُن کی رو گر دانی آپؐ پر شاق گزر تی ہے۔

اگر آپ میں اتنی طاقت ہے تو زمین میں کوئی سر نگ ڈھونڈ ھ نکالیے۔

یا آسمان میں( چڑ ھنے کے لیے ) کوئی سیڑھی بنا لیجئے۔ پھر ان کے پاس کوئی معجزہ لے آئیے۔

اور اگر اللہ تعالیٰ چاہتے تو ان سب کو( جبراً) ہدایت پر جمع کر دیتے (مگر با لجبر حق کو مان لینا خود انسان کے لیے مفید نہیں ہوتا)

لہٰذا آپؐ بے علم لوگوں کی طرح نہ ہو جائیے۔

واقعہ یہ ہے کہ دعوتِ حق وہی لوگ قبول کر تے ہیں، جو غور(گوشِ دل) سے سنتے ہیں۔

اور مُردوں کو اللہ تعالیٰ(قیامت کے دن اجسام کے ساتھ دوبارہ قبروں سے) اُ ٹھا ئیں گے۔ پھر وہ سب محا سبۂ اعمال کے لیے اُسی کی عدالت میں لائے جا ئیں گے۔

اور (کافروں کا ایک اعتراض یہ تھا) کہتے تھے اس (نبی) پر اس کے رب کی طرف سے کوئی معجزہ کیوں، نہیں نا زل کیا گیا۔

(ائے نبیؐ) کہئیے اللہ تعالیٰ معجزہ عطاء کر نے پر پوری طرح قادر ہیں۔

لیکن ان میں سے اکثر لوگ نہیں جانتے (کہ معجزہ نہ دینے میں کیا حکمتِ الٰہی ہے)

اور زمین پر چلنے پھر نے والے جانور اور اپنے دونوںبا زو ئوں پر(فضا ء میں) اڑنے والے پرند ے سب تمہاری طرح گرو ہوں میں بٹے ہوئے ہیں ۔

اللہ تعالیٰ فرماتے ہیں ۔ ہم نے اُن کے نوشتۂ تقدیر میں کوئی کمی نہیں کی ہے۔

پھر وہ سب ( اپنے اپنے اعمال کی جواب دہی کے لیے) اپنے پر ور دگار کے سامنے حاضر کیے جا ئیں گے۔

اور جن لوگوں نے ہماری تعلیمات کوجھٹلا یا بہرے اور گونگے ہیں( جہل کی) تا ریکیوں میں پڑے ہوئے ہیں ۔

اللہ تعالیٰ جسے چا ہتے ہیں گمرا ہی میں پڑا رہنے دیتے ہیں( یعنی جو شخص طالبِ ہدایت نہیں ہوتا گمرا ہی میں پڑا رہتا ہے تو اللہ تعالیٰ اس کو اسی حالت میں چھوڑ دیتے ہیں۔)

اور جسے چاہتے ہیں سید ھی راہ دکھا تے ہیں۔ یعنی جو طالبِ ہدایت ہوتا ہے اس کو صراط مستقیم پر چلنے کی توفیق بخشتے ہیں۔

کہیئے(ائے لوگو) کیاتم نے کبھی اس بات پر غور کیاہے اگر تم پر اللہ تعالیٰ کا عذاب آجا ئے

یاتم پر قیامت کی گھڑی آ جا ئے تو کیا تم اس وقت بھی مدد کے لیے کسی غیر اللہ( ملا ئکہ انبیاء علیہم السلام اور بزر گوں) کو پکارو گے؟ اگر تم سچّے ہو۔

بلکہ تم (ایسی مصیبت کے وقت ) اللہ تعالیٰ ہی کو پکاروگے تو جس مصیبت کو دفع کرنے کے لیے اس کو پکار تے ہو وہ چا ہے تو دور کردے۔ اور جن کو تم نے (اللہ تعالیٰ کی نا فرمانروائی میں) شریک بنا ئے رکھا تھا اس وقت انھیں بھول جا تے ہو۔

پھر ہم نے ( ان کی نا فر ما نیوں کی وجہ) انھیں سختیوں اور تکلیفوں میں مبتلاء کیا تا کہ وہ (خشیت الٰہی کے ساتھ) تائب ہوں۔

پھر جب ہما ری طرف سے ان پر مصیبتیں آئیں تو (تو بہ و خشیت الٰہی کے ساتھ) رجوعِ الی اللہ کیوں نہ ہوئے۔

لیکن ان کے دل (نرم پڑنے کے بجا ئے) اور بھی سخت ہو گئے۔

اور شیطان نے اُن کی بداعمالیوں کو( اُن کی نظر میں) آراستہ کر دکھا یا۔

پھر جب انھوں نے اُن نصیحتوں کو بھلا دیا جو(کتاب اللہ کے ذریعہ) انھیں دی گئی تھیں۔

تو آز مائش کے طور پر(ہر طرح کی خوشحالی کے دروازے کھول دئیے۔

یہاں تک کہ جب وہ ان چیزوں سے خوش ہو گئے جو انھیں دی گئی تھیں۔

تو ہم نے انھیں اچا نک اپنی گرفت میں لیا دفعتہً عذاب نا زل کیا ۔ پھر

وہ اسی وقت ما یوس ہو کر رہ گئے۔( یعنی ان کی ساری تو قعات پر پانی پھر گیا۔ واسطے وسیلے کام نہ آئے۔)

پھر ظالم قوموں کی جڑیں کاٹ دی گئیں یعنی انکا نام و نشان بھی باقی نہیں رکھا

اور ساری تعریف اللہ تعالیٰ ہی کے لیے ہے جو سارے عا لمین کے رب ( سب کے حاجت روا، کار ساز خالق ورزاق) ہیں ۔

(ان کافروں سے) کہئے۔ کیا تم نے اس بات پر غور کیا ہے اگر اللہ تعالیٰ تمہاری سماعت اور تمہاری بصارت چھین لیں اور تمہارے دلوں پر مہر لگا دیں تو اللہ تعالیٰ کے سوا کون ایسا ہے؟ جو تمہیں سمع و بصر کی قوتیں لوٹا دے۔

ائے نبی(ﷺ) دیکھئے ہم کس طرح بار بار اپنے دلا ئل بیان کرتے ہیں پھر بھی وہ ( حقائق سے) رو گردانی کرتے ہیں۔

کہئیے کیا تم نے کبھی اس بات پربھی غور کیا ہے۔ اگر تم پر اللہ تعالیٰ کا عذاب دفعتاً حالتِ بے خبری یا باخبری میں آجاے۔

تو کیا ظا لم قوم کے سوا کوئی اور بھی ہلاک ہو سکتا ہے؟

اور ہم(اپنے) رسولوں کو محض اس لیے بھیجتے رہے ہیں کہ وہ (دعوتِ حق قبول کرنے والوں کوجنّت ودر جاتِ جنّت کی) خوشخبری سنائیں۔ اور(انکار کرنے والوں کو عذابِ الٰہی سے ) ڈرا ئیں۔

لہٰذا جو کوئی ایمان لائےاور( اپنے عقائد کی) اصلاح کرلے( نیکوں کار بن جائے) تو ا ایسے لوگوں کو کچھ خوف نہ ہوگا اور نہ وہ (کسی طرح کے) حزن و ملال میں مبتلا ہوں گے۔

اور جن لوگوں نے ہما ری آیتوں کو جھٹلا یا، اُن کی نا فر ما نیوں کی وجہ انھیں عذاب ہوگا۔

کہئے میں تم سے یہ تو نہیں کہتا کہ اللہ تعالیٰ کے غیبی خزانے میرے پاس ہیں اور نہ یہ کہ میں غیب کا جاننے والا ہوں۔

اور نہ میں تم سے یہ کہتا ہوں کہ میں فرشتہ ہوں۔

میں تو اُس حکم کی اتّباع کرتا ہوں جو میری طرف وحی کیا جاتا ہے۔

کہئے کیا اند ھا اور آنکھ والا برابر ہو سکتا ہے؟

کیا تم اتنا بھی نہیں سوچتے؟(غورو فکر سے کام ، نہیں لیتے؟)

(اور وہ جانتے ہیں کہ) اللہ کے سوا نہ تو اُن کا کوئی دوست ہے اور نہ کوئی سفارش کرنے والا۔

(یہ تعلیم انھیں اس لیے دی گئی ہے کہ) تاکہ وہ پار سا وپر ہیزگار بنے رہیں۔

ائے نبی ﷺ ان لوگوں کو (جو غریب ونادار ہیں، دعوت حق قبول کرچکے ہیں اور) جو صبح و شام (ہرحاجت و مشکلات میں) اپنے ہی رب کو (مدد کے لئے) پکارتے ہیں، رضائے الٰہی کے جو یا ہیں (روسائے قریش کی خاطر) انھیں اپنے سے دور نہ کیجئے۔

ان کے حساب( اِن کی بداعمالیوں) کی آپؐ پر کوئی ذمہ داری نہیں ہے۔

اور نہ آپؐ کے حساب کی جواب دہی ان پر ہے۔

اگر آپ انھیں اپنے سے دور کردیں تو ظالموں میں ہوجاؤگے (آپ کا شمار بھی نا منا سب کام کرنے والوں میں ہو جا ئے گا۔)

