بِسْمِ اللّٰهِ الرَّحْمٰنِ الرَّحِيْمِ
اللہ کے نام (اسی کی مدد) سے جورحمٰن اور رحیم ہے، میں اس کا م کا آغاز کر ر ہا ہوں۔
يٰٓاَيُّھَا الَّذِيْنَ اٰمَنُوْٓا اَوْفُوْا بِالْعُقُوْدِ۰ۥۭ
ائے ایمان والو(اللہ تعالیٰ سے بندگی واطاعت کا) جوعہد واقرار تم نے کیا ہے، اس کوپورا کرو۔
اُحِلَّتْ لَكُمْ بَہِيْمَۃُ الْاَنْعَامِ
تمہارے لیے تمام چوپائے( گائے اونٹ، بھیڑ، بکری اور جوان کے مشابہ ہوں جیسے ہرن نیل گاؤ وغیرہ) حلال کیے گئے ہیں۔
اِلَّا مَا يُتْلٰى عَلَيْكُمْ
سوائے ان بہائم کے (جو بہ دلائل شرعیہ حدیث وغیرہ مستثنیٰ کیے گئے ہوں جیسے گدھ، گدھا خچروغیرہ) جن کا ذکر آگے آتا ہے۔
غَيْرَ مُحِلِّي الصَّيْدِ وَاَنْتُمْ حُرُمٌ۰ۭ
شکار بھی تم پرحرام ہے، جب تم حالت احرام میں ہو۔
اِنَّ اللہَ يَحْكُمُ مَا يُرِيْدُ۱
یقینا ًاللہ تعالیٰ (تمہارے لیے) جومناسب سمجھتے ہیں حکم دیتے ہیں۔
يٰٓاَيُّھَا الَّذِيْنَ اٰمَنُوْا لَا تُحِلُّوْا شَعَاۗىِٕرَ اللہِ
ائے ایمان والو اللہ تعالیٰ کے نام کی چیزوں کی بے حرمتی نہ کرو۔
وَلَا الشَّہْرَ الْحَرَامَ
اورنہ حرمت والے مہینوں کی۔
تشریح : حرمت حج کے تین مہینے ہیں، شوال ذیقعدہ،۱۰؍ذی الحجہ (محرم، رجب، احترام کے) ان مہینوں میں شکار۔ لڑائی۔ جدال قتال وغیرہ حرام ہے مفاد دنیا کے پیش نظرکرتے یہ تھے کہ ذیقعدہ کا مہینہ آتا تواس کوصفر کا مہینہ قراردیتے اور صفر کے مہینے کوذیقعدہ کا ایسا کرنے سے منع کیا گیا۔
وَلَا الْہَدْيَ وَلَا الْقَلَاۗىِٕدَ
اورنہ قربانی کے جانوروں کی بے حرمتی کروجواللہ تعالیٰ کی نذر کردیئے گئے ہوں۔ اورنہ ان جانوروں کی جن کی گردنوں میں پٹے باندھے گئے ہوں۔ (یعنی اللہ تعالیٰ کی نذرونیاز کی علامات ونشانیاں لگادی گئی ہوں)
وَلَآ اٰۗمِّيْنَ الْبَيْتَ الْحَرَامَ
اورنہ ان لوگوں کی جوعظمت والے گھر کعبۃ اللہ کے قصد سے جارہے ہوں۔
يَبْتَغُوْنَ فَضْلًا مِّنْ رَّبِّہِمْ وَرِضْوَانًا۰ۭ
(اورجو) اپنے پروردگار کے فضل اوراسکی خوشنودی کے طلب گار ہوں۔
وَاِذَا حَلَلْتُمْ فَاصْطَادُوْا۰ۭ
اورجب احرام اتاردوتوشکارکرسکتے ہو۔
وَلَا يَجْرِمَنَّكُمْ شَـنَاٰنُ قَوْمٍ
اورایسا توکبھی نہ ہونا چاہئے کہ تم کسی قوم سے محض اس عداوت کی بناء پر کہ
اَنْ صَدُّوْكُمْ عَنِ الْمَسْجِدِ الْحَرَامِ اَنْ تَعْتَدُوْا۰ۘ
انہوں نے تم کوکعبۃ اللہ کی زیارت سے روک دیا تھا زیادتی کرنے لگو۔
وَتَعَاوَنُوْا عَلَي الْبِرِّ وَالتَّقْوٰى۰۠
نیکی اورخداترسی کے کاموں میں ایک دوسرے کے ساتھ تعاون کیا کرو۔
وَلَا تَعَاوَنُوْا عَلَي الْاِثْمِ وَالْعُدْوَانِ۰۠
اورگناہ ظلم وزیادتی کے کاموں میں کوئی تعاون نہ کرو۔
وَاتَّقُوا اللہَ۰ۭ
اللہ تعالیٰ کے احکام کی خلاف ورزی (کے نتائج بد) سے ڈرتے رہو۔
اِنَّ اللہَ شَدِيْدُ الْعِقَابِ۲
بیشک اللہ تعالیٰ بہت سخت گرفت والے ہیں۔
حُرِّمَتْ عَلَيْكُمُ الْمَيْتَۃُ
مرا ہواجانور تم پر حرام کیا گیا ہے۔
وَالدَّمُ وَلَحْمُ الْخِنْزِيْرِ وَمَآ اُہِلَّ لِغَيْرِ اللہِ بِہٖ
اوربہتا ہوا خون اورسورکا گوشت اوروہ جانور بھی جو غیراللہ کے لیے (ان کی خوشنودی کے واسطے) نامزدکیا گیا ہو۔
وَالْمُنْخَنِقَۃُ وَالْمَوْقُوْذَۃُ
اورجوجانورگلا گھٹنے سے مرجائے اورجوکوئی ضرب (یا چوٹ) کھا کر مرے۔
وَالْمُتَرَدِّيَۃُ وَالنَّطِيْحَۃُ
اورجوبلندی سے گرکرمرے اورجوسینگ کھاکر (یاٹکرسے) مرے۔
وَمَآ اَكَلَ السَّبُعُ اِلَّا مَا ذَكَّيْتُمْ۰ۣ
اوروہ جانور جس کودرندہ نے پھاڑکھایا ہو۔ سوائے اس کے کہ (وہ ابھی زندہ ہواور) تم اس کوذبح کرلو۔
وَمَا ذُبِحَ عَلَي النُّصُبِ
اوروہ جانور جوغیراللہ کی پرستش گاہوں(درگاہوں، چلوں اوراستھانوں میں) ذبح کیے گئے ہوں۔( اگر چہ کہ بوقت ذبح غیراللہ کا نام نہ لیا گیا ہو۔ اللہ تعالیٰ ہی کے نام سے ذبح کیا گیا ہو۔ )(یہ سب حرام ہیں)
وَاَنْ تَسْـتَقْسِمُوْا بِالْاَزْلَامِ۰ۭ ذٰلِكُمْ فِسْقٌ۰ۭ
اورتمہارا (تیروں وغیرہ سے) فال کے ذریعہ قسمت معلوم کرنا بھی حرام ہے۔ یہ سب گناہ کے کام ہیں۔
اَلْيَوْمَ يَىِٕسَ الَّذِيْنَ كَفَرُوْا مِنْ دِيْنِكُمْ
آج کافر تمہارے دین سے ناامید ہوچکے ہیں۔
فَلَا تَخْشَوْہُمْ وَاخْشَوْنِ۰ۭ
لہٰذا تم ان سے مت ڈرو مجھ ہی سے ڈرتے رہو۔( میرے احکام کی مخالفت نہ کرو۔ تمہارا دل خوف الٰہی سے معمور ہوناچاہئے تا کہ حلت وحرمت کے احکام کی خلاف ورزی کی جرأت نہ ہوسکے۔)
اَلْيَوْمَ اَكْمَلْتُ لَكُمْ دِيْنَكُمْ
آج میں نے تمہارے لیے تمہارا دین مکمل کردیا۔
وَاَتْمَمْتُ عَلَيْكُمْ نِعْمَتِيْ
اوراپنی نعمتیں تم پرپوری کردیں۔
وَرَضِيْتُ لَكُمُ الْاِسْلَامَ دِيْنًا۰ۭ
اور تمہارے لئے اسلام کو بہ حیثیت دین پسند کیا۔
فَمَنِ اضْطُرَّ فِيْ مَخْمَصَۃٍ غَيْرَ مُتَجَانِفٍ لِّاِثْمٍ۰ۙ
(یہ حلت و حرمت کے مذکورہ احکام میں ایک استثنیٰ یہ ہے کہ) جو شخص بھوک سے بیتاب ہوجائے گناہ کی طرف مائل نہ ہو (اور مضطر ہوکر بقدر قوت لایموت احکام الٰہی کی خلاف ورزی کا قصد رکھے بغیر کچھ کھا پی لے تو اللہ تعالیٰ ضرور اس کو معاف کریں گے۔)
فَاِنَّ اللہَ غَفُوْرٌ رَّحِيْمٌ۳
بے شک اللہ تعالیٰ بڑے ہی بخشنے والے رحم کرنے والے ہیں۔
يَسْـــَٔلُوْنَكَ مَاذَآ اُحِلَّ لَہُمْ۰ۭ
(ائے نبیﷺ) لوگ آپ سے پوچھتے ہیں کہ کون کونسی چیزیں ان کے لیے حلال ہیں؟
قُلْ اُحِلَّ لَكُمُ الطَّيِّبٰتُ۰ۙ
(ائے نبیﷺ) کہہ دیجئے تمہارے لیے پاک اورمرغوب چیزیں حلال کردی گئی ہیں۔
وَمَا عَلَّمْتُمْ مِّنَ الْجَوَارِحِ مُكَلِّبِيْنَ تُعَلِّمُوْنَہُنَّ مِمَّا عَلَّمَكُمُ اللہُ۰ۡ
اورجن شکاری جانوروں کوتم نے سدھایا ہواانھیں شکار کرنا سکھایا ہو۔ اور جس طریق سے اللہ تعالیٰ نے تمہیں شکار کرنا سکھایا ہے۔ اس طریق پر تم نے سکھایا ہو۔
فَكُلُوْا مِمَّآ اَمْسَكْنَ عَلَيْكُمْ
توجوشکاروہ تمہارے لیے اپنی گرفت میں لے رکھیں (یا انھیں تمہارے لیے زخمی کریں) تواسے کھاسکتے ہو۔
وَاذْكُرُوا اسْمَ اللہِ عَلَيْہِ۰۠
البتہ (شکاری جانورکوشکار پرچھوڑنے کے وقت) اس پراللہ کا نام بھی لیا کرو۔
وَاتَّقُوا اللہَ۰ۭ اِنَّ اللہَ سَرِيْعُ الْحِسَابِ۴
اوراللہ تعالیٰ سے ڈرتے رہو۔ بے شک اللہ تعالیٰ بہت جلد حساب لینے والے ہیں(یعنی شکاروغیرہ میں اس قدر منہمک نہ ہوجاؤ کہ حرام وحلال کی تمیز اورفرائض کا خیال جاتا رہے ۔
اَلْيَوْمَ اُحِلَّ لَكُمُ الطَّيِّبٰتُ۰ۭ
آج تمہارے لیے پاکیزہ چیزیں حلال کردی گئیں۔
وَطَعَامُ الَّذيْنَ اُوْتُوا الْكِتٰبَ حِلٌّ لَّكُمْ۰۠
اور(اس کے علاوہ) اہل کتاب کا کھانا بھی تمہارے لیے حلال ہے۔
وَطَعَامُكُمْ حِلٌّ لَّہُمْ۰ۡ
اورتمہارا کھانا ان کے لیے حلال ہے (یعنی ذبیحہ)
وَالْمُحْصَنٰتُ مِنَ الْمُؤْمِنٰتِ
اورپاک دامن ایمان والی عورتوں میں سے
وَالْمُحْصَنٰتُ مِنَ الَّذِيْنَ اُوْتُوا الْكِتٰبَ مِنْ قَبْلِكُمْ
اوراہل کتاب کی پاکدامن عورتوں سے نکاح کرنا بھی تمہارے لیے حلال ہے جنہیں تم سے پہلے کتاب دی گئی تھی۔
اِذَآ اٰتَيْتُمُوْہُنَّ اُجُوْرَہُنَّ
بشرطیکہ تم ان کا مہردے دو۔
مُحْصِنِيْنَ غَيْرَ مُسٰفِحِيْنَ
ان سے عفت قائم رکھنی مقصود ہو۔ بدکاری اورچند دن کے لئے شہوت رانی مقصود نہ ہو۔
وَلَا مُتَّخِذِيْٓ اَخْدَانٍ۰ۭ
اورنہ پوشیدہ طریقہ پرناجائز تعلقات رکھو۔
وَمَنْ يَّكْفُرْ بِالْاِيْمَانِ فَقَدْ حَبِطَ عَمَلُہٗ۰ۡ
اورجوشخص ایمان کے ساتھ کفر کا رویہ اختیار کرے گا (یعنی حلال قطعی کی حلت یا حرام قطعی کی حرمت کا انکار کرے گا) تو اس کے تمام نیک اعمال برباد کیے جائیں گے۔
وَہُوَفِي الْاٰخِرَۃِ مِنَ الْخٰسِرِيْنَ۵ۧ
اوروہ آخرت میں نقصان اٹھانے والوں میں سے ہوگا(ایسا نقصان جس کی تلافی کسی طرح ممکن نہ ہو)
يٰٓاَيُّھَا الَّذِيْنَ اٰمَنُوْٓا اِذَا قُمْتُمْ اِلَى الصَّلٰوۃِ
ائے ایمان والو جب تم نمازکے لیے اٹھو۔
فَاغْسِلُوْا وُجُوْہَكُمْ وَاَيْدِيَكُمْ اِلَى الْمَرَافِقِ
تواپنا منہ اوراپنے ہاتھ کہنیوں تک دھولو
وَامْسَحُوْا بِرُءُوْسِكُمْ وَاَرْجُلَكُمْ اِلَى الْكَعْبَيْنِ۰ۭ
اوراپنے سرکامسح کرواوراپنے پیرٹخنوں تک (دھولیا کرو)
ترک ہوجائے تووضو نہیں ہوتا۔
وَاِنْ كُنْتُمْ جُنُبًا فَاطَّہَّرُوْا۰ۭ
اوراگر تم کونہانے کی حاجت ہوتونہاکرپاک ہوجاؤ۔
وَاِنْ كُنْتُمْ مَّرْضٰٓى اَوْ عَلٰي سَفَرٍ
اوراگرتم بیمار ہویا سفرکی حالت میں ہو۔
اَوْ جَاۗءَ اَحَدٌ مِّنْكُمْ مِّنَ الْغَاۗىِٕطِ
یا تم میں سے کوئی رفع حاجت کرکے آیا ہو۔
اَوْ لٰمَسْتُمُ النِّسَاۗءَ فَلَمْ تَجِدُوْا مَاۗءً
یا تم نے اپنی بیویوں سے صحبت کی ہواورپھرتمہیں پانی نہ ملے۔
فَتَيَمَّمُوْا صَعِيْدًا طَيِّبًا
توپاک مٹی سے تیمم کرلو(اس کا طریقہ یہ ہے کہ مٹی پردونوں ہاتھ مار کر پہلے)
فَامْسَحُوْا بِوُجُوْہِكُمْ وَاَيْدِيْكُمْ مِّنْہُ۰ۭ
اپنے منہ پرپھیرلو اور(پھردوسری بار اسی طرح ہاتھ مٹی پرمارکر)اپنے ہاتھوں پر(کہنیوں تک) پھیرلو۔
مَا يُرِيْدُ اللہُ لِيَجْعَلَ عَلَيْكُمْ مِّنْ حَرَجٍ
اللہ تعالیٰ تم پرکوئی بارڈالنا نہیں چاہتے۔
وَّلٰكِنْ يُّرِيْدُ لِيُطَہِّرَكُمْ
بلکہ تم کوپاک وصاف رکھنا چاہتے ہیں۔
وَلِيُتِمَّ نِعْمَتَہٗ عَلَيْكُمْ
اورچاہتے ہیں کہ تم پراپنی نعمتیں پوری کردیں۔
لَعَلَّكُمْ تَشْكُرُوْنَ۶
تا کہ تم (اللہ تعالیٰ کی بخشی ہوئی نعمتوں پر)شکر کرتے رہو۔
وَاذْكُرُوْا نِعْمَۃَ اللہِ عَلَيْكُمْ
اوراللہ تعالیٰ نے تم پرجوفضل واحسان کیے ہیں انھیں یاد رکھو(کہ اللہ تعالیٰ نے تم کودین کی تعلیم دیکرتمہارے لیے دنیا وآخرت کی سعادت کا سامان کردیا)
وَمِيْثَاقَہُ الَّذِيْ وَاثَقَكُمْ بِہٖٓ۰ۙ
اوراس پختہ عہدوپیمان کوبھی پیش نظررکھو جواللہ تعالیٰ نے تم سے لیا تھا۔
