سورة الحشر

ہر وہ چیز جو آسمانوں میں ہے اور جو زمین میں ہے، اللہ ہی کی تسبیح کرتی ہے

اور وہی زبر دست حکیم (دانائے کامل) ہے۔

وہ (اللہ) ہی تو ہے جس نے کافروں کو جو اہل کتاب میں سے تھے پہلے ہی حملہ میں ان کے گھروں سے نکال باہر کردیا

(مسلمانو) تمہارے حاشیۂ خیال میں بھی یہ بات نہ تھی کہ وہ نکل جائیں گے اور وہ بھی سمجھے ہوئے تھے کہ ان کے قلعے ان کو بچالیں گے

پس ان پر اللہ (کاعتاب) اس جگہ سے آیا جہاں سے انھیں گمان بھی نہ

تھا(کہ کمزور مسلمانوں کے ہاتھوں نکالے جائیں گے)

(اللہ تعالیٰ نے) ان کے دلوں میں(اہل ایمان کی) دہشت ڈال دی
وہ اپنے گھروں کو خود اپنے ہاتھوں اور مسلمانوں کے ہاتھوں سے اجاڑ رہے تھے
تو ائے آنکھ والو، عبرت حاصل کرو( کہ اللہ ورسول کی مخالفت کی سزا بعض دفعہ دنیا میں بھی مل جاتی ہے)

اگر اللہ تعالیٰ نے ن کے حق میں جلا وطنی نہ لکھ دی ہوتی تو انھیں دنیاہی میں عذاب دیا جاتا(ان کانام ونشان بھی مٹ جاتا)
آخرت میں تو ان کے لئے آگ کا عذاب ہے ہی ۔
یہ اس پاداش میں ہے کہ انھوں نے اللہ اور اسکے رسول کی مخالفت کی تھی
جو شخص اللہ کی مخالفت کرتا ہے اسے اللہ تعالیٰ سخت ترین سزا دیتے ہیں۔

(ائے مسلمانو) تم نے کھجور کےدرخت کاٹ ڈالے یاجن کو اپنی جڑوں پر قائم رکھا (یعنی قطع نہیں کیا)
تو دو نوں باتیں اللہ ہی کے حکم اور مرضی کے مطابق تھیں تاکہ فاسقوںکو ذلیل وخوار کیا جائے۔

اور جو کچھ مال اللہ تعالیٰ نے ان کے قبضے سے نکال کر اپنے رسول کی طرف پلٹا دیا تو(اس میں تمہارا کوئی حق نہیں ہے)

کیو نکہ اس کے لئے تم نے گھو ڑے دوڑائے اور نہ اونٹ

لیکن اللہ تعالیٰ اپنے رسولوں کو جس پر چاہتے ہیں، تسلطّ بخشتے ہیں

اللہ تعالیٰ ہر چیز ہر قادر ہیں۔

(اس طرح ) جو کچھ (مال) اللہ تعالیٰ نے اپنے پیغمبر کو دیہات والے (کافروں) سے دلوا یا ہے
وہ اللہ اور رسول اور رشتہ داروں اور یتامی اور مسا کین اور مسا فروں کے لئے ہے
تاکہ وہ تمہارے مال داروں ہی کے درمیان گردش کرتا نہ رہے

اور رسول جو کچھ تمہیں دیں وہ لے لیا کرو
اور جس چیز سے منع کریں اس سے باز رہو
اور اللہ(کی نافرمانی)سے ڈرتے رہو
یقیناً اللہ تعالیٰ سخت ترین سزا دینے والے ہیں۔

(نیز مال فئے) ان غریب مہا جرین کے لئے ہے
جو اپنے گھروں اور جائیداد سے نکال دیئے گئے ہیں
یہ لوگ اللہ کا فضـل اور اس کی خوشنودی کے طلب گار ہیں

اور وہ اللہ اور اس کے رسول(کے دین) کی مدد کرتے ہیں
یہی لوگ صادق فی الایمان(اپنے ایمان میں سچّے) ہیں

(اور مال فئے ان لو گوں کے لئے بھی ہے) جو مہا جرین کے آنے سے پہلے ایمان لاکر دار الہجرت(مدینہ) میں مقیم تھے

یہ ان لوگوں سے محبت کرتے ہیں جو ہجرت کرکے ان کے پاس آئے ہیں
اور جب ان مہا جرین کو کچھ دیا جا تا ہے تو یہ (انصار) اپنےدلوں میںاس کی خواہش اور خلش نہیں پاتے
اور اپنی ذات پر ان مہا جرین کو مقدم رکھتے ہیں، اگر چہ کہ خود ہی فقر واحتیاج میں مبتلا کیو نہ ہوں
اور جو شخص اپنے نفس کے بخل سےبچا یا گیا(توفیق الٰہی شامل حل رہی) تو ایسے ہی لوگ(بلند حوصلگی کے نتیجہ میں ) فلاح پانے والے ہیں۔

اور (وہ فئے) ان لو گوں کے لئے بھی ہے جو ان کے بعد آئے
جو کہتے ہیں، ائے ہمارے رب ہمیں اور ہمارے ان سب بھائیوں کو بخش دیجئے، جو ہم سے پہلے ایمان لا چکے ہیں

اور ہمارے دلوں میں اہل ایمان کی طرف سے کینہ پیدا ہونے نہ دیجئے

ائے ہمارے پر ور دگار، بے شک آپ بڑے ہی شفقت کرنے والے اہل ایمان پر بڑاہی رحم فرمانے والے ہیں۔