(اور وہ جانتے ہیں کہ) اللہ کے سوا نہ تو اُن کا کوئی دوست ہے اور نہ کوئی سفارش کرنے والا۔

(یہ تعلیم انھیں اس لیے دی گئی ہے کہ) تاکہ وہ پار سا وپر ہیزگار بنے رہیں۔

ائے نبی ﷺ ان لوگوں کو (جو غریب ونادار ہیں، دعوت حق قبول کرچکے ہیں اور) جو صبح و شام (ہرحاجت و مشکلات میں) اپنے ہی رب کو (مدد کے لئے) پکارتے ہیں، رضائے الٰہی کے جو یا ہیں (روسائے قریش کی خاطر) انھیں اپنے سے دور نہ کیجئے۔

ان کے حساب( اِن کی بداعمالیوں) کی آپؐ پر کوئی ذمہ داری نہیں ہے۔

اور نہ آپؐ کے حساب کی جواب دہی ان پر ہے۔

اگر آپ انھیں اپنے سے دور کردیں تو ظالموں میں ہوجاؤگے (آپ کا شمار بھی نا منا سب کام کرنے والوں میں ہو جا ئے گا۔)

اور اسی طرح ہم نے بعض لوگوں کی بعض سے آزمائش کی ہے۔ روسائے قریش کے مقابلے میں غر با کو ایمان کی توفیق بخشی۔

تا کہ یہ( رو سا ئے قریش یہ حسرت آ میز کلمات) کہیں کیا یہی لوگ، ہیں جن کو اللہ تعالیٰ نے ہم پر فضیلت دی ہے۔

( اللہ تعالیٰ فر ماتے ہیں) کیا اللہ تعالیٰ اپنے شکر گزار بندوں کو نہیں جانتے( یقیناً جانتے ہیں)

اور جب آپؐ کے پاس وہ لوگ آئیں جنھوں نے ہماری تعلیم قبول کرلی ہے تو آپؐ اُن سے سلام علیکم کہا کرو۔

(اور یہ بھی کہیئے) تمہارے پرور دگار نے رحمت اختیار کی ہے۔

تم میں سے جو کوئی جہالت کی وجہ کوئی بُرا کام کر بیٹھے۔

پھر اس کے بعد(ساتھ ہی) توبہ کرلے اور(اپنے عقیدہ اور اعمال کی) اصلاح کرلے۔

تو اللہ تعالیٰ بخشنے والے رحم فر ما نے والے ہیں۔

اور اسی طرح ہم اپنے احکام کھول کھول کر بیان کرتے ہیں تا کہ آپ کو

مجرمین کی چال کا پتہ چل جا ئے۔

کہہ دیجئے میں تمہارے(باطل) خوا ہشات(باطل عقائد) کی پیر وی نہیں کرتا۔

اگر میں ایسا کروں تو بے راہ ہو جا ئوں گا اور میرا شمار ہدایت یافتہ لوگوں میں نہ ہوگا۔

کہیئے میں تو اپنے رب کی طرف سے( عقلی فطری) واضح دلیل پر قائم ہوں اور تم اس کی تکذیب کرتےہو۔

تم جس چیز کےلئے( عذاب یا جس آخری فیصلہ کی) جلدی کرتے ہو وہ تو میرے پاس (میرے اختیار میں) نہیں ہے( اس کے واقع ہو نے کا ایسا) حکم تو اللہ ہی کے اختیار میں ہے۔

وہی امرِحق بیان فر ما تا ہے اور وہی( حق وباطل کا) بہترین فیصلہ کرنے والا ہے

کہہ دیجئے جس چیز کی تم جلدی کر رہے ہو اگر وہ میرے اختیار میں ہو تی تو میرے اور تمہارے درمیان (کبھی کا) فیصلہ ہو چکا ہوتا۔

اور اللہ تعالیٰ تو ظا لموں سے خوب واقف ہیں۔

اور اسی(اللہ) کے پاس غیب کی کنجیاں، ہیں جن کو اُس کے سوا کوئی نہیں جانتا۔

یعنی تمام خزا ئنِ غیبیہ اللہ تعالیٰ ہی کے اختیار میں ہیں۔
اور وہ بحرو بر( یعنی خشکی وتری کی )سب چیزوں کو جانتا ہے۔

اور جو پتہ( درخت سے) جھڑ تا ہے وہ اس کو بھی جانتا ہے،

اور زمین کے اندر تہ بہ تہ تا ریکیوں میں کوئی دانہ اور کوئی خشک وتر چیز ایسی نہیں ہے جو اللہ تعالیٰ کی کتاب یعنی( لوحِ محفوظ) میں لکھی ہوئی نہ ہو۔

وہی تو ہے جو رات کو سونے کی حالت میں تمہاری روح قبض کرتا ہے۔

اور جو کچھ تم دن میں کرتے ہواُس کو بھی جانتا ہے۔

(اور کارو بار کی انجام دہی کے لیے) پھر تمہیں نیند سے جگا تا ہے تاکہ متعین ( یہی سلسلہ جا ری رکھ کر زندگی کی ) مدّت پوری کرے۔

پھر تم سب کو اسی( اللہ ) کی طرف لوٹ کر جانا ہے۔ پھر تم جو کچھ بداعمالیاں کر تے رہے تھے وہ تمہیں( گِن گِن کر) بتا دے گا۔

اور( اسی نے) تمہاری حفاظت کے لیے نگہبان(فرشتے) مقرر کیے۔

یہاں تک کہ جب تم میں سے کسی کی موت آجا تی ہے تو ہمارے فرشتے اس کی روح قبض کر لیتے ہیں۔ اور وہ قبضِ روح کے مقررہ وقت میں ذرا بھی کو تا ہی نہیں کرتے۔

پھر سب کےسب (قیامت کے دن محا سبۂ اعمال کے لیے) اللہ تعالیٰ کی طرف جوان کا حقیقی کار ساز ہے، لائے جا ئیں گے۔

خبر دار( اچھی طرح سُن لو)فیصلہ اُسی کے اختیار میں ہے اور وہی بہت جلد حساب لینے والا ہے ۔

(ائےنبی) ان سے پو چھئے بحر وبر کی تا ریکیوں سے تمہیں کون نجات بخشتا ہے۔ نہایت ہی خشیت کے ساتھ دل ہی دل میں اُسی کو( مدد کے لیے )پکار تے ہو۔

اگر اللہ تعالیٰ ہم کو اس مصیبت سے نجات بخشیں تو ہم اُسی کے شکر گذار ہوں گے۔

کہیئے اللہ تعالیٰ ہی تم کو اس مصیبت اور ہر تکلیف سے بچا تے ہیں۔ پھر بھی تم ( اس کے ساتھ) شرک کرتے ہو۔

کہیئے وہ اس بات پر قادر ہے کہ کسی وقت بھی آسمان سے تم پر عذاب بھیجے یا تمہارے پائوں کے نیچے سے ( بہ شکلِ زلز لہ) عذاب آئے۔

یاتم کو فرقہ واریت میں بانٹ کر تمہا رے اتّحاد کو پارہ پارہ کردے اور ایک دوسرے سے لڑا کر( آپس میں) لڑائی کا مزہ چکھا دے

دیکھئے ہم کس طرح بار بار( مختلف طریقوں سے) اپنی آیتیں بیان کرتے ہیں تا کہ وہ حق وباطل کو سمجھیں۔

اور اس قرآن کو آپؐ کی قوم نے جھٹلا دیا حا لانکہ قرآن سراسر حق ہے۔

کہئے میں تم پر مسّلط نہیں کیا گیا ہوں(تمہیں اختیار ہے چا ہے مانو یا نہ مانو)

ہر چیز کے( ظہور میں) آنے کا ایک وقت مقرر ہے اور عنقریب تم کو معلوم ہو جا ئے گا۔

اور جب آپ دیکھیں کہ وہ ہما ری آیتوں کے متعلق بے ہودہ بکواس کر رہے ہیں ۔

تو آپؐ اُن سے الگ ہو جائیے تا آنکہ وہ اور باتوں میں مصروف ہوجائیں۔

اور اگر آپؐ کو شیطان بھول میں ڈال دے

تو یاد آجا نے کے بعد ظا لموں کے پاس نہ بیٹھے رہیئے۔

اور پر ہیز گا روں پر لوگوں کے حساب کی جواب دہی نہیں ہے۔

اس کے با وجود نصیحت تو ضروری ہے تا کہ وہ ( گمرا ہی سے ) بچ جائیں۔

اور جن لوگوں نے اپنے دین کو کھیل تما شہ بنائے رکھا ہے اُنھیں اُن کے حال پر چھوڑ دیجئے۔

دنیا کی زندگی نے انھیں دھو کہ میں ڈال رکھا ہے۔

اُنھیں قر آن کے ذریعہ نصیحت کیا کیجئے تا کہ کو ئی شخص(قیامت کے دن اپنے باطل عقائد و)اعمال کی پا داش میں عذاب میں مبتلا نہ ہونے پائے۔

کیو نکہ (اُس روز ) اللہ تعالیٰ کے سوا( اللہ تعالیٰ کے مقابلہ میں) کوئی غیر اللہ اس کا نہ مدد گار ہوگا اور نہ سفارشی۔