اِذْ قُلْتُمْ سَمِعْنَا وَاَطَعْنَا۰ۡ
اس وقت تم نے یہ اقرار کیا تھا’’ ہم نے سنا اورہم نے اطاعت قبول کرلی‘‘۔
وَاتَّقُوا اللہَ۰ۭ
اوراللہ تعالیٰ سے ڈرو (یعنی اقراربندگی کے پورا نہ کرنے کی جوسزا اللہ تعالیٰ نے مقرر کی ہے۔ اس کے انجام سے ڈرو)
اِنَّ اللہَ عَلِيْمٌۢ بِذَاتِ الصُّدُوْرِ۷
بے شک اللہ تعالیٰ ( نہ صرف تمہارے ظاہری اعمال کودیکھتے ہیں بلکہ) دلوں کے احوال سے تک واقف ہیں۔
يٰٓاَيُّھَا الَّذِيْنَ اٰمَنُوْا كُوْنُوْا قَوّٰمِيْنَ لِلہِ شُہَدَاۗءَ بِالْقِسْطِ۰ۡ
ائے ایمان والو! اللہ تعالیٰ کی خوشنودی کے لیے صحیح صحیح گواہی دینے کے لیے کھڑے ہونے والے بنو۔
وَلَا يَجْرِمَنَّكُمْ شَـنَاٰنُ قَوْمٍ عَلٰٓي اَلَّا تَعْدِلُوْا۰ۭ
اور(کہیں ایسا نہ ہو) کسی قوم کی دشمنی کا جذبہ تمہیں انصاف سے باز رکھے۔
اِعْدِلُوْا۰ۣ ہُوَاَقْرَبُ لِلتَّقْوٰى۰ۡ
انصاف کیا کرو۔ جانبداری نہ برتو۔ یہی بات پرہیزگاری کے قریب ہے۔
وَاتَّقُوا اللہَ۰ۭ
اوراللہ تعالیٰ سے ڈرو (یعنی انصاف نہ کرنے کا جو انجام آخرت اللہ تعالیٰ نے مقرر کر رکھا ہے اس ڈرو)
اِنَّ اللہَ خَبِيْرٌۢ بِمَا تَعْمَلُوْنَ۸
بیشک اللہ تعالیٰ (بذاتہ) تمہارے اعمال سے باخبر ہیں(کسی کے خبر دینے کے بعد باخبر نہیں ہوتے جیسا کہ لوگوں کا عقیدہ ہے)
وَعَدَ اللہُ الَّذِيْنَ اٰمَنُوْا وَعَمِلُوا الصّٰلِحٰتِ۰ۙ لَہُمْ مَّغْفِرَۃٌ وَّاَجْرٌ عَظِيْمٌ۹
اللہ تعالیٰ نے ان لوگوں سے وعدہ کررکھا ہے جو(الٰہی تعلیم کے مطابق) ایمان لے آئے اورنیک کام کرتے رہے ان کے لیے مغفرت اور اجر عظیم ہے۔
وَالَّذِيْنَ كَفَرُوْا وَكَذَّبُوْا بِاٰيٰتِنَآ اُولٰۗىِٕكَ اَصْحٰبُ الْجَحِيْمِ۱۰
اورجنہوں نے (الٰہی تعلیم کوقبول کرنے سے) انکار کیا اور ہماری آیتوں اوراس کے اچھے وبرے حقیقی (ابدی) انجام کوجھٹلایا وہ سب دوزخی ہیں۔
يٰٓاَيُّھَا الَّذِيْنَ اٰمَنُوا اذْكُرُوْا نِعْمَتَ اللہِ عَلَيْكُمْ
ائے ایمان والواللہ تعالیٰ نے جواحسانات تم پرکیے ہیں انھیں یاد رکھو۔
اِذْ ہَمَّ قَوْمٌ اَنْ يَّبْسُطُوْٓا اِلَيْكُمْ اَيْدِيَہُمْ فَكَفَّ اَيْدِيَہُمْ عَنْكُمْ۰ۚ
جب کہ تمہاری (مخالف) قوم نے تم پردست درازی کرنی چاہی۔ اللہ تعالیٰ نے اپنے فضل سے ان کی دست درازیوں سے تم کوبچالیا۔
وَاتَّقُوا اللہَ۰ۭ وَعَلَي اللہِ فَلْيَتَوَكَّلِ الْمُؤْمِنُوْنَ۱۱ۧ
اوراللہ تعالیٰ سے ڈرتے رہو(یعنی کوئی کام مرضیات الٰہی کے خلاف نہ کرو) اوراہل ایمان کو اللہ تعالیٰ ہی پربھروسہ رکھنا چاہئے۔
وَلَقَدْ اَخَذَ اللہُ مِيْثَاقَ بَنِيْٓ اِسْرَاۗءِيْلَ۰ۚ
اوراللہ تعالیٰ نے بنی اسرائیل سے ایسا ہی اقرار لیا تھا۔
وَبَعَثْنَا مِنْہُمُ اثْنَيْ عَشَرَ نَقِيْبًا۰ۭ وَقَالَ اللہُ اِنِّىْ مَعَكُمْ۰ۭلَىِٕنْ اَقَمْــتُمُ الصَّلٰوۃَ
اورہم نے ان میں بارہ سرداران قبیلہ مقرر کیے تھے۔ اوراللہ تعالیٰ نے فرمایا میں تمہارے ساتھ ہوں اگر تم نماز قائم کرو۔
وَاٰتَيْتُمُ الزَّكٰوۃَ وَاٰمَنْتُمْ بِرُسُلِيْ
اورزکوۃ ادا کرتے رہو۔ اورمیرے پیغمبروںپرایمان لاؤ۔
وَعَزَّرْتُمُوْہُمْ وَاَقْرَضْتُمُ اللہَ قَرْضًا حَسَـنًا
اوران کا ساتھ دواوراللہ تعالیٰ کواحسن طریقہ سے قرض دو (یعنی دین حق کی بقاواشاعت میں مال خرچ کرتے رہوگے)
لَّاُكَفِّرَنَّ عَنْكُمْ سَـيِّاٰتِكُمْ
تومیں ضرور تم سے تمہاری برائیاں دورکرتا رہوں گا
وَلَاُدْخِلَـنَّكُمْ جَنّٰتٍ تَجْرِيْ مِنْ تَحْتِہَا الْاَنْھٰرُ۰ۚ
اورتم کوایسی جنت میں داخل کروں گا جس کے نیچے نہریں بہتی ہوں گی (جس کا نہایت ہی خوشنما منظرہوگا)
فَمَنْ كَفَرَ بَعْدَ ذٰلِكَ مِنْكُمْ فَقَدْ ضَلَّ سَوَاۗءَ السَّبِيْلِ۱۲
پھراس کے بعد تم میں سے جوکوئی کفرکرے گا تووہ سیدھے راستے سے بھٹک گیا۔
فَبِمَا نَقْضِہِمْ مِّيْثَاقَہُمْ لَعَنّٰہُمْ
توانکی عہد شکنی کی وجہ ہم نے ان (کواپنی رحمت سے دورکردیا)پر لعنت کی
وَجَعَلْنَا قُلُوْبَہُمْ قٰسِـيَۃً۰ۚ
اورہم نے ان کے دلوں کوسخت کردیا (قبولیت حق کی صلاحیت سلب کرلی)
يُحَرِّفُوْنَ الْكَلِمَ عَنْ مَّوَاضِعِہٖ۰ۙ
(اب ان کا یہ حال ہے کہ) کلام(الٰہی) میں تحریف کرتے ہیںکلمات کو اپنے موضوع سے ہٹادیتے ہیں۔
وَنَسُوْا حَظًّا مِّمَّا ذُكِّرُوْا بِہٖ۰ۚ
اورجوتعلیم انھیں دی گئی تھی اس کا بیشتر حصہ بھلادیا اور(گناہ کے گناہ ہونے کا بھی انھیں احساس نہ رہا)
وَلَا تَزَالُ تَطَّلِعُ عَلٰي خَاۗىِٕنَۃٍ مِّنْہُمْ اِلَّا قَلِيْلًا مِّنْہُمْ
ان میں سے چند کے سوا آپؐ آئے دن ان کی کسی نہ کسی خیانت سے آگاہ ہوتے رہیں گے (جوان سے ہوتی رہتی ہیں)
فَاعْفُ عَنْہُمْ وَاصْفَحْ۰ۭ
آپ انھیں معاف کیجئے اوردرگزرسے کام لیجئے۔
اِنَّ اللہَ يُحِبُّ الْمُحْسِـنِيْنَ۱۳
یقیناً اللہ تعالیٰ احسان کرنے والوں سے محبت رکھتے ہیں۔
وَمِنَ الَّذِيْنَ قَالُوْٓا اِنَّا نَصٰرٰٓى اَخَذْنَا مِيْثَاقَہُمْ
اوران لوگوں میں سے جوکہتے ہیں ہم نصاریٰ ہیں (حضرت عیسیٰ کی امت) ہم نے ان سے بھی عہد واقرارلیا تھا)
فَنَسُوْا حَظًّا مِّمَّا ذُكِّرُوْا بِہٖ۰۠
مگرانہوں نے بھی ان نصیحتوں کا بیشترحصہ بھلادیا جوانھیں کی گئی تھیں۔
فَاَغْرَيْنَا بَيْنَہُمُ الْعَدَاوَۃَ وَالْبَغْضَاۗءَ اِلٰي يَوْمِ الْقِيٰمَۃِ۰ۭ
توہم نے ان کے درمیان قیامت تک کے لیے بغض دشمنی ڈال دی۔
وَسَوْفَ يُنَبِّئُہُمُ اللہُ بِمَا كَانُوْا يَصْنَعُوْنَ۱۴
اوروہ جوکچھ (برائیاں) کرتے رہے تھے عنقریب اللہ تعالیٰ وہ سب انھیں بتادیں گے۔
يٰٓاَہْلَ الْكِتٰبِ قَدْ جَاۗءَكُمْ رَسُوْلُنَا
ائے اہل کتاب یقیناً ہمارے رسول (پیغمبر آخرالزماں) تمہارے پاس آگے ہیں۔
يُـبَيِّنُ لَكُمْ كَثِيْرًا مِّمَّا كُنْتُمْ تُخْفُوْنَ مِنَ الْكِتٰبِ
کتاب اللہ کی (جس اصولی وبنیادی) تعلیم کوتم نے چھپائے رکھا ہے اس میں بہت سی باتوں کووہ کھول کھول کرتمہارے سامنے بیان کرتے ہیں۔
وَيَعْفُوْا عَنْ كَثِيْرٍ۰ۥۭ
اوربہت سی باتوں سے درگزر کرتے ہیں۔
قَدْ جَاۗءَكُمْ مِّنَ اللہِ نُوْرٌ وَّكِتٰبٌ مُّبِيْنٌ۱۵ۙ
یقیناً اللہ تعالیٰ کی طرف سے تمہارے پاس ایک نور (علم کی روشنی) واضح کتاب (قرآن مجید) آچکی ہے۔
يَّہْدِيْ بِہِ اللہُ مَنِ اتَّبَعَ رِضْوَانَہٗ سُـبُلَ السَّلٰمِ
اللہ تعالیٰ اس کتاب کے ذریعہ ان لوگوں کوجورضائے الٰہی کے طالب ہوتے ہیں، سلامتی کی راہیں دکھاتے ہیں۔
وَيُخْرِجُہُمْ مِّنَ الظُّلُمٰتِ اِلَى النُّوْرِ بِـاِذْنِہٖ
اورانھیں جہل کی تاریکیوں سے نکال کرعلم کی روشنی میں لے آتے ہیں۔
وَيَہْدِيْہِمْ اِلٰي صِرَاطٍ مُّسْتَقِيْمٍ۱۶
اورانھیں صراط مستقیم پرچلنے کی ہدایت دیتے ہیں۔
لَقَدْ كَفَرَ الَّذِيْنَ قَالُوْٓا اِنَّ اللہَ ہُوَالْمَسِيْحُ ابْنُ مَرْيَمَ۰ۭ
بلاشبہ وہ لوگ کافر ہیں جوکہتے ہیں اللہ تعالیٰ ہی عیسیٰ ابن مریمؑ ہیں (یعنی اللہ تعالیٰ ہی عیسیٰ ابن مریم کی شکل میں آئے تھے وغیرہ)
قُلْ فَمَنْ يَّمْلِكُ مِنَ اللہِ شَـيْـــًٔـا اِنْ اَرَادَ اَنْ يُّہْلِكَ الْمَسِيْحَ ابْنَ مَرْيَمَ وَاُمَّہٗ وَمَنْ فِي الْاَرْضِ جَمِيْعًا۰ۭ
(ائے نبیﷺ ) آپ ان سے کہئے عیسیٰ بن مریم اوران کی ماں اور جتنے لوگ زمین پرہیں ان سب کواگراللہ تعالیٰ ہلاک کرنا چاہیں توکس کی مجال ہے کہ اس سے باز رکھے۔
وَلِلہِ مُلْكُ السَّمٰوٰتِ وَالْاَرْضِ وَمَا بَيْنَہُمَا۰ۭ
آسمانوں اورزمین اورجوکچھ ان کے درمیان ہے سب پراللہ تعالیٰ کی فرمانروائی ہے۔
يَخْلُقُ مَا يَشَاۗءُ۰ۭ وَاللہُ عَلٰي كُلِّ شَيْءٍ قَدِيْرٌ۱۷
اللہ تعالیٰ جس کوجس طریقہ سے چاہتے ہیں پیدا فرماتے ہیں (آدمؑ کو بغیر ماں باپ پیدا کیا اورعیسیٰ بن مریم کوباپ کے بغیر) اوراللہ تعالیٰ ہرچیز پرقادرہیں۔
وَقَالَتِ الْيَھُوْدُ وَالنَّصٰرٰى نَحْنُ اَبْنٰۗؤُا اللہِ وَاَحِبَّاۗؤُہٗ۰ۭ
اوریہود ونصاریٰ کہتے ہیں ہم اللہ کے بیٹے ہیں اوراس کے پیارے ہیں (یعنی اللہ تعالیٰ انھیں بہت چاہتے ہیں)
قُلْ فَلِمَ يُعَذِّبُكُمْ بِذُنُوْبِكُمْ۰ۭ
(ائے نبی!ﷺ) آپ ان سے کہئے پھروہ تمہاری بداعمالیوں کے سبب تمہیں کیوں عذاب دیتا ہے۔
بَلْ اَنْتُمْ بَشَرٌ مِّمَّنْ خَلَقَ۰ۭ
بلکہ (واقعہ یہ ہے کہ جیسے اور مخلوقات ہیں) ویسے تم بھی ایک انسانی مخلوق ہو۔
يَغْفِرُ لِمَنْ يَّشَاۗءُ وَيُعَذِّبُ مَنْ يَّشَاۗءُ۰ۭ
اللہ تعالیٰ (اپنے قانونِ مغفرت کے تحت) جسے چاہتے ہیں بخش دیتے ہیں۔ اور (قانون تعذیب کے تحت) جسے چاہتے ہیں عذاب دیتے ہیں
وَلِلہِ مُلْكُ السَّمٰوٰتِ وَالْاَرْضِ
آسمانوں اورزمین اورجوکچھ ان کے درمیان ہے۔
وَمَا بَيْنَہُمَا۰ۡوَاِلَيْہِ الْمَصِيْرُ۱۸
سب پراللہ تعالیٰ ہی کی نگرانی ہے۔ اور سب کو اسی کی طرف لوٹ کرجانا ہے
يٰٓاَہْلَ الْكِتٰبِ قَدْ جَاۗءَكُمْ رَسُوْلُنَا
ائے اہل کتاب تمہارے پاس ہمارے رسول محمدﷺ آئے ہیں۔
يُـبَيِّنُ لَكُمْ عَلٰي فَتْرَۃٍ مِّنَ الرُّسُلِ
تمہیں احکام سے واقف کراتے ہیں۔ ایسے وقت آئے ہیں کہ ایک مدت دراز سے رسولوں کی آمد کا سلسلہ ملتوی تھا۔
اَنْ تَقُوْلُوْا مَا جَاۗءَنَا مِنْۢ بَشِيْرٍ وَّلَا نَذِيْرٍ۰ۡ
تاکہ تم یہ عذر نہ کرسکو کہ ہمارے پاس کوئی (جنت کی) بشارت دینے والا اور(دوزخ کے عذاب سے) ڈرانے والا نہیں آیا۔
فَقَدْ جَاۗءَكُمْ بَشِيْرٌ وَّنَذِيْرٌ۰ۭ
اب تمہارے پاس خوشخبری سنانے والے اور(عذاب سے) ڈرانے والے( اللہ کے رسولؐ) آگئے ہیں۔
وَاللہُ عَلٰي كُلِّ شَيْءٍ قَدِيْرٌ۱۹ۧ
اوراللہ تعالیٰ ہرچیز پرقادرہیں۔
وَاِذْ قَالَ مُوْسٰى لِقَوْمِہٖ يٰقَوْمِ اذْكُرُوْا نِعْمَۃَ اللہِ عَلَيْكُمْ
اوروہ واقعہ بھی قابل ذکر ہے جب کہ موسیٰؑ نے اپنی قوم سے کہا تھا۔ ائے میری قوم کے لوگو اللہ تعالیٰ کے اس احسان کوپیش نظررکھوجواس نے تم پر کیئے
