سورة الحاقة

وہ واقع ہونے والی۔
کیا ہے وہ واقع ہونے والی؟
اور آپ کیا جانیں، کیا ہے وہ واقع ہونے والی؟
(یعنی کیسی کیسی اس کی ہولناکیاں ہیں)

قوم ثمود وعادنے اس حادثۂ عظیم (قیامت)کی تکذیب کی(جس کے تصور سے دل دہل جاتے ہیں)
پس ثمود تو ایک کڑک سے ہلاک ہوگئے(شدت میں حد سے گزرنے والی)

اور عاد ایک تیز و تند طوفانی آندھی سے ہلاک کئے گئے (جس پر کسی طرح قابو نہ پایا جاسکتاتھا)۔
اللہ تعا لیٰ نے اس کو سات رات اور آٹھ دن ان پر مسلّط رکھا جو نہایت ہی منحوس تھی(جس میں خیر کا کوئی پہلو نہ تھا)
(اگر آپ مو جود ہوتے) اس قوم کو اس طرح مری پڑی حالت میں دیکھتے
گو یاکہ وہ کھجوروں کے کھوکھلے بوسیدہ گرے ہوئے تنے ہیں۔

پھر کیا تم ان میں سے کسی کو بچا ہوا بھی دیکھتے ہو؟(یعنی یہ قوم ایسی مٹی کہ ان کانشان بھی باقی نہیں رہا)
اور اس گناہ عظیم کا ارتکاب فرعون اور اس سے پہلے والوں اور (قوم لوط کی) اُلٹی ہوئی بستی والوں نے کیا۔

انھوں نے اپنے پر ور دگار کے بھیجے ہوئے رسولوں کی نافرمانی کی پس انھیں بڑی ہی سخت گرفت میں لے لیا گیا۔

جب پانی کا طوفان حد سے گزر گیا تو ہم نے تم کو کشتی میں سوار کردیا تھا(تاکہ تمہارا اور بعد میں آنے والوں کا وجود ممکن ہو)

تاکہ ہم اس واقعہ کو تمہارے لئے ایک سبق آموز یاد گار بنائیں
اور یاد رکھنے والے کان ان(واقعہ) کو یاد رکھیں(یعنی اس سے عبرت

لیں کہ اللہ کے رسول کی تکذیب، بر بادی کا باعث بنتی ہے)
پھر جب صور میں ایک بار پھونک ماردی جائے گی

تو زمین اور پہاڑ اٹھالئے جائیںگے۔
پھر وہ ایک ہی چوٹ میںریزہ ریزہ کردیئے جائیںگے۔

پس اس روز وہ واقع ہونے والی (قیامت) واقع ہوجائے گی۔
آسمان پھٹ جائے گا۔ اور وہ بودا وناکارہ ہوجائے گا

اور فرشتے اس کے اطرف وجوانب میں ہوں گے۔
اور آٹھ فرشتے اس روز آپ کے پر ور دگار کے عرش کو اپنے اوپر اٹھائے ہوئے ہوں گے۔

اس روزتم سب (محاسبۂ اعمال کے لئے)حاضر کئے جاؤگے تم میں سے کسی کا کوئی راز چھپانہ رہے گا۔
لہٰذا جس کا نامۂ عمل اس کے داہنے ہاتھ میں دیا جائے گا،اس کا شمار صالحین میں ہوگا

وہ(خوشی خوشی ساتھیوں سے) کہے گا، لومیرا نامۂ اعمال پڑ ھو
مجھے یقین تھا کہ مجھے اپنا حساب ضرور ملنے والا ہے۔
لہٰذا وہ دل پسند عیش میں ہوگا(یعنی اپنی مرضی کے مطابق وہاں عیش کی زندگی گذارے گا)
عالی شان باغ(جنت)میں
جس کے میوے اپنی ڈالیوں کے ساتھ جھکے پڑرہے ہوںگے(بہ آسانی توڑے جاسکیں گے)
(ان سے کہا جائے گا)خوب مزے سے کھاؤ پیو