اور اگر وہ ( اپنی مجر مانہ روش کی پاداش میں) ہر وہ چیز جو روئے زمین پر ہے فد یہ میں دینا چا ہے تو اس سے ہر گز قبول نہ کی جائے گی۔

یہی وہ لوگ ہیں جو اپنی مشر کا نہ روِش کی پاداش میں ہلاکت میں ڈالے گئے

انھیں پینے کے لیے کھولتا ہوا پانی اور درد ناک سزائیں ہیں۔ اس سبب سے کہ وہ کفر کرتے تھے۔

اللہ تعالیٰ ہم کو (دین اسلام کی) ہدایت دینے کے بعد کیا ہم اُلٹے پائوں پھر جائیں یعنی مرتد ہو جائیں(جس باطل عقیدے کو ترک کر کے آئے ہیں کیا اُسے دوبارہ اختیار کریں)

اُس شخص کی طرح جس کو شیطان نے صحرا میں حیران و پریشان کر دیا ہو (بھٹکا دیا ہو)

اس کے کچھ رفیق ہوں اُس کو راستے کی طرف بُلا رہے ہوں کہ ہما ری طرف آ ۔

کہئے سید ھا راستہ تو وہی ہے جو اللہ تعالیٰ نے دکھا یا ہے یعنی اللہ تعالیٰ کی عبادت کا صحیح طریقہ وہی ہے جو اللہ تعالیٰ نے بتلا یا ہے۔

اور ہمیں حکم دیا گیا ہے کہ(اسی طریقہ کے مطابق) رب العالمین کے آگے سرِ نیاز جھکا ئیں۔

اور یہ کہ نماز قائم رکھیں اور اسی سے ڈریں۔ اور وہی تو ہے جس کے پاس (محاسبۂ اعمال کے لیے ) تم حاضر کیے جا ئو گے ۔

اور وہی تو ہے جس نے آسمانوں اور زمین کو با مقصد بنا یا (عبث نہیں پیدا کیا )

اور جس دن (اُس انجام کے ظاہر ہونے کا) وہ حکم دے گاکہ ہوجاتو وہ ہوجائے گا۔ حشر بر پا ہوگا، یعنی قیامت واقع ہو جا ئے گی۔

اُس کا یہ ارشاد بر حق ہے( یعنی اللہ تعالیٰ کی یہ بات ہو کر رہے گی) اور نافرمانر وائی اسی کے لیے (مختص) ہے۔

جس دن صور پھونکا جا ئے گا(قیامت اسی دن بر پا ہوگی)

وہی پو شیدہ وظاہر کا جاننے والا ہے۔

اور وہی حکیم وخبیر ہے۔( یعنی تجاویز الٰہی بڑے ہی حکیمانہ و ما ہرا نہ ہیں)

(وہ واقعہ بھی یاد رکھنے کے قابل ہے)اور جب ابرا ہیم ؑ نے اپنے باپ آذر سے کہا۔

کیا تم بتوں کو معبود قرار دیتے ہو۔ (یعنی گزرے ہوئے بزر گوں کی مورتیاں بنا کر ان کی پرستش کرتے ہو۔)

میں تم کو اور تمہاری قوم کو کھلی گمراہی میں دیکھتا ہوں۔

اور اسی طرح ہم نے ابراہیمؑ کو آسمانوں اور زمین میں اپنی فر ما نر وائی دکھائی (ایسی فر ما نروائی جس میں اللہ کا کوئی شریک نہیں۔)

تا کہ وہ یقین کر نے والوں میں سے ہو جا ئیں ۔ (یعنی مشاہدہ کی بناء پر قوتِ یقین کے ساتھ لوگوں کو حق کی طرف بلا ئیں۔ اور اللہ کا معبود ومستعان حقیقی، کار ساز و حاجت روا ہو نا ذہن نشین کرائیں۔)

جب رات کی تا ریکی اُن پر چھا گئی تو ایک روشن ستارہ دیکھا( بطورِ معارضہ قوم کو الزام دینے کے لیے ) کہا یہ میرا پر ور دگار ہے۔

پھر جب وہ ستارہ غروب ہو گیا تو (حضرت ابراہیمؑ نے)کہا میں غائب ہو جا نے والوں کو پسند نہیں کرتا۔(اِسی طرح)

پھر جب آپ نے چاند کو چمکتا دمکتا دیکھا تو کہاں ہاں یہ میرا رب ہے۔

پھر جب وہ ( چاند بھی) غروب ہو گیا تو کہا اگر میرا رب مجھ کو ہدایت نہ دے تو (ایسی چیزوں کو رب مان کر) میں بھی راہ حق سے بھٹکے ہوئے لوگوں میں سے ہو جا ئوں گا۔

پھر جب آپؐ نے آفتاب کو طلوع ہو تے دیکھا۔

کہاہاں یہ میرا رب ہےیہ (کہ سب سے زیادہ) بڑا ہے۔

پھر جب وہ بھی غروب ہو گیا تو کہا ائے میری قوم جن چیزوں کو تم(اللہ تعالیٰ کا) شریک قرار دیتے ہومیں اُس سے بے تعلق ہوں۔

میں (ان تمام غیراللہ سے بے رُخ ہو کر جن کو لوگ اللہ تعالیٰ کے ساتھ الٰہ بنا ئے ہوئے ہیں) اپنا رُ خ اخلاص کے ساتھ اُس ذاتِ واحد کی طرف کر چکا یعنی اللہ کا ہو رہا جس نے زمین و آسمانوں کو پیدا کیا اور میں مشرکین میں سے نہیں ہوں۔
(یعنی حا جتوں مصیبتوں میں غیر اللہ کی طرف متوجہ ہو نے والوں میں سے نہیں ہوں مدد کے لیے اللہ تعالیٰ ہی کو پکار تا ہوں)

اور اُن کی قوم اُن سے جھگڑ نے لگی(آپؑ کی بات نہ مانی) (ابراہیمؑ نے اپنی قوم سے) کہا کیا تم مجھ سے اللہ تعالیٰ کے( اِلٰہ واحد ہونے کے) بارے میں جھگڑ تے ہو۔ اُس نے مجھے سید ھا راستہ دکھا یا۔

اور جن چیزوں کو تم اُس کا شریک قرار دیتے ہو میں اُن سے نہیں ڈرتا سوائے اس کے کہ میرا رب ہی(کسی مصلحت کے تحت ) ایسا چا ہے۔

اور میرا رب ہر چیز کے تعلق سے بڑا ہی وسیع العلم ہے۔

کیا پھر بھی تم نصیحت حاصل نہیں کرتے؟

اور میں کس طرح(ان سے) ڈر سکتا ہوں جنھیں تم نے شریکِ خدا بنا رکھا ہے۔

اور تم اللہ تعالیٰ کے ساتھ دوسروں کو شریکِ قرار دیتے ہوئے بھی نہیں ڈر تے۔

جس کے جواز میں اللہ تعالیٰ نے تم پر کوئی دلیل نا زل نہیں کی۔

پس دونوں فریقوں میں سے کو نسا فریق امن کا مستحق ہے؟ (بتا ئو) اگر تم جانتے ہو۔

جو لوگ ایمان لائے(یعنی اللہ تعالیٰ ہی کو معبود ومستعان مانا) اور انھوں نے اپنے ایمان کو شرک کی آمیزش سے پاک رکھا۔

اُن ہی کے لیے امن وسلا متی ہے (یعنی وہی اللہ تعالیٰ کے عذاب سے محفوظ ومامون رہیں گے) اور وہی ہدایت پا نے والے ہیں۔

ہم جس کو چا ہتے ہیں فضیلت ِعلمی عطاء کرتے ہیں۔

بے شک تمہارا پر ور دگار بڑا ہی دانا جاننے والا ہے۔

اور ہم نے اُنھیں اسحٰق( نا می فر زند) اور یعقوب(نا می پو تا) بخشا۔

ہم نے سب کو راہِ ہدایت بخشی۔

اور ان سے پہلے ہم نے نوحؑ کو بھی راہِ ہدایت دی تھی۔

اور ان کی آل واولاد میں سے داو،دؑ وسلیمانؑ اور ایوبؑ و یوسفؑ اور موسیٰؑ وہارونؑ کوبھی(ہدایت کے اعلیٰ مقام پر فا ئز کیا یعنی نبوت عطا ء کی)

ہم نیکو کاروں کو (ان کی نیکیوں کا )ایسا ہی بدل عطا کرتے ہیں۔

اور اسی طرح ذکر یاؑ اور عیٰسےؑ اور یحییٰؑ اور الیاسؑ سب کے سب صالحین میں سے تھے۔

اور اسماعیلؑ اور یسعؑ اور یونسؑ اور لوطؑ ہم نے ان سب کو (نبوت) دے کر سارے عالم پر فضیلت بخشی۔

اور اُن کے آبا واجداداور اُن کی اولاد اور اُن کے بھائی کو بھی بر گزیدہ کیا اور انھیں(جنّت کی) سید ھی راہ دکھا ئی۔

یہ اللہ تعالیٰ کی ہدایت ہے اللہ تعالیٰ اپنے بندوں میںسے جسے چا ہتے ہیںہدایت دیتے ہیں۔