اِذْ جَعَلَ فِيْكُمْ اَنْۢبِيَاۗءَ وَجَعَلَكُمْ مُّلُوْكًا۰ۤۖ
جب کہ اللہ تعالیٰ نے تم ہی میں سے نبی پیدا کیے اورتم کوبادشاہت عطا کی۔
وَّاٰتٰىكُمْ مَّا لَمْ يُؤْتِ اَحَدًا مِّنَ الْعٰلَمِيْنَ۲۰
اورتم کواتنا کچھ دیا کہ اہل عالم میں سے کسی کونہیں دیا۔
يٰقَوْمِ ادْخُلُوا الْاَرْضَ الْمُقَدَّسَۃَ الَّتِيْ كَتَبَ اللہُ لَكُمْ
ائے میری قوم اس مقدس شہر میں داخل ہوجاؤ جس کی فتح اللہ تعالیٰ نے تمہارے نصیب میں لکھ دی ہے۔
وَلَا تَرْتَدُّوْا عَلٰٓي اَدْبَارِكُمْ فَتَنْقَلِبُوْا خٰسِرِيْنَ۲۱
اور(مقابلے میں) پیٹھ نہ دکھاؤ ورنہ ناکام ونامراد لوٹوگے۔
قَالُوْا يٰمُوْسٰٓى اِنَّ فِيْہَا قَوْمًا جَبَّارِيْنَ۰ۤۖ
قوم نے جواب دیا ائے موسیٰؑ اس شہر میں بڑے طاقتور لوگ رہتے ہیں۔
وَاِنَّا لَنْ نَّدْخُلَہَا حَتّٰي يَخْرُجُوْا مِنْہَا۰ۚ
اورہم ہرگز اس (شہر) میں داخل نہ ہوں گے جب تک کہ وہ وہاں سے نکل نہ جائیں۔
فَاِنْ يَّخْرُجُوْا مِنْہَا فَاِنَّا دٰخِلُوْنَ۲۲
ہاں اگر وہ وہاں سے نکل جائیں توبلاشبہ ہم شہر میں داخل ہوجائیں گے۔
قَالَ رَجُلٰنِ مِنَ الَّذِيْنَ يَخَافُوْنَ اَنْعَمَ اللہُ عَلَيْہِمَا ادْخُلُوْا عَلَيْہِمُ الْبَابَ۰ۚ
اللہ تعالیٰ سے ڈرنے والے سپاہیوں نے جن پراللہ تعالیٰ نے فضل فرمایا تھا کہا تم (ان پرحملہ آورہوکر) شہرکے دروازے تک توپہنچ جاؤ۔
فَاِذَا دَخَلْتُمُوْہُ فَاِنَّكُمْ غٰلِبُوْنَ۰ۥۚ
پھرجب تم دروازہ میں داخل ہوجاؤگے تویقیناً تم غالب آجاؤگے۔
وَعَلَي اللہِ فَتَوَكَّلُوْٓا اِنْ كُنْتُمْ مُّؤْمِنِيْنَ۲۳
اگرتم مومن ہوتواللہ تعالیٰ ہی پرپورا پورا بھروسہ رکھو۔
قَالُوْا يٰمُوْسٰٓى اِنَّا لَنْ نَّدْخُلَہَآ اَبَدًا مَّا دَامُوْا فِيْہَا
قوم نے بڑی ہی گستاخی کے ساتھ جواب دیا کہ جب تک شہر کے لوگ شہر میں رہیں گے ہم ہرگز اس شہر میں داخل نہ ہوں گے۔
فَاذْہَبْ اَنْتَ وَرَبُّكَ فَقَاتِلَآ اِنَّا ھٰہُنَا قٰعِدُوْنَ۲۴
لہٰذا آپ اورآپ کا پروردگار دونوں جاؤ اورلڑوہم تویہیں بیٹھے رہتے ہیں۔
قَالَ رَبِّ اِنِّىْ لَآ اَمْلِكُ اِلَّا نَفْسِيْ وَاَخِيْ
(ان کا یہ گستاخانہ جواب سن کرموسیٰؑ نے) کہا اے میرے پروردگار ! میں اپنے اوراپنے بھائی کے سوا کسی اورپراختیار نہیں رکھتا۔
فَافْرُقْ بَيْنَنَا وَبَيْنَ الْقَوْمِ الْفٰسِقِيْنَ۲۵
لہٰذاب ہمارے اورنافرمان لوگوں کے درمیان جدائی ڈال دیجئے (یعنی نافرمانوں کوہم سے علیحدہ کردیجئے)
قَالَ فَاِنَّہَا مُحَرَّمَۃٌ عَلَيْہِمْ اَرْبَعِيْنَ سَـنَۃً۰ۚ
اللہ تعالیٰ نے فرمایا کہ وہ ملک ان پرچالیس برس تک کے لیے حرام کردیا گیا (وہ وہاں جانے نہ پائیں گے)
يَتِيْھُوْنَ فِي الْاَرْضِ۰ۭ فَلَا تَاْسَ عَلَي الْقَوْمِ الْفٰسِقِيْنَ۲۶ۧ
اب یہ (جنگل صحرا بہ صحرا مارے مارے) پھرتے رہیں گے لہٰذاب ایسے نافرمانوں (کی تباہ حالی) پرآپ افسوس نہ کیجئے۔
وَاتْلُ عَلَيْہِمْ نَبَاَ ابْنَيْ اٰدَمَ بِالْحَقِّ۰ۘ
اور(ائے محمدﷺ) ان کوآدمؑ کے دوبیٹوں(ہابیل اورقابیل) کے حالات سنائیے(جوبالکل) سچے ہیں۔
اِذْ قَرَّبَا قُرْبَانًا فَتُقُبِّلَ مِنْ اَحَدِہِمَا
جب کہ ان دونوں نے (اللہ تعالیٰ کی جناب میں) منتیں مانی تھیں ان میں سے ایک کی منت قبول ہوئی۔
وَلَمْ يُتَقَبَّلْ مِنَ الْاٰخَرِ۰ۭ
اوردوسرے کی قبول نہیں ہوئی۔
قَالَ لَاَقْتُلَـنَّكَ۰ۭ قَالَ اِنَّمَا يَتَقَبَّلُ اللہُ مِنَ الْمُتَّقِيْنَ۲۷
تب (قابیل ہابیل سے) کہنے لگا کہ میں تجھے قتل کردوں گا۔ اس نے کہا اللہ تعالیٰ پرہیزگاروں کی نیاز قبول کرتے ہیں۔
لَىِٕنْۢ بَسَطْتَّ اِلَيَّ يَدَكَ لِتَقْتُلَنِيْ
اگرتومجھے قتل کرنے کے لیے مجھ پرہاتھ اٹھائے گا۔
مَآ اَنَا بِبَاسِطٍ يَّدِيَ اِلَيْكَ لِاَقْتُلَكَ۰ۚ
تومیں تجھے قتل کرنے کے لیے تجھ پرہاتھ نہ اٹھاؤں گا۔
اِنِّىْٓ اَخَافُ اللہَ رَبَّ الْعٰلَمِيْنَ۲۸
(کیونکہ) میں رب العالمین سے ڈرتا ہوں۔
اِنِّىْٓ اُرِيْدُ اَنْ تَبُوْۗاَ بِـاِثْمِيْ وَاِثْمِكَ
میں چاہتا ہوں کہ تومیرے گناہ میں بھی ماخوذ ہواوراپنے گناہوں میں بھی
فَتَكُوْنَ مِنْ اَصْحٰبِ النَّارِ۰ۚ
پھرتودوزخیوں کے زمرہ میں شامل ہوجائے گا
وَذٰلِكَ جَزٰۗؤُا الظّٰلِــمِيْنَ۲۹ۚ
اورظلم کرنے والوں کی یہی سزا ہے۔
فَطَوَّعَتْ لَہٗ نَفْسُہٗ قَتْلَ اَخِيْہِ
پھراس کواس کے نفس نے(بہ رغبت قلبی) اپنے بھائی کے قتل پرابھارا۔
فَقَتَلَہٗ فَاَصْبَحَ مِنَ الْخٰسِرِيْنَ۳۰
پھراس نے اس کوقتل کرڈالا اورخسارہ اٹھانے والوں میں سے ہوگیا۔
فَبَعَثَ اللہُ غُرَابًا يَّبْحَثُ فِي الْاَرْضِ لِيُرِيَہٗ كَيْفَ يُوَارِيْ سَوْءَۃَ اَخِيْہِ۰ۭ
پھر اللہ تعالیٰ نے ایک کوے کوبھیجا وہ زمین کریدنے لگا تا کہ اس کودکھائے کہ اپنے بھائی کی لاش کس طرح چھپائے
قَالَ يٰوَيْلَــتٰٓى اَعَجَزْتُ اَنْ اَكُوْنَ مِثْلَ ہٰذَا الْغُرَابِ
(قاتل نے یہ دیکھ کراپنے دل میں) کہا افسوس ہے مجھ پر کہ میں اس کوے سے بھی گیا گزرا ہوگیا (کہ اپنے بھائی کی لاش چھپانے کی تدبیر خود سوچ نہ سکا)
فَاُوَارِيَ سَوْءَۃَ اَخِيْ۰ۚ فَاَصْبَحَ مِنَ النّٰدِمِيْنَ۳۱ۚۙۛ
لہٰذا اس طرح اس نے اپنے بھائی کی لاش چھپادی۔ پھر(اپنی اس بے عقلی پراپنے جی میں) نہایت پشیمان ہوا۔
مِنْ اَجْلِ ذٰلِكَ۰ۚۛؔ كَتَبْنَا عَلٰي بَنِيْٓ اِسْرَاۗءِيْلَ
اس قتل کی وجہ ہم نے بنی اسرائیل کے لیے قانون جاری کردیا۔
اَنَّہٗ مَنْ قَتَلَ نَفْسًۢا بِغَيْرِ نَفْسٍ اَوْ فَسَادٍ فِي الْاَرْضِ
کہ جوکوئی (اپنی جان کے تحفظ کے سوا) کسی کوبلا وجہ قتل کرے گا یا زمین میں فساد پھیلائے گا
فَكَاَنَّمَا قَتَلَ النَّاسَ جَمِيْعًا۰ۭ
توگویا اس نے تمام لوگوں کوقتل کیا(یعنی قتل وخون کی بنیاد ڈالی۔ دنیا کے تمام قتل وخون کا ذمہ دار ہوا)
وَمَنْ اَحْيَاہَا فَكَاَنَّمَآ اَحْيَا النَّاسَ جَمِيْعًا۰ۭ
اورجوکوئی اس کی زندگی کا موجب ہوا (یعنی قاتل سے قصاص لے کرخوں ریزی کا انسداد کیا) توگویا اس نے حیات عامہ کا تحفظ کیا۔
وَلَقَدْ جَاۗءَتْہُمْ رُسُلُنَا
بِالْبَيِّنٰتِ۰ۡ
اور(یہ ایک حقیقت ہے کہ) بنی اسرائیل کے پاس ہمارے رسول کھلی کھلی ہدایتیں لے کرآتے رہے (تاکہ قوم امن وسلامتی کی زندگی بسر کرے۔ اورقتل وخوں ریزی اورفتنہ وفساد سے محفوظ رہے۔)
ثُمَّ اِنَّ كَثِيْرًا مِّنْہُمْ بَعْدَ ذٰلِكَ فِي الْاَرْضِ لَمُسْرِفُوْنَ۳۲
پھراس کے بعد بھی ان میں سے بہت سے لوگ ملک میں فتنہ وفساد پھیلاتے رہے۔
اِنَّمَا جَزٰۗؤُا الَّذِيْنَ يُحَارِبُوْنَ اللہَ وَرَسُوْلَہٗ
جولوگ اللہ اوراس کے رسول سے جھگڑتے ہیں (یعنی اللہ ورسول کی مخالفت کرتے ہیں)
وَيَسْعَوْنَ فِي الْاَرْضِ فَسَادًا
اورملک میں فساد پھیلاتے پھرتے ہیں۔
اَنْ يُّقَتَّلُوْٓا اَوْ يُصَلَّبُوْٓا
ان کی سزایہی ہے کہ قتل کردیئے جائیں یا سولی پرچڑھادیئے جائیں
اَوْ تُـقَطَّعَ اَيْدِيْہِمْ وَاَرْجُلُہُمْ مِّنْ خِلَافٍ
یا ان کے ہاتھ پاؤں مخالف سمت سے کاٹے جائیں (یعنی بایاں پاؤں اورداہنا ہاتھ یا داہنا پاؤں اوربایاں ہاتھ
اَوْ يُنْفَوْا مِنَ الْاَرْضِ۰ۭ
یا ملک سے نکال دیئے جائیں (شہر بدرکیے جائیں)
ذٰلِكَ لَہُمْ خِزْيٌ فِي الدُّنْيَا
دنیا میں ان کے لیے اس طرح کی ذلت ورسوائی ہے
وَلَہُمْ فِي الْاٰخِرَۃِ عَذَابٌ عَظِيْمٌ۳۳ۙ
اورآخرت میں ان کے لیے بڑا ہی سخت عذاب ہے۔
اِلَّا الَّذِيْنَ تَابُوْا مِنْ قَبْلِ اَنْ تَقْدِرُوْا عَلَيْہِمْ۰ۚ
ہاں جن لوگوں نے توبہ کی قبل اس کے کہ تم ان پرقابو پالو(یعنی تمہاری گرفت میں آنے سے پہلے توبہ کرلیں توانھیں معاف کیا جائے گا۔)
فَاعْلَمُوْٓا اَنَّ اللہَ غَفُوْرٌ رَّحِيْمٌ۳۴ۧ
لہٰذاب(اچھی طرح جان لوکہ) اللہ تعالیٰ بڑے ہی بخشنے والے رحم فرمانے والے ہیں۔
يٰٓاَيُّھَا الَّذِيْنَ اٰمَنُوا اتَّقُوا اللہَ
ائے ایمان والو! اللہ تعالیٰ کی (نافرمانی کے انجام) سے ڈرو۔
وَابْتَغُوْٓا اِلَيْہِ الْوَسِيْلَۃَ
اوراس کا قرب حاصل کرنے کے ذرائع تلاش کرو(ترک معاصی طاعتِ الٰہی ذرائع قرب ہیں)
وَجَاہِدُوْا فِيْ سَبِيْلِہٖ
اوراس کی راہ میں جہاد کرو(یعنی اللہ تعالیٰ کی زمین سے فتنہ وفساد دورکرنے کی پوری پوری جدوجہد کرتے رہو، قرب الٰہی کا یہ بہترین ذریعہ ہے۔
لَعَلَّكُمْ تُفْلِحُوْنَ۳۵
(یہ تعلیم تم کواس لیے دی جاتی ہے) تا کہ تم فلاح آخرت حاصل کرسکو۔
سب سے بزرگ تر حضرت محمدﷺ تھے (بعد ازخدا بزرگ توئی قصہ مختصر) کسی ضعیف سے ضعیف حدیث سے بھی ثابت نہیں کیا جاسکتا کہ صحابہ کرام نے رسول اللہﷺ کوواسطہ بنایا ہو اوراس تعلق سے آپ ﷺکی نذرومنت کی ہو۔ مصیبتوں میں مدد کے لیے آپﷺ کو پکارا ہو۔ آپ ﷺ کے مزار پرجاکر سجدے وطواف کیئے ہوں۔
صحابہ کرام کے بعد حضرات تابعین کا دورآتا ہے۔ ان حضرات کے بزرگ حضرات صحابہ کرام ہی تھے مگرصحابہ کرام کے تعلق سے بھی تابعین نے ایسا کوئی عقیدہ پیدا نہیں کیا اورنہ کوئی ایسا عمل کیا جیسا کہ مسلمان غلط رہنمائی کی بناء پربزرگوں، پیرومرشد کووسیلہ بناتے ہیں۔
زیربحث آیت کریمہ کا اگر یہی مفہوم ہے جوجہلا سمجھتے ہیں، تواس کا مطلب یہ ہوا کہ زیربحث آیت کریمہ کا مطلب اورمفہوم حضرات صحابہ کرام ہی نے سمجھا نہ حضرات تابعین نے العیاذباللہ۔
اِنَّ الَّذِيْنَ كَفَرُوْا لَوْ اَنَّ لَہُمْ مَّا فِي الْاَرْضِ جَمِيْعًا
جولوگ کافر ہیں (الٰہی تعلیم کا انکار کرتے ہیں) اگر ان کے پاس روئے زمین کے تمام خزانے (مال ومتاع) ہوں۔
وَّمِثْلَہٗ مَعَہٗ لِيَفْتَدُوْا بِہٖ مِنْ عَذَابِ يَوْمِ الْقِيٰمَۃِ
اوراس کے ساتھ اتنے ہی اورہوں تا کہ وہ اس کوبطور تاوان دے کرروزقیامت کے عذاب سے چھوٹ جائیں
مَا تُقُبِّلَ مِنْہُمْ۰ۚ وَلَہُمْ عَذَابٌ اَلِيْمٌ۳۶
تب بھی وہ چیزیں ان سے ہرگزقبول نہیں کی جائیں گی اوران کے لیے درد ناک عذاب ہے۔
