سورة البقرة 2

اور تم شیطان کے قدم بہ قدم نہ چلو۔
وہ تمہارا کھلا دشمن ہے۔

یقیناً وہ تم کو برائی و بے حیائی کے کاموں پر اکسا تا ہے۔
اور یہ (بات بھی دل میں ڈالتا ہے) کہ اللہ تعالیٰ کے متعلق ایسی باتیں

گھڑا کرو جس کی تم سند نہیں رکھتے۔
اورجب ان (مشرکین) سے کہا جا تا ہے کہ جو کتاب اللہ تعالیٰ نے نا زل کی ہے، اس کے مطابق عمل پیرا ہوجائو(تو ضد وہٹ دھرمی کی وجہ اتباعِ حق سے گریز کرتے ہیں)
(جواب میں) کہتے ہیں کہ ( نہیں) ہم تو اسی طریقہ پر چلیں گے جس طریقہ پر ہم نے اپنے باپ دادا کو پایا ہے۔
اگر چہ کہ ان کے باپ دادا( دین کی) کچھ سمجھ بوجھ ہی نہ رکھتے ہوں اور نہ(کسی آسمانی کتاب کی) ہدایت رکھتے ہوں۔ (پھر بھی یہ انھیں کی اتباع کرتے ہیں اقوامِ عالم کا یہی کچھ حال ہے۔) حالانکہ الٰہی ونبوی تعلیم کے خلاف جو آبا ئی روایات خاندانی طور و طریق ورسو مات ہیں سب قابلِ ترک ہیں ۔

اور جو لوگ کا فرہیں ان کی مثال اس شخص کی سی ہے جو ایسی چیز(ایسے جانور) کو آواز دے جو پکار نے کی آواز کے سوا کچھ نہ سنے۔

(یہ کفّار دین کے معاملہ میں گو یا) بہرے ہیں گونگے ہیں اندھے ہیں کہ وہ کچھ سمجھ ہی نہیں سکتے۔

ائے لوگو جو ایمان لائے حلال و پاکیزہ چیزیں کھائو جو ہم نے تم کو عطا کی ہیں۔ (رزقِ طیب محض اللہ تعالیٰ کی شان ِربوبیت سے مل رہا ہے۔ نہ وہ کسی کے واسطے وسیلے سے ہے اور نہ زورِ با زو سےہے)

اور اللہ تعالیٰ ہی کا شکر ادا کرو اگر تم اسی کے عبادت گزار بندے ہو(یعنی اگر تم بندۂ حق ہو تو ر سماً وروا یتاًحرمت و حلّت کے جو تصورات کام کررہے ہیں انھیں ترک کردو۔ اصل شکر گزاری یہ ہے کہ جو رزق تم کو اللہ تعالیٰ کی طرف سے مل رہا ہے۔وہ محض اللہ تعالیٰ کی شان ربوبیت سے مل رہا ہے۔

یقیناً تم پراس نے مرا ہوا جا نور اور(بہتا ہوا) خون اور سوّر کا گوشت حرام کیاہے۔
اور وہ تمام چیزیں جو غیر اللہ کے لیے نا مزد کی گئی ہوں ۔

(یہاں ایک استثنیٰ ہے کہ) جوکوئی بھوک سے بہت زیادہ بے قرار ہوجائے بہ شر طیکہ اس کی نیت نا فر ما نی اور مزہ حاصل کرنے کی نہ ہو تو

(شدتِ اضطراب میں) مذکورہ حرام چیزیں بقدرِ قوتِ لا یموت کھالے تاکہ جان بچ جا ئے۔ اس پر کچھ گناہ نہیں۔
بے شک اللہ تعالیٰ بڑے ہی بخشنے والے رحم فر ما نے والے ہیں۔

جو لوگ کتاب سے(حر متِ اشیاء کے) ان مذ کورہ احکام کو جو اللہ تعالیٰ نے نازل فر ما ئے ہیں، چھپا تے ہیں (اور اس کے حلال ہو نے کا فتوی دیتے ہیں۔)
اور ان کے بدلے تھو ڑی سی قیمت (یعنی دنیا وی منفعت) حاصل کرتے ہیں۔
وہ اپنے پیٹ میں آگ ہی بھر تے ہیں۔

اور قیامت کے دن اللہ تعالیٰ اُن سے بات نہیں کریں گے۔ اور نہ ان کو (گنا ہوں کی آلا ئشوں سے) پاک کریں گے(یعنی تزکیۂ نفس کے لیے

وہ کتنے ہی طریقے ایجاد کریں ان سے ان کا تزکیہ نہ ہوگا)
اور ان کے لیے درد ناک عذاب ہے۔

یہ وہ لوگ ہیں جنھوں نے ہدایت کے بدلے گمرا ہی خریدلی۔

اور بخشش و مغفرت کے بدلے عذاب ۔
پھر وہ آتش جہنّم کے لیے کیسے با ہمت ہیں( یہ ایک محا ورہ ہے)

اللہ تعالیٰ نے کتاب کو سچائی کے ساتھ نازل فرمایا۔
(ان کے باطل عقائد کی تردید کردی اور ان کے تقدس اور پار سائی کا پر دہ چاک کردیا)

اور جن لوگوں نے اس کتاب میں اختلاف کیا ( کتمانِ حق ۔تحریف ونزع پیدا کی) وہ آپسی مخالفت میں پڑ گئے جس نے ان کو (راہ) حق سے دور کر دیا(یہو دو نصا رٰ ی مراد ہیں)

اور یتیموں اور مسکینوں اور مسا فروں کو دے۔
اور سا ئل(مانگنے والوں) کو دے اور گر دن چھڑا نے میں خرچ کرے۔

(یعنی غلاموں کو غلامی سے آزاد کرا نے میں خرچ کرے)
اور نماز قائم کرے اور زکوٰۃ دے۔

اور جب عہد کریں تو اپنے عہد و پیمان( قول و قرار) کو پورا کر نے والے ہوں۔

اور سختی و تکلیف( تنگد ستی و بیماری) میں صبر کر نے والے اور میدانِ کارزار میں ثابت قدم رہنے والے
یہی وہ لوگ ہیں جو ( اپنے ادعا ئے ایمان میں) سچے ہیں۔
اور یہی لوگ متقی ہیں( یعنی احکامِ الٰہی کی خلاف ور زی کے انجامِ بد سے ڈرنے والے اور احکام ِ الٰہی کی سر فروشا نہ تعمیل کر نے والے ہیں۔ یہاں متقی کی تعریف متعین ہو تی ہے)

ائے ایمان والو(عمداً قتل کیے جا نے والوں کے بارے میں) تم کو مقتولوں کے بارے میں قصاص کا حکم دیا جاتا ہے۔
(یعنی خون کا بدلہ خون سے لیا جا سکتا ہے )
آزا دشخص کے بدلے آزاداور غلام کے بدلے غلام اور عورت کے بدلے عورت(قتل کیے جائیں)
ہاں جس کو اس کے فریق کی طرف سے کچھ معافی ہو جا ئے (یعنی پوری معافی نہ ہو)

تو(اس صورت میں) بہ طریق احسن( خوں بہا) کا مطالبہ کرنا اور خوش خوئی کے ساتھ( خو ں بہا) ادا کر نا چاہئے۔
یہ(قا نو نِ دیت و عفو) سزامیں تخفیف(کمی) تمہارے پر ور دگار کی طرف سے( ایک شا ہا نہ ر عایت و) مہر با نی ہے۔
اس کے بعد جو کوئی زیادتی کرے گا تو اس کے لیے درد ناک عذاب ہے(یعنی مقتول کے ور ثا معا فی سےپھر جا ئیں یاقتل خوں بہا نہ دے)

اور قصاص کے حکم میں تمہاری زندگی( حیات ِاجتماعی کے تحفظ کا سامان) ہے۔ ائے سمجھ بوجھ سے کام لینے والو( تمہیں یہ احکام اس لیے دیئے گئے ہیں کہ) تم (خوں ریزی سے) بچو۔

(اور یہ بھی مقصد ہے کہ خون خرابہ کا انسداد ہو) تم پر (یہ وصیت) فرض کیا جاتا ہے۔ جب تم میں سے کسی کی موت کا وقت قریب آجائے۔ اگر ترکہ میں کچھ مال چھوڑ جا نے والا ہو۔ تو
ماں باپ اور قریبی رشتہ داروں کے لیے دستور کے مطابق وصیت کر جائے۔

متّقین پر(والدین و قریبی رشتہ داروں کا) یہ حق ہے۔

لہٰذا جو کوئی وصیت کو سننے کے بعد بدل ڈالے۔
تو اس کہ بدلنے کا گناہ انھیں لوگوں پر ہے جو اس کو بدلیں۔
بے شک اللہ تعالیٰ سننے والے ہیں(یعنی ہر عمل سے باخبر رہتے ہیں)

لہٰذاجو کو ئی وصیت کرنے والے کی طرف سے (کسی وارث کی) طرف داری یا حق تلفی کا اندیشہ رکھے۔
(یعنی عمداً ظلم کا ارتکاب کرے۔ کسی کو حق سے محروم کردے)

تو (وصیت کو بدل کر) ورثاء میں صلح کرادے تو اس پر کو ئی گناہ نہیں۔
بے شک اللہ تعالیٰ بڑے ہی بخشنے والے رحم فر ما نے والے ہیں۔

(یہ روزے) گنتی کے چنددن ہیں(اس میں بھی استثنیٰ یہ ہے کہ)
لہٰذا تم میں جو شخص بیمار ہو یا سفر کی حالت ہو تو
دوسرے دنوں میں روزوں کا شمار پورا کرے( یعنی قضا ء روزے رکھے)

اور ان لوگوں پر جو فدیہ دینے کی طاقت رکھتے ہیں روزے کے بدلے مسکین و محتاج کو کھا نا کھلائے۔

لہٰذا جو کوئی خو شد لی کے ساتھ نیک کام کرے وہ اسی کیلئےبہترہے۔

اور اگر تم روزے رکھ لو تو تمہارے ہی لیے بہتر ہے۔ اگر تم سمجھو۔

رمضان وہ مہینہ ہے جس میں قرآن نا زل کیا گیا۔

جس میں لوگوں کے لیےہدایتیں ہیں اور ہدایتیں نہا یت ہی واضح ہیں اور (قرآن) حق و باطل کو الگ الگ کر نے والا ہے( صحیح اور غلط کو پرکھنے کا معیار ہے)

لہٰذا تم میں سے جو شخص اس مہینے کے روزے رکھے۔
اور جو کوئی مریض ہو یا سفر میں ہو تو دوسرے دنوں میں اس کی قضاء کرے۔
(یہ سہولت اس لیے دی گئی ہے کہ) اللہ تعالیٰ تم پر آسانیاں چا ہتے ہیں اور تم پر سختی کر نا نہیں چاہتے۔
اور (یہ آسان حکم اس لیے دیا گیاہے) تا کہ تم ایک ماہ کی مدّت پوری کرسکو۔
اور اس احسان کے بدلے کہ اللہ تعالیٰ نے تم کو (قرآن کے ذریعہ) ہدایتیں بخشیں(اور عذر کی صورت میں قضاء کر نے کی سہولت عطا فرمائی) اور تا کہ تم اللہ تعالیٰ کا شکر کرو ۔

