سورة الكافرون

سورہ کافرون مکی ہے اور اس میں چھ آیتیں ہیں۔
تمہید :دین اسلام کی افہام و تفہیم کرتے ہوئے تقریباً دس بارہ سال سے زیادہ عرصہ گزر گیا تھا۔جہاں ایک طرف اہل حق کے دین وایمان میں پختگی پیدا ہو گئی تھی، وہاں دوسری طرف دشمنان حق کی مخالفت میں بھی کافی اضافہ ہو گیا تھا، اکابر قریش کے ایمان لانے کی کوئی توقع باقی نہ رہی تھی اور اہل ایمان کے تعلق سے بھی یہ اندیشہ باقی نہیں رہا تھا کہ دنیا کی کوئی تکلیف یا سختی ان کو راہ حق سے ہٹا دے گی۔ اس موقع پر ضروری تھا کہ حق و باطل کے دو علیحدہ علیحدہ محا ذقائم کرنے کا اعلان کیا جائے۔ اور یہ اسی وقت ممکن تھا جب اہل حق، اہل باطل سے علیحدہ کر دیئے جائیں۔جس کا ظہور ہجرت کی شکل میں ہوا۔گویا اس سورۃ میں ہجرت ہی کا اشارہ تھا۔