يُرِيْدُوْنَ اَنْ يَّخْرُجُوْا مِنَ النَّارِ وَمَا ہُمْ بِخٰرِجِيْنَ مِنْہَا۰ۡ
(ہرچند کہ) وہ آگ سے نکلنا چاہیں گے (مگر) اوروہ اس سے نکل نہ سکیں گے۔
وَلَہُمْ عَذَابٌ مُّقِيْمٌ۳۷
اوران کودائمی عذاب ہوگا۔
وَالسَّارِقُ وَالسَّارِقَۃُ
(ایک تعزیری حکم یہ بھی دیا جاتا ہے کہ جومرد اور جوعورت چوری کرے۔
فَاقْطَعُوْٓا اَيْدِيَہُمَا
تو ان کے ہاتھ(کلائی تک) کاٹ ڈالو۔
جَزَاۗءًۢ بِمَا كَسَـبَا نَكَالًا مِّنَ اللہِ۰ۭ
ان کی بداعمالیوں بدکرداریوں کی اللہ تعالیٰ کی طرف سے یہی عبرتناک سزا ہے۔
وَاللہُ عَزِيْزٌ حَكِيْمٌ۳۸
اوراللہ تعالیٰ بڑے ہی زبردست حکیم ہیں(یعنی یہ سزا بڑی ہی حکیمانہ ہے، اس کے سواجوسزا بھی تجویز کی جائے گی وہ یقیناً نامناسب ہی ہوگی)
فَمَنْ تَابَ مِنْۢ بَعْدِ ظُلْمِہٖ وَاَصْلَحَ فَاِنَّ اللہَ يَتُوْبُ عَلَيْہِ۰ۭ
پھرجوشخص ارتکاب جرم کے بعد توبہ کرے اوراپنی اصلاح کرلے تواللہ تعالیٰ بھی اس کے حال پرمہربان ہوجائیں گے(اورآئندہ بھی ارتکاب جرم سے بچائے رکھیں گے)
اِنَّ اللہَ غَفُوْرٌ رَّحِيْمٌ۳۹
بیشک اللہ تعالیٰ (توبہ کے بعد) بڑے ہی بخشنے والے رحم فرمانیوالے ہیں
اَلَمْ تَعْلَمْ اَنَّ اللہَ لَہٗ مُلْكُ السَّمٰوٰتِ وَالْاَرْضِ۰ۭ
ائے نبی(ﷺ) کیا آپ نہیں جانتے کہ آسمانوں اورزمین کی فرمانروائی اللہ ہی کے لیے ہے۔(جس کا کوئی شریک نہیں)
يُعَذِّبُ مَنْ يَّشَاۗءُ وَيَغْفِرُ لِمَنْ يَّشَاۗءُ۰ۭ
(قانون تعذیب کے تحت) وہ جسے چاہے عذاب کرے اور (قانون مغفرت کے تحت) جسے چاہے بخش دے( اس میں کسی کی سعی وسفارش کودخل نہیں)
وَاللہُ عَلٰي كُلِّ شَيْءٍ قَدِيْرٌ۴۰
اوراللہ تعالیٰ ہرچیز پرقادرہیں( یعنی کسی کی رائے ومشورہ کے بغیرتنہا فیصلہ کرنے پرقادرہیں)
يٰٓاَيُّھَا الرَّسُوْلُ لَا يَحْزُنْكَ الَّذِيْنَ يُسَارِعُوْنَ فِي الْكُفْرِ
ائے رسول(ﷺ) جولوگ کفرمیں دوڑے دوڑے جاتے ہیں، اس سے آپؐ کورنجیدہ خاطر نہ ہونا چاہئے۔
مِنَ الَّذِيْنَ قَالُوْٓا اٰمَنَّا بِاَفْوَاہِہِمْ
یہ ان لوگوں میں سے ہیں جومنہ سے توکہتے ہیں کہ ہم ایمان لے آئے۔
وَلَمْ تُؤْمِنْ قُلُوْبُہُمْ ۰ۚۛ
مگران کے دل ایمان نہیں لائے(اس لیے ایمان کی شرط اول اقرار باللسان تصدیق بالقلب ہے)
وَمِنَ الَّذِيْنَ ہَادُوْا۰ۚۛ
اورجو(زیادہ تر) یہودیوں میں سے ہیں۔
سَمّٰعُوْنَ لِلْكَذِبِ
یہ لوگ غلط باتیں بنانے کے لیے جاسوسی کرتے پھرتے ہیں
سَمّٰعُوْنَ لِقَوْمٍ اٰخَرِيْنَ۰ۙ
اورایسے لوگوں (کوبہکانے) کے لیے جاسوسی کرتے ہیں
لَمْ يَاْتُوْكَ۰ۭ
جوابھی آپؐ کے پاس نہیں آئے
يُحَرِّفُوْنَ الْكَلِمَ مِنْۢ بَعْدِ مَوَاضِعِہٖ۰ۚ
کلام الٰہی کے الفاظ کوان کا صحیح مقام متعین ہونے کے بعد بدل دیتے ہیں یعنی اصل موضوع سے پھیردیتے یا اس میں تحریف کرتے ہیں
يَقُوْلُوْنَ اِنْ اُوْتِيْتُمْ ہٰذَا فَخُذُوْہُ
اور(لوگوں سے) کہتے ہیں، اگر تم کویہ حکم ہے تواسے قبول کرلو
وَاِنْ لَّمْ تُؤْتَوْہُ فَاحْذَرُوْا۰ۭ
اوراگراس کے خلاف ہوتونہ مانو۔
وَمَنْ يُّرِدِ اللہُ فِتْنَتَہٗ فَلَنْ تَمْلِكَ لَہٗ مِنَ اللہِ شَـيْـــــًٔـا۰ۭ
اورجس کواللہ تعالیٰ موردعتاب قراردیں توآپ اس کے(بچاؤ کے) لیے اللہ تعالیٰ کے مقابلہ میں کسی طرح کا اختیار نہیں رکھتے۔
اُولٰۗىِٕكَ الَّذِيْنَ لَمْ يُرِدِ اللہُ اَنْ يُّطَہِّرَ قُلُوْبَہُمْ۰ۭ
یہ وہ لوگ ہیں جن کے قلوب کواللہ تعالیٰ نے ان کے نفاق کی وجہ پاک کرنا نہ چاہا۔
لَہُمْ فِي الدُّنْيَا خِزْيٌ۰ۚۖ
ان کے لیے دنیا میں بھی ذلت وخواری ہے۔
وَّلَہُمْ فِي الْاٰخِرَۃِ عَذَابٌ عَظِيْمٌ۴۱
اورآخرت میں بھی ان کے لیے سخت ترین عذاب ہے۔
سَمّٰعُوْنَ لِلْكَذِبِ اَكّٰلُوْنَ لِلسُّحْتِ۰ۭ
یہ جھوٹی باتیں بنانے کے لیے جاسوسی کرنے والے اور(رشوت وغیرہ کا) حرام مال کھانے والے ہیں۔
فَاِنْ جَاۗءُوْكَ فَاحْكُمْ بَيْنَہُمْ
اگریہ آپ کے پاس (اپنے معاملات میں تصفیہ کے لئے ) آئیں تو آپ ان کے درمیان فیصلہ کیجئے ۔
اَوْ اَعْرِضْ عَنْہُمْ۰ۚ
یا ان سے اعراض کیجئے (فیصلہ کرنے یا نہ کرنے کا آپؐ کواختیار ہے)
وَاِنْ تُعْرِضْ عَنْہُمْ فَلَنْ يَّضُرُّوْكَ شَـيْـــًٔـا۰ۭ
اواگرآپؐ ان سے اعراض کریں تو(یہ اندیشہ نہ کیجئے کہ وہ آپ کوکوئی نقصان پہنچائیں گے) وہ قطعاً آپ کو کوئی ضرر نہ پہنچاسکیں گے۔
وَاِنْ حَكَمْتَ فَاحْكُمْ بَيْنَہُمْ بِالْقِسْطِ۰ۭ
اوراگرآپ ان کے درمیان فیصلہ کریں تومنصفانہ فیصلہ کیجئے۔
اِنَّ اللہَ يُحِبُّ الْمُقْسِطِيْنَ۴۲
یقیناً اللہ تعالیٰ انصاف کرنے والوں کوپسند کرتے ہیں۔
وَكَيْفَ يُحَكِّمُوْنَكَ وَعِنْدَہُمُ التَّوْرٰىۃُ
وہ کیوںآپؐ سے فیصلہ کرانا چاہیں گے جب کہ خود ان کے پاس توارت موجود ہے۔
فِيْہَا حُكْمُ اللہِ ثُمَّ يَتَوَلَّوْنَ مِنْۢ بَعْدِ ذٰلِكَ۰ۭ
اس میں اللہ تعالیٰ کا حکم موجود ہے (جس کووہ جانتے ہیں) پھر اس کے باوجود حکم الٰہی سے روگردانی کرتے ہیں۔(احکام الٰہی کے مطابق اپنے نزاعات کا فیصلہ نہیں چاہتے اپنی مرضی کے مطابق آپؐ سے فیصلہ کروانا چاہتے ہیں)
وَمَآ اُولٰۗىِٕكَ بِالْمُؤْمِنِيْنَ۴۳ۧ
دراصل وہ مومن ہی نہیں ہیں۔
اِنَّآ اَنْزَلْنَا التَّوْرٰىۃَ فِيْہَا ہُدًى وَّنُوْرٌ۰ۚ
ہم نے تورات نازل کی جس میں ہدایت اور(عقائد صحیحہ کی) تعلیم تھی۔ (نورسے مراد علم ہے)
يَحْكُمُ بِہَا النَّبِيُّوْنَ الَّذِيْنَ اَسْلَمُوْا لِلَّذِيْنَ ہَادُوْا
اسی کتاب کے مطابق انبیاء علیہم السلام جواللہ تعالیٰ کے فرمانبردار بندے ہوتے ہیں یہودیوں کوحکم دیتے رہے
وَالرَّبّٰنِيُّوْنَ وَالْاَحْبَارُ بِمَا اسْتُحْفِظُوْا مِنْ كِتٰبِ اللہِ وَكَانُوْا عَلَيْہِ شُہَدَاۗءَ۰ۚ
اورتمام علمائے حق اورمذہبی پیشوا بھی جواللہ تعالیٰ کی کتاب کی حفاظت کے ذمہ دار تھے (اسی توریت کے مطابق فیصلہ کرتے تھے) اوراس کتاب کے من اللہ ہونے کے گواہ بھی تھے۔
فَلَا تَخْشَوُا النَّاسَ وَاخْشَوْنِ
توتم لوگوں سے مت ڈرو مجھ ہی سے ڈرو۔
وَلَا تَشْتَرُوْا بِاٰيٰـتِيْ ثَـمَنًا قَلِيْلًا۰ۭ
اور(دنیا کے) قلیل معاوضہ پرمیری آیتوں کو نہ بیچو (یعنی لوگوں سے پیسہ لے کر احکام الٰہی کے خلاف کوئی فیصلہ نہ دو)
وَمَنْ لَّمْ يَحْكُمْ بِمَآ اَنْزَلَ اللہُ
اورجوکوئی اللہ تعالیٰ کے نازل کیے ہوئے احکام کے مطابق فیصلہ نہ
فَاُولٰۗىِٕكَ ہُمُ الْكٰفِرُوْنَ۴۴
کرے توایسے ہی لوگ کافر ہیں۔
وَكَتَبْنَا عَلَيْہِمْ فِيْہَآ اَنَّ النَّفْسَ بِالنَّفْسِ۰ۙ
اورہم نے ان (یہودیوں) پر(تورات) میں یہ بات فرض کی تھی (کہ اگرکوئی کسی کوناحق عمداً قتل یا زخمی کردے اورصاحب حق دعوے کردے تو) جان کے بدلے جان
وَالْعَيْنَ بِالْعَيْنِ وَالْاَنْفَ بِالْاَنْفِ وَالْاُذُنَ بِالْاُذُنِ وَالسِّنَّ بِالسِّنِّ۰ۙ وَالْجُرُوْحَ قِصَاصٌ۰ۭ
اورآنکھ کے بدلے آنکھ اورناک کے بدلے ناک اورکان کے بدلے کان اوردانت کے بدلے دانت اورزخموں کا بدلہ اسی طرح ہے۔
فَمَنْ تَصَدَّقَ بِہٖ فَہُوَكَفَّارَۃٌ لَّہٗ۰ۭ
پھرجوشخص ملزم کومعاف کردے (جس کومعاف کرنے کا حق پہنچتا ہے ) تووہ اس کے لیے کفارہ ہوگا۔
وَمَنْ لَّمْ يَحْكُمْ بِمَآ اَنْزَلَ اللہُ
اورجوکوئی اللہ تعالیٰ کے نازل کیے ہوئے احکام کے مطابق فیصلہ نہ کرے۔
فَاُولٰۗىِٕكَ ہُمُ الظّٰلِمُوْنَ۴۵
توایسے ہی لوگ ظالم ہیں۔
مسئلہ:۔ اَلنَّفْسَ بِالنَّفْسِ میں آزاد اورغلام مسلمان اورکافرذِمّی اورمرد اورعورت اورکبیرو صغیر شریف ورذیل بادشاہ اوررعیت سب داخل ہیں۔ البتہ خود اپنے مملوک غلام اوراپنی اولاد کے قصاص کے احکام کی تفصیل کتب حدیث وفقہ میں مل سکتی ہے۔
وَقَفَّيْنَا عَلٰٓي اٰثَارِہِمْ بِعِيْسَى ابْنِ مَرْيَمَ
اوران پیغمبروں کے بعد ہم نے انھیں کے طریقہ پرعیسیٰ بن مریم کوانجیل دے کربھیجا۔
مُصَدِّقًا لِّمَا بَيْنَ يَدَيْہِ مِنَ التَّوْرٰىۃِ۰۠
جواپنے سے پہلے کی کتاب کی تصدیق کرتے تھے۔ (تمام کتب الٰہیہ کی تصدیق کرنا لوازمات رسالت سے ہے)
وَاٰتَيْنٰہُ الْاِنْجِيْلَ فِيْہِ ہُدًى وَّنُوْرٌ۰ۙ وَّمُصَدِّقًا لِّمَا بَيْنَ يَدَيْہِ مِنَ التَّوْرٰىۃِ
ہم نے عیسیٰ بن مریم کوانجیل نامی کتاب دی جس میں ہدایت ونصیحت تھی اوروہ (انجیل) اپنے سے قبل کی کتاب (یعنی توریت) کی بھی تصدیق کرتی تھی ( یہ بھی کتب الٰہیہ کے لوازم سے ہے)
وَہُدًى وَّمَوْعِظَۃً لِّلْمُتَّقِيْنَ۴۶ۭ
اورجس میں اللہ تعالیٰ سے ڈرنے والوں کے لیے ہدایت ونصیحت تھی۔
وَلْيَحْكُمْ اَہْلُ الْاِنْجِيْلِ بِمَآ اَنْزَلَ اللہُ فِيْہِ۰ۭ
اوراہل انجیل کوچاہئے کہ جواحکام اللہ تعالیٰ نے اس میں نازل فرمائے ہیں، اس کے مطابق فیصلہ دیا کریں۔
وَاَنْزَلْنَآ اِلَيْكَ الْكِتٰبَ بِالْحَقِّ
اور (ائے پیغمبرﷺ) ہم نے آپؐ کی طرف کتاب برحق (قرآن) نازل کی ہے (یعنی ایسی کتاب جس میں حقائق بیان کیے گئے ہیں۔
مُصَدِّقًا لِّمَا بَيْنَ يَدَيْہِ مِنَ الْكِتٰبِ
جواپنے سے پہلے کتابوں کی تصدیق کرتی ہے (یعنی اس میں بنیادی اصولی وہی تعلیم ہے جواس سے پہلے کی کتابوں میں دی گئی تھی)
وَمُہَيْمِنًا عَلَيْہِ
اور(یہ کتاب پچھلی کتابوں کی) محافظ و نگہبان ہے۔
اور(یہ کتاب پچھلی کتابوں کی) محافظ و نگہبان ہے۔
فَاحْكُمْ بَيْنَہُمْ بِمَآ اَنْزَلَ اللہُ
لہٰذا ائے نبیﷺ جواحکام اللہ تعالیٰ نے نازل فرمائے ہیں، اس کے مطابق ان کے درمیان فیصلہ کیجئے
وَلَا تَتَّبِعْ اَہْوَاۗءَہُمْ عَمَّا جَاۗءَكَ مِنَ الْحَقِّ۰ۭ
اورجوعلمی حقائق آپ تک پہنچے ہیں اس سے ہٹ کران کے خواہشات کی پیروی نہ کیجئے۔
لِكُلٍّ جَعَلْنَا مِنْكُمْ شِرْعَۃً وَّمِنْہَاجًا۰ۭ
ہم نے تم میں سے ہرایک(امت) کے لیے (ذکروعبادت کے) الگ الگ طریقے مقررکیے ہیں۔
وَلَوْ شَاۗءَ اللہُ لَجَعَلَكُمْ اُمَّۃً وَّاحِدَۃً