(بہ فرضِ محال) اگر یہ لوگ بھی شرک کرتے تو ان کی نیکیاں بھی بر باد کردی جاتیں ۔

یہ وہ لوگ ہیں جن کو ہم نے کتاب دی دانا ئی بخشی اور نبوت سے سر فراز کیا۔

اگر یہ( کفّار قریش) ان باتوں سے انکار کریں توہم نے (ان پر ایمان لانے کے لیے) ایسی قوم کا انتخاب کیا ہے کہ وہ کبھی اُن کا انکار نہ کرے گی(مدینہ کے انصار مُراد، ہیں)

یہ وہ لوگ ہیں جنھیں اللہ تعالیٰ نے ہدایت بخشی لہٰذا انھیں کے طریقے کی تم اقتدا کرو۔

(ائے نبیﷺ) انھیں یہ بھی کہئیے کہ میں اس قرآن کے سنا نے کا تم سے کوئی صلہ نہیں چا ہتا۔

یہ قرآن تو سارے عالم کے لیے ایک نصیحت نامہ ہے۔

جب انھوں نے کہا کہ اللہ تعالیٰ نے انسان پر (وحی یا کتاب وغیرہ) کچھ بھی نازل نہیں کی ۔

ان سے پو چھئےجوکتاب موسیؑ لائے تھے وہ کس نے نازل کی تھی۔

جس میں لوگوں کے لیے علم کی روشنی اور ہدایتیں تھیں جسے تم نے علیحدہ اور اق میں نقل کر رکھا ہے۔

جس کے بعض اجزاء کوتم بیان کرتے ہو، اور اکثر (اہم) اجزاءکو چھپا تے ہو۔

اوراس کتاب کے ذریعہ تمہیں وہ تعلیم دی گئی ہے جسے تم جانتے تھے نہ تمہا رے باپ دادا۔

کہہ دو اللہ (اللہ ہی نے اس کتاب کو نازل فر ما یا تھا)پھر ان( معترضین) کو اُن کے حال پر چھوڑ دیجئے کہ وہ اپنی (اسی باطل )بے ہودہ بکواس میں مبتلا رہیں۔

اور یہ (قرآن) بابرکت کتاب ہے جسےہم نے نازل کیاہے جو

اپنے سے پہلےکی کتابوں کی تصدیق کرتی ہے(یعنی اُصولاً اس میں وہی تعلیم ہے جو اس سے پہلے نازل کی گئی تھی۔)

اور جو اس لیے نازل کی گئی ہے کہ آپؐمکہ اور اس کے اطراف رہنے والوںکو(یعنی ساری دنیا کو) اس بات سے آگاہ کردیں( کہ جو اس تعلیم کو قبول نہیں کرے گا، اس کا ابدی ٹھکا نا جہنّم ہے)

اور ( واقعہ یہ ہے کہ) جو لوگ حیاتِ آخرہ پر یقین رکھتے ہیں وہی اس کتاب پر بھی ایمان رکھتے ہیں۔

اور وہ (اہتمام کے ساتھ) اپنی نما زوں کی حفاظت کر تے ہیں۔

اور اس سے بڑھ کر ظالم کون ہو سکتا ہے جو اللہ تعالیٰ پر جھوٹی باتیں افترا ء کرے۔

یا یہ کہیئے کہ میری طرف وحی کی جاتی ہے جب کہ اس پر کوئی چیز وحی نہ کی جاتی ہو۔

ادر وہ بھی جو یہ کہے کہ میں بھی اللہ کی نازل کی ہوئی کتاب کی طرح ایک کتاب بنا کر لاسکتا ہوں۔

کاش آپؐ ان ظالموں( مشرکوں) کو اس وقت دیکھتے جب کہ یہ موت کی سختیوں میں مبتلاء ہو تے ۔

اور فرشتے(عذاب کے لیے) انکی طرف ہاتھ بڑ ھا رہے ہوں گے ۔

(اور کہہ رہے ہوں گے) اپنی جان آپ نکالو۔ آج تمہیں ذلّت آمیز عذاب دیا جا ئے گا۔

اس سبب سے کہ تم اللہ تعالیٰ کےمتعلق جھوٹی باتیں کہتے تھے اور تم احکامِ الٰہی سے سر کشی کرتے تھے یعنی نہ مانتے تھے۔

اور( کہا جا ئے گا) تم ہما رے پاس اسی طرح تنہا آئے ہو جس طرح ہم نے تم کو پہلی مرتبہ( بے سرو سا مان) پیدا کیا تھا۔

اور جوکچھ مال ومتاع ہم نے تمہیں عطا کیا تھا، وہ سب اپنی پیٹھ پیچھے (دنیا میں) چھوڑ آئے۔

کیا بات ہے کہ ہم تمہارے ساتھ تمہارے سفارشیوں کو نہیں دیکھ رہے ہیں۔ جن کے متعلق تمہا را گمان تھا کہ وہ تمہا رے ( شفیع) اور ہمارے شریک ہیں۔

تمہا رے اور ان (شرکاء) کے درمیان(جو عقیدت مند یاں) تھیں، وہ سب (آج) ختم ہوگئیں۔ اور جو دعوے تم کرتے تھے و ہ سب جاتے رہے۔

وہ جاندار کو بے جان سے اور بے جان کو جان دار سے پیدا کرتے ہیں۔

یہی تو اللہ ہے پھر تم کد ھر بہکا ئے جا رہے ہو۔

(وہی رات کی تا ریکی سے) صبح کی روشنی نمودار کرتے ہیں ۔

اللہ ہی نے رات کو سکون وآرام کے لیے بنا یا اور چاند اور سورج کو (اپنے اپنے محور پر ایک مقرر ہ حساب سے) گھو متے رہنے کا پابند بنا یا (تا کہ مہینوں سال اور صدیوں کا شمار ہو تا رہے)

یہ ایک نہایت ہی زبر دست جاننے والے (اللہ) علیم کا مقرر کیا ہوانظام ہے(جس میں کسی کی سفارش و مشورہ کو دخل نہیں)

اور وہی تو ہے جس نے تمہارے لیے ستارے بنائے تاکہ جنگلوں اور دریا ئو ںکے اندھیروں میں ان سے راستے معلوم کرو۔

عقل سے کام لینے والوں کے لیے ہم نے اپنی آیتیں کھول کھول کر بیان کردی ہیں ۔

اور وہی تو ہے جس نے تم کو ایک شخص واحد سے پیدا کیا۔

پھر تمہارے لیے چند روز ٹہر نے اور (سپر دِخاک ہو نے) کی جگہ تجویز فر ما ئی۔

سمجھنے والوں کیلئے ہم نے اپنی آیتیں وضاحت کے ساتھ بیان کردیں۔

اور وہ اللہ ہی تو ہے جس نے آ سمان سے مینہ بر سا یا۔اور وہ اللہ ہی تو ہے جس نے آ سمان سے مینہ بر سا یا۔

پھر ہم ہی اس (مینہ) کے ذریعہ ہر قسم کی رو ئید گی (نبا تات) اور سر سبز وشاداب کھیت اُگا تے ہیں۔

اس سے تہ بہ تہ دانے دار انا ج پیدا کرتے ہیں۔

اور کھجور کے گا بھے میں سے کھجور کے گچھے جو بوجھ سے جھکے پڑ تے ہیں نکالے۔

اور انگور کے باغ اور زیتون اور انار کے درخت پیدا کیے

جو بظاہر ایک دوسرے سے ملتے جلتے ہیں، ذایقہ کے اعتبار سے ایک دوسرے سے جُدا جُدا ہیں۔

(ذرا غور سے ) ان پھلوں کو دیکھو ذرا ذرا سے دانے کس طرح تد ریجاً پھل بنتے ہیں اور (پکنے پر کس قدر) خوش ذائقہ ہو تے ہیں۔

ایمان لا نے والوں کیلئے ان میں اللہ تعالیٰ کی قدرت کے کئی ایک نشان ہیں

ایسے لوگ بھی ہیں جنھوںنےجنوں کو اللہ تعالیٰ کا شریک ٹھیرا یا ہے۔ حالانکہ ان کو اللہ تعالیٰ نے پیدا کیا ہے۔ (خالق ومخلوق میں رتی برا بر کا تصور بھی شرک ہے)

اور انھوں نے بِلا دلیلِ علمی اللہ تعالیٰ کے لیے(اجنّہ و ملا ئکہ کو) بیٹے وبیٹیاں تجویز کر رکھا ہے۔

وہ پاک بلند و بر تر ہے ان باتوں سے جو مشرکین بیان کرتے ہیں۔

جب کہ انھیں بیوی نہ ہو( صمد ہوں اور شانِ بے نیازی رکھتے ہوں۔)

اللہ ہی نے ہر چیز کو پیدا فر مایا۔ وہی ہر چیز کی حقیقت کو جانتے ہیں۔ (نظم ونسق کی تمام تجا ویز سے باخبر ہیں)

یہی اللہ تمہارے پر ور دگار ہیں۔ اللہ کے سوا کوئی معبود و مستعان نہیں۔

وہی ہر شے کے پیدا کر نے والے ہیں لہٰذا (بلا شرکتِ غیر ے) اللہ کی عبادت کرو۔( اللہ سے استعانت(مدد) چا ہو)۔ اللہ ہر شے کے حاجت روا کار ساز(ما ویٰ و ملجا) ہیں۔