اور تمہارے معاملہ میں کسی کا کہنا نہ مانیں گے
اور اگر تم سے جنگ کی گئی تو ہم تمہاری مدد کریں گے
اللہ تعالیٰ گواہ ہیں کہ یہ قطعی جھوٹے ہیں۔

اگر وہ نکالے گئے تو یہ ان کے ساتھ ہر گز نہ نکلیں گے

اور اگر ان سے جنگ ہوئی تو یہ ان کی مدد نہیںکریں گے
اور اگر وہ ان کی مدد کریں بھی تو پیٹھ پھیر کر جائیں گے اور پھر کہیں سے مدد نہ پائیں گے
(ائے مسلمانو) ان کے دلوں میں اللہ سے زیادہ تمہاری ہیبت بیٹھی ہوئی ہے
یہ اس بات کی علامت ہے کہ یہ ایک ایسی قوم ہے،جو سمجھ بوجھ نہیں رکھتی

یہ کبھی اکھٹے ہوکر(کھلے میدان میں) تمہارا مقابلہ نہیں کریں گے
مگر ایسی بستیوں میں جہاں قلعے بنے ہوئے ہوں
یا دیوار کے پیچھے چھپ کر
ان کی لڑائی آپس میں بڑی ہی سخت ہوتی ہے

تم انھیں (بظاہر) باہم متّفق متحّد سمجھتے ہو مگر ان کے دل پھٹے ہوئے ہیں
ان کا یہ حال اس لئے ہے کہ یہ ایک بے سمجھ قوم ہے

ان کا حال ان لوگوں کے مماثل ہے جو ان سے کچھ ہی پہلے اپنے کئے کا مزہ چکھ چکے ہیں

اور ان کے لئے درد ناک عذاب ہے۔
ان منا فقین کی مثال شیطان کی سی ہے کہ وہ انسان سے کہتا رہتا ہے کہ کفر کر
پھر جب وہ کفر میں مبتلا ہو جاتا ہے تو کہتا ہے
مجھے تجھ سے کچھ سرو کار نہیں(میں تجھ سے بری الذمّہ ہوں)
میں تو ربُّ العالمین سے ڈرتا ہوں۔

پھر(شیطان اور ان کا شا گرد انسان) دونوں کا انجام نار جہنّم، جس میں وہ ہمیشہ ہمیشہ رہیں گے
اور ظالموںکی یہی جزاہے۔

ائے لوگو جو ایمان لائے ہواللہ سے ڈرو (احکام الٰہی کی خلاف ورزی نہ کرو، نفاق کاکوئی شائبہ اپنے اندر پیدا ہونے نہ دو)

تم میں سے ہر شخص کو دیکھنا چاہیئے کہ ان نے کل کے لئے (آخرت کے لئے) کیا سامان بھیجاہے
اور اللہ سے ڈرتے رہو
بے شک اللہ تعالیٰ تمہارے سب اعمال سے باخبر ہیں۔

اور ان لوگوں کی طرح نہ ہو جاؤ، جنھوں نے اللہ کو بھلا دیا (یعنی اَوامر ونواہی کو پیش نظر نہیں رکھا ) تو اللہ تعالیٰ نے بھی انھیں ان کو انجام آخرت سے غافل کردیا
یہی لوگ بدکار و نا فرمان ہیں۔
اہل نار(دوزخ والے) اور اہل جنّت بہ لحاظ انجام برابر نہیں ہو سکتے

اہل جنّت ہی کامیاب ہیں(اور اہل نار ناکام)

اگر ہم اس قرآن کو کسی پہاڑ پر نازل کرتے تو(ائے نبیﷺ)آپؐ دیکھتے، اللہ کے خوف سے وہ پہاڑ دبا جا رہاہے، پھٹا جا رہا ہے

ہم ان مثالوں کو لوگوں کی نصیحت کے لئے بیان کرتے ہیں تاکہ وہ غور وفکرسے کام لیں(اور دین الٰہی کو قبول کریں)

وہ اللہ ہی ہے،جس کے سواکوئی اور معبود نہیں
پوشیدہ اور ظاہر کاجاننے والا
وہ رحمٰن ورحیم ہے(دنیا وآخرت کا پورا نظام ان ہی اسمائے حسن ’’رحمٰن ورحیم‘‘ کے تحت جاری ہے)

اللہ وہی تو ہے جس کے سوا کوئی حاجت روا نہیں ہر شئے کا مالک، کائنات کا حکمراں، ہر طرح کے عجزو نقص وعیب سے پاک ، امن دینے والا، ہر شئے کا نگہبان بڑا ہی زبر دست،ارادہ میں اٹل، کبر یائی، بر تری اور عظمت اسی کے لئے ہے
پاک ومنزّہ ہے اس شرک سے جو لوگ کر رہے ہیں۔

اللہ وہی تو ہے جو تمام مخلوقات کا خالق، ایجاد واختراع کرنے والا، صورتیں بنا نے والا
اچھے سے اچھے نام اسی کیلئےہیں(کوئی فرد خلق ان اسماء سے متصف نہیں)
ہر چیز جو آسمانوں اور زمین میں ہے اس کی تسبیح کر رہی ہے

اور وہ بڑاہی زبر دست حکیم ہے(سارے تجاویز نہایت ہی حکیمانہ ہیں)