اوراگراللہ تعالیٰ چاہتے توتم سب کوایک ہی امت بنادیتے۔
وَّلٰكِنْ لِّيَبْلُوَكُمْ فِيْ مَآ اٰتٰىكُمْ
لیکن جواحکام تمہیں دیئے گئے ہیں، اس سے تمہاری آزمائش مقصود ہے۔
فَاسْتَبِقُوا الْخَيْرٰتِ۰ۭ
لہٰذا نیکیوں میں سبقت کرو(نیک بننے میں) ایک دوسرے سے آگے بڑھو۔
اِلَى اللہِ مَرْجِعُكُمْ جَمِيْعًا
(یہ حقیقت پیش نظررکھو کہ) تم سب کو(ایک دن عقیدہ وعمل کے محاسبہ کے لیے) اللہ تعالیٰ کے پاس حاضر ہونا ہے۔
فَيُنَبِّئُكُمْ بِمَا كُنْتُمْ فِيْہِ تَخْتَلِفُوْنَ۴۸ۙ
جس بات میں تم اختلاف کرتے رہے تھے وہاں اس کی حقیقت سے تمہیں آگاہ کردیا جائے گا۔
وَاَنِ احْكُمْ بَيْنَہُمْ بِمَآ اَنْزَلَ اللہُ
اور(ائے محمدﷺ) اللہ تعالیٰ نے جواحکام نازل کیے ہیں اس کے مطابق لوگوں کے درمیان (ان کے معاملات کا) فیصلہ کیا کیجئے۔
اور(ائے محمدﷺ) اللہ تعالیٰ نے جواحکام نازل کیے ہیں اس کے مطابق لوگوں کے درمیان (ان کے معاملات کا) فیصلہ کیا کیجئے۔
وَلَا تَتَّبِعْ اَہْوَاۗءَہُمْ وَاحْذَرْہُمْ
اورآپؐ ان کی خواہشات کی پیروی نہ کیجئے اوران سے ہوشیار رہئے۔
اَنْ يَّفْتِنُوْكَ عَنْۢ بَعْضِ مَآ اَنْزَلَ اللہُ اِلَيْكَ۰ۭ
کہ کہیں یہ لوگ آپؐ کو (اپنی سازشوں اورشرارتوں کے ذریعہ) اللہ تعالیٰ کے نازل کیے ہوئے بعض احکام سے منحرف کرنے نہ پائیں۔
فَاِنْ تَوَلَّوْا فَاعْلَمْ اَنَّمَا يُرِيْدُ اللہُ اَنْ يُّصِيْبَہُمْ بِبَعْضِ ذُنُوْبِہِمْ۰ۭ
پھراگروہ(الٰہی تعلیم سے) روگردانی کریں توآپ جان لیجئے کہ اللہ تعالیٰ نے ان کے بعض گناہوں کی وجہ سے انھیں مبتلائے عذاب کرنے کا فیصلہ فرمالیا ہے۔
وَاِنَّ كَثِيْرًا مِّنَ النَّاسِ لَفٰسِقُوْنَ۴۹
اوریقیناً ان لوگوں کی اکثریت نافرمان ہے۔
اَفَحُكْمَ الْجَاہِلِيَّۃِ يَبْغُوْنَ۰ۭ
توکیا یہ لوگ جاہل انسانوں کے بتائے ہوئے احکام وتجاویز کے مطابق اپنے نزاعات کا فیصلہ چاہتے ہیں (اور جاہل انسانوں کے بتائے ہوئے دستور کی اتباع کرنا چاہتے ہیں)
وَمَنْ اَحْسَنُ مِنَ اللہِ حُكْمًا
اوریقین کرنے والوں کے نزدیک (فیصلہ کرنے میں) اللہ تعالیٰ سے
لِّقَوْمٍ يُّوْقِنُوْنَ۵۰ۧ
بہتر کون ہوسکتا ہے؟
يٰٓاَيُّھَا الَّذِيْنَ اٰمَنُوْا لَا تَتَّخِذُوا الْيَھُوْدَ وَالنَّصٰرٰٓى اَوْلِيَاۗءَ۰ۘؔ
ائے ایمان والو تم (منافقوں کی طرح) یہود ونصاریٰ کو دوست مت بناؤ۔
بَعْضُہُمْ اَوْلِيَاۗءُ بَعْضٍ۰ۭ
یہ آپس میں ایک دوسرے کے دوست ہیں۔
وَمَنْ يَّتَوَلَّہُمْ مِّنْكُمْ فَاِنَّہٗ مِنْہُمْ۰ۭ
اورتم میں سے جوکوئی ان سے دوستی کرے گا پس وہ یقیناً ان ہی لوگوں میں سے ہوگا (کیونکہ دوستی کسی خاص مناسبت کے ساتھ ہوتی ہے)
اِنَّ اللہَ لَا يَہْدِي الْقَوْمَ الظّٰلِــمِيْنَ۵۱
یقیناً اللہ تعالیٰ ظالموں کی رہنمائی نہیں کرتے۔
فَتَرَى الَّذِيْنَ فِيْ قُلُوْبِہِمْ مَّرَضٌ يُّسَارِعُوْنَ فِيْہِمْ
پس جن لوگوں کے دلوں میں نفاق کا مرض ہے۔ آپؐ دیکھیں گے کہ وہ دوڑے دوڑے ان میں جاملیں گے۔
يَقُوْلُوْنَ نَخْشٰٓى اَنْ تُصِيْبَنَا دَاۗىِٕرَۃٌ۰ۭ
(اگرکوئی ملامت کرے تو) کہتے ہیں (اگرمحمدﷺ کا ساتھ دیں تو) ہم کوڈرہے کہ کہیں زمانہ کی گردش ہم کواپنی لپیٹ میں نہ لے لے۔
فَعَسَى اللہُ اَنْ يَّاْتِيَ بِالْفَتْحِ اَوْ اَمْرٍ مِّنْ عِنْدِہٖ
ہوسکتا ہے کہ اللہ تعالیٰ (اہل ایمان کو) فتح نصیب کریں یا اپنے پاس سے کوئی اوربات (موافقت میں) ظاہرکردیں۔
فَيُصْبِحُوْا عَلٰي مَآ اَسَرُّوْا فِيْٓ اَنْفُسِہِمْ نٰدِمِيْنَ۵۲ۭ
پھراس وقت یہ لوگ (اپنے اس نفاق پرجسے) وہ اپنے دلوں میں چھپائے رکھے تھے پشیمان ہوں گے۔
وَيَقُوْلُ الَّذِيْنَ اٰمَنُوْٓا اَہٰٓؤُلَاۗءِ الَّذِيْنَ اَقْسَمُوْا بِاللہِ جَہْدَ اَيْمَانِہِمْ۰ۙ اِنَّہُمْ لَمَعَكُمْ۰ۭ
اوراس وقت اہل ایمان (تعجب سے) کہیں گے کیا یہی وہ لوگ ہیں جوبڑے ہی مبالغہ کے ساتھ اللہ تعالیٰ کی قسمیں کھایا کرتے تھے کہ وہ تمہارے ساتھ ہیں۔
حَبِطَتْ اَعْمَالُہُمْ فَاَصْبَحُوْا خٰسِرِيْنَ۵۳
ان کی ساری تدبیریں(جوحفظ یا تقدم کے تحت کی گئی تھیں)اکارت گئیں اور وہ ناکام رہے۔
يٰٓاَيُّھَا الَّذِيْنَ اٰمَنُوْا مَنْ يَّرْتَدَّ مِنْكُمْ عَنْ دِيْنِہٖ
ائے ایمان والو تم میں جوکوئی اپنے دین سے پھر جائے (یعنی مرتد ہوجائے تواللہ تعالیٰ کواس کی پرواہ نہیں)
فَسَوْفَ يَاْتِي اللہُ بِقَوْمٍ يُحِبُّہُمْ وَيُحِبُّوْنَہٗٓ۰ۙ
پھرعنقریب اللہ تعالیٰ ایسے لوگوں کوپیدا کریں گے کہ(اللہ تعالیٰ انھیں محبوب رکھیں گے اوروہ اللہ تعالیٰ کو)
اَذِلَّۃٍ عَلَي الْمُؤْمِنِيْنَ اَعِزَّۃٍ عَلَي الْكٰفِرِيْنَ۰ۡ
جومومنین پربڑے ہی نرم دل ہوں گے اورکافروں پرسخت ہوں گے۔
ہوجوحلقہ یاران تو ابریشم کی طرح نرم
رزم حق وباطل ہو تو فولاد ہے مومن
يُجَاہِدُوْنَ فِيْ سَبِيْلِ اللہِ
وہ اللہ کی راہ میں (دین حق کوعام کرنے۔ پھیلانے میں جدوجہد) جہاد کرتے رہیں گے۔
وَلَا يَخَافُوْنَ لَوْمَۃَ لَاۗىِٕمٍ۰ۭ
اورکسی ملامت کرنے والے کی ملامت سے خوف نہیں کھائیں گے۔
ذٰلِكَ فَضْلُ اللہِ يُؤْتِيْہِ مَنْ يَّشَاۗءُ۰ۭ
یہ اللہ تعالیٰ کا فضل ہے۔ جس کوچاہتے ہیں( یہ اعزاز ) عطا فرماتے ہیں۔
وَاللہُ وَاسِعٌ عَلِيْمٌ۵۴
اور(واقعی)اللہ تعالیٰ بڑے ہی صاحب فضل (جودوکرم سننے) اور جاننے والے ہیں(کہ کون اس فضل کا مستحق ہوسکتا ہے)
اِنَّمَا وَلِيُّكُمُ اللہُ وَرَسُوْلُہٗ وَالَّذِيْنَ اٰمَنُوا
یقیناً اللہ تعالیٰ اوراس کے رسول اوروہ لوگ جوایمان لائے ہیں، تمہارے دوست ہیں۔
الَّذِيْنَ يُقِيْمُوْنَ الصَّلٰوۃَ وَيُؤْتُوْنَ الزَّكٰوۃَ وَہُمْ رٰكِعُوْنَ۵۵
جونماز قائم کرتے ہیں اورزکوۃ دیتے ہیں۔ اوروہ (اللہ تعالیٰ کے ہرحکم کے آگے) جھک جاتے ہیں۔
وَمَنْ يَّتَوَلَّ اللہَ وَرَسُوْلَہٗ وَالَّذِيْنَ اٰمَنُوْا فَاِنَّ حِزْبَ اللہِ ہُمُ الْغٰلِبُوْنَ۵۶ۧ
اورجوشخص اللہ تعالیٰ اوراس کے رسول اوراہل ایمان کودوست رکھتا ہے تووہ اللہ تعالیٰ کی جماعت ہے وہی (دشمن پر) غالب آتی ہے۔
يٰٓاَيُّھَا الَّذِيْنَ اٰمَنُوْا لَا تَتَّخِذُوا الَّذِيْنَ اتَّخَذُوْا دِيْنَكُمْ
ائے ایمان والو ان لوگوں کودوست نہ بناؤ جنہوں نے تمہارے دین کوکھیل اورمذاق بنائے رکھا ہے۔
ہُزُوًا وَّلَعِبًا مِّنَ الَّذِيْنَ اُوْتُوا الْكِتٰبَ مِنْ قَبْلِكُمْ وَالْكُفَّارَ اَوْلِيَاۗءَ۰ۚ
جواہل کتاب سے ہیں۔ جنہیں تم سے پہلے کتاب دی گئی تھی اور کافروں کو۔
وَاتَّقُوا اللہَ اِنْ كُنْتُمْ مُّؤْمِنِيْنَ۵۷
اوراللہ سے ڈرو اگرتم ایمان دارہو۔ (اطاعت وخوف الٰہی شیوۂ ایمان ہے)
وَاِذَا نَادَيْتُمْ اِلَى الصَّلٰوۃِ اتَّخَذُوْہَا ہُزُوًا وَّلَعِبًا۰ۭ
جب تم نماز کے لیے اذاں کہتے ہو تووہ اس کا بھی مذاق اڑاتے ہیں۔کھیل بتاتے ہیں۔
ذٰلِكَ بِاَنَّہُمْ قَوْمٌ لَّا يَعْقِلُوْنَ۵۸
یہ (حرکتیں) وہ اس لیے کرتے ہیں کہ وہ ایک ایسی بے وقوف قوم ہے جو(دین کے بارے میں) سمجھ سے کام نہیں لیتی۔
قُلْ يٰٓاَہْلَ الْكِتٰبِ ہَلْ تَنْقِمُوْنَ مِنَّآ
کہئے۔ ائے اہل کتاب کیا تم ہم سے (اس لیے) عداوت رکھتے ہو کہ (ہم میں کوئی عیب یا برائی ہے)
اِلَّآ اَنْ اٰمَنَّا بِاللہِ وَمَآ اُنْزِلَ اِلَيْنَا
سوائے اس کے کہ ہم اللہ تعالیٰ پر(اللہ تعالیٰ کی تعلیم کے مطابق) ایمان رکھتے ہیں۔ اوراس کتاب(قرآن) پرجوہماری طرف بھیجی گئی ہے۔
وَمَآ اُنْزِلَ مِنْ قَبْلُ۰ۙ
اوران کتابوں پربھی جواس سے پہلے نازل کی گئی ہیں۔ (توریت انجیل وغیرہ)
وَاَنَّ اَكْثَرَكُمْ فٰسِقُوْنَ۵۹
اورتم میں اکثر بدکردار ہیں۔
قُلْ ہَلْ اُنَبِّئُكُمْ بِشَرٍّ مِّنْ ذٰلِكَ مَثُوْبَۃً عِنْدَ اللہِ۰ۭ
ائے محمدﷺ آپؐ ان سے کہئے (دنیا میں تمہاری شرارتوں کی پاداش میں تم پرکچھ مصیبتیں ضرورآتی ہیں) کیا میں بتاؤں تمہاری ان شرارتوں کا بدل جواللہ کے پاس ہے۔
مَنْ لَّعَنَہُ اللہُ وَغَضِبَ عَلَيْہِ
ان پراللہ تعالیٰ نے لعنت کی اورغضبناک ہوئے۔
وَجَعَلَ مِنْہُمُ الْقِرَدَۃَ وَالْخَـنَازِيْرَ وَعَبَدَ الطَّاغُوْتَ۰ۭ
اوران میں سے کسی کوبندراورکسی کوسوربنادیا اور (انہوں نے) شیطان کی پرستش کی۔
اُولٰۗىِٕكَ شَرٌّ مَّكَانًا وَّاَضَلُّ
ایسے لوگوں کے لیے (آخرت میں) بدترین ٹھکانا ہے۔
عَنْ سَوَاۗءِ السَّبِيْلِ۶۰
اوروہ سیدھے راستے سے بھٹک گئے (اب ان کے راہ یاب ہونے کی توقع نہیں رہی)
وَاِذَا جَاۗءُوْكُمْ قَالُوْٓا اٰمَنَّا
اوریہ لوگ جب تمہارے پاس آتے ہیں توکہتے ہیں ہم ایمان لائے۔
وَقَدْ دَّخَلُوْا بِالْكُفْرِ وَہُمْ قَدْ خَرَجُوْا بِہٖ۰ۭ
اوروہ کفر ہی کے ساتھ آئے تھے اوروہ اسی کفر کے ساتھ واپس ہوئے۔
وَاللہُ اَعْلَمُ بِمَا كَانُوْا يَكْتُمُوْنَ۶۱
اوراللہ تعالیٰ جانتے ہیں جوکچھ وہ چھپائے رکھتے ہیں (یعنی جس مرض نفاق کووہ چھپاتے ہیں اللہ تعالیٰ اس سے واقف ہیں)
وَتَرٰى كَثِيْرًا مِّنْہُمْ يُسَارِعُوْنَ فِي الْاِثْمِ وَالْعُدْوَانِ وَاَكْلِہِمُ السُّحْتَ۰ۭ
اورآپ ان میں اکثر کودیکھیں گے کہ وہ گناہوں اورظلم وزیادتیوں اورحرام مال کھانے میںجلدی کرتے ہیں(کسی قسم کی پس وپیش نہیں کرتے۔ نتائج سے بے پرواہ ہوتے ہیں)
لَبِئْسَ مَا كَانُوْا يَعْمَلُوْنَ۶۲
کیا ہی برے کام ہیں جویہ کرتے ہیں۔
لَوْلَا يَنْھٰىہُمُ الرَّبّٰنِيُّوْنَ وَالْاَحْبَارُ عَنْ قَوْلِہِمُ الْاِثْمَ وَاَكْلِہِمُ السُّحْتَ۰ۭ
ان کے علماء وفقہاء مشائخ انھیں گناہوں کی باتوں اورحرام خوری سے منع کیوں نہیں کرتے۔
لَبِئْسَ مَا كَانُوْا يَصْنَعُوْنَ۶۳
(علمائے یہودوفقہا کی) یہ روش(مداہنت) کیا ہی بری ہے جووہ اختیار کیے ہوئے ہیں۔
وَقَالَتِ الْيَھُوْدُ يَدُ اللہِ مَغْلُوْلَۃٌ۰ۭ
اوریہود نے کہا اللہ تعالیٰ کا ہاتھ بندھا ہوا ہے (یعنی نعوذباللہ اللہ تعالیٰ بخیل ہوگئے ہیں)