اور جب میرے بندے میرے متعلق دریافت کریں تو (آپ کہہ دیجئے) میں قریب ہی ہوں۔

جب کو ئی پکار نے والا مجھے پکار تا ہے تو میں اس کی دعا قبول کرتا ہوں۔

لہٰذا نھیں چا ہئے کہ میرے احکام کو مانیں( تعلیماتِ الٰہی کو قبول کریں) اور مجھ ہی پر اعتماد ویقین رکھیں تا کہ وہ راہِ راست پاسکیں۔

(رمضان کے) روزوں کی راتوں میں تمہارے لیے اپنی بیویوں سے مقاربت جا ئز کر دی گئی ہے۔
(اس سے قبل دوسری قوموں کی طرح تم بھی رمضان کی راتوں میں اپنی عورتوں سے الگ رکھے جا تے تھے)
وہ تمہا رے لیے لباس ہیں اور تم ان کے لیے (یعنی وہ تمہارے لیے حرام کاری سے بچنے کا ذریعہ ہیں اور تم ان کے لیے)

اللہ تعالیٰ جانتے ہیں کہ تم اپنے نفس کے حق میں خیانت کے مرتکب ہوا کرتے تھے(یعنی اجازت سے قبل رمضان کی راتوں میں اپنی بیویوں سے خواہش نفس کی تکمیل کیا کر تے تھے ۔)
(ندامت و معذرت پر) اللہ تعالیٰ نے تم پر مہر بانی کی اور تم سے درگزر فرما یا(یعنی تمہاری اس حرکت کو معاف کر دیا)

اب تم (رمضان کی راتوں میں) اس سے مباشرت کر سکتے ہو اور اللہ تعالیٰ نے جو کچھ تمہارے لیے مقرر کیا ہے اس کا سامان کرو۔
(یعنی مطلب یہ کہ یہی مقا ربت تمہارے لیے صاحبِ اولاد ہو نے کا ذریعہ ہے)

اور کھا ئو اور پیو یہاں تک کہ تم پر صبح کی سفید دھاری رات کی سیاہ دھاری سے نمودار ہو نے لگے ۔

پھر( سپیدئی سحر نمو دار ہو نے کے بعد سے) غروبِ آفتاب تک روزہ پورا کرو۔
اور جب تم مسجدوں میں معتکف رہو تو بیویوں سے مبا شرت نہ کرو۔( اس سے ظاہر ہے کہ کسی خاص ضرورت سے گھر جاسکتے ہیں۔ مثلاً حاجت ِ ضروری وغیرہ، لیکن اعتکاف کی حالت میں بی بیوں کے ساتھ صحبت وبوس و کنار سب حرام ہے)
یہ اللہ تعالیٰ کے مقرر کیے ہوئے حدود ہیں۔
(یعنی اللہ تعالیٰ کی منع اور حرام کی ہوئی چیزیں ہیں)ان کے قریب بھی جانے کا خیال دل میں نہ آنا چا ہیئے۔
اس طرح اللہ تعالیٰ لوگوں کی ہدایت کے لیے اپنے احکام صاف صاف بیان فر ما تے ہیں تا کہ وہ پر ہیزگار بنیں( ایسی منع کی ہوئی چیزوں سے بچیں دینی احکام تزکیہ و تطہیر کے لیے ہیں اس لیے روزے میں تقوے کی نیت ضروری ہے)

اور آپس میں ایک دوسرے کا مال نا حق نہ کھا ئو۔
اور نہ اس کو ( رشوت کے ذریعہ ے) حُکّام کے پاس پہنچا ئو۔
تاکہ( نا جائز اور غیر منصفا نہ طریقہ سے فیصلہ کرائو اور) لوگوں کے مال کا کچھ حصہ نا حق کھا جائو ۔

(اس آیت سے رشوت وظلم و زیادتی کی حر مت ثابت ہو تی ہے)
اور تم جانتے ہو کہ (یہ سب کا م حرام ہیں)

اور نیکی اس بات میں نہیں ہے کہ ( احرام کی حالت میں)تم اپنے گھروں میں اس کی پچھلی دیوار سے پھا ند کر آئو۔

اصل نیکی یہ ہے کہ انسان اللہ تعالیٰ کی نا راضی سے بچے۔

اور گھر واپس ہو نا پڑے تو( سیدھے سا دے طریقہ پر) گھر کے دروازے سے آیا کرو۔
اور اللہ تعالیٰ سے ڈر تے رہو۔ تا کہ تم فلاحِ آخرت پا سکو۔
(جتنا خوفِ الٰہی دل میں ہوگا اتنا ہی اللہ رسول کے احکام کا پابند ہوگا)

اور تم اللہ تعالیٰ کی راہ میں ان لوگوں سے لڑتے رہو جو تم سے لڑ تے ہیں۔( اور عہد شکنی کر تے ہیں)
اور تم حد سے نہ نکلو یعنی زیاد تی نہ کرو۔( معاہدے کی خلاف ورزی میں پہل بھی زیاد تی کی تعریف میں آتی ہے)

اللہ تعالیٰ زیادتی کر نے والوں کو پسند نہیں فر ما تے۔

اور (جب قتال شروع ہو جا ئے تو) ان کافروں کو جہاں پائو قتل کرو۔
اور جہاں سے انھوں نے تم کو نکالا ہے(یعنی مکہ سے) وہاں سے تم بھی انکو نکال دو(یعنی انکو اتنا مارو کہ (مکہ سے ) بھاگ جا نے پر مجبور ہوجائیں)

اور(دین سے گمراہ کر نے کا) فتنہ قتل وخوں ریز ی سے کہیں بڑھ کرہے۔

اور جب تک وہ تم سے مسجد محترم( خا نۂ کعبہ کے پاس) لڑنے کی ابتدا نہ کریں تم بھی وہاں ان سے نہ لڑو۔
پھر اگر وہ (اپنے کفر سے ) باز آجائیں (اسلام قبول کرلیں) تو کفار (وہاں) تم سے لڑنے کی ابتدا کریں تو تم انھیں قتل کرو۔ کافروں کی یہی سزا ہے۔

پھر اگر وہ اللہ تعالیٰ بڑے ہی بخشنے والے رحم فر ما نے والے ہیں (انھیں معاف کردیں گے)

اور ان سے اس وقت تک لڑتے رہو کہ کفر مغلوب ہو جا ئے اور دین خالص اللہ ہی کا ہو جائے ۔
پھر اگر وہ کفر سے با ز آجائیں تو ظالموں کے سوا کسی پر زیاد تی نہ کر نی چاہیئے۔

احترام کے مہینہ کا بدل احترام ہی کا مہینہ ہے۔

اور ادب واحترام کی چیزیں ایک دوسرے کا بدلہ ہیں۔

لہٰذا (ادب واحترام کے مہینوں میں ) جو کوئی تم پر زیادتی کرے تو تم بھی اس پرویسی ہی زیادتی کرو۔ جیسی کہ اس نے تم پر کی ہے۔
تم پر جو ہتھیارا ٹھائے تم بھی اس پر ہتھیار چلا ئو دوسروں پر ہتھیار نہ اٹھائو۔
اور اللہ تعالیٰ سے ڈر تے رہو( اللہ تعالیٰ کی نا فر ما نی کے انجامِ بد کو مستحضر رکھو) اور یقین رکھو کہ اللہ تعالیٰ متقین کے ساتھ ہیں (ان کی ہر طرح مدد کرتے ہیں)

اور اللہ تعالیٰ کی راہ میں خرچ کرو اور اپنے ہی ہاتھوں اپنی بربادی کا سامان نہ کرو(جہاد فی سبیل اللہ میں بخل سے کام نہ لو۔)
اور نیکی کرو( جہا دو انفاق فی سبیل اللہ کیے جائو)
یقیناً اللہ تعالیٰ ایسے ہی نیکو کاروں کو پسند فرماتے ہیں:

اور اللہ تعالیٰ کی خوشنو دی کے لیے حج و عمرہ کو پورا کرو۔ (اس طرح تکمیل کیے بغیر واپس نہ آئو)

پھر اگر تم راہ میں روک لیے جائو یا کسی مصیبت میں گھر جائو تو قربانی کے جانور جو بھی میسّر ہوں(اونٹ گائے بکری) مقامِ مذبح( ذبح ہو نے کی جگہ) پر بھجوادو۔
اور اپنے سروں کو نہ منڈ ھوا ئوجب تک کہ قربانی کے جانور اپنی جگہ پہنچ نہ

جائیں( حالتِ احرام ہی میں رہو)حالتِ احرام میں بال نکلوا نے کی
ممانعت ہے۔
لہٰذا تم میں سے کوئی بیمار ہو جائے یا اس کے سرمیں کسی قسم کی تکلیف ہو (اور حالتِ احرام میں سر منڈ ھوا ئے تو)

اس کے بدلے روزے رکھےیا صدقہ دے یا قربانی کرے
اس سلسلہ میں نبیٔ محترم ﷺ نے فر ما یا کہ تین دن کے روزے رکھے یا چھ مسکینوں کو کھا نا کھلا ئے یا کم ازکم ایک بکری ذبح کی جا ئے
پھر جب تمہیں امن نصیب ہو جا ئے(اور تم حج کے لیے بہت پہلے مکہ پہنچ جائو) تو جو کوئی حج کے وقت تک عمرہ سے فائدہ اٹھا ئے یعنی حج و عمرہ کا ایک ہی احرام باندھے تو وہ قربانی کے جانور وں میں سے جو بھی قر بانی میسّر ہو کرے۔

پھر جس کسی کو قر بانی نہ ملے( یا قربانی کی استطا عت نہ ہو)تو اسی وقت (دورانِ حج) تین روزے رکھے اور سات (روزے) جب تم اپنے گھر(وطن) واپس آجا ئو ( تو رکھو)
(اس طرح) یہ پو رے دس ہوئے۔
یہ دس روزے ایک ساتھ نہ رکھنے کی اجازت اُن کے لیے ہے جن کے اہل و عیال مکّہ میں نہ رہتے ہوں۔
اور اللہ تعالیٰ سے ڈر تے رہو( کہ شرائط حج یا کسی امر کی خلاف ورزی ہونے نہ پا ئے) اور خوب جان لو کہ (خلاف ورزی کی صورت میں) اللہ تعالیٰ سخت سزا دینے والے ہیں۔

تو اس کو چا ہئیے کہ(زمانہ حج میں یعنی احرام کی حالت میں) اپنی عورتوں سے اختلاط نہ کرے کسی قسم کی فحش گفتگو یا کوئی گناہ اور کسی قسم کا جھگڑا نہ کرے۔
(عام اجتما عات میں ایسی ایسی ہی برا ئیاں کی جاتی ہیں جن سے منع کیا گیا ہے۔)

اور تم جو بھی نیک کام کرتے رہو گے اللہ تعالیٰ اس کو جانتے ہیں۔

اور سفر حج کے لیے زادِ راہ ساتھ لے جا ئو اور سب سے بہتر زادِراہ پرہیزگاری ہے۔
اور ائے عقل والو(سمجھ بوجھ سے کام لینے والو) مجھ ہی ڈرتے رہو (میرے احکام کی خلاف ورزی نہ کرو)

اگر حج کے ساتھ ساتھ تم اپنے رب کا فضل تلاش کرتے جا ئو تو کوئی مضائقہ نہیں ۔

پھر جب میدانِ عرفات سے واپس ہو نے لگو تو مشعر الحرام( مزدلفہ میں) اللہ تعالیٰ کا ذکر کرو(یعنی نمازِ مغرب و عشاء ملا کر پڑھو)