اپنے ان اعمال کے صلے میں جو تم نے گزرے ہوئے ایام میں کئے تھے (یعنی دنیامیں صالحانہ زندگی بسر کی تھی اور کوئی ناجائز ذریعہ اختیار کیا نہ تھا۔ اسی کا یہ صلہ ہے)
اور جس کا نامۂ اعمال اس کے بائیں ہاتھ میں دیا جائے گا
وہ کہے گا کیاہی اچھا ہوتا کہ مجھ کو میرا نامۂ اعمال نہ دیا گیا ہوتا ۔

اور مجھے معلوم ہی نہ تاکہ میرا حساب کیا ہے۔

کاش وہی موت(جو دنیا میں واقع ہوئی تھی) فیصلہ کن ہوتی (پھر دوبارہ زندہ نہ کیا ہوتا)
(آج) میرا مال میرے کچھ کام نہ آیا ۔
میرے غلط دلائل(میری کٹ حجتی اور باطل عقائد) نے مجھے ہلاک کردیا
(حکم ہوگا) اسے پکڑو او رطوق پہناؤ۔
پھر ان کو جہنم میں جھونک دو۔

پھر اس کو زنجیر میں جکڑوو جس کی لمبائی ستر گز ہوگی

کیو نکہ یہ اللہ بزرگ وبر تر پر ایمان نہ لایاتھا۔
اور نہ کسی مسکین کو کھانا کھلا نے کی ترغیب دیتا تھا(خود تو کیا کھلا تا، دوسروں کو اس نیکی کی ترغیب بھی نہیں دلا تا تھا)
لہٰذا آج یہاں اس کا کوئی دوست وغم خوار نہیں ہے
اور پیپ و خون کے آمیزہ کے سوااس کے لئے کسی قسم کا کھانا نہیں ہے۔
جس کو خطا کار وں کے سوا کوئی نہیں کھاتا۔
نہیں(تم لوگوں نے جو کچھ سمجھ رکھا ہے وہ بات نہیں ہے)

پس میں قسم کھا تا ہوں ان چیزوں کی جنھیں تم دیکھتے ہو
اور ان چیزوں کی بھی جنھیں تم نہیں دیکھتے
بے شک یہ قرآن (اللہ تعالیٰ کا کلام) ایک با عزت رسول جبر ئیل امین کے ذریعہ پہنچایا ہوا پیام ہے
اور یہ کسی شاعر کا کلام نہیں ہے
لیکن تم لوگ ہی ایمان لاتے ہو۔
اور نہ کسی کا ہین کا قول ہے
بہت کم لوگ ہیں جو اس پر غور کرتے ہیں۔

یہ تو پر ور دگار عالم کی طرف سے اتا را ہوا(کلام) ہے
اور اگر یہ پیغمبر اپنی طرف سے کچھ باتیں گھڑ کر ہماری طرف منسوب کرتے (کلام الٰہی باور کراتے)
تو ہم(قوت کے ساتھ) انھیں اپنی گرفت میں لیتے ۔
پھر ہم ان کی رگ گردن کاٹ ڈالتے۔
پھر تم میں سے کوئی ان کی ہلاکت سے روکنے والا نہ ہوتا۔

اور بلا شبہ یہ کتاب قرآن مجید متقین کے لئے ایک نصیحت نامہ ہے۔

اور ہم جانتے ہیں کہ تم میں سے بعض اس کو جھٹلاتے ہیں۔
اور یہ (جھٹلاناکل آخرت میں) کافروں کے لئے بڑاہی حسرت ناک ہوگا۔
یقیناً (اس میں کوئی شک نہیں کہ) یہ کلام برحق قابل یقین ہے
پس آپ ائے نبی(ﷺ) اپنے رب اعلیٰ و عظیم کے نام کی تسبیح کرتے رہئے۔