غُلَّتْ اَيْدِيْہِمْ وَلُعِنُوْا بِمَا قَالُوْا۰ۘ
دراصل انھیں کے ہاتھ بندھے ہوئے ہیں اوراس بات کے کہنے کی وجہ لعنت کیے گئے ہیں۔
(یہ خود ہی بخیل ہیں۔ بخل میں ضرب المثل ہیں)
بَلْ يَدٰہُ مَبْسُوْطَتٰنِ۰ۙ
بلکہ اللہ تعالیٰ کے دونوں ہاتھ کھلے ہوئے ہیں(بڑے ہی جوادوکریم ہیں)
يُنْفِقُ كَيْفَ يَشَاۗءُ۰ۭ
(اللہ تعالیٰ کے تعلق سے بخل کا تصور بھی نہیں کیا جاسکتا) اللہ تعالیٰ جس طرح چاہتے ہیں خرچ کرتے ہیں۔
وَلَيَزِيْدَنَّ كَثِيْرًا مِّنْہُمْ مَّآ اُنْزِلَ اِلَيْكَ مِنْ رَّبِّكَ طُغْيَانًا وَّكُفْرًا۰ۭ
اورائے نبی (ﷺ) جوکچھ آپؐ پرآپؐ کے پروردگار کی طرف سے نازل کیا جاتا ہے۔ اس سے ان کی اکثریت سرکشی اور کفرہی بڑھتی ہی جاتی ہے۔
وَاَلْقَيْنَا بَيْنَہُمُ الْعَدَاوَۃَ وَالْبَغْضَاۗءَ اِلٰي يَوْمِ الْقِيٰمَۃِ۰ۭ
اور ہم نے ان کے درمیان قیامت تک کے لیے بغض ودشمنی ڈال دی۔
كُلَّمَآ اَوْقَدُوْا نَارًا لِّـلْحَرْبِ اَطْفَاَہَا اللہُ۰ۙ
جب بھی یہ (دین واسلام کے خلاف) جنگ وجدال کے لیے آگ بھڑکاتے ہیں( فتنہ انگیزی کرنا چاہتے ہیں) اللہ تعالیٰ اس کوبجھادیتے ہیں( ان میں باہم پھوٹ اوراختلاف پیدا کردیتے ہیں۔
وَيَسْعَوْنَ فِي الْاَرْضِ فَسَادًا۰ۭ وَاللہُ لَا يُحِبُّ الْمُفْسِدِيْنَ۶۴
اوروہ ملک میں شروفساد پھیلاتے رہتے ہیں۔ اللہ تعالیٰ مفسدوں کوپسند نہیں کرتے۔
وَلَوْ اَنَّ اَہْلَ الْكِتٰبِ اٰمَنُوْا وَاتَّقَوْا لَكَفَّرْنَا عَنْہُمْ سَـيِّاٰتِہِمْ وَلَاَدْخَلْنٰہُمْ جَنّٰتِ النَّعِيْمِ۶۵
اوراگراہل کتاب ایمان لاتے اورپرہیزگاری اختیار کرتے توہم ان سے ان کی برائیاں دورکردیتے اورہم انھیں نعمتوں سے بھری ہوئی جنتوں میں داخل کرتے۔
وَلَوْ اَنَّہُمْ اَقَامُوا التَّوْرٰىۃَ وَالْاِنْجِيْلَ وَمَآ اُنْزِلَ اِلَيْہِمْ مِّنْ رَّبِّہِمْ
اوراگروہ توریت اورانجیل اورجوکتابیں ان کے رب کی طرف سے ان پرنازل کی گئی تھیں انھیں قائم رکھتے(یعنی ان میں تحریف نہ کرتے اوران پرعمل پیرا رہتے)
لَاَكَلُوْا مِنْ فَوْقِہِمْ وَمِنْ تَحْتِ اَرْجُلِہِمْ۰ۭ
تووہ اپنے اوپر اورنیچے سے کھاتے (یعنی ہروقت آسمان سے بارشہوتی اورزمین سے بہ افراط اناج، میوہ پھل ترکاریاں پیدا ہوتیں۔)
مِنْہُمْ اُمَّۃٌ مُّقْتَصِدَۃٌ۰ۭ وَكَثِيْرٌ مِّنْہُمْ سَاۗءَ مَا يَعْمَلُوْنَ۶۶ۧ
ان میں کچھ لوگ راہِ اعتدال پرہیں۔ اوران میں بہت سے نہایت ہی برے اعمال کے مرتکب ہیں۔
يٰٓاَيُّھَا الرَّسُوْلُ بَلِّــغْ مَآ اُنْزِلَ اِلَيْكَ مِنْ رَّبِّكَ۰ۭ
پیغمبر (محمدﷺ) جواحکام آپ پرنازل کیے گئے ہیں انھیں (بلا اندیشہ ضررجان ومال) لوگوں تک پہنچاتے رہئے۔
وَاِنْ لَّمْ تَفْعَلْ فَمَا بَلَّغْتَ رِسَالَتَہٗ۰ۭ
اوراگرایسا نہ کیا (یعنی احکام الٰہی کے پہنچانے میں) تساہل برتا تو (اس کے یہ معنی ہوں گے کہ) آپؐ نے اپنے فرائض رسالت انجام نہیں دیئے۔
وَاللہُ يَعْصِمُكَ مِنَ النَّاسِ۰ۭ
اللہ تعالیٰ آپؐ کولوگوں کے شرسے محفوظ رکھیں گے۔
اِنَّ اللہَ لَا يَہْدِي الْقَوْمَ الْكٰفِرِيْنَ۶۷
بے شک اللہ تعالیٰ کافرقوم کوہدایت نہیں دیتے۔
قُلْ يٰٓاَہْلَ الْكِتٰبِ لَسْتُمْ عَلٰي شَيْءٍ حَتّٰي تُقِيْمُوا التَّوْرٰىۃَ وَالْاِنْجِيْلَ وَمَآ اُنْزِلَ اِلَيْكُمْ مِّنْ رَّبِّكُمْ۰ۭ
کہئے ائے اہل کتاب تم ہدایت کے کسی مقام تک پہنچ نہیں سکتے جب تک کہ تم توریت اورانجیل کی تعلیمات پرقائم نہ ہوجاؤ اورجوکچھ کتابیں تمہاری طرف تمہارے پروردگار کی طرف سے نازل کی گئی ہیں(ان پرپوری طرح جمے نہ رہو)
وَلَيَزِيْدَنَّ كَثِيْرًا مِّنْہُمْ مَّآ اُنْزِلَ اِلَيْكَ مِنْ رَّبِّكَ طُغْيَانًا وَّكُفْرًا۰ۚ
اور(ائے نبیﷺ) یہ قرآن جوآپؐ کے پروردگار کی طرف سے نازل کیا گیا ہے، اس سے ان کی اکثریت سرکشی اورکفرمیں بڑھتی ہی جائے گی۔
فَلَا تَاْسَ عَلَي الْقَوْمِ الْكٰفِرِيْنَ۶۸
لہٰذا آپ کافرقوم پرافسوس نہ کیجئے۔
اِنَّ الَّذِيْنَ اٰمَنُوْا وَالَّذِيْنَ ہَادُوْا
یقیناً وہ لوگ جوایمان لائے اوروہ جویہودی ہوئے ۔
وَالصّٰبِـُٔــوْنَ وَالنَّصٰرٰى مَنْ اٰمَنَ بِاللہِ وَالْيَوْمِ الْاٰخِرِ وَعَمِلَ صَالِحًا فَلَا خَوْفٌ عَلَيْہِمْ وَلَا ہُمْ يَحْزَنُوْنَ۶۹
اورستارہ پرست اورعیسائی ہوگئے ان میں سے جوبھی اللہ تعالیٰ پر اور آخرت کے دن(قیامت) پرایمان لاے اورنیک کام کرے تو (قیامت کے دن) ان پر نہ کچھ خوف طاری ہوگا اورنہ وہ حزن وملال میں مبتلا ہوں گے۔
لَقَدْ اَخَذْنَا مِيْثَاقَ بَنِيْٓ اِسْرَاۗءِيْلَ
یقینا ًہم نے بنی اسرائیل سے عہد لیا تھا (کہ جوبھی رسول ان کے پاس آتے رہیں گے، ان پرایمان لائیں گے اوران کی رسالت کا اقرارکرینگے)
وَاَرْسَلْنَآ اِلَيْہِمْ رُسُلًا۰ۭ
اورہم نے ان کی طرف رسول بھیجے۔
كُلَّمَا جَاۗءَہُمْ رَسُوْلٌۢ بِمَا لَا تَہْوٰٓى اَنْفُسُہُمْ۰ۙ
جب بھی ان کے پاس رسول آئے اور وہ تعلیم پیش کی جس کوان کے دل نہیں چاہتے تھے۔
فَرِيْقًا كَذَّبُوْا وَفَرِيْقًا يَّقْتُلُوْنَ۷۰ۤ
توانہوں نے انبیاء علیہم السلام کی ایک جماعت کوجھٹلایا اورایک جماعت کوقتل کردیا۔
وَحَسِبُوْٓا اَلَّا تَكُوْنَ فِتْنَۃٌ
اوریہ سمجھتے رہے کہ وہ (کسی عذاب الٰہی میں) مبتلا نہ کیے جائیں گے۔
فَعَمُوْا وَصَمُّوْا ثُمَّ تَابَ اللہُ عَلَيْہِمْ
اس سے اوربھی اندھے بہرے بنے رہے۔ پھر بھی اللہ تعالیٰ نے ان پرمہربانی فرمائی (پھررسول بھیجا)
ثُمَّ عَمُوْا وَصَمُّوْا كَثِيْرٌ مِّنْہُمْ۰ۭ
پھربھی ان میں سے بہت سارے اندھے بہرے ہی بنے رہے (نتائج پرغور تک نہ کیا)
وَاللہُ بَصِيْرٌۢ بِمَا يَعْمَلُوْنَ۷۱
اوراللہ تعالیٰ ان کے سارے اعمال کودیکھتے رہے ہیں
لَقَدْ كَفَرَ الَّذِيْنَ قَالُوْٓا اِنَّ اللہَ ہُوَالْمَسِيْحُ ابْنُ مَرْيَمَ۰ۭ وَقَالَ الْمَسِيْحُ يٰبَنِيْٓ اِسْرَاۗءِيْلَ
یقیناً وہ لوگ بھی کافر ہیں جوکہتے ہیں کہ اللہ تعالیٰ ہی مسیح ابن مریم کی شکل میںجلوگرہیں( اورجواس عقیدہ کونجات کا ذریعہ سمجھتے ہیں اور لوگوں کوباورکراتے ہیں کہ عیسیٰ ابن مریم نے راز میںیہ تعلیم دی تھی)
اعْبُدُوا اللہَ رَبِّيْ وَرَبَّكُمْ۰ۭ
حالانکہ مسیح نے یہ کہہ دیا تھا کہ ائے بنی اسرائیل(اللہ تعالیٰ کی ہدایت کے مطابق) اللہ تعالیٰ کی عبادت کروجومیرا بھی رب ہے اورتمہارا بھی (مشرکانہ عقائد سے بازآؤ)
اِنَّہٗ مَنْ يُّشْرِكْ بِاللہِ
(واقعہ یہ ہے کہ ) جوکوئی اللہ تعالیٰ کے ساتھ شرک کریگا (انبیا علیہم السلام اوراولیائے کرام کواللہ تعالیٰ کے ساتھ اللہ تعالیٰ کی فرمانروائی میں شریک کارسمجھ کرمدد کیلئے پکارے گا ان کے آگے لوازم عبادت نذرومنت مانے گا۔ )
فَقَدْ حَرَّمَ اللہُ عَلَيْہِ الْجَنَّۃَ وَمَاْوٰىہُ النَّارُ۰ۭ
توہرایسے شخص پراللہ تعالیٰ نے جنت حرام کردی ہے۔ اور اس کا (ابدی) ٹھکانہ جہنم ہے۔
وَمَا لِلظّٰلِــمِيْنَ مِنْ اَنْصَارٍ۷۲
اورظالمین (مشرکین) کا کوئی حامی ومددگار نہ ہوگا۔
لَقَدْ كَفَرَ الَّذِيْنَ قَالُوْٓا اِنَّ اللہَ ثَالِثُ ثَلٰــثَۃٍ۰ۘ
یقیناً کافر ہیں وہ لوگ جوکہتے ہیں اللہ تین میں کا تیسرا ہے۔
وَمَا مِنْ اِلٰہٍ اِلَّآ اِلٰہٌ وَّاحِدٌ۰ۭ وَاِنْ لَّمْ يَنْتَھُوْا عَمَّا يَقُوْلُوْنَ لَيَمَسَّنَّ الَّذِيْنَ كَفَرُوْا مِنْہُمْ عَذَابٌ اَلِيْمٌ۷۳
حالانکہ اس معبود یکتا کے سوا کوئی عبادت کے لائق نہیں اوراگر وہ ایسے (عقائد) واقوال سے باز نہ آئیں توان میں سے ایسے کافروں کودرد ناک عذاب پہنچ کررہے گا۔
اَفَلَا يَتُوْبُوْنَ اِلَى اللہِ وَيَسْتَغْفِرُوْنَہٗ۰ۭ
توپھرکیوں یہ لوگ اللہ تعالیٰ کے آگے توبہ نہیں کرتے؟ اوراسی سے (اپنے گناہوں کی) معافی کیوں نہیں مانگتے۔
وَاللہُ غَفُوْرٌ رَّحِيْمٌ۷۴
اوراللہ تعالیٰ توبڑے ہی بخشنے رحم فرمانے والے ہیں۔ (بشرطیکہ انسان کفروشرک سے توبہ کرے)
مَا الْمَسِيْحُ ابْنُ مَرْيَمَ اِلَّا رَسُوْلٌ۰ۚ
مسیح ابن مریم توصرف اللہ تعالیٰ کے رسول تھے۔
قَدْ خَلَتْ مِنْ قَبْلِہِ الرُّسُلُ۰ۭ
ان سے پہلے بھی بہت سے رسول گزرچکے ہیں(یعنی پہلے کے رسول بھی بشرہی تھے) یہ بھی بشرہیں۔ اولاد آدم ہیں ۔
وَاُمُّہٗ صِدِّيْقَۃٌ۰ۭ كَانَا يَاْكُلٰنِ الطَّعَامَ۰ۭ
اوران کی ماں بہت ہی سچی(راست باز) تھیں یہ دونوں (انسان تھے) کھاناکھاتے تھے(یعنی لوازمات بشری رکھتے تھے)
اُنْظُرْ كَيْفَ نُـبَيِّنُ لَہُمُ الْاٰيٰتِ
غورتوکیجئے ہم نے ان لوگوں کیلئے اپنی آیتیں کس طرح کھول کھول کر بیان کیں۔ (یعنی کتنے واضح الفاظ میں ان کے باطل عقائد کی تردید کردی۔)
ثُمَّ انْظُرْ اَنّٰى يُؤْفَكُوْنَ۷۵
پھران کے حال پرغورکیجئے (اتنی واضح تفہیم کے باوجود) وہ کدھربہکے جارہے ہیں۔
قُلْ اَتَعْبُدُوْنَ مِنْ دُوْنِ اللہِ
ائے پیغمبر(ﷺ) ان سے کہئے کیا تم اللہتعالیٰ کے سواغیراللہ کی عبادت کرتے ہو۔
مَا لَا يَمْلِكُ لَكُمْ ضَرًّا وَّلَا نَفْعًا۰ۭ وَاللہُ ہُوَالسَّمِيْعُ الْعَلِيْمُ۷۶
جوتمہیں نہ ضرر پہنچانے کا اختیار رکھتے ہیں اورنہ نفع کا اور(واقعہ یہ ہے کہ) اللہ تعالیٰ ہی سب کچھ سننے اورجاننے والے ہیں۔
قُلْ يٰٓاَہْلَ الْكِتٰبِ لَا تَغْلُوْا فِيْ دِيْنِكُمْ غَيْرَ الْحَقِّ
کہئے ائے اہل کتاب اپنے دین میں ناحق مبالغہ نہ کرو۔
وَلَا تَتَّبِعُوْٓا اَہْوَاۗءَ قَوْمٍ قَدْ ضَلُّوْا مِنْ قَبْلُ
اورنہ ایسے لوگوں کی خواہشات کے پیچھے چلوجواس سے پہلے خود بھی گمراہ ہوئے۔
وَاَضَلُّوْا كَثِيْرًا وَّضَلُّوْا عَنْ سَوَاۗءِ السَّبِيْلِ۷۷ۧ
اوربہتوں کوگمراہ کیا۔ اور وہ خود بھی سیدھی راہ سے بھٹکے رہے۔
لُعِنَ الَّذِيْنَ كَفَرُوْا مِنْۢ بَنِيْٓ اِسْرَاۗءِيْلَ عَلٰي لِسَانِ دَاوٗدَ وَعِيْسَى ابْنِ مَرْيَمَ۰ۭ
بنی اسرائیل میں سے جولوگ کافر ہوئے ان پرداؤدؑ اورعیسیٰؑ ابن مریم کی زبان سے لعنت کی گئی۔
ذٰلِكَ بِمَا عَصَوْا وَّكَانُوْا يَعْتَدُوْنَ۷۸
اس وجہ سے کہ انہوں نے نافرمانی کی اورحدود الٰہی سے تجاوز کرگئے۔
كَانُوْا لَا يَتَنَاہَوْنَ عَنْ مُّنْكَرٍ فَعَلُوْہُ۰ۭ
وہ لوگوں کوبرے کاموں سے روکتے بھی نہ تھے اورخود بھی ان کے مرتکب ہوتے تھے۔
لَبِئْسَ مَا كَانُوْا يَفْعَلُوْنَ۷۹
کیا ہی بری روش تھی جس پر وہ چل رہے تھے۔
تَرٰى كَثِيْرًا مِّنْہُمْ يَتَوَلَّوْنَ الَّذِيْنَ كَفَرُوْا۰ۭ
ان میں اکثر لوگوں کوآپؐ دیکھتے ہیں کہ وہ (اہل ایمان کوچھوڑکر) کافروں کودوست بناتے ہیں۔
لَبِئْسَ مَا قَدَّمَتْ لَہُمْ اَنْفُسُہُمْ
اپنی ذات کے لیے انہوں نے کیا ہی براسامان اپنے آگے بھیجا(یعنی حیات بعدالموت کے لیے انہوں نے کیا ہی بری تیاری کی)
اَنْ سَخِـــطَ اللہُ عَلَيْہِمْ وَفِي الْعَذَابِ ہُمْ خٰلِدُوْنَ۸۰
کہ اللہ تعالیٰ ان سے ناراض ہوگئے اور وہ ہمیشہ ہمیشہ کے لیے مبتلائے عذاب کردیئے گئے۔
وَلَوْ كَانُوْا يُؤْمِنُوْنَ بِاللہِ وَالنَّبِيِّ وَمَآ اُنْزِلَ اِلَيْہِ
اوراگروہ اللہ تعالیٰ اورنبی پراورجوکتاب نبی پراتاری گئی ہے اس پر ایمان لاتے (یعنی یقین رکھتے)
مَا اتَّخَذُوْہُمْ اَوْلِيَاۗءَ وَلٰكِنَّ كَثِيْرًا مِّنْہُمْ فٰسِقُوْنَ۸۱
اوران (کافروں) کودوست نہ بناتے( توان کے لیے بہترہوتا) لیکن ان میں اکثر فاسق ہی ہیں۔
لَتَجِدَنَّ اَشَدَّ النَّاسِ عَدَاوَۃً لِّلَّذِيْنَ اٰمَنُوا الْيَھُوْدَ وَالَّذِيْنَ اَشْرَكُوْا۰ۚ
(محمدﷺ) اہل ایمان کے ساتھ سب سے زیادہ دشمنی کرنے والوں میں آپؐ یہود اورمشرکین کوپاؤگے۔
وَلَتَجِدَنَّ اَقْرَبَہُمْ مَّوَدَّۃً لِّلَّذِيْنَ اٰمَنُوا الَّذِيْنَ قَالُوْٓا اِنَّا نَصٰرٰى۰ۭ
اوردوستی کے لحاظ سے اہل ایمان سے قریب تران لوگوں کوپاؤگے جو اپنے کونصاریٰ کہتے ہیں۔
ذٰلِكَ بِاَنَّ مِنْہُمْ قِسِّيْسِيْنَ وَرُہْبَانًا
یہ اس لیے کہ ان میں عالم بھی ہیں اورعابد بھی۔
وَّاَنَّہُمْ لَا يَسْتَكْبِرُوْنَ۸۲
اوروہ تکبر نہیں کرتے۔
وَاِذَاسَمِعُوْا مَآ اُنْزِلَ اِلَى الرَّسُوْلِ
اورجب وہ اس کلام کوسنتے ہیں جورسول اللہﷺ پرنازل ہوا۔
تَرٰٓي اَعْيُنَہُمْ تَفِيْضُ مِنَ الدَّمْعِ مِمَّا عَرَفُوْا مِنَ الْحَـقِّ۰ۚ
(تو) تم دیکھتے ہوکہ حق کوپہچان لینے کی وجہ ان کی آنکھوں سے آنسو رواں ہیں۔
يَقُوْلُوْنَ رَبَّنَآ اٰمَنَّا فَاكْتُبْنَا مَعَ الشّٰہِدِيْنَ۸۳
وہ کہتے ہیں ائے ہمارے رب ہم ایمان لائے۔ لہٰذا ہمیں حق کی گواہی دینے والوں میں شمار فرمالیجئے۔
وَمَا لَنَا لَا نُؤْمِنُ بِاللہِ وَمَا جَاۗءَنَا مِنَ الْحَقِّ۰ۙ
اور(کہتے ہیں) جب حق بات ہمارے پاس آچکی توپھرکوئی وجہ نہیں کہ ہم ایمان نہ لائیں۔
وَنَطْمَعُ اَنْ يُّدْخِلَنَا رَبُّنَا مَعَ الْقَوْمِ الصّٰلِحِيْنَ۸۴
اور ہم امید رکھتے ہیں کہ ہمارا رب ہمیں نیک بندوں کے ساتھ (جنت میں) داخل فرما دےگا۔
فَاَثَابَہُمُ اللہُ بِمَا قَالُوْا جَنّٰتٍ تَجْرِيْ مِنْ تَحْتِہَا الْاَنْھٰرُ خٰلِدِيْنَ فِيْہَا۰ۭ
اس اقرار (حق) کے بدلے اللہ تعالیٰ انھیں ایسی جنت میں داخل کریں گے جس کے نیچے نہریں بہتی ہونگی جس میں وہ ہمیشہ رہیںگے۔
وَذٰلِكَ جَزَاۗءُ الْمُحْسِـنِيْنَ۸۵
اور یہی جزاء ہے (ایمان لانے والے) نیکو کاروں کی۔
وَالَّذِيْنَ كَفَرُوْا وَكَذَّبُوْا بِاٰيٰتِنَآ اُولٰۗىِٕكَ اَصْحٰبُ الْجَــحِيْمِ۸۶ۧ
اور جن لوگوں نے حق کا انکار کیا اور ہمارے احکام جھٹلائے وہ سب دوزخی ہیں۔
نوٹ: جو لوگ تارک الدنیا ہوکر نفس کشی اور رہبانیت کو بڑی نیکی سمجھتے تھے۔ اندیشہ تھا کہ ان کی دیکھا دیکھی مسلمان بھی ایسا نوٹ: جو لوگ تارک الدنیا ہوکر نفس کشی اور رہبانیت کو بڑی نیکی سمجھتے تھے۔ اندیشہ تھا کہ ان کی دیکھا دیکھی مسلمان بھی ایسا ہی کرنے لگیں۔ لہٰذا حکم دیا گیا۔
يٰٓاَيُّھَا الَّذِيْنَ اٰمَنُوْا لَا تُحَرِّمُوْا طَيِّبٰتِ مَآ اَحَلَّ اللہُ لَكُمْ
ائے وہ لوگو جو ایمان لائے ہو۔ اللہ تعالیٰ نے جو لذیذ مرغوب غذائیں تمہارے لئے حلال کردی ہیں ان کو اپنےپر حرام مت کرلو
وَلَا تَعْتَدُوْا۰ۭ اِنَّ اللہَ لَا يُحِبُّ الْمُعْتَدِيْنَ۸۷
اور حدود شرعیہ سے آگے نہ بڑھو۔ یقیناً حد سے گزرنے والوں کو اللہ پسند نہیں فرماتے (اللہ تعالیٰ کی حلال کی ہوئی شئے کو نہ تو حرام قرار دو اور نہ اللہ تعالیٰ کی حرام کی ہوئی چیز کو اپنے پر حلال کرلو)
وَكُلُوْا مِمَّا رَزَقَكُمُ اللہُ حَلٰلًا طَيِّبًا۰۠
اور اللہ تعالیٰ نے جن پاکیزہ و حلال چیزوں کو تمہارا رزق بنایا ہے کھاؤ۔
وَّاتَّقُوا اللہَ الَّذِيْٓ اَنْتُمْ بِہٖ مُؤْمِنُوْنَ۸۸
اور اللہ تعالیٰ سے ڈرتے رہو جس پر تم ایمان لائے ہو( معصیت سے بچانا ہی تقویٰ ہے۔)
لَا يُؤَاخِذُكُمُ اللہُ بِاللَّغْوِ فِيْٓ اَيْمَانِكُمْ
اللہ تعالیٰ ایسی قسموں پر کوئی مواخذہ نہیں فرماتے جو (بول چال میں) بلاقصد تمہاری زبان سے نکل جاویں۔
وَلٰكِنْ يُّؤَاخِذُكُمْ بِمَا عَقَّدْتُّمُ الْاَيْمَانَ۰ۚ
مگر جو قسمیں تم جان بوجھ کر کھاتے ہو ان پر اللہ تعالیٰ ضرور مواخذہ کریںگے (ایسی قسمیں توڑدینی چاہئیں)
فَكَفَّارَتُہٗٓ اِطْعَامُ عَشَرَۃِ مَسٰكِيْنَ
اور اس طرح قسم کو توڑنےکاکفارہ دس مسکینوں کو کھاناکھلانا ہے۔
مِنْ اَوْسَطِ مَا تُطْعِمُوْنَ اَہْلِيْكُمْ
اوسط قسم کا کھاناجو تم اپنےاہل و عیال کو کھلاتے ہو۔
اَوْ كِسْوَتُہُمْ اَوْ تَحْرِيْرُ رَقَبَۃٍ۰ۭ
یا انھیں (اوسط قسم کے) کپڑے پہنادو یا غلام آزاد کرو
فَمَنْ لَّمْ يَجِدْ فَصِيَامُ ثَلٰــثَۃِ اَيَّامٍ۰ۭ
لہٰذا جس کسی میں (ان تینوں باتوں کی) استطاعت نہ ہوتو تین روزے رکھے۔
ذٰلِكَ كَفَّارَۃُ اَيْمَانِكُمْ اِذَا حَلَفْتُمْ۰ۭ
یہ تمہاری قسموں کا کفارہ ہے( مطلب یہ ہےکہ تم نےاگر حلال چیزیں نہ کھانے کی قسم کھائی ہے تو اس کو توڑ دو اور کفارہ ادا کردو۔)
وَاحْفَظُوْٓا اَيْمَانَكُمْ۰ۭ
اپنی قسموں کو پورا کرو (یعنی ایسی باتوں کی قسمیں نہ کھایا کرو جن پر تم عمل نہ کرسکو یا گناہ کرنے یا نیک کام نہ کرنے کی قسم نہ کھایا کرو۔)
كَذٰلِكَ يُبَيِّنُ اللہُ لَكُمْ اٰيٰتِہٖ لَعَلَّكُمْ تَشْكُرُوْنَ۸۹
اس طرح اللہ تعالیٰ نے تمہارے (فائدے کے) لئے اپنے احکام صاف صاف بیان کردیئےہیں تاکہ تم شکر گزار بندے بنے رہو۔
يٰٓاَيُّھَا الَّذِيْنَ اٰمَنُوْٓا اِنَّمَا الْخَمْرُ وَالْمَيْسِرُ وَالْاَنْصَابُ وَالْاَزْلَامُ
رِجْسٌ مِّنْ عَمَلِ الشَّيْطٰنِ
ائے ایمان والو یقیناً شراب اور جوا اور استھان (پتھر سے تراشی ہوئی مورتیں یا بزرگوں کےنام کی قبریں، درگاہیں ،چلّے وغیرہ کی تعظیم یہ سب انصاف کی تعریف میں آتے ہیں) اور فال نکالنے کے تیر (یہ سب) گندے اور شیطانی کام ہیں۔
فَاجْتَنِبُوْہُ لَعَلَّكُمْ تُفْلِحُوْنَ۹۰
لہٰذا ان چیزوں سے بچتے رہو (یہ تعلیم تم کو اس لئے دی جاتی ہے) تاکہ تم فلاح پاؤ۔
اِنَّمَا يُرِيْدُ الشَّيْطٰنُ اَنْ يُّوْقِعَ بَيْنَكُمُ الْعَدَاوَۃَ وَالْبَغْضَاۗءَ فِي الْخَمْرِ وَالْمَيْسِرِ
یقیناً شیطان تو یہ چاہتا ہے کہ جوے اور شراب کے ذریعہ تمہارے درمیان بغض اور دشمنی پیدا کردے۔
وَيَصُدَّكُمْ عَنْ ذِكْرِ اللہِ وَعَنِ الصَّلٰوۃِ۰ۚ
اور تمہیں ذکر اللہ اور نماز سے غافل کردے۔
فَہَلْ اَنْتُمْ مُّنْتَہُوْنَ۹۱
کیا تم ان کاموں سے باز نہ آؤگے؟
وَاَطِيْعُوا اللہَ وَاَطِيْعُوا الرَّسُوْلَ وَاحْذَرُوْا۰ۚ
اور اللہ تعالیٰ کی اطاعت کرو اور رسول اللہ ﷺکی اطاعت کرو اور (اطاعت نہ کرنے کے انجام بد سے) ڈرتے رہو۔
فَاِنْ تَوَلَّيْتُمْ فَاعْلَمُوْٓا اَنَّمَا عَلٰي رَسُوْلِنَا الْبَلٰغُ الْمُبِيْنُ۹۲
پھر اگر تم احکام الٰہی سے روگردانی کروگے تو جان لو کہ ہمارے رسولؐ کے ذمہ صرف واضح طور پر احکام پہنچا دینا ہے (یہ سمجھ کر کہ رسول اللہ ﷺ بخشوائیںگے، خبردار کسی حکم کی خلاف ورزی نہ کرنا)
لَيْسَ عَلَي الَّذِيْنَ اٰمَنُوْا وَعَمِلُوا الصّٰلِحٰتِ جُنَاحٌ فِيْمَا طَعِمُوْٓا
جو ایمان لائے اور نیک کام کرتے رہے ان پر ان چیزوں کا کوئی گناہ نہیں جو وہ (سابق میں) کھاچکے یا استعمال کرچکے (یعنی جنہوں نے امتناعی احکام سے پہلے جوے کا پیسہ کھالیا تھا)
اِذَا مَا اتَّقَوْا وَّاٰمَنُوْا وَعَمِلُوا الصّٰلِحٰتِ ثُمَّ اتَّقَوْا وَّاٰمَنُوْا ثُمَّ اتَّقَوْا وَّاَحْسَنُوْا۰ۭ
بشرطیکہ وہ آئندہ (ان چیزوں سے) بچتے رہیں اور ایمان پر جمے رہیں اور نیک رویہ اختیار کریں۔ پھر (جن باتوں سے روکا گیا) ان سے پرہیز کریں (اور جو حکم الٰہی آئے اس کو بہ سروچشم) مان لیں پھر اللہ تعالیٰ سے ڈرتے اور نیک کام کرتے رہیں۔
وَاللہُ يُحِبُّ الْمُحْسِـنِيْنَ۹۳ۧ
اور اللہ تعالیٰ نیک لوگوں کو محبوب رکھتے ہیں (یعنی پسند فرماتے ہیں)
يٰٓاَيُّھَا الَّذِيْنَ اٰمَنُوْا لَيَبْلُوَنَّكُمُ اللہُ بِشَيْءٍ مِّنَ الصَّيْدِ تَـنَالُہٗٓ اَيْدِيْكُمْ وَرِمَاحُكُمْ
(حالت احرام میں شکار کرنے کی ممانعت ہے اسلئے حکم دیا گیا ہے) ائے ایمان والو۔ اللہ تعالیٰ شکار سے تمہاری قدرے آزمائش کرتے رہیںگے جن تک تمہارے ہاتھ اور نیزے پہنچ سکیںگے (یعنی اللہ تعالیٰ شکارکو تمہارے قابو میں اور تمہارے نیزوں کی زد میں لاکر تمہارا امتحان کرینگے)
لِيَعْلَمَ اللہُ مَنْ يَّخَافُہٗ بِالْغَيْبِ۰ۚ
تاکہ اللہ تعالیٰ عملاً بھی آزمائش کرلیں کہ کون (اللہ تعالیٰ سے) غائبانہ ڈرتا ہے۔
فَمَنِ اعْتَدٰي بَعْدَ ذٰلِكَ
پھر اس کے بعد جو کوئی (احکام الٰہی سے) تجاوز کرے گا، (یعنی اللہ تعالیٰ سے بے خوف ہوکر شکار کے موقع سے فائدہ اٹھائیگا)
فَلَہٗ عَذَابٌ اَلِيْمٌ۹۴
تو اس کے لئے دردناک عذاب ہے (یعنی جہنم کی آگ میں جلتا رہیگا)
يٰٓاَيُّھَا الَّذِيْنَ اٰمَنُوْا لَا تَقْتُلُوا الصَّيْدَ وَاَنْتُمْ حُرُمٌ۰ۭ
ائے ایمان والو حالت احرام میں شکار نہ کرو (اگرچیکہ شکار کتنا ہی تم سے قریب اور تمہاری زد میں آجائے)
وَمَنْ قَتَلَہٗ مِنْكُمْ مُّتَعَمِّدًا
اور تم میں جو کوئی عمداً اس حالت میں شکار کرے
فَجَــزَاۗءٌ مِّثْلُ مَا قَتَلَ مِنَ النَّعَمِ
تو اس کے بدلے اس شکار کا ہم قیمت کوئی مویشی نذر دے۔
يَحْكُمُ بِہٖ ذَوَا عَدْلٍ مِّنْكُمْ
جانور کی قیمت کا تعین (اور روزوں کا تعین) تم میں سے دو عادل کرینگے۔
ہَدْيًۢا بٰلِــغَ الْكَعْبَۃِ اَوْ كَفَّارَۃٌ طَعَامُ مَسٰكِيْنَ
کفارہ کاجانور (قربانی کے لئے) کعبۃ اللہ بھیجا جائے گا یا (اس گناہ کے) کفارہ میں مسکینوں کوکھانا کھلایا جائے گا۔
اَوْ عَدْلُ ذٰلِكَ صِيَامًا لِّيَذُوْقَ وَبَالَ اَمْرِہٖ۰ۭ
یا اس کے بدلے روزے رکھنے ہوںگے تاکہ اپنے کئے کی سزا بھگت لے۔
عَفَا اللہُ عَمَّا سَلَفَ۰ۭ وَمَنْ عَادَ
اس حکم سے پہلے جو غلطی ہوئی اللہ تعالیٰ نے اس کو معاف کردیا
فَيَنْتَقِمُ اللہُ مِنْہُ۰ۭ
اور آئندہ جو کوئی اس کا اعادہ کرے گا تو اللہ تعالیٰ اس سے انتقام لینگے۔
وَاللہُ عَزِيْزٌ ذُو انْتِقَامٍ۹۵
اور اللہ تعالیٰ زبردست انتقام لینے والے ہیں۔
اُحِلَّ لَكُمْ صَيْدُ الْبَحْرِ وَطَعَامُہٗ
تمہارے لئے سمندر کا شکار اور اس کا کھانا (حالت احرام میں بھی) حلال کردیا گیاہے۔
مَتَاعًا لَّكُمْ وَلِلسَّـيَّارَۃِ۰ۚ
تمہارے اور مسافروں کے فائدے کے لئے (چاہے تم اس کو حالت سفر میں کھاؤ یا مقیم رہ کر یا قافلہ کے لئے اس کو توشہ بناؤ)
وَحُرِّمَ عَلَيْكُمْ صَيْدُ الْبَرِّ مَا دُمْتُمْ حُرُمًا۰ۭ
اور تم پر خشکی کا شکار حرام ہے جب تک کہ تم حالت احرام میں ہو۔
وَاتَّقُوا اللہَ الَّذِيْٓ اِلَيْہِ تُحْشَرُوْنَ۹۶
اور اللہ تعالیٰ سے ڈرتے رہو جس کے سامنے تم (محاسبہ اعمال کے لئے) حاضر کئے جاؤگے۔
جَعَلَ اللہُ الْكَعْبَۃَ الْبَيْتَ الْحَرَامَ قِــيٰمًا لِّلنَّاسِ وَالشَّہْرَ الْحَرَامَ وَالْہَدْيَ وَالْقَلَاۗىِٕدَ۰ۭ
اللہ تعالیٰ نے قابل احترام مکان کعبۃ اللہ کو لوگوں کی جان و مال کے تحفظ کا ذریعہ بنایا۔ اور حرمت کے مہینوں اور قربانی کے جانوروں کو بھی (قتل و غارت گری کے انسداد کاذریعہ بنایا)
ذٰلِكَ لِتَعْلَمُوْٓا اَنَّ اللہَ يَعْلَمُ مَا فِي السَّمٰوٰتِ وَمَا فِي الْاَرْضِ
یہ اس (بات کا یقین دلانے کے) لئے کہ تم جان لو کہ جو کچھ آسمانوں میں ہے اور جو کچھ زمین میں ہے اس کو اللہ تعالیٰ (اچھی طرح) جانتے ہیں۔
وَاَنَّ اللہَ بِكُلِّ شَيْءٍ عَلِيْمٌ۹۷
اور یقیناً اللہ تعالیٰ ہر چیز کو جانتے ہیں (یعنی جان و مال کے تحفظ اور امن وامان کے بہتر سے بہتر طریقوں سے بخوبی واقف ہیں۔
اِعْلَمُوْٓا اَنَّ اللہَ شَدِيْدُ الْعِقَابِ
(اچھی طرح) جان لو کہ اللہ تعالیٰ سخت سزا دینے والے ہیں۔ (خلاف ورزی کےانجام سے بچ نہ سکوگے)
وَاَنَّ اللہَ غَفُوْرٌ رَّحِيْمٌ۹۸ۭ
اور (اگر سہواً ہوجائے تو) اللہ تعالیٰ بڑے ہی بخشنے والے رحم فرمانیوالے ہیں
مَا عَلَي الرَّسُوْلِ اِلَّا الْبَلٰغُ۰ۭ
رسول کے ذمہ تو صرف احکام پہنچادینا ہے۔
وَاللہُ يَعْلَمُ مَا تُبْدُوْنَ وَمَا تَكْتُمُوْنَ۹۹
اور اللہ تعالیٰ جانتے ہی ہیں جو کچھ تم ظاہر کرتے ہو اور جو کچھ چھپاتے ہو (یعنی یہ جانتے ہیں کہ اس تعلیم کے بعد تم نے اس کی کتنی قدر کی اور کس قدر ناقدری)
قُلْ لَّا يَسْتَوِي الْخَبِيْثُ وَالطَّيِّبُ
(ائے نبی ﷺ) کہئے پاک اور ناپاک چیزیں برابر نہیں ہوتیں۔
وَلَوْ اَعْجَبَكَ كَثْرَۃُ الْخَبِيْثِ۰ۚ
اگرچہ کہ ناپاک چیزوں کی کثرت تمہیںبھلی ہی کیوں نہ لگے۔
فَاتَّقُوا اللہَ يٰٓاُولِي الْاَلْبَابِ
لَعَلَّكُمْ تُفْلِحُوْنَ۱۰۰ۧ
ائے عقلمندو (عقل سے کام لو) اللہ تعالیٰ ہی سے ڈرو (یعنی اللہ تعالیٰ کے احکام کی خلاف ورزی کے انجام سے ڈرتے رہو۔)
(یہ تعلیم تم کو اسلئے دی گئی ہے) تا کہ تم (آخرت کی) کامیابی حاصل کرسکو۔
يٰٓاَيُّھَا الَّذِيْنَ اٰمَنُوْا لَا تَسْــــَٔـلُوْا عَنْ اَشْـيَاۗءَ اِنْ تُبْدَ لَكُمْ تَسُؤْكُمْ۰ۚ
ائے ایمان والو ایسی چیزوں کے بارے میں سوالات نہ کیا کرو کہ اگر ان کی حقیقت تم پر ظاہر کردی جائے تو تمہیں برا لگے۔
وَاِنْ تَسْــــَٔـلُوْا عَنْہَا حِيْنَ يُنَزَّلُ الْقُرْاٰنُ تُبْدَ لَكُمْ۰ۭ
اگر نزول قرآن کے وقت پوچھوگے تو وہ تمہیں بتا دی جائیںگی۔
عَفَا اللہُ عَنْہَا۰ۭ وَاللہُ غَفُوْرٌ حَلِيْمٌ۱۰۱
اللہ تعالیٰ نےایسی باتوں سے درگزر فرمایا۔ اللہ تعالیٰ بڑے ہی بخشنے والے حلیم الطبع ہیں۔
قَدْ سَاَلَہَا قَوْمٌ مِّنْ قَبْلِكُمْ ثُمَّ اَصْبَحُوْا بِہَا كٰفِرِيْنَ۱۰۲
اسطرح کی باتیں تم سے پہلے والوں نے بھی پوچھی تھیں (جب وہ انھیں بتادی گئیں) تو انہوں نے اس کی صحت کا انکار کردیا۔ (مثلاً کسی نے سوال کیا کہ میرا باپ کون ہے جواب آیا کہ جن کو تم اپنا باپ سمجھ رہے ہو، وہ تمہارا باپ نہیں ہے۔ بلکہ تم کسی اور کی نسل سے ہو۔ صحیح جواب ملنے پر
مَا جَعَلَ اللہُ مِنْۢ بَحِيْرَۃٍ
انکار کردیا)اللہ تعالیٰ نے بحیرہ کو حرام نہیں کیا (بحیرہ وہ اونٹنی جو بتوں کے نذر کی جاتی تھی اس کے کان پھاڑ کر چھوڑ دیتے تھے تاکہ کوئی اس کا دودہ دوہ نہ سکے۔)
وَّلَا سَاۗىِٕبَۃٍ وَّلَا وَصِيْلَۃٍ وَّلَا حَامٍ۰ۙ
اور نہ سائبہ نہ وسیلہ نہ حام کو (حرام قرار دیا)
وصیلہ: وہ اونٹنی جو پہلے اور آخر دو مادہ بچے دے۔
حام: وہ اونٹ جس کی نسل سےچند بچے لے کر سواری وغیرہ کا کام ترک کردیتے تھے۔
وَّلٰكِنَّ الَّذِيْنَ كَفَرُوْا يَفْتَرُوْنَ عَلَي اللہِ الْكَذِبَ۰ۭ
لیکن اہل کفر اللہ تعالیٰ پر جھوٹی باتیں افترا کرتے ہیں۔( یعنی ان کی حرمت کو اللہ تعالیٰ کی طرف منسوب کرتے ہیں۔)
وَاَكْثَرُہُمْ لَا يَعْقِلُوْنَ۱۰۳
اور ان میں اکثر سمجھ بوجھ سے کام نہیں لیتے (اپنے بڑوں کی دیکھا دیکھی ایسی جاہلانہ باتیںکہتے ہیں)
وَاِذَا قِيْلَ لَہُمْ تَعَالَوْا اِلٰى مَآ اَنْزَلَ اللہُ وَاِلَى الرَّسُوْلِ
اور جب ان سے کہا جاتا ہے کہ اس تعلیم کی طرف آؤ جو اللہ تعالیٰ نے نازل کی ہے اور جو تعلیم رسول دے رہے ہیں۔
قَالُوْا حَسْبُنَا مَا وَجَدْنَا عَلَيْہِ اٰبَاۗءَنَا۰ۭ
تو کہتے ہمارے لئے وہی طریقہ (عبادت) کافی ہے۔ جس پر ہم نے اپنے باپ دادا کو (کرتے ہوئے) پایا ہے۔
اَوَلَوْ كَانَ اٰبَاۗؤُہُمْ لَا يَعْلَمُوْنَ شَـيْــــًٔـا وَّلَا يَہْتَدُوْنَ۱۰۴
اگرچہ کہ ان کے باپ داداکچھ جانتے ہی نہ ہوں اور نہ سیدھی راہ پر ہوں۔ (اس کے باوجود انھیں کے غلط طریقہ پر چلنا چاہتے ہیں)
يٰٓاَيُّھَا الَّذِيْنَ اٰمَنُوْا عَلَيْكُمْ اَنْفُسَكُمْ۰ۚ
ائے ایمان والو تم پر تمہارے اپنے نفس کا حق ہے۔ (تو پہلے اپنے عقائد کی اصلاح کرلو اور گناہوں سے بچو)
لَا يَضُرُّكُمْ مَّنْ ضَلَّ اِذَا اہْتَدَيْتُمْ۰ۭ
اگر تم ہدایت پر قائم رہو تو کوئی گمراہ شخص تمہارا کچھ نہیں بگاڑسکتا۔
اِلَى اللہِ مَرْجِعُكُمْ جَمِيْعًا
تم سب کو محاسبہ اعمال کیلئے اللہ تعالیٰ ہی کے سامنے لوٹ کر جانا ہے۔
فَيُنَبِّئُكُمْ بِمَا كُنْتُمْ
تَعْمَلُوْنَ۱۰۵
پھر وہ تم کو تمہارے ان سب اعمال سےآگاہ کردےگا جنہیں تم (دنیا میں) کیا کرتے تھے۔
يٰٓاَيُّھَا الَّذِيْنَ اٰمَنُوْا شَہَادَۃُ بَيْنِكُمْ اِذَا حَضَرَ اَحَدَكُمُ الْمَوْتُ حِيْنَ الْوَصِيَّۃِ اثْنٰنِ ذَوَا عَدْلٍ مِّنْكُمْ
ائے ایمان والو جب تم میں سے کسی کی موت کا وقت آجائےتو وصیت کےوقت تم (مسلمانوں) میں سے دو انصاف پسند قابل اعتبار گواہ لو۔
اَوْ اٰخَرٰنِ مِنْ غَيْرِكُمْ اِنْ اَنْتُمْ ضَرَبْتُمْ فِي الْاَرْضِ
یا (مسلمان نہ ملیں تو) غیر مسلم میں سے دو گواہ کرلو اگر تم سفر کی حالت میں ہو۔
فَاَصَابَتْكُمْ مُّصِيْبَۃُ الْمَوْتِ۰ۭ
پھر تم پر موت کی مصیبت طاری ہو۔
تَحْبِسُوْنَہُمَا مِنْۢ بَعْدِ الصَّلٰوۃِ
تو نماز کےبعد ان گواہوں کو روک رکھو۔
فَيُقْسِمٰنِ بِاللہِ اِنِ ارْتَبْتُمْ لَا نَشْتَرِيْ بِہٖ ثَـمَنًا وَّلَوْ كَانَ ذَا قُرْبٰى۰ۙ
اگر تم کو ان گواہوں کی نسبت کچھ شک ہو تو وہ دونوں اللہ تعالیٰ کی قسمیں کھائیں کہ وہ (کسی دنیاوی مفاد کے لئے) غلط شہادت نہیں دیںگے۔ اگرچیکہ ان کا قریبی رشتہ دار ہی کیوں نہ ہو۔
وَلَا نَكْتُمُ شَہَادَۃَ۰ۙ اللہِ
اور اللہ تعالیٰ کی (خوشنودی کی خاطر) شہادت کو نہ چھپائیںگے (صحیح صحیح گواہی دیںگے)ور نہ
اِنَّآ اِذًا لَّمِنَ الْاٰثِمِيْنَ۱۰۶
اس صورت میں ہم بڑے ہی گنہگار ہوںگے۔
فَاِنْ عُثِرَ عَلٰٓي اَنَّہُمَا اسْتَحَقَّآ اِثْمًا
پھر اگر پتہ چل جائے کہ ان دونوں نے اپنے آپ کو گناہ میں ملوث کیا ہے (یعنی غلط گواہی دی ہے)
فَاٰخَرٰنِ يَقُوْمٰنِ مَقَامَہُمَا مِنَ الَّذِيْنَ اسْتَحَقَّ عَلَيْہِمُ الْاَوْلَيٰنِ
تو دو اور گواہ ان کی جگہ کھڑے ہوجائیں (جنہوں نے ان کا حق مارنا چاہا تھا) جو (میت سے) قرابت قریبہ رکھتے ہوں۔
فَيُقْسِمٰنِ بِاللہِ لَشَہَادَتُنَآ اَحَقُّ مِنْ شَہَادَتِہِمَا وَمَا اعْتَدَيْنَآ ۰ۡۖ
پھر وہ اللہ تعالیٰ کی قسم کھاکر کہیں کہ ہماری شہادت ان کی شہادت سے زیادہ صحیح ہے اور ہم نے (اپنی گواہی میں) کوئی زیادتی نہیں کی (یعنی کوئی غلط بات نہیں کہی) ورنہ
اِنَّآ اِذًا لَّمِنَ الظّٰلِـمِيْنَ۱۰۷
ہم ظالموں میں سے ہوجائیںگے۔
ذٰلِكَ اَدْنٰٓي اَنْ يَّاْتُوْا بِالشَّہَادَۃِ عَلٰي وَجْہِہَآ
اس طریقہ سے بہت ممکن ہے کہ وہ صحیح صحیح شہادت دینے پر مجبور ہوجائیں۔
اَوْ يَخَافُوْٓا اَنْ تُرَدَّ اَيْمَانٌۢ بَعْدَ اَيْمَانِہِمْ۰ۭ
یا اس بات سے خوف کھائیں کہ ہماری قسمیں ان کی قسموں کے بعد رد کردی جائیںگی۔
وَاتَّقُوا اللہَ وَاسْمَعُوْا۰ۭ
اللہ سے ڈرو (اور جو بھی حکم دیا جائے بہ عزم اطاعت) غور سے سنو۔
وَاللہُ لَا