اور اس کو ( اللہ تعالیٰ کو) اس طرح یاد کرو۔ جیسا کہ تم کو (نبیٔ محترم ﷺ) ہدایت دی۔
اور تم اس سے قبل(مناسکِ حج کے تعلق سے) کھلی گمراہی میں تھے (یعنی غلط طریقہ سے ادا کیا کر تے تھے)

پھر جہاں سے اورلوگ واپس ہو تے ہوں وہیں سےتم بھی واپس ہواکرو۔

اور اللہ تعالیٰ سے بخشش چا ہو۔ بےشک اللہ تعالیٰ بڑے ہی بخشنے والے اور رحم فرمانے والے ہیں۔

پھر جب تم منا سکِ حج سے فارغ ہو جا ئو۔

تو اللہ تعالیٰ کا ذکر کیا کرو جس طرح تم اپنے باپ دادا کا ذکر کرتے ہو۔ بلکہ اس سے بھی زیادہ۔

لو گوں میں بعض ایسے بھی ہیں جو کہتے ہیں ائے ہما رے پر ور دگار ہمیں دنیا ہی میں (سب کچھ) دے دیجئے۔
اور ایسے شخص کو آ خرت میں کوئی حصہ نہ ملے گا۔ (کیونکہ یہ آخرت کا منکر ہے )

اوران میں بعض ایسے بھی ہیں جن کی دعا یہ ہوتی ہے ’’ ائے ہمارے پروردگار ہمیں دنیا میں بھی نعمت و عافیت عطا کیجئے۔
اور آخرت میں رحمت واحسان سے سر فرازی بخشئے اور ہم کو دوزخ کی آگ سے بچائے رکھیئے۔

یہی لوگ ہیں جن کے لیے ان کے نیک اعمال کا بھر پوبدل ملے گا۔
اور اللہ تعالیٰ بہت جلد حساب لینے والے ہیں۔

اور گنتی کے ان چنددنوں میں اللہ تعالیٰ کو یاد کیا کرو۔
(یعنی مشعر الحرام سے واپسی پر مقامِ منٰی میں بقیہ منا سکِ حج کے لیے ٹھہر ے رہو۔)

پھر جو شخص دو ہی دن میں(مکّہ واپس آنے میں) جلدی کرے تو اس پر کوئی گناہ نہیں۔

اور جو شخص تاخیر کرے(یعنی دو دن سے زیادہ منٰی میں ٹھہرار ہے( اس پر بھی کچھ گناہ نہیں۔ (یہ رعایت( اس شخص کے لیے جو) احکامِ الٰہی کی خلاف ورزی کے انجام سے( ڈرتا ہو ۔(اصل چیز خوفِ الٰہی ہے)
اور اللہ تعالیٰ سےڈر تے رہو( یعنی اللہ تعالیٰ کی نا فرمانی سے بچتے رہو) اور اچھی طرح جان لو کہ تم) اپنے اعمال کی جواب دہی کے لیے( اس کی طرف جمع کیے جائو گے۔

اور لوگوں میں سے کوئی ایسا بھی ہے جس کی گفتگو(دنیوی اعتبار سے) آپؐ کو بہت ہی بھلی لگتی ہے ۔

اور اپنی نیک نیتی پروہ بار بار اللہ تعالیٰ کوگواہ ٹھہراتا ہے۔
(یعنی کہتا ہے کہ اللہ تعالیٰ شاہد ہیں۔ مجھے حق وصداقت پسند ہے اس لیے میں مسلمانوں کا بڑا ہی ہمدرد وخیر خواہ ہوں۔ )

حالانکہ وہ بڑا ہی جھگڑالو اور آپؐ کا شدید مخالف ہے۔

اورجب یہ (منافق) آپؐ کی مجلس سے پیٹھ پھیر کرچلا جاتا (یا حکمران

ہوتا ہے( توشہر میں فتنہ وفساد مچاتا پھرتا ہے (لوگوں کی ایذارسانی میں لگ جاتا ہے)

اورکھیتی ونسل انسانی وحیوانی کی تباہی وبربادی کا باعث بنتا ہے۔
اوراللہ تعالیٰ فساد کوپسند نہیں فرماتے (دین حق کے خلاف جدوجہد فساد فی الارض ہے)

اورجب اس سے کہاجاتا ہے کہ اللہ تعالیٰ سے ڈرو
(ان مفسدانہ اعمال سے باز آمخلوق خدا کی تباہی کا باعث نہ بن)

تو وہ گناہ کے ذریعہ عزت حاصل کرنا چاہتا ہے۔
(یعنی غرور وقار اس کومزید گناہوں میں پھنسا دیتا ہے برائیوں پراور زیادہ جری ہوجاتا ہے اور اپنی مفسدانہ مغرورانہ روش ہی پرقائم رہتا ہے۔

پھر اس کے لئے جہنم کافی ہے اور وہ بہت ہی برا ٹھکانا ہے۔

اورلوگوں میں سے کوئی ایسا بھی ہے جو اللہ تعالیٰ کوراضی کرنے کے لئے اپنی جان تک قربان کردیتا ہو۔
(رضائے الٰہی کے لئے مفاد دنیا اورضرر دنیا کی پروا نہیں کرتا)
اوراللہ تعالیٰ اپنے بندوں پربڑے ہی مہربان ہیں۔

ائے وہ لوگو جو ایمان لائے ہو، اسلام میں پورے پورے داخل ہوجاؤ

اور شیطان کے نقش قدم پر نہ چلو یعنی شیطان کی اتباع نہ کرو ۔

بے شک وہ تمہارا کھلا دشمن ہے (اس سے ہر وقت باخبر رہنے کی ضرورت ہے۔) (کافروں کوبھی شیطان کی طرح مسلمانوں کا کھلادشمن کہا گیا ہے)

تمہارے پاس (اس طرح) واضح اورتاکیدی احکام آجانے کے بعد اگر تم لڑکھڑا جاؤ۔
توجان لو کہ اللہ تعالیٰ بڑے ہی زبردست حکمت والے ہیں۔
(یعنی حکیمانہ تجاویز کی خلاف ورزی کے جو نتائج الحکیم نے مقرر کررکھے ہیں وہ اٹل ہیں یقیناً وہ واقع ہوکر رہیں گے)

کیا یہ لوگ اس بات کے منتظر ہیں کہ اللہ تعالیٰ اورفرشتے ان کے پاس بادلوں کے سایہ میں (قطعی فیصلے کے لئے)
آموجود ہوں اوران کا کام تمام کردیں۔
اورسارے معاملات( تصفیہ کے لئے )اللہ تعالیٰ ہی کے پاس پیش کئے جانے والے ہیں۔

جو کوئی اللہ تعالیٰ کی نعمت( نعمت ِدین )کوپالینے کے بعد اس میں (اپنی طرف سے) ردو بدل کردے تویقیناً اللہ تعالیٰ ایسے مجرمین کوسخت ترین سزادیتے ہیں۔

کافروں کیلئے دنیا کی زندگی بڑی ہی دلکش وخوشنما بنادی گئی ہے۔
وہ ان لوگوں کا مذاق اڑاتے ہیں جوایمان لاتے ہیں۔
(جیسے حضرت بلا لؓ وعمارؓوغیرہ کا)

اور جو لوگ کفر وشرک سے بچتے ہیں قیامت کے دن ان کافروں پربرتری حاصل کریں گے۔

اوراللہ تعالیٰ جسے چاہتے ہیں بے حدوحساب رزق عطا کرتے ہیں۔
(یہاں نیک وبدمومن وکافر کی تخصیص نہیں)

)ابتداء میں( سب لوگ ایک ہی مذہب پر تھے (یعنی سب ایک ہی دین کے پیروتھے۔(

پس اللہ تعالیٰ نے پیغمبروں کوبھیجا جو (دین حق کے قبول کرنے والوں کو) مغفرت وجنت کی خوشخبری سناتے ہیں اور (منکرین حق کو) غضب الٰہی اورعذاب جہنم سے ڈراتے ہیں۔

اور ان کے ساتھ کتابیں نازل کیں جومبنی پر حقائق تھیں۔
(جن میں خالص الٰہی تعلیم تھی)

تاکہ جن امور میں لوگ اختلاف کرتے تھے ان میں فیصلہ کردے۔

اوراس میں اختلاف بھی انھیں لوگوں نے کیا جنہیں کتاب دی گئی تھی۔(یہودو نصاریٰ)

ان کے پاس صاف وصریح احکام آجانے کے بعد اپنی ضد وہٹ دھرمی سے (اوراپنی مذہبی پیشوائی وبرتری کوبرقرار رکھنے کے لیے دین حق سے) اختلاف کیا۔
تو وہ جس امر حق میں اختلاف کرتے تھے اللہ تعالیٰ نے اپنی مہربانی سے اہل ایمان کوصحیح راہ دکھائی۔

اوراللہ تعالیٰ جس کوچاہے ہیں سیدھی راہ دکھاتے ہیں۔

کیا تم خیال کرتے ہو کہ یوں ہی (بلامشقت) جنت میں داخل کیے جاؤگے۔

تم سے پہلے ایمان لانے والوں پرجومصائب آئے تھے تم ابھی ان حالات سے نہیں گزرے۔
ان پر بڑی مصیبتیں آئیں اورمصائب کے ایسے سخت سے سخت دور آئے کہ انھیں بری طرح ہلا کر رکھ دیا۔

یہاں تک کہ (اس زمانے کے) پیغمبر اور ان کے ساتھی اہل ایمان چِلا اٹھے کہ اللہ تعالیٰ کی مدد (موعود) کب آئے گی۔
(اس وقت انھیں تسلی دی گئی) ہاں ہاں اللہ کی مدد قریب ہے۔

(ائے نبیﷺ) لوگ آپ سے پوچھتے ہیں کہ (راہِ حق میں) کس طرح کا مال خرچ کرنا چاہئے ؟
کہئے جو مال تم خرچ کرنا چاہو، اس کے مستحق والدین ہیں اور قریبی رشتہ دار اور یتیم اورمحتاج اور مسافر ہیں۔

اور تم جو بھی بھلائی کروگے بے شک اللہ تعالیٰ اس کو جانتے ہیں۔ (کہ کس نیت سے خرچ کیے ہو؟)

(اب) تم پر جہاد فرض کیا گیا ہے اور وہ تم پہ گراں گزرے گا۔
اورہوسکتا ہے کہ تمہیں ایک چیز ناگوار ہواور وہی تمہارے لیے بہترہو۔

اورہوسکتا ہے کہ ایک چیز تمہیں پسند ہو اور وہی تمہارے لیے مضرہو۔
اوراللہ تعالیٰ ہی جانتے ہیں اور تم نہیں جانتے( کہ تمہارے لیے مفید کیا

کہئے۔ ان مہینوں میں لڑنا بہت بڑا گناہ ہے۔
اور اللہ تعالیٰ کی راہ سے روکنا اور اللہ تعالیٰ کے ساتھ کفر کرنا اور مسجد الحرام) خانۂ کعبۃ اللہ )میں جانے سے لوگوں کوروکنا، مانع ومزاحم ہونا (یہ سب عظیم گناہ ہیں۔(
اوروہاں کے رہنے والوں کووہاں سے نکالنا اللہ تعالیٰ کے نزدیک قتال سے بھی بڑا سنگین جرم ہے۔
اورفتنہ انگیزی قتل وخون سے بھی بڑھ کر ہے۔

اوریہ (اہل کفر اہل باطل) تم سے اس وقت تک لڑتے رہیں گے جب تک کہ وہ تم کو دین سے نہ پھیردیں۔ اگر ان کا بس چلے۔

اور جو کوئی تم میں سے اپنے دین سے نہ پھرجائے (یعنی پھر کافر ہوجائے)
پھر وہ کفر ہی کی حالت میں مرے توایسے لوگوں کے اعمال دنیا وآخرت میں ضائع ہوجائیں گے۔

اور ایسے لوگ جہنمی ہیں جس میں وہ ہمیشہ ہمیشہ رہیں گے۔

(بخلاف اس کے) جو لوگ ایمان لائے (یعنی جنہوں نے الٰہی تعلیم قبول کرلی) اورجنہوں نے اللہ تعالیٰ کی راہ میں گھر بار چھوڑا یعنی ہجرت

کی (دین حق کی بقا واشاعت کے لیے گھر سے بے گھر ہوئے) اور اللہ تعالیٰ کی راہ میں (جان ومال سے) جدو جہد کی۔
ایسے ہی لوگ رحمت ِالٰہی کے امیدوار ہیں (ان سے دانستہ یا نادانستہ کوئی گناہ ہو بھی جائے تو) اللہ تعالیٰ بڑے ہی معاف کرنے والے اورنہایت رحم کرنے والے ہیں۔

(ائے نبیﷺ) لوگ شراب اورجوے کے بارے میں آپ سے دریافت کرتے ہیں۔
کہئے ان دونوں چیزوں میں بڑی مضرتیں ہیں اگر چہ کہ لوگوں کے لیے (ان میں کچھ دنیاوی) فائدے بھی ہیں۔
مگر ان کی مضرت ان کے فائدے سے بہت زیادہ ہے۔

اورآپؐ سے پوچھتے ہیں کہ اللہ تعالیٰ کی راہ میں کیا خرچ کریں۔ کہئے۔ جو ضرورت سے زیادہ ہو (یعنی حقیقی ضروریات زندگی سے جو بچ رہے وہ خرچ کیا جاسکتا ہے۔)

اس طرح اللہ تعالیٰ تمہارے لئے وضاحت کے ساتھ اپنے احکام بیان فرماتے ہیں تا کہ تم دنیا وآخرت کے معاملے میں غور وفکر سے کام لو۔

اور لوگ آپؐ سے یتیموں کے بارے میں دریافت کرتے ہیں (کہ ان سے کس طرح کا معاملہ کیا جانا چاہئے۔)
کہئے ان کی اصلاح (ان کی تعلیم وتربیت) میں (تمہارے لئے) خیر ہی خیر ہے۔

اور اگر تم ان سے مل جل کر رہنا چاہو تو(ایسا کرسکتے ہو)
بہر حال وہ تمہارے دینی بھائی ہیں۔
(تم کواختیار ہے کہ کھانے پینے میں انکو اپنے سے علیحدہ رکھو، یا مل جل کر کھاؤ)
اور اللہ تعالیٰ مفسد اورمصلح کو خوب جانتے ہیں۔
( کہ کون بد نیتی سے کام لیتا ہے اور کون یتیموں کا خیر خواہ ہے)
اور اگر اللہ تعالیٰ چاہتے تو تم مشکل میں پڑجاتے۔

بے شک اللہ تعالیٰ بڑے ہی زبردست حکیم ہیں (یعنی تجاویز الٰہی بہت حکیمانہ ہوتی ہیں)

(اصلاح معاشرے کے لیے اہل ایمان کوحکم دیا گیا ہے) تم مشرک عورتوں سے نکاح نہ کرو جب تک کہ وہ ایمان نہ لے آئیں۔ (یعنی اپنے عقائد کی اصلاح نہ کرلیں۔)

مسلمان باندی مشرک (شریف زادیوں سے کہیں)سے زیادہ بہتر ہے۔ اگر چہ کہ وہ تمہیں (حسن ودولت کے اعتبار سے) کتنی ہی بھلی کیوں نہ معلوم ہوتی ہوں۔

اور (اسی طرح) مشرکانہ عقیدہ رکھنے والے مردوں سے مومنہ عورتوں کا نکاح نہ کرو۔ جب تک کہ وہ صحیح معنوں میں ایمان نہ لے آئیں۔
اور مومن غلام بہتر ہے مشرک مال دار سے اگر چہ کہ مشرک (کئی لحاظ سے) تمہیں اچھا ہی کیوں نہ معلوم ہوتا ہو یہ لوگ تمہیں آگ کی طرف بلاتے ہیں۔

اوراللہ تعالیٰ (مشرکین سے نکاح نہ کرنے کی تجویز فرماکر) اپنی مہربانی سے جنت ومغفرت کی طرف بلاتے ہیں۔
اوراللہ تعالیٰ اپنے احکام لوگوں کی ہدایت کے لیے نہایت ہی وضاحت کے ساتھ بیان فرماتے ہیں تا کہ وہ نصیحت پذیر ہوں (اور الٰہی تعلیمات کے مطابق زندگی بسر کریں)

لہٰذا زمانہ حیض میں ان سے الگ رہو۔

اور جب تک وہ پاک نہ ہوجائیں ان سے مقاربت (مباشرت )نہ کرو۔

پھر جب وہ پاک ہوجائیں توحکم الٰہی کے مطابق ان سے مقاربت کرو(یعنی وضع فطری کے مطابق جوانسان وحیوان کی جبلت (فطرت) ہیں ودیعت کردیا گیا ہے جس سے ہرمتنفس با لطبع واقف ہے۔)
بے شک اللہ تعالیٰ(گناہوں سے) توبہ کرنے والوں کوپسند فرماتے ہیں اور پاک وصاف رہنے والوں کودوست رکھتےہیں۔

تمہاری عورتیں تمہاری کھیتیاں ہیں (تمہیں اختیار ہے) اپنی کھیتی میں جس طرح چاہو جاؤ۔
(یعنی کھیتی میں جس طرح چاہو تخم ریزی کرو۔ مگر مقصد تخم ریزی ہی ہو)

اور اپنے لئے (نیک عمل ) آگے بھیجو(اور اپنے مستقبل کی فکرکرو۔ یعنی اپنی ذات کے لیے جوبھی نیک کام کرنا ہے، اپنی زندگی میں کرلو یعنی آخرت کے لیے)

اوراللہ تعالیٰ سے ڈرتے رہو(یعنی اللہ تعالیٰ کی ناراضی سے بچتے رہو) اور اچھی طرح جان لو کہ تم سب اس سے ملنے والے ہو (یعنی تم سب کو ایک دن محاسبہ اعمال کے لیے اسی کے روبروحاضر ہونا ہے۔)

اور(ائے نبیﷺ) ایمان والوں کوخوشخبری سنادیجئے۔
(کہ جنت ودرجاتِ جنت آخرت کی سعادت انھیں کے لئے ہے)
(مغفرت وجنت مشروط بہ طاعت الٰہی ہے)

اور تم اللہ تعالیٰ کواپنی قسموں کے ذریعہ نیک کاموں کوترک کرنے کا حیلہ نہ بناؤ۔(یعنی اچھے کاموں کوچھوڑدینے کے لیے اللہ تعالیٰ کی قسمیں نہ کھایا کرو)
کہ احسان کرنے سے اور پرہیزگاری سے اور لوگوں میں صلح کرانے سے رک جاؤ۔

)یہ قسم کہ تم کسی پر احسان نہ کروگے اور پرہیزگاری نہ اختیار کروگے۔ اورلوگوں کے درمیان صلح وآشتی بھی نہ کرواؤگے۔(
اللہ تعالیٰ سب کچھ سنتے اور جانتے ہیں۔

اللہ تعالیٰ تمہاری بیہودہ قسموں پر مواخذہ نہیں فرماتے (یہ اللہ تعالیٰ کی شان کریمی ہی توہے)

لیکن تم پر گرفت (ان قسموں پر) ہوگی جو قلبی ارادے کے ساتھ کھائی جائے (کسب کا تعلق میلان سے ہے)
اوراللہ تعالیٰ بڑے ہی بخشنے والے ہیں، حلیم ہیں۔تحمل کرنے والے ہیں۔
ان لوگوں کے لیے جواپنی بیویوں کے پاس نہ جانے کی قسم کھالیں تو ان کو چارمہینوں تک انتظار کرنا چاہئے۔

پھر اگر (قسم توڑکرچار ماہ کے اندر )رجوع کرلیں تو اللہ تعالیٰ معاف کرنے والے ہیں۔ مہربانی فرمانے والے ہیں۔

اگر طلاق کا ارادہ کرلیں تو(چار ماہ کے بعد طلاق ہوجائے گی) چنانچہ اللہ تعالیٰ سننے والے اورجاننے والے ہیں (لہٰذا جو بھی کام کروسوچ سمجھ کر کرو۔ کہ پرسش اعمال ضرور ہے)

اور طلاق والی عورتیں تین حیض تک اپنے آپ کوروکے رکھیں(یعنی اس مدت میں نکاح ثانی نہ کریں)
اور انھیں جائز نہیں کہ اللہ تعالیٰ نے جو کچھ ان کے پیٹ میں پیدا کیا ہے اس کوچھپائے رکھیں۔
اگر وہ اللہ تعالیٰ اورآخرت پرایمان رکھتی ہوں۔

اوران کے شوہر(ایک یا دو طلاق کے بعد)اندرون مدت پھر انھیں اپنی زوجیت میں لینے کے حق دار ہیں۔
اگر انھیں آپس کے تعلقات کی اصلاح مقصود ہو۔
اوران عورتوں کا حق مردوں پر ایسا ہی ہے جیسا معروف طریقے پر مردوں کا حق عورتوں پر ہے۔
اورمرد کو عورتوں پرایک درجہ فوقیت حاصل ہے۔

اور اللہ تعالیٰ بڑے ہی زبردست حکمت والے ہیں۔
(یعنی یہ کہ یہ ایک حکیم کا حکیمانہ حکم ہے)

لہٰذا (دوطلاقوں کے بعد) یا توبیوی کومعروف طریقے پر اپنی زوجیت میں رکھے یا بہتر یا احسن طریقے سے (اذیت رسانی کے بغیر) علیحدہ کردے۔

اور (بوقت علیحدگی) تمہارے لیے قطعاً حلال نہیں ہے کہ تم عورتوں کو جو کچھ مال واسباب دے چکے ہو، وہ ان سے واپس لو۔
سوائے اس کے کہ زن وشوکو یہ اندیشہ ہو کہ وہ اللہ تعالیٰ کی حدود کو قائم نہ رکھ سکیں گے (یعنی مفروضہ احکام کی پابندی نہ کرسکیں گے)

لہٰذا اگر تم کو اندیشہ غالب ہو کہ حدود اللہ کی پابندی نہ کرسکوگے۔
توان دونوں پر کچھ گناہ نہیں کہ عورت شوہر کوکچھ معاوضہ دے کر علیحدگی حاصل کرے۔(اس کو شریعت میں خلع کہتے ہیں لیکن مرد کے دل میں قطعی ایسا خیال نہ پیدا ہونا چاہئے کہ اس کی بیوی کچھ دے کر علیحدگی حاصل کرے بلکہ اس کی نیت یہ ہونی چاہئے کہ وہ خود مہر دے کر معروف طریقے پرعلیحدگی اختیار کرے گا)

یہ اللہ تعالیٰ کے مقرر کیے ہوئے حدود ہیں۔ خبردار ان سے آگے نہ بڑھنا۔

اور جو کوئی حدود اللہ سے باہر نکل جائے ایسے ہی لوگ ظالم ہیں (یعنی اپنا آپ نقصان کرتے ہیں)

پھر اگر شوہر دو طلاقوں کے بعد اس کو تیسری طلاق دے دے تواس کے بعد جب تک کہ عورت کسی دوسرے شخص سے نکاح نہ کرلے اس کے پہلے شوہر پرحلال نہ ہوگی۔
ہاں اگر دوسرا شوہر بھی طلاق دے دے تواب (یہ عورت شرعی اصطلاح میں حلالہ کہلاتی ہے) یہ عورت اورپہلا شوہر پھرایک دوسرے کی طرف رجوع کرلیں توان پر کچھ گناہ نہیں۔
بہ شرطیکہ طرفین کویقین ہو کہ حدود اللہ کی حفاظت کرسکیں گے۔
اور یہ اللہ تعالیٰ کی مقرر کی ہوئی حدیں ہیں جنہیں اللہ تعالیٰ سمجھ داروں کے لیے بیان فرماتے ہیں۔ (سمجھ دار وہ ہیں جو حدود الٰہی کوتوڑے کا انجام جانتے ہیں)

اور جب تم عورتوں کودو دفعہ طلاق دے چکو پھر وہ اپنی عدت پوری کرچکیں (تودوگواہوں کے سامنے رجوع کروایا )۔
توانھیں حسن سلوک کے ساتھ نکاح میں رہنے دو۔
یا پھر انھیں معروف طریقے پر (کچھ دے دلا کر) رخصت کردو۔
اورنہ اس نیت سے انھیں نکاح میں روک رکھو کہ انھیں تکلیف دو اوران پر زیادتی کرو۔
اورجو کوئی ایسا کرے گا وہ اپنا نقصان آپ کرے گا۔
اور احکامات الٰہی کومذاق نہ بناؤ(یعنی ناقدری نہ کرو)

اوراللہ تعالیٰ نے تم کو جونعمتیں بخشی ہیں انھیں مستحضر رکھو۔
اور تم پر جو کتاب اوردانائی کی تعلیم نازل کی ہے جس سے تمہیں نصیحت کی جاتی ہے(اس کے مطابق عمل پیرا رہو)
اوراللہ تعالیٰ سے ڈرتے رہو۔ اورجان لو کہ اللہ تعالیٰ ہرچیز سے واقف ہیں۔
اور جب تم اپنی عورتوں کوطلاق دے چکو پھر وہ اپنی مدت پوری کرلیں۔
پھر (اپنی پسند کے مردوں یا بعد حلالہ) سابقہ شوہروں سے نکاح کرنا چاہیں توانھیں نہ روکو۔
جب کہ وہ معروف طریقے پرآپس میں رضا مند ہوجائیں۔
اس طرح اس شخص کونصیحت کی جاتی ہے تم میں سے ایمان باللہ اور ایمان

بالآخرت پر (الٰہی ونبوی تعلیم کے مطابق) یقین رکھتا ہو۔
ان ہدایات الٰہی کی تعمیل میں تمہارے لیے تزکیۂ نفس وتطہیر قلب کا سامان ہے۔
اوراللہ تعالیٰ علیم ہیں(معاشرے کی خوبیوں کو) جانتے ہیں اورتم نہیں جانتے ( کہ حسن معاشرت کیا ہے)

اورمائیں اپنے بچوں کوپورے دو سال دودھ پلائیں۔

(کامل دو سال سے یہ مراد نہیں ہے کہ یہ مدت دوسال سے کم نہیں کی جاسکتی بلکہ دو سال سے زیادہ نہ ہو)

یہ حکم اس شخص کے لیے ہے جو پوری مدت تک دودھ پلوانا چاہے۔
اور جس کا بچہ ہے یعنی باپ اس پر لازم ہے کہ رضاعت کے دوران ان عورتوں کودستور کے مطابق کھانا کپڑا دے کسی شخص کواس کی برداشت سے زیادہ تکلیف دہ حکم نہیں دیاجاتا (یعنی کوئی شخص اپنی برداشت سے زیادہ مکلف نہیں ہے)
نہ توماں کو اس کے بچے کے سبب نقصان پہنچایا جائے۔
اورنہ باپ کواس کی اولاد کی وجہ۔

اوراسی طرح(نان ونفقہ) بچے کے وارث کے ذمہ ہے۔
اگر دونوں ماں باپ آپس کی رضامندی سےبچے کا دودھ( اندرونِ مدت) چھڑانا چاہیں توچھڑا سکتے ہیں۔
تودونوں پر کسی قسم کا گناہ نہیں ہے۔
اگر تم اپنے بچوں کودوسری عورتوں( اناؤں کا) دودھ پلوانا چاہو۔

تب بھی تم پر کوئی گناہ نہیں ہے۔ بشرطیکہ طے شدہ معاوضہ ٹھیک ٹھیک ادا کیا کرو۔

اور اللہ تعالیٰ سے ڈرتے رہو اور اس بات کواچھی طرح جان لو کہ تم جو کچھ کرتے ہو، اللہ تعالیٰ دیکھ رہے ہیں (یعنی تمہارے سب اعمال اللہ تعالیٰ کی نظروں میں ہیں)

اور تم میں سے جو لوگ مرجائیں اور اپنی بیویاں چھوڑجائیں۔

تو وہ عورتیں چار ماہ دس دن اپنے آپ کو روکے رکھیں (یعنی اس مدت میں نکاح نہ کریں)
پھر جب یہ اپنی مدت پوری کرچکیں۔
تو کچھ گناہ نہیں ہے کہ وہ عورتیں اپنے نفس کے معاملے میں معروف طریقے سے (نکاح کرلیں)کام لے۔(تم پراس کی کوئی ذمہ داری نہیں)
اوراللہ تعالیٰ تمہارے سب اعمال سے با خبر ہیں۔

اور(اگر کوئی عورت بیوہ ہوجائے) تم اشارۃً یا کنایتاً اس کو نکاح کا پیام دینا چاہو تو تم پر کچھ گناہ نہیں۔

یا (نکاح کی خواہش کو) اپنے دلوں میں (ختم عدت تک)چھپائے رکھو۔
اللہ تعالیٰ جانتے ہیں کہ تم ان عورتوں سے نکاح کا تذکرہ کیے بغیر نہ رہ سکوگے (یعنی ختم عدت تک اس ارادے کوچھپانہ سکوگے)

لیکن (ایام عدت میں) پوشیدہ طورپر ان سے کوئی قول وقرار نہ کرنا۔

البتہ احسن طریقہ سے (ان پر) اپنا ارادہ ظاہر کرسکتے ہو۔
اورجب تک عدت پوری نہ ہوجائے عقد نکاح کا ارادہ نہ کرو۔

اور اچھی طرح جان لوکہ جو کچھ تمہارے دلو ںمیں ہے اللہ تعالیٰ جانتے ہیں (تمہارے قلبی احوال سے با خبر ہیں)

لہٰذا اس سے ڈرتے رہو۔ (مرضیات الٰہی کی خلاف ورزی کے انجام بد سے ڈرتے رہو)
اور جان لو کہ اللہ تعالیٰ بڑے ہی بخشنے والے حلیم ہیں۔

نیک لوگوں پر یہ ایک طرح کا حق ہے۔

اور اگر تم انھیں ہاتھ لگانے سے پہلے طلاق دو۔
(یعنی خلوت صحیحہ سے قبل)
اور تم نے ان کا مہر مقرر کیا ہو تو(اصل صورت میں) نصف مہردینا ہوگا۔

ہاں اگر عورتیں اپنا مہر بخش دیں۔
یا مرد جن کے ہاتھ میں عقد نکاح ہے۔
(نکاح توڑنے یا باقی رکھنے کا اختیار ہے) )اپنا حق( چھوڑدیں (یا پورا مہردے دیں، انھیں اختیار ہے۔)

اور اگر تم اپنا حق چھوڑدو تو تمہارا(یہ عمل) تقوے سے زیادہ قریب ہے۔
اور آپس میں ایک دوسرے پر فضل واحسان کرنا نہ بھولو۔ (فیاضی سے کام لو)
جو کچھ تم کررہے ہو یقیناً اللہ تعالیٰ دیکھ رہے ہیں۔
(جیسے اعمال ہوں گے ویسی جزا ملے گی)

نمازوں کی حفاظت کرو با لخصوص (اس نماز کی جو تمہارے کاروبار کے درمیان آجائے)بیچ کی نماز۔

اوراللہ تعالیٰ کے آگے عاجزانہ انداز میں کھڑے رہو۔
(یعنی ادب واحترام کے ساتھ نماز پڑھا کرو)

پھر اگر تم کو کسی طرح کا اندیشہ لاحق ہو تو پیدل، کھڑے کھڑے یا سواری پرنماز پڑھ لیا کرو(خوف یا بدامنی کی حالت میں)

پھر جب تم مطمئن ہوجاؤ (یعنی خوف کی حالت جاتی رہے) تو اللہ تعالیٰ کو

اس طرح یاد کروجیسا کہ تم کوسکھایا گیا ہے جس کو تم جانتے نہ تھے۔

اور جو لوگ تم سے وفات پا جاتے ہیں۔

اوراپنی بیویاں چھوڑجاتے ہیں۔

وہ اپنی عورتوں کے حق میں وصیت کرجائیں کہ انھیں گھر سے نکالے بغیر ایک سال تک نان ونفقہ دیا جائے۔

پھر ایک سال کے اندر وہ عورتیں خود چلی جائیں اوراپنے نکاح کا موزوں طریقے پر انتظام کرلیں تو تم پر کچھ گناہ نہیں۔
اور اللہ تعالیٰ زبردست حکیم ہیں۔

اورمطلقہ عورتوں کوبھی دستور کے مطابق بہ طریق احسن کچھ دے دلا کر رخصت کرنا چاہئے۔
متقین پریہ ایک اخلاقی فریضہ ہے۔

اس طرح اللہ تعالیٰ اپنے احکام تمہارے لیے نہایت ہی وضاحت کے ساتھ بیان فرماتا ہے تا کہ تم سمجھ بوجھ سے کام لو(اور نافرمانی کے انجام بد سے بچو)
جدال قتال فرض کیا گیا تویہ حکم بعض اہل ایمان پرگراں گزرا اس لیے اسی مناسبت سے ایک واقعہ بیان فرمایا گیا۔

حالانکہ وہ ہزاروں کی تعداد میں تھے۔
پھر اللہ تعالیٰ نے انھیں فرمایا مرجاؤ (مرگئے)
کچھ دنوں بعد پھر انھیں زندہ کردیا گیا۔
یہ دکھانے کے لیے کہ موت اپنے وقت پر آکر رہے گی۔گھروں میں چھپے بیٹھے رہو یا کہیں بھاگ نکلو۔ پھر تم موت سے کیوں گھبراتے ہو۔ جہاد سے کیوں جی چراتے ہو؟
بے شک اللہ تعالیٰ اپنے بندوں پر بڑا ہی فضل فرماتے ہیں۔ (اللہ تعالیٰ کا ہرحکم بندوں کے لیے نہایت حکیمانہ اور موجب رحمت ہوتا ہے) لیکن اکثر لوگ (نہیں سمجھتے) ناشکری کرتے ہیں۔

اوراللہ تعالیٰ کی راہ میں (مخالفین اسلام سے) لڑو اور یقین رکھو کہ اللہ تعالیٰ خوب سننے والے اور خوب جاننے والے ہیں تمہاری مدد کریں گے)

کون شخص ہے جواللہ تعالیٰ کوقرض دے۔قرض حسنہ (ایسا قرض جوخالص نیکی کے جذبے کے تحت راہ خدا میں دیا جائے)

پھر اللہ تعالیٰ اس کے اجروثواب کوکئی گناہ بڑھا کرعطا کریں گے۔ ایک حدیث میں آیا ہے کہ ایک خرما (کھجور) اللہ تعالیٰ کی راہ میں خرچ کیا جائے تواللہ تعالیٰ اس کواتنا بڑھاتے ہیں کہ وہ احد پہاڑ سے بھی زیادہ ہوجاتا ہے (کوہ احد مدینہ میں ہے)
اوراللہ تعالیٰ ہی کمی کرتے ہیں یا فراخی بخشتے ہیں۔
(یعنی گھٹانا بڑھانا، تنگی وفراخی اللہ تعالیٰ ہی کے اختیار میں ہے۔ ہوسکتا ہے کہ تم بہت کچھ اللہ تعالیٰ کی راہ میں خرچ کرو اللہ تعالیٰ تمہارے لیے فراخی ہی رکھیں اور لاکھ بچا بچا کررکھو کوئی آفت آجائے۔ اور کوڑی کوڑی کومحتاج ہوجاؤ۔ لہٰذا انفاق فی سبیل اللہ کے موقع پر تم اپنا ہاتھ کشادہ رکھو۔ خرچ کرنے کے موقع پریہ نہ سمجھو کہ مفلس ہوجاؤگے(تنگی وفراخی کا یہ خیال عبث ہے)

اورتم (جزائے اعمال کے لیے) اسی کی طرف لوٹ کرجاؤگے۔

(ائے نبیﷺ) کیا آپؐ نے (اس معرکۂ حق وباطل پر) غور نہیں کیا جو موسیٰ ؑ کے بعد سرداران بنی اسرائیل کوپیش آیا۔

جب انہوں نے اپنے نبی سے کہا تھا کہ ہمارے لیے ایک بادشاہ مقرر کردیجئے تا کہ ہم اللہ کی راہ میں جہاد کریں۔
پیغمبر نے کہا۔ اگر تم پر قتال(جہاد) فرض کردیا جائے تواس بات کا احتمال ہے کہ تم لڑنے سے انکار کردو۔
انہوں نے کہا ہم اللہ کی راہ میں کیوں نہ لڑیں گے۔

جب کہ ہم اپنی بستیوں سے نکالے گئے اور اپنے بال بچوں سے جدا کیے گئے۔
پھر جب ان پر جہاد فرض کیا گا توچند اشخاص کے سوا سب پھر گئے۔

اوراللہ تعالیٰ ظالموں کوخوب جانتے ہیں۔(جوفریضۂ قتال سے جی چراتے ہیں)

اور( جولوگ قتال کے لیے تیار ہوئے) ان سے انکے نبی نے کہا۔

اللہ تعالیٰ نے تمہارے لیے طالوت کوبادشاہ مقرر فرمایا ہے۔
توان لوگوں نے (بڑے ہی تعجب سے) کہا( کہ طالوت کوامیر فوج کس لیے مقرر کیا گیا)کیوں کر اس کی ہم پر حکومت ہوسکتی ہے۔
انھیں حکمرانی کا حق کیوں کرحاصل ہوسکتا ہے۔

اور ہم حکمرانی میں ان سے زیادہ اہل ہیں۔
اور طالوت صاحب ثروت بھی نہیں ہیں۔

پیغمبر نے کہا اللہ تعالیٰ نے اس کو تم پرفضیلت بخشی ہے (یہ اللہ تعالیٰ کا انتخاب ہے)
اور اس کوعلمی فضیلت بخشی اورجسمانی لحاظ سے توانا وتندرست رکھا۔

اور اللہ تعالیٰ جس کو قابل سمجھتے ہیں بادشاہت عطا کرتے ہیں۔
اوراللہ تعالیٰ بڑے ہی واسع العلم ہیں (جانتے ہیں کہ کون کس قابل ہے)
اوران کے نبی نے ان سے کہا ان کے (منجانب اللہ) فرمانروا ہونے کی نشانی یہ ہے کہ
تمہارے پاس ایک صندوق آئیگا۔ جس میں تمہارے رب کی طرف سے تمہارے لیے سکون قلب کا سامان ہوگا۔ (صندوق التوراۃ)
اور کچھ بچی ہوئی چیزیں بھی ہوں گی جن کو موسیٰ وہارون علیہم السلام چھوڑگئے تھے۔
وہ صندوق فرشتے اٹھائے لائیں گے۔

اس میں تمہارے لیے نشانی ہے کہ (طالوت منجانب اللہ سردار مقرر کیے گئے ہیں) اگر تم یقین( لانے والے ہو)رکھتے ہو۔

چلے)باہر نکلا۔
توانہوں نے کہا ایک دریا پر اللہ تعالیٰ کی طرف سے تمہاری آزمائش ہونے والی ہے (یہ جانتے ہوئے بھی کہ تم کس حد تک احکام الٰہی کی تعمیل کرتے ہو)

لہٰذا جو کوئی اس کا پانی پئے گا وہ میرا ساتھی نہیں۔
اور جو کوئی نہ پئے گا وہ میرا ساتھی ہے۔
البتہ ہاتھ سے چلو بھرپانی کوئی پی لے تومضائقہ نہیں۔
(جب نہر پرپہنچے) چند اشخاص کے سوا سب نے اس سے سیر ہوکر پانی پیا۔

پھر جب طالوت اور ان کے ساتھی مسلمان نہر کے پارہوگئے (اور جالوت کی فوج کے مقابل ہوئے تواس کی ظاہری شان وشوکت وکثرت کودیکھ کر پست ہمت ہوگئے)

توکہنے لگے آج ہم میں جالوت اور اس کے لشکر سے مقابلہ کرنے کی طاقت نہیں ۔
جو لوگ یقین رکھتے تھے کہ ان کو اللہ تعالیٰ کے روبرو (جواب دہی کے لیے) حاضر ہونا ہے۔(اپنے پست ہمت ساتھیوں سے) کہا
اکثر اوقات ایسا ہوا ہے کہ تھوڑی سی جماعت اللہ تعالیٰ کے حکم سے کثیر جماعت پرغالب آئی ہے۔

اوراللہ تعالیٰ صبر کرنے والوں کا ساتھ دیتے ہیں۔(یہ سنت الٰہی ہے)

اور جب وہ جالوت اوراس کی فوج کے مقابل ہوگئے۔
توانہوں نے دعا کی ائے ہمارے پروردگار ہم پرصبر آسان کردیجئے (یعنی جدال وقتال کی ہرتکلیف سہنے کی توفیق بخشئے اور (اس معرکۂ حق وباطل میں) ہم کوثابت قدم رکھئے ۔)

اور کافروں کے مقابلے میں ہماری مدد کیجئے۔(فتح ونصرت بخشئے)

پس طالوت کی فوج نے اللہ تعالیٰ کے حکم سے ان کو شکست دی۔
اور داؤدؑ نے جالوت کوقتل کردیا ( جو فوج میں اچھے لڑنے والوں میں سے تھے)
اوراللہ تعالیٰ نے ان کو (داؤدؑ کو) بادشاہت اور عقل ودانائی اورعلم وہنر کی وہ تمام باتیں سکھائیں (جو بادشاہت کے لیے ضروری تھیں)جو اس نے (اللہ)چاہی۔

اور اگر اللہ تعالیٰ بعض ظالموں کے غلبہ وتسلط کوبعض لوگوں کے ذریعہ دفع نہ کیا کرتے توزمین میں ایک فساد عظیم برپا ہوجاتا۔

لیکن اللہ تعالیٰ اہل عالم پر بڑے ہی مہربان ہیں۔

یہ اللہ تعالیٰ کی آیتیں ہیں جو صحیح صحیح طور پر ہم آپؐ کو پڑھ کر سناتے ہیں ۔
(جن میں گزشتہ اہل ایمان کے واقعات جدال وقتال ہیں۔)
اورائے محمدﷺ آپ بلاشبہ پیغمبروں میں سے ہیں۔

ان رسولوں میں سے ہم نے بعض کو بعض پرفضیلت بخشی۔

ان میں ایک وہ ہیں جن سے اللہ تعالیٰ نے کلام فرمایا اور بعض کے درجات بلند کیے۔

اورہم نے عیسیٰؑ ابن مریم کوواضح معجزات عطا کیے اور جبرئیل امین سے ان کی مدد کی۔

اور اگر اللہ تعالیٰ کومنظور ہوتا تو وہ لوگ واضح احکام آجانے کے بعد آپس کی خوں ریزی میں مبتلا نہ ہوتے۔

لیکن انہوں نے (نبیﷺ کی تعلیم سے) اختلاف کیا ان میں بعض ایمان لائے اور بعض کافر ہی رہے۔

اور اگر اللہ تعالیٰ چاہتے تویہ خوں ریزی نہ کرتے۔

لیکن اللہ تعالیٰ جو چاہتے ہیں کرتے ہیں۔

تعالیٰ کی راہ میں) خرچ کرتے رہو۔
قبل اس کے کہ( عمل کرنے کی یہ مہلت ختم ہوجائے اور )وہ دن آجائے جس دن نہ کوئی خرید وفروخت ہوگی اور نہ دوستی کام آئے گی اور نہ کسی کی شفاعت۔

اور کافر(حقائق کا انکار کرنے والے) ہی ظالم ہیں جو اپنے آپ پر ظلم کرتے ہیں۔

(اللہ تعالیٰ ہی معبود برحق ہیں) اللہ کے سوا کوئی بھی عبادت (واستعانت) کے لائق نہیں۔

اللہ ہی زندہ اور ہمیشہ قائم رہنے والا ہے، اسے نہ اونگھ آتی ہے اورنہ نیند (ہم انسانوں کوطمانیت کے لیے ارشاد ہورہا ہے کہ ہماری حاجت براری کے لیے ہی حق تعالیٰ الحی ہیں القیوم ہیں)

زمین وآسمان میں جو کچھ ہے سب اسی کا ہے۔

کون ہے جس کی اتنی ہمت ہو کہ) اس کے پاس سفارش کرسکے۔ سوائے اس کے کہ وہی کسی کے لیے سفارش کی اجازت دے۔
وہ جانتا ہے جو کچھ ان کے سامنے ہے اور جوکچھ ان کے پیچھے ہے(یعنی وہ ان کےا گلے اور پچھلے احوال سے واقف ہے)

اور کوئی مخلوق اللہ تعالیٰ کی معلومات میں سے کسی چیز کا احاطہ نہیں کرسکتی مگر اسی قدر جتنا کہ اللہ تعالیٰ علم دینا چاہیں۔

اس کی کرسی زمین وآسمان کواحاطہ کیے ہوئے ہے۔
(کرسی سے مراد اللہ تعالیٰ کی حکومت وفرمانروائی ہے)
زمین وآسمان کی حفاظت اسے نہیں تھکاتی اور وہ بڑا عالی مرتبت بڑی ہی شان وعظمت والا ہے۔( اتنی وسیع وعریض کائنات کا بلاشرکت غیرے بہ نفس نفیس حکمران ہے)

دین (اسلام) میں جبر نہیں ہے۔

یقیناً ’’ہدایت‘‘ گمراہی سے ممیز ہوچکی ہے۔
(یعنی دین اسلام کی خوبی اورکفر کا انجام بد واضح ہوچکا ہے)

لہٰذا جس نے بطیب خاطر معبودانِ باطل سے منہ موڑااور اللہ تعالیٰ ہی کو معبود ومستعان کارساز جانا
تو گویا اس نے ایک مضبوط سہارا تھام لیا جوکبھی ٹوٹنے والا نہیں (یعنی ایک ایسا مستحکم عقیدہ اختیار کیا جس کے حق ہونے کی وہ سندِ علمی رکھتا ہے)

اور اللہ تعالیٰ بڑے ہی سننے والے اور بڑے ہی جاننے والے ہیں)

اللہ تعالیٰ اُن ہی لوگوں کے دوست ہیں جوایمان لائے ۔

انھیں (جہل وکفر کی) تاریکیوں سے نکال کر( علم وہدایت کی) روشنی میں لے آتے ہیں۔
اور جو لوگ کافر ہوئے (یعنی کفر کی راہ اختیار کی۔ اللہ تعالیٰ کی الوہیت میں غیراللہ کوشریک قرار دیا)ان کے دوست شیاطین ہیں۔
وہ انھیں (علم وہدایت کی) روشنی سے نکال کر(جہل کی) تاریکیوں میں ڈھکیل دیتے ہیں۔
وہ سب جہنمی ہیں وہ اسی میں ہمیشہ ہمیشہ رہیں گے۔

(اس احسان کے بدلے) کہ اللہ تعالیٰ نے اس کو بادشاہت دی تھی۔

اس وقت ابراہیمؑ نے کہا میرا پروردگار تو وہی ہے جو، جلاتا اور مارتا ہے۔
تو( بہ زعم حکومت بادشاہ )اس نے کہا میں بھی مارتا وجلاتا ہوں۔

ابراہیمؑ نے کہا اللہ تعالیٰ توروزآنہ سورج کومشرق سے نکالتے ہیں۔

تواس کومغرب سے نکال، تو وہ کافر اپنی بے بسی پر بوکھلا گیا۔
اوراللہ تعالیٰ ایسے ہٹ دھرم لوگوں کو ہدایت نہیں دیتے۔
یا اس طرح ان صاحب کے حال پربھی نظرڈالیے۔

جن کا گزرایک اجڑی ہوئی بستی پر ہوا جو اپنی چھتوں پر الٹ گئی تھی۔
(جسے دیکھ کرانہوں نے) کہا بستی کے (باشندوں کی) اس طرح کی ہلاکت کے بعد اللہ تعالیٰ پھر انھیں کس طرح زندہ کریں گے؟

تواللہ تعالیٰ نے ان کی روح قبض کرلی اور سوسال تک مردہ رکھا۔ پھر انھیں زندہ کیا۔

پوچھا تم کتنے عرصے تک( اس حالت مردنی میں) رہے کہا ایک دن یا ایک پہردن (یعنی دن کا کچھ حصہ)
اللہ تعالیٰ نے فرمایا بلکہ تم سو برس( اسی حالت مردنی میں) رہے ہو۔
پھر اپنے کھانے پینے کی چیزوں کودیکھو (اتنی مدت گزرجانے کے باوجود) سڑی گلی نہیں ہیں۔
اوراپنے گدھے کی طرف بھی دیکھو (جومرا پڑا ہے یعنی بکھری ہوئی ہڈیوں کا ادھورا ڈھانچہ رہ گیا ہے۔)

اوراس سے مقصود یہ ہے کہ ہم تم کولوگوں کے لیے (اپنی قدرت کی) نشانی بنائیں۔

اور تم (اس کی) ہڈیوں کی طرف دیکھو کہ ہم ان کوکس طرح جوڑتے

ہیں۔ پھر اس ڈھانچے پرگوشت وپوست چڑھاتے ہیں۔
جب یہ سب کچھ کھل کرمشاہدہ میں آچکا توکہا میں نے جان لیا کہ بلاشبہ اللہ تعالیٰ ہرچیز پرقادر ہیں۔ گل سڑ جانے کے بعد بھی مردے کودفعتہً زندہ کرسکتے ہیں۔
اور وہ واقعہ بھی قابل ذکر ہے ابراہیمؑ نے کہا ائے میرے پروردگار مجھے دکھائیے کہ آپ مردوں کوکس طرح زندہ کرتے ہیں ؟
اللہ تعالیٰ نے فرمایا کیا تمہیں اس کا یقین نہیں ہے کہا۔ ہاں ہے، لیکن قلب مزید طمانیت چاہتا ہے۔

اللہ تعالیٰ نے فرمایا چار پرندے لو اور انھیں اپنے سے مانوس کرلو۔

پھر ان کی بوٹیاں بنا کر ہر ایک پہاڑ پر رکھ دو۔
پھر انھیں آواز دو وہ تمہارے پاس دوڑے چلے آئیں گے۔
اور جان لو کہ اللہ تعالیٰ بڑے ہی زبردست حکمت والے ہیں۔

اس دانہ کی سی ہے کہ (جب بودیا جائے تو) اس سے سات بالیں نکلتی ہیں۔
پھر ہر بالی (بھٹے) میں سودانے ہوں ( یعنی ان کے انفاق کا اجر ایک کے عوض سات سوگنا دیا جائے گا۔)

اتنا ہی نہیں بلکہ اللہ تعالیٰ جس کیلئےچاہتے ہیں کئی گنا اجر بڑھادیتے ہیں۔
اوراللہ تعالیٰ بڑی وسعت والے جاننے والے ہیں۔

جو لوگ اپنا مال اللہ تعالیٰ کی راہ میں خرچ کرتے ہیں۔

پھر وہ جو کچھ خرچ کرتے ہیں اس پر احسان نہیں جتاتے اورنہ احسان جتا

کرتکلیف پہنچاتے ہیں۔
ان کے لیے (ان کے اعمال کا) بدل ان کے پروردگار کے پاس ہے۔
اور (قیامت کے دن) نہ ان کو کچھ خوف ہوگا اورنہ وہ حزن وملال میں مبتلا ہوں گے۔

(اگر دینے کی قدرت نہ ہو تو سائل کو) اچھی بات کہہ کر ٹال دینا (خوبی سے درگزرکرنا) کچھ دے کر اسے اذیت پہنچانے سے بہتر ہے۔

اللہ تعالیٰ( تمہارے انفاق کرنے یا نہ کرنے سے) بے نیاز ہیں (بے پرواہ ہیں تمہارے انفاق کا فائدہ تمہیں کو ہوگا) اوراللہ تعالیٰ الحلیم ہیں۔ (تمہاری نافرمانیوں پرفوری گرفت نہیں فرماتے ہیں۔ اس سے یہ نہ سمجھو کہ تمہارا احتساب ہی نہیں ہوگا۔)

ائے ایمان والو! تم اپنے صدقات احسان جتا کر تکلیف پہنچا کر ضائع نہ کرو۔
اس شخص کی طرح جو لوگوں کودکھانے نام ونمود وشہرت کے لیے خرچ کرتا ہے (ریا بھی شرک ہے ایسا شخص دراصل)
اور نہ اللہ تعالیٰ پرایمان رکھتا ہے اورنہ یوم آخرت پر
اس کے مال کی مثال ایک چٹان کی سی ہے جس پرمٹی کی تھوڑی سی تہہ جمی ہو۔
(اس میں دانہ بویا جائے) پھر اس پرزور دار بارش بر سے جواس کوصاف ہی کردے۔

اس طرح وہ (ریاکار) جو کچھ نیک عمل کریں گے اس کا صلہ حاصل نہ کرسکیں گے۔
اللہ تعالیٰ کافروں کو(کفر پراڑے رہنے کی وجہ) صحیح راہ نہیں دکھاتے۔

ان لوگوں کی مثال جو اللہ تعالیٰ کی خوشنودی کے لیےاپنا مال خرچ کرتے ہیں۔
اوراس تصدیق ویقین کے ساتھ خرچ کرتے ہیں کہ اس کا بدل آخرت میں انھیں ملنے والا ہے۔
ان کی مثال ایک باغ کی سی ہے جو اونچے ٹیلے پر واقع ہو۔ جب اس پر مینہ برسے تودگنا پھل لائے۔
پھر اگر بارش نہ بھی ہو تو پھوار ہی کافی ہوجائے۔

اوراللہ تعالیٰ دیکھ رہے ہیں جو کچھ تم کررہے ہو (کہ کس نیت سے خرچ کرتے ہو)

کیا تم میں سے کوئی یہ چاہتا ہے کہ(اس کا انجام اس شخص کی طرح ہوجائے) جس کے پاس کھجور اور انگور کے باغ ہوں، اس کے نیچے نہریں بہتی ہوں۔
اس میں اس کے لیے ہر قسم کے میوے موجود ہوں۔
اس کو بڑھاپا آگیا ہو۔ اس کی کمزور اورناتواں اولاد بھی ہو (جن کی زندگی کا انحصار اسی سرمایہ پر ہو)
پھر (دفعتہً) اس پر طوفانی ہوا چلے جس میں دہکتی ہوئی آگ ہو اس کو جلا کر خاکستر کردے۔

اس طرح تمہارے لیے اللہ تعالیٰ اپنے احکام نہایت ہی وضاحت کے ساتھ بیان فرماتے ہیں تا کہ تم صاحب فکر انسان بنو۔

اورتم خود بھی اپنے لیے ناقص وناکارہ مال پسند نہیں کرتے بجز اس کے کہ مجبوری ہو۔
اوراچھی طرح جان لو کہ اللہ تعالیٰ غنی ہیں بڑی خوبیوں والے ہیں (ناکارہ وناپاک مال قبول نہیں فرماتے)

شیطان تم سے مفلسی کا وعدہ کرتا ہے اور بے حیائی میں خرچ کرنے کا حکم دیتا ہے۔ (شیطان تم کو ڈراتا ہے کہ انفاق فی سبیل اللہ کروگے تومفلس ہوجاؤ گے مگر تم کوبے حیائی (بے ہودہ کاموں) میں خرچ کرنے کی ترغیب دیتا ہے۔(

اوراللہ تعالیٰ تم سے اپنی بخشش اور رحمت کا وعدہ فرماتے ہیں۔

کیوں کہ اللہ تعالیٰ بڑی وسعت والے اور خوب جاننے والے ہیں ۔

وہ جسے چاہتا ہے دانائی بخشتا ہے۔
اور جسے دانائی دی گئی یقیناً وہ خیرکثیر پاگیا۔

اور جو سمجھ دار ہیں (یعنی سمجھ بوجھ سے کام لیتے ہیں) وہی نصیحت قبول کرتے ہیں۔

اور تم جو کچھ مال خرچ کرتے ہو یا کوئی نیاز ونذر مانتے ہو اللہ تعالیٰ اس کو جانتے ہیں (کہ کس نیت سے نذرمانی ہے اور کس نیت سے مال خرچ کیا ہے ) کتنا تعلق من واذٰی نمود و شہرت کا تھا کیونکہ یہ شرک ہی کے اجزاء ہیں۔

اور ظالموں کا (قیامت کے دن) کوئی حمایتی ومددگار نہ ہوگا۔)

اگرتم صدقات کوظاہر کرو (اس نیت سے کہ دوسروں کوترغیب ہو) تواچھا ہے۔

اوراگر (ریاونمود کے خوف سے) چھپا کر دو تو یہ بھی تمہارے لیے بہتر ہے۔
وہ تم سے تمہاری برائیوں کوبھی دور کردیتا ہے۔

اور تم جو کچھ کرتے ہو اللہ تعالیٰ ان سے با خبر ہیں (کہ کس نے ارادۃً معصیت اختیار کی اور کس نے مرضیات الٰہی کو پیش نظررکھا۔)

(ائے محمدﷺ) آپ پر ان لوگوں کوہدایت پرلے آنے کی ذمہ داری نہیں ہے۔ لیکن اللہ تعالیٰ جسے چاہتے ہیں، ہدایت دیتے ہیں۔

اور تم جو کچھ مال خرچ کروگے اس کا فائدہ تمہیں کوہوگا۔

اور جو کچھ مال تم خرچ کروگے۔ اللہ تعالیٰ ہی کی خوشنودی کے لئے کروگے۔

اور جو مال تم خرچ کروگے اس کا تمہیں پورا پورا بدل دیا جائے گا اور تم پرظلم نہ کیا جائے گا۔

(تمہارا انفاق) ان حاجت مندوں کے لیے ہے(جو دین کے لیے وقف ہوچکے ہیں) جو اللہ تعالیٰ کی راہ میں نکلنے سے رکے ہوئے ہیں۔

(اشاعت ِحق کے لیے) سفر خرچ کی استطاعت نہیں رکھتے۔

ان لوگوں کے اس استغناء کودیکھ کر(یعنی ان کے نہ مانگنے کی وجہ) نادان لوگ انھیں مال دار سمجھتے ہیں۔

تم ان کو ان کے چہروں سے پہچان لوگے ( کہ وہ حاجت مند ہیں شرم کی وجہ کسی کے آگے اظہار حاجت نہیں کرتے۔)
وہ لوگوں سے لاگ لپیٹ (الحاح وزاری کے ساتھ )سوال نہیں کرتے ۔

اور تم جو کچھ مال (راہِ خدا میں) خرچ کروگے اللہ تعالیٰ اسے خوب جانتے ہیں (اس کا پورا پورا بدل دیں گے)

کی طرح کھڑے ہوں گے جس کوشیطان نے چھو کر مدہوش (ومخبوط الحواس )کردیا ہو۔
(ان کی یہ حالت قیامت کے دن ہوگی جب کہ وہ قبروں سے اٹھائے جائیں گے)

اس طرح کی سزائیں انھیں اس لیے دی جائیں گی، وہ کہتے ہیں تجارت (بیع) بھی تو(نفع کے لحاظ سے) سود کی طرح ہے (کیوں کہ دونوں کا مقصد ان کے اپنے خیال میں نفع حاصل کرنا ہے حالانکہ دونوں میں کافی فرق موجود ہے)

اوراللہ تعالیٰ نے بیع کو حلال کیا ہے اور سود کو حرام
لہٰذا جس کے پاس اللہ تعالیٰ کی طرف سے سود کی حرمت کا حکم پہنچ گیا پھر وہ سود لینے سےباز آگیا تواس حکم سے پہلے جو کچھ سود لے چکا ہے وہ اس کا ہے (یعنی لیا ہوا مال اس کی ملک ہے)

اور(قیامت کے دن) اس کا معاملہ اللہ تعالیٰ کے فیصلہ پر منحصر ہے (کہ وہ دل سے باز آیا تھا یا منافقانہ توبہ کرلی تھی)

اور جو کوئی (سود کی حرمت کے بعد بھی) سودی کاروبار کرے گاتو ایسے سب لوگ دوزخی ہیں۔

جس میں وہ ہمیشہ ہمیشہ رہیں گے۔

اللہ تعالیٰ سود کومٹاتے ہیں اور صدقات وخیرات کوبڑھاتے ہیں۔
تشریح:۔ اللہ تعالیٰ معاشرہ میں کسی شکل میںبھی سود کوباقی رکھنا نہیں چاہتے۔ کیونکہ جس مال میں سود شامل ہوتا ہے۔ دنیا وآخرت میں اس کی تباہی کا باعث بنتا ہے۔
اور اللہ تعالیٰ (سود خوار جیسے) ناشکرے گنہگار کوپسند نہیں کرتے۔

جو لوگ ایمان لائے اور نیک اعمال کیے اور نمازیں قائم کیں اور زکوۃ

دیتے رہے ان کے لیے ان کے اعمال کا بدل ان کے پروردگار کے پاس ہے (جو آخرت میں انھیں ملے گا)

اور (قیامت کے دن) ان پر کسی طرح کا خوف نہیں طاری ہوگا اور نہ وہ حزن وملال میں مبتلا ہونگے۔
ائے ایمان والو اللہ تعالیٰ کی نافرمانی کے انجام بد سے ڈرو اور جو سود باقی رہ گیا ہے اس کوچھوڑدو اگر واقعی تم مومن ہو۔

پھر اگر تم (اس حکم پر) عمل نہ کروگے یعنی بقیہ سود نہ چھوڑوگے تو اللہ اوررسول سے لڑنے کے لیے تیار ہوجاؤ۔

اور اگر تم توبہ کرلو( اور بقیہ سود چھوڑدو) تو تم کواصل رقم لینے کا حق ہے۔

نہ تم کسی پر ظلم کر پاؤگے اورنہ کوئی تم پر ظلم کر پائے گا۔

اوراگر مقروض تنگدست ہو(قرض ادا کرنے کے موقف میں نہ ہو) تومیسر ہونے تک مہلت دو (یعنی ادائی کے قابل ہونے تک مطالبہ نہ کرو)
اوراگر (قرض) معاف کردو توتمہارے لیے اور بھی بہتر ہے۔ اگر تم سمجھو (کہ تمہارے لیے اس میں کتنا خیر ہے)

ڈرو اس دن (کے نقصان) سے جس دن تم اللہ تعالیٰ کے پاس (محاسبہ اعمال کے لیے) لوٹائے جاؤگے۔

پھر ہر شخص کو اس کا کیا ہوا پورا پورا بدل ملے گا اور ان پر ظلم نہیں کیا جائےگا۔
(کسی حاجت مند کو قرض دینا بھی انفاق فی سبیل اللہ کی ایک شکل ہے)

پھر اگر وہ شخص جس پر حق ہے (یعنی قرض لینے والا) کم عقل ہو (اور ادائے مطلب پرقادر نہ ہو۔)
یاناتوان (ونحیف) ہو۔ یا مضمون لکھوانے کی قابلیت نہ رکھتا ہو تواس کا ولی( یا کارپرداز) ٹھیک طورپرانصاف سے لکھے۔

اوردستاویز لکھتے وقت تم میں سے دوافراد گواہ کرلیے جائیں۔

پھراگر گواہی کے لیے دومرد نہ ملیں۔
توایک مرد اوردو عورتیں جن پر فریقین کواعتماد ہو گواہ کرلیے جائیں۔

تاکہ(کیونکہ) ان دونوں میں سے اگر ایک بھول جائے تودوسری یاد دلائے۔
اور گواہ بھی انکار نہ کریں، جب وہ بلائے جائیں ۔
اور تم اس (دستاویز) کے لکھنے میں جومعیاری ہوکاہلی نہ کرو۔ خواہ وہ (قرض) تھوڑا ہو یا بہت۔
اس طرح لکھ لینا اللہ تعالیٰ کے نزدیک منصفانہ روش ہے اور صفائی معاملہ کے لیے درست طریقہ ہے۔
اور (شرائط ادائی میں) شک وشبہات کے پیدا ہونے کا بہت کم امکان ہے۔
الاّ اس کے کہ جو معاملت نقد اور ہاتھوں ہاتھ ہو۔

ایسی معاملت کے نہ لکھنے پر تم پر کوئی گناہ نہیں۔

اور (تجارتی) معاملہ طے کرتے وقت گواہ کرلیا کرو۔
اور (اہل معاملہ کو چاہئے کہ) کاتب وگواہ کو کسی قسم کی اذیت نہ پہنچائے ( کہ وہ ان کے مفادات کے خلاف صحیح شہادت دیتے ہیں۔
اور اگر تم ایسا کروگے (یعنی انھیں اذیت پہنچاؤگے) توتمہارے لیے یہ گناہ کی بات ہے۔

اوراللہ تعالیٰ سے ڈرو (یعنی اللہ تعالیٰ کی نافرمانی کے انجام بد کو پیش نظر رکھو) اوراللہ تعالیٰ ہی تم کویہ تعلیم دیتے ہیں۔

اوراللہ تعالیٰ ہر شئے کی اصل وحقیقت کوجانتے ہیں۔(جانتے ہیں کہ تمہارے معاملات کی صفائی کن طریقوں سے ہوتی ہے۔)
اور اگر تم سفر پرہو(اورتم کوقرض کی ضرورت پیش آئے) اور تمہیں کاتب

بھی نہ مل سکے۔
تواپنی کوئی مملوکہ چیزقبضے کے ساتھ رہن رکھ کر قرض لو۔
پھر اگر تم ایک دوسرے پراعتماد کرلو۔
توجس پربھروسہ کیا گیا ہے (یعنی جن کے پاس امانت رکھی گئی) اس کوچاہئے کہ امانت بجنسہ لوٹادے۔
اوراللہ تعالیٰ سے ڈرے جو اس کا پروردگار ہے۔
اور شہادت کونہ چھپاؤ۔
جو اس کوچھپائے گا توبیشک اس کا دل گنہگار ہے۔
اللہ تعالیٰ جانتے ہیں جو کچھ تم کرتے ہو۔

اورجوباتیں تمہارے دلوں میں ہیں تم اگر ان کوظاہر کرویا چھپائے رکھو اللہ تعالیٰ تم سے اس کا حساب لیں گے۔
پھر وہ جس کوچاہیں بخش دیں اور جس کو چاہیں عذاب دیں۔

اوراللہ تعالیٰ ہرچیز پرقادر ہیں۔

(اصلاحِ عقیدہ وعمل کی) جو تعلیم اللہ تعالیٰ کی طرف سے رسولؐ پرنازل کی گئی اس کو رسول بھی مانتے ہیں اور اہل ایمان بھی۔
سب کے سب اللہ تعالیٰ پراوراس کے فرشتوں اور اس کی کتابوں اوراس کے پیغمبروں پرایمان رکھتے ہیں۔

(اورکہتے ہیں) ہم اسکے رسولوں میں سے کسی میں تفریق نہیں کرتے۔

اوران سب نے کہا ہم نے (احکام الٰہی کو)توجہ سے سنا اور ہم نے اطاعت قبول کرلی۔
ائے ہمارے پروردگار ہم آپ سے مغفرت مانگتے ہیں اورآپ ہی کی طرف لوٹ کرآنا ہے۔

اللہ تعالیٰ کسی پر اس کی وسعت سے زیادہ بوجھ نہیں ڈالتے۔

اس کو ثواب بھی اسی کا ملتا ہے جوارادے سے کرے اور اس پر عذاب بھی اسی کا ہوگا جو وہ ارادہ سے کرے۔

ائے ہمارے پروردگار ہماری بھول چوک اورہماری خطاؤں پرمواخذہ نہ کیجئے۔
ائے ہمارے پروردگار ہم پرایسے سخت احکام کا بار نہ ڈالیے جیسا کہ ہم سے پہلے کے لوگوں پر(ان کی سرکشی اورگناہوں کی پاداش میں) آپ نے ان پر ڈالا تھا۔
ائے ہمارے پروردگار ہم پرکوئی ایسا بار نہ ڈالیے جوہمارے لئے ناقابل برداشت ہو۔

اورہم سے (ہماری خطائیں) درگزرکیجئے اورہمیں بخش دیجئے اورہم پر رحم کیجئے۔
آپ ہی ہمارے کارساز ہیں لہٰذا کافروں کی قوم پر ہم کو نصرت عطا فرمائیے (غالب رکھئے)