(اللہ کی یہ شان ہے کہ) نگا ہیں اس کا ادر اک نہیںکر سکتیں یعنی دیکھ نہیں پاتیں۔ اور وہ ساری نگا ہوں پر نگاہ رکھے ہوے ہے(ساری مخلو قات ہر آن اللہ تعالیٰ کی نظر وں میں ہے)

اور وہ نہایت ہی باریک بین ہر حال سے باخبر ہیں۔

یقیناً تمہارے پاس تمہارے رب کی طرف سے بصیرت پیدا کرنے والی تعلیم پہنچ چکی ہے۔

لہٰذا جس نے بصیرت حاصل کی اس کا فائدہ اسی کو ہوگا۔ اور جو اندھا بنارہا اس کا وبال اسی پرپڑے گا۔

اور میں تم پر نگہبان نہیں ہوں( تمہارے اعمال کے تم خود ذمّہ دار ہو۔)

اور اسی طرح اپنی آیتیں مختلف اندازسے بیان کر تے ہیں تاکہ کا فریہ نہ کہیں کہ آپؐ اہل کتاب سے سیکھ کر آئے ہیں۔

اور اس لیے بھی کہ جو لوگ سوجھ بوجھ سے کام لیتے ہیں ان پر حق وصداقت ظاہر ہو جا ئے۔

ائے نبی(ﷺ) ان احکام کی پوری پوری اتباع کیجئے جو تمہارے رب کی طرف سے تم پر وحی کیے گئے ہیں(خواہ جاہل اس کے خلاف لاکھ ہنگا مہ آرائی کریں، فتنہ و فساد مچائیں یا کچھ ہی کریں)

اللہ تعالیٰ کے سوا(اللہ تعالیٰ کے ساتھ) کوئی معبود ومستعان نہیں(وہی عبادت واستعانت کے لائق ہے) اور آپؐ مشر کین سے کنا رہ کش ہو جائیے

اور اگر اللہ تعالیٰ چاہتے تو مشرکین شرک نہ کرتے( اللہ تعالیٰ سب کو شرک سے بازر کھتے مگر اللہ کے دین میں جبر نہیں۔ اگر کوئی جبراً حق کو مان لے تو وہ اس کے لیے نفع بخش نہ ہو گا۔)

اور(ائے نبیﷺ) ہم نے آپؐ کو ان پر نگہبان بنا کر نہیں بھیجا۔

اور نہ آپؐ اُن کی( برائیوں کے) ذمّہ دار ہیں۔

اللہ تعالیٰ کے سوا جن کو یہ لوگ حاجتوں اور مصیبتوں میں مدد کے لیے پکارتے ہیں، آپ انھیں برُا بھلا نہ کہیئے۔

کہ کہیں وہ بھی مخالفت کے جوش میں جہل کی وجہ سے اللہ تعالیٰ کو بھی بُرا بھلا کہنے لگیں۔

اسی طرح ہم نے ہر ایک فرقہ کے اعمال اُن کی نظر میں اچھے کر دکھائے (تاکہ ان کا امتحان لیں)

پھر انھیں(محا سبۂ اعمال کیلئے) اپنے پر ور دگار ہی کی طرف لوٹ کر جانا ہے۔

پھر ہم انھیں بتا دیں گے کہ وہ کن اعمال کے مرتکب تھے۔

اور وہ(منکرانِ حق) اللہ تعالیٰ کی قسمیں کھا تے ہیں۔

کہ اگر اُن کے پاس کوئی معجزہ آتا تو وہ اُس پر ضرور ایمان لے آتے۔

کہئیے معجزات تو اللہ تعالیٰ کے اختیار میں ہیں۔

اور(ائے ایمان والو) تم کیا جانو اگر معجزہ آبھی جائے تب بھی وہ ایمان نہ لائیں گے(پہلے کی طرح کہیں گے یہ جا دو ہے یا کچھ اور عذر کر جائینگے)

اور ہم اُن کے دل اور اُن کی نگا ہوں کو اُلٹ دیں گے۔

جس طرح پہلی مرتبہ وہ اس قرآن پر ایمان نہ لائے تھے (ویسے پھر بھی ایمان نہ لائیں گے)

اور ہم اُن کو اُن کی سر کشی میں چھوڑ دیں گے کہ وہ اسی میں بھٹکتے رہیں۔

اور ہم دنیا کی ہر چیز ان کے سامنے جمع کردیتے تب بھی وہ ایمان نہ لاتے سوائے اس کے کہ مشیتِ الٰہی یہی ہو کہ وہ ایمان لائیں۔

لیکن ان کی اکثریت جہالت ہی کو اپنائے ہوئے ہے (اب ان سے ایمان لا نے کی توقع نہیں)

اور اسی طرح ہم نے شیطان سیرت انسانوں اور شیطان صفت جناتوں کو ہمیشہ سے ہر نبی کادشمن بنا یا ہے۔

(یہ باہم متحد ہو کر نبیؐ کے خلاف سا زش کیا کرتے ہیں۔ یہ سنّت اس لیے جا ری رکھی کہ جب تک دشمن قوی سے قوی تر نہ ہو باطل کے مقابلے میں حق کی قوت کا اندازہ نہیں کیا جا سکتا)

ایک دوسرے کے دل میں (خوش آئند اور) فریب آمیز باتیں ڈالتے ہیں(لوگوں کودینِ حق کی مخالفت پر اُبھار تے ہیں)

اور اگرآپؐکا پر وردگار چا ہتا(کہ وہ ایسا نہ کریں) تو وہ کبھی ایسا نہ کرتے۔ لہٰذا اِنکو اور یہ جوکچھ باتیں بنا رہے ہیں، اسی حال پر چھوڑ دیجئے۔

(وہ ایسے کام اس لیے بھی کرتے ہیں) اُن لوگوں کے دِل اس طرف مائل ہوجائیں، جو(الٰہی تعلیمات کے مطابق) حیاتِ آخرہ پر ایمان نہیں رکھتے۔

اوروہ جن برائیوں کو کر تے رہے تھے اُسی کو پسند کریں اسی میں مبتلا ء رہیں۔

کہئے کیا میں(تمہارےاور اپنے درمیان فیصلہ کرنے کیلئے کسی) غیر اللہ کو حکم بنائوں؟ اللہ ہی تو ہے جس نے تفصیل کے ساتھ تمہاری طرف کتاب نازل فرمائی۔

اور جن لوگوں کو ہم نے کتاب(توراۃ) دی ہے وہ جانتے ہیں کہ یہ کتاب(قرآن) برحق تمہارے پر ور دگار کی جانب سے نا زل ہوئی ہے۔

پس آپؐشک کرنے والوں میں سے نہ ہو جائیں۔

آپ کے رب کا کلام(قرآن) عدل، انصاف و صداقت پر مبنی ہے۔

(اہل کتاب، مشرکین مکہ و منکرین کی خواہش کی بناء پر) اللہ تعالیٰ کے کلام میں کوئی تبدیلی نہیں کی جا سکتی وہ سب کچھ سنتا اور جانتا ہے(جوکچھ یہ کہتے ہیں)

اکثر لوگ جو زمین(کے گوشوں گوشوں) پر آباد ہیں۔ اگر آپ ان کے مشوروں پر چلیں گے تو وہ آپ کو اللہ تعالیٰ کی راہ سے ہٹا دیں گے۔

وہ تو محض اپنے وہم وگمان کی پیروی کرتے ہیں اور وہ (بے سر وپا قیاسی باتیں کرتے ہیں)سب اٹکل ہی دوڑاتےہیں۔

بلا شبہ آپ کا پروردگار خوب جانتا ہے کہ کون اُس کی راہ سے بھٹکا ہوا ہے۔

اور وہ اُن سے بھی واقف ہے جو راہِ ہدایت پر ہیں ۔

جس جانور پر(ذبح کے وقت) اللہ تعالیٰ کا نام لیا جا ئے تم اُس کا گوشت کھا لیا کرو۔ اگر تم اللہ تعالیٰ کے احکام (کی صداقت) پر ایمان رکھتے ہو۔

آخر تم کو یہ کیا ہو گیا کہ اُس جانور کو نہیں کھاتے جس پر اللہ تعالیٰ کا نام لیا گیا ہو۔

جو چیزیں تم پر حرام ہیں تفصیل کے ساتھ تمھیں بتا دی گئی ہیں۔

سوائے اس کے کہ اس کے کھا نے کے لیے مجبور ہو جائو۔
(اضطراری کیفیت طاری ہو جا ئے)

اکثرجاہل بے سمجھے بوجھے اپنی ہواوہوس کی بنا ء پر لوگوں کو گمراہ کیا کرتے ہیں۔

بیشک آپ کا پروردگار حد و دِ الٰہی سے متجاوز ہونے والوں کو خوب جانتے ہے

ظاہری وباطنی تمام گناہوں کو ترک کردو۔

یقیناً جو لوگ گناہ کررہے ہیںوہ عنقریب اپنے کیے ہوئے گناہوں کی سزا پائیں گے۔

تم ایسے جانوروں کو نہ کھائو جن پر اللہ تعالیٰ کا نام نہ لیا گیا ہو(یعنی جو اپنی موت آپ مرا ہو) کیونکہ یہ بڑی ہی نا فر مانی کی بات ہے۔
(اطاعت سے انحراف ہے۔ یعنی جن اشیاء پر اللہ تعالیٰ کے سوا غیر کانام بطورِ تقرب پکا راجا ئے یا دل میں خیال غیر کا رکھا جائے کہ وہ قبول کرکے مُراد پوری کردے یا کرادے تو ایسی چیزوں کو خواہ جانور ہو ں یا دیگر اشیائے خوردنی ان کو مت کھائو اور سمجھ رکھو کہ اس قسم کی چیزوں کا کھانا یقیناً نا پاک ہے۔)

اور شیا طین اپنے ساتھیوں کے دِلوں میں شکو ک (واعتراضات)پیدا کرتے ہیں تاکہ وہ(اللہ کی تعلیم کے بارے میں) تم سے جھگڑ تے رہیں۔

اور اگر تم ان (مشرکین) کے کہنے پر چلو گے(یعنی ان کے غلط طریقوں کی پیروی کرو گے) تو یقیناً تم بھی مشرک ہو جائو گے۔

جس کی روشنی میں وہ لوگوں کے درمیان چلتا پھر تا ہے (زندگی کی راہ طے

کرتاہے) کیا وہ اس شخص کی طرح ہو سکتا ہے جو( جہل کی) تار یکیوں میں پڑا ہوا ہو۔

وہ اُس سے نکل نہیں سکتا(کیو نکہ وہ جہل کو علم سمجھ رہا ہے۔)

اسی طرح کا فروں کے لیے وہ اعمال خوشنما بنا دیئے گئے ہیں جنھیں وہ (بھلے سمجھ کر) کر تے ہیں۔

اور اسی طرح ہم نے ہر بستی میں وہاں کے اکا برین کو مجرم بناے رکھاہے تاکہ وہ وہاں اپنے مکروفریب کاجال پھیلائے رکھیں۔

اور وہ جو کچھ مکرو فریب کرتے ہیں، اپنے ہی ساتھ کرتے ہیں مگر انھیں اس کا شعور تک نہیں۔

اور جب بھی کوئی نشانی ان کےسامنے آتی ہے تو (مغرورانہ انداز میں) کہتے ہیں ہم ہر گزنہ مانیں گے۔

جب تک کہ ہم کوبھی وہ چیز نہ دی جاے جو اللہ کے رسولوں کو دی گئی ہے۔

اللہ تعالیٰ جانتےہیں کہ اپنی رسالت کا کام کس سے لیں۔

اِن لوگوں کو جنھوں نے یہ جُرم کیاہے ۔ عنقریب اللہ تعالیٰ کے پاس ذلّت آمیز سزا ملے گی۔

(اور ان شرارتوں کی پاداش میں) یہ سخت ترین عذاب سے دوچار ہوں گے۔

لہٰذا اللہ تعالیٰ جس کو ہدایت دینا چا ہتے ہیں، اس کا سینہ اسلام کے لیے کھول دیتے ہیں۔

اور جسے چا ہتے ہیں۔ اُس کو( اُسی کی) گمرا ہی میں پڑا رہنے دیتے ہیں۔

اس کے سینے میں ضیق(تنگی) پیدا کر دیتے ہیں۔ اور وہ ایسی گرانی محسوس کرتا ہے۔ جیسے آسمان پر چڑھ رہا ہو۔

اسی طرح اللہ تعالیٰ کفر وشرک کی گند گی ان لو گوں پر مسّلط کردیتے ہیں جو ایمان نہیں لاتے ۔

اور تمہارے رب کا مقرر کیا ہوا سید ھا راستہ یہی ہے۔
(جو بِلا کھٹکے منزلِ مقصود یعنی جنّت میں پہنچادیتا ہے)

ہم نے واضح کردیا ہے نشانیوں کو، غور کرنے والوں کے لئے (جو لوگ نصیحت حاصل کرنا چاہتے ہیں، ان کے لیے ہم نے اپنی تعلیم کے حق ہونے کے تفصیلی دلائل بیان کر دیئے ہیں۔)

اُن کے لیے اُن کے رب کے پاس سلا متی کا گھر (الجنہ) ہے ( جہاں وہ ہر آفت و مصیبت سے محفوظ و خوشحال زندگی گزاریں گے۔)

اُن کے نیک اعمال کی وجہ اللہ تعالیٰ ان کے مددگار ہیں۔

اور جس دن اللہ تعالیٰ تمام جن وانس کو جمع کریں گے( فرمائیںگے)

ائے جنات کی جماعت تم نے انسانوں کے گمراہ کرنے میں بڑا حصّہ لیا۔

اور انسانوں میں سے جو ان سے تعلق رکھتے تھے کہیںگے۔

ائے ہما رے رب ہم نے ایک دوسرے سے(نا جائز) فا ئدہ اٹھایا۔

تا آنکہ ہم اس ساعت کو پہنچ گئے جو آپ نے ہما رے لیے مقرر رکھی تھی(یعنی قیامت)

اللہ تعالیٰ ارشاد فرمائیں گے۔ تمہارا مستقل ٹھکانا آتش ِ جہنّم ہے جس میں تم ہمیشہ ہمیشہ رہو گے۔ مگر جنھیں اللہ تعالیٰ بچا نا چاہیں۔

بے شک آپ کارب بڑا ہی جاننے والا حکمت والا ہے۔(کہ کون کس سزا کا مستحق ہے۔ جزاء و سزا کی ہر تجویز بڑی ہی عا لما نہ اور حکیمانہ ہے)

اور اسی طرح ہم بعض کفّار ومشرکین کو ( جہنّم میں) ایک دوسرے کے قریب رکھیں گے۔ (ان کے اعمال کے سبب جو وہ کرتے تھے )

جو تمہیںمیری آیتیں(احکام) پڑھ کر سنا تے۔

اور اس دن کے آموجود ہو نے(اور قیامت کی جزاء اور سزا) سے تمہیں ڈرا تے نہ تھے۔

وہ کہیں گے ہم اپنے آپ پر گواہ ہیں(یعنی ہم کو اپنے قصور کا اعتراف ہے۔ بے شک آپ کے رسول آئے تھے اور انھوں نے محا سبۂ اعمال کے دن سے ڈرا یاتھا)

اور دنیا کی (خوش حال) زندگی نے انھیں دھو کہ میں ڈال رکھا تھا ۔

اور خود اپنے خلاف گوا ہی دیں گے( اقرار کریں گے) کہ واقعی وہ کافر تھے ( اللہ کے رسول کی تعلیمات کا انھوں نے انکار کیا تھا)

یہ شہادت ان سے اس لیے لی جائے گی تا کہ یہ معلوم ہو جا ئے کہ آپ کا پر ور دگار ایسا نہیں ہے کہ ظلم کے ساتھ ہلاک کر دے اور وہاں کے رہنے والوں کو خبر بھی نہ ہو (کہ کس پاداش میں انھیں ہلاک کیا گیا ہے ان کا کیا قصور تھا )

اور ہرا یک کے لیے بہ لحاظِ اعمال درجات مقرر ہیں(یعنی شرک و کفر کی شدّت وکمی کے لحاظ سے سزا مقرر ہے۔)

اور جو کچھ وہ (بداعمالیاں) کررہے ہیں(ائے نبیﷺ) آپ کا پرور دگار اُن سے بے خبر نہیں ہے۔

اور آپ کا پروردگار ہر بات سے مستغنی(بے نیاز) اور بڑی رحمت والاہے۔

اگر وہ چا ہے تو تم سب کو فنا کردے ۔ اور تمہارےبعد جس کو چا ہے تمہارا جا نشین بنا دے جیسا کہ تم کو گزرے ہوئے لوگوں کی نسل سے پیدا کیا۔

بے شک جو وعدۂ(عذاب) تم سے کیا گیا ہے(اٹل ہے)آکر رہے گا ۔ اور تم اس کو روک نہ سکوگے۔

ائے میری قوم کے لوگو تم ( اپنی جگہپر) عمل کیے جائو اورمیں (اللہ تعالیٰ کی تعلیم کے مطابق ) عمل کیے جا رہا ہوں۔

عنقریب تم جان لو گے کہ آخرت کا گھر( الجنتہ) کس کے لیے ہے ۔

یقیناً ظالم(مشر ک) کبھی نجات نہیں پا سکتے۔

اور وہ اللہ تعالیٰ ہی کی پیدا کی ہوئی کھیتی اور مویشوں میں اللہ تعالیٰ کا بھی ایک حصّہ مقرر کرتے ہیں (اونٹ، گائے بھیڑ اور اناج وغیرہ میں)

اور بزعمِ خیال خود کہتے ہیں۔یہ حصّہ اللہ تعالیٰ کے لیے ہے اور یہ ہمارے شریکوں(معبود انِ باطل ) کے لیے

پھر جو حصّہ ان کے شریکوں کا ہوتا ۔ وہ تو اللہ تعالیٰ کی طرف پہنچایا جاسکتا تھا۔

اور جو حصّہ اللہ تعالیٰ کے نام کا نکالا ہوا ہوتا وہ ان کے شر کا ء کی طرف پہنچایا جا تا۔

انھوں نے کیا ہی بُری تجویزیں ایجاد کررکھی ہیں۔

اور اسی طرح ان کے بہت سے شر کاء نے قتلِ اولاد کے عمل کو مشرکین کی نظروں میں پسندیدہ بنا رکھا ہے۔

تاکہ اپنے عقیدت مندوں کو تبا ہی میں ڈال رکھیں اور ان کے دین کو خلط ملط کردیں ۔ یعنی اپنے مذموم اور ظالما نہ طریقوں کو دین کے نام سے برقرار رکھیں۔

اور اگر اللہ تعالیٰ چاہتے تو وہ لوگ ایسی حرکات نہ کرتے لہٰذا آپ انھیں (ان کے حال پر ) چھوڑ دیجئے جوکچھ افترائی اعمال کیے جا رہے ہیں کیے جائیں۔

اور (جانوروں اور کھیت کے ایک حصہ کو مخصوص کرکے) کہتے ہیں یہ جانور اور کھیت مخصوص ہیں۔

بہ زعم ِ خودکہتے ہیں۔ ان کو کوئی نہیں کھا سکتا مگر جس کو ہم کھلا نا چا ئیں۔

اور (کہتے ہیں ) یہ مخصوص مویشی ہیں جن پر سواری و بار بر داری حرام کردی گئی ہے۔

اور کچھ جانور ہیں، جن پر وہ( بوقتِ ذبح) اللہ تعالیٰ کا نام نہیں لیتے۔ یہ سب باتیں انھوں نے اللہ تعالیٰ پر افتراء کی تھیں۔

انھوں نے جوکچھ افترا پرداز یاں کی ہیں، اسکا انھیں عنقریب بدلہ دیا جائیگا۔

(افترائی باتوں میں سے ایک بات بھی) اور وہ کہتے ہیں کہ اس جانور کے پیٹ میں جو بچہ ہے وہ خالص مردوں کے لیے ہے۔

اور وہ ہماری عورتوں پر حرام ہے۔

اور اگر وہ بچہ مُرد ہ پیدا ہو تو مر داور عورت اس کھا نے میں شریک ہو سکتے ہیں۔

(حلال وحرام کے بارے میں ) اس طرح کی جھو ٹی با تیں جو انھوں نے گھڑرکھی ہیں عنقریب انھیں اس کی سزامل کر رہے گی ۔

بے شک اللہ ہی حکمت والا جاننے والا ہے۔

یقیناً وہ لوگ بڑے ہی نقصان میں رہے جنھوں نے اپنی اولاد کو بے سمجھی ونادانی سے قتل کیا۔ (مشرکین کی ایک بے ہودگی یہ تھی کہ لڑکیوں کو قتل کرتے اور بڑے فخر سے اس کوبیان کرتے تھے)

اور کھا نے پینے کی جو چیزیں اللہ تعالیٰ نے انھیں دی تھیں۔ اللہ تعالیٰ پر افترا پر دازی کر کے اُن چیزوں کو انھوں نے اپنے پر حرام ٹھہرا لیا۔

یقیناً وہ بھٹک گئے اور ہدایت پانے والوں میں سے نہ ہوئے۔

اور کھجور کے باغ (نخلستان) پیدا کیے اور کھیتیاں اُگائیں جن میںطرح طرح کے پھل ہوتے ہیں جو ذا ئقہ ، ہیئت،کیفیت میں مختلف النوع ہوتی ہیں ۔

اور زیتون اور انار جو ایک دوسرے سے ملتے جلتے ہیں اور بعض ایک دوسرے سے نہیں ملتے۔

ان کے پھل کھائو جب یہ تیار ہو جا ئیں(پک جائیں) اور جس دن فصل کاٹو اس کاحق( زکوٰۃ) ادا کیا کرو

اور اسراف نہ کرو بے شک اللہ تعالیٰ اسراف کرنے والوں کو پسند نہیں کرتے۔

اور مویشیوں میں بوجھ اٹھانے والے بھی پیدا کئے اور زمین سے لگے ہوئے بھی (اور مویشیوں میں سے وہ جانور پیدا کیےجن سے سواری وبار بر داری کے کام لیے جاتے ہیں(اونٹ گھوڑا وغیرہ) اور وہ جانور بھی جو بوقت ِذبح زمین پر لٹا ئے جاتے ہیں (بکرے وغیرہ)

اللہ تعالیٰ نے جو کچھ تم کو دیا ہے کھا ئو (اور پیو) اور شیطان کے قدم بہ قدم نہ چلو

وہ تمہا را کھلا دشمن ہے۔

یہ آٹھ نر مادہ ہیں۔ دو بھیڑ و دنبہ کی قسم سے اور اور دو بکری کی قسم سے۔

ائے نبیﷺ ان سے پو چھئے کیا اللہ تعالیٰ نے ان دونوں نروں و حرام کیا ہے یا دونوں ما دائو ں کو۔

یا وہ (بچے) جو دونوں مادہ( بھیڑوں وبکریوں) کی جنین (پیٹ )میں پر ورش پاتے ہوں۔

اگر تم اس بیان میں سچے ہوتو کسی دلیلِ علمی سے ثابت کردکھا ئو۔

اور اسی طرح دواونٹ کی قسم سے اور دو گائے کی قسم سے

(ائے نبیﷺ) ان سے پو چھئے کیا اللہ تعالیٰ نےان کے نر حرام کیے ہیں یا ما دہ ۔

یا وہ جو دونوں مادہ( اونٹی اور گاے) کے جنین (رحم )میں لپٹے ہوئے ہوں۔

کیا تم اس وقت موجود تھے جب اللہ تعالیٰ نے ان کے حرام ہونے کا تمہیں حکم دیا تھا۔

تو اس سے بڑھ کر ظالم کون ہوسکتا ہے جو اللہ تعالیٰ پر جھوٹی باتیں افتراء کرے اور علم کے بغیر لوگوں کو گمراہ کرے۔

یقیناً اللہ تعالیٰ(ایسے) ظا لموں کو راہِ ہدایت نہیں دکھلا تے

سوا ئے اس کے کہ وہ مرا ہوا ہو یا ذبح کے بعد کا بہتا ہوا خون یا خنزیر کاگوشت نجس وناپاک ہے۔ یا وہ جو غیر اللہ کی خوشنو دی کے لیے نام زد کی گئی ہو گناہ کی ہو۔

ہاں جس پر اضطراری کیفیت طاری ہو جا ئے(بھوک سے بیتا ب وبے قرار ہو جائے اور ان میں کوئی چیز بقدر لایموت کھا لے یعنی جان بچا نے کے لیے کھا لے۔ نافر مانی نہ کرے اور نہ حد سے باہر نکل جائے تو یقیناً آپ کا رب بخشنے اوررحم کرنے والاہے۔

اور یہودیوں پر ہم نے ناخن والے سب جانور حرام کر دیئے تھے(یعنی چیرے ہوئے کھروں والے جانور)

اور گائے،بکری کی چربی بھی ہم نے ان پر حرام کردی تھی سوائےاس کے کہ جوان کی پیٹھ اور آنتوں میں لگی ہوی ہو یا ہڈی سے چمٹی رہی ہو۔

یہ سزا ہم نے ان کی سر کشی کے سبب دی تھی اور یقیناً ہم صحیح بات بتانے والے ہیں۔

پھر اگر یہ لوگ آپؐ کی تکذیب رکرہے ہیں( آپ کو جھٹلا رہے ہیں)

تو کہہ دیجئے تمہارا پر ور دگار نہایت واسع الرحمت ہے(ورنہ کبھی کا تمہارا خاتمہ کر دیا گیا ہوتا۔ اب بھی اپنی مجر ما نہ روش سے باز آجائو تو وہ تمہیں اپنے دامنِ رحمت میں جگہ دے گا۔)

اور(اپنی اس با غیا نہ روش پر اڑے رہو گے تو سن لو) مجرم قوم سے اللہ تعالیٰ کا عذاب ٹالا نہیں جاسکتا۔

مشر کین یہ کہتے ہیں اگر اللہ تعالیٰ کو منظور ہوتا تو ہم اور ہما رے باپ دادا شرک نہ کرتے(یعنی یہ کام اللہ تعالیٰ کو پسند نہ ہو تے تو ہمیں کرنے نہ دیتے) اور نہ ہم کسی چیز کو حرام ٹھہراتے ۔

اسی طرح ان سے پہلے کے لوگوں نے بھی جھوٹی باتیں کہی تھیں تا آنکہ انھوں نے ہما رے عذاب کا مزہ چکھ لیا۔

کہیئے کیا تمہارے پاس کوئی سندِ علمی ہے؟(اگرہے) تو ہما رے پاس پیش کردو۔

تم تو محض وہم گمان کی اتّباع اور قیاس آرائیوں سے کام لیتے ہو۔

کہئے فیصلہ کُن دلیل تو اللہ ہی کے پاس ہے۔

اگر اللہ تعالیٰ چاہتے تو تم سب ہی کو ہدایت بخشتے۔

(ائے محمدﷺ) آپؐ ان سے کہئے اپنے ان گو ا ہوں کولے آئو جو اس

بات کی شہادت دیںکہ اللہ تعالیٰ نے ان چیزوں کو حرام کر دیا ہے(جس کو تم حرام سمجھتےہو)

پھر اگر وہ شہادت بھی دیں تو آپؐ اُن کی موافقت میں گواہی نہ دیجئے۔

اور نہ اُن کے باطل خیالات کا اتباع کیجئے جو ہماری آیتوں کی تکذیب کرتے ہیں۔

اور وہ لوگ جو آخرت پر ایمان نہیں رکھتے( آخرت کے منکرین ہیں) وہ اپنے پر ور دگار کے ساتھ دوسروں کوبھی( اللہ تعالیٰ) کے برابر قرار دیتے ہیں۔

یہ کہ اللہ تعالیٰ کے سوا یا اللہ تعالیٰ کے ساتھ کسی کو شریک نہ بنا ئو اور والدین کے ساتھ نیک سلوک کرو۔

اور مفلسی کے خوف سے اپنی اولاد کو قتل نہ کرو۔

ہم تم کو بھی رزق دیتے ہیں اور اُن کوبھی۔

اور بے شرمی بے حیائی کی باتوں کے قریب بھی نہ جا ئو خواہ وہ کھلی ہوں یا چھپی۔

اور جس کا قتل کرنا اللہ تعالیٰ نے حرام قرار دیا ہے اس کو قتل نہ کرو سوائے اس کے کہ شر عاً کسی کا قتل کرنا جائز ہو۔

اس طرح اس (قرآن) کے ذریعہ تمہیں حکم دیا جاتا ہے کہ تاکہ تم سمجھ بوجھ سے کام لو۔

اور یتیم کے مال کے قریب بھی نہ جائو مگر ایسے طریقہ سے جو نہایت ہی

پسندیدہ ہو تا آنکہ وہ اپنی جوانی کو پہنچ جائیں(اپنے نفع و نقصان کو سمجھ کی ان میں صلاحیت پیدا ہو)

اور ناپ تول میں کمی بیشی نہ کیا کرو۔

ہم نے کسی کو اس کی وسعتِ نفس سے زیادہ مکلف نہیں کیا (یعنی اس کی طاقت سے زیادہ بار نہیں ڈالا)

اور جب بات کہو تو کھری کھری اور انصاف کی کہو اگر چہ کہ تمہارا قرابت دارہی کیوں نہ ہو۔

اور اللہ تعالیٰ سےکیے ہوئے عہد واقرار کو پورا کرو۔ (عہد بندگی ۔ عہد اطاعت اور وہ عہد جو اللہ تعالیٰ کانام لیکراللہ سے کیا گیا ہو)

اس طرح قرآن کے ذریعہ اللہ تعالیٰ نے تم کو ان باتوں کی ہدایت کی ہے تاکہ تم نصیحت پذیر ہوجائو۔

اور یہ بھی ہدایت کی کہ یہی میرا سیدھا راستہ ہے ۔ لہٰذا تم اسی راستہ پر چلو۔

اور دوسری راہوں پر نہ چلو کہ وہ راہیں تم کو اللہ تعالیٰ کی راہ سے ہٹادیں گی۔

یہ وہ ہدایتیں ہیں جو( قرآن کے ذریعہ) اللہ تعالیٰ نے تمہیں دی ہیں تاکہ تمپرہیز گار بنو۔

پھر ہم نے موسیٰ کو کتاب دی جس میں تمام اچھے کاموں کی تعلیم اور رحمتِ الٰہی سےمالا مال ہونے کے تفصیلی طور و طریق بتلا ئے گئے تھے ۔

تاکہ وہ اپنے پروردگار کے روبرو(جواب دہی کے لیے) حا ضر ہونے کایقین کریں(اور اسی یقین کے ساتھ اپنی آخرت کو سنوار نے کی کوشش میں لگے رہیں۔)

لہٰذا تم اس کی اتباع کرو۔ اور (اس پر عمل نہ کرنے کے نتائج سے) ڈرو (یہ تعلیم اس لیے دی جاتی ہے) تاکہ تمپر رحم کیا جائے۔

(کتاب کے نازل کرنے میں یہ بھی حکمت تھی) کہ تم کہہ سکو کہ کتاب تو ہم سے پہلے کے دوگرو ہوں کو دی گئی تھی۔

اور ہم کچھ خبر نہ تھی کہ وہ کیا پڑ ھتے پڑ ھا تے تھے

یاتم یوں کہتےاگر کتاب ہم پر نازل کی جاتی تو ہم اُن سے زیادہ راست رو ثابت ہوتے۔

یقیناً تمہارے پاس تمہارے پروردگار کی طرف سے ایک واضح کتاب آچکی جو موجب ہدایت ورحمت ہے۔

اب اس سے زیادہ ظالم کون ہوگا۔ جواللہ تعالیٰ کی تعلیمات کو جھٹلادے اورلوگوں کوبھی اس سے رو کے ۔

جو لوگ ہماری تعلیمات سے(لوگوں کو) روکتے ہیں اس پاداش میںہم بھی انھیں سخت ترین سزا دیں گے۔

کیا وہ لوگ اس بات کے منتظر ہیں کہ اُن کےپاس فرشتے آئیں۔

یا خود آپ کا پروردگار آئے یا آپ کے رب کی کچھ خاص نشانیاں آئیں۔(کیا اس وقت وہ ایمان لائیںگے)

جس دن آپ کے رب کے رب کی مخصوص نشانیاں ظاہر ہوں گی۔

اُس وقت کسی شخص کا ایمان لانا سود مند نہ ہوگا۔ کیونکہ وہ اس سے پہلے ایمان لایا نہ تھا۔

یا ایمان کی حالت میں نیک عمل نہ کیا ہو گا۔

ائے پیغمبر ان سے کہیئے۔ اس گھڑی کا تم بھی انتظار کرواور ہم بھی انتظار کرتے ہیں۔

جن لوگوں نے اپنے دین میں تفر قے ڈالے اور کئی(گمراہ) فرقوں میں بٹ گئے آپؐ کا ان سے کوئی تعلق نہیں۔

یقیناً ان کا فیصلہ اللہ تعالیٰ کے اختیار میںہے۔ پھروہ انھیں بتائے گاجو کچھ وہ کیا کرتے تھے۔

(جزائے اعمال کی نسبت سنّتِ الٰہی یہ ہے کہ) جواللہ تعالیٰ کےحضور ایک نیکی لے آئے گا تو اُس کو اس کادس گنا ملے گا۔

اور جو کسی گناہ یا برائی کے ساتھ آئے گا تو اُس کو اُسی کے برابر سزا ملے گی ( جس قدر اُس نے گناہ کیے ہیں ) اور اُن پر ظلم نہیں کیا جائے گا۔

آپ کہہ دیجئے کہ مجھے میرے رب نے سیدھی راہ دکھا ئی ہے۔

وہ ایک دین مستحکم ملّتِ ابراہیمی ہے(باطل سے کٹ کر اللہ ہی کا ہو رہنا ہے۔ ) جو ایک کی طرف مائل ہونا ہے۔

ابراہیمؑ شرک کرنے والوں میں سے نہ تھے۔

اور یہ بھی کہیئے میرے(ہر قسم کی عبادت) نماز( رو زہ نذرومنّت قربانیاں ۔ میرا جینا اور میرا مرنا اللہ تعالیٰ ہی(کی خوشنودی) کیلئےہے جو سارے جہا نوں کا (بلا شر کتِ غیرے ) تنہا پر ورش کرنے والا ہے۔

اس کا کوئی شریک نہیں (یعنی اس کے نظامِ ربوبیت میں کوئی فرد خلق کسی حیثیت سے بھی خواہ اعزاز اً سہی شریک و دخیل نہیں ہے۔) اور مجھے یہی حکم ملا اورتعلیم دی گئی۔ میں سب سے پہلے اس بات کاماننے والا ہوں۔

کہئیےکیا میں غیر اللہ کو اپنا رب(حاجت روا) قرار دوں۔
(اُن غیر اللہ کو جو اللہ تعالیٰ ہی کے محتاج ہیں جو خود محتاج ہو وہ دوسروں کا حاجت روا کیسے ہو سکتا ہے؟)

وہی (کائنات کی) ہر چیزکے (بلاشرکت غیرے تنہا) حاجت روا ہیں۔

اور ہر شخص اپنے کیے کا آپ ذمہ دار ہے( اس کے بُرے اعمال کا وبال اسی پر پڑے گا)

اور کوئی شخص کسی دوسرے کے گناہوں کا بوجھ نہ اٹھاے گا ۔

پھر تم جب اپنے رب کے پاس لوٹا ئے جائو گے تو ہم تمہیں بتا دیں گے کہ تم نے(دین حق میں) کیا کیا اختلاف پیدا کیے تھے۔

وہ وہی تو ہے جس نے تم کو زمین پر صاحبِ اختیار بنا یا۔

اور تم میں سے بعض کو بعض پر فضیلت بخشی۔ تاکہ جو کچھ اس نے تم کو دیا ہے اس میں تمہاری آزمائش کرے( اگر چہ کہ اللہ تعالیٰ جانتے ہیں کہ کون کیا عمل کرتاہے ۔ لیکن آزمائش اِتمام حُجّت کا با عث ہوتی ہے۔)

بے شک آپؐ کارب بہت جلد سزا دینے والا ہے اور واقعی وہ (توبہ کے بعد ) بڑا ہی بخشنے والا مہر بانی فر ما نے والا بھی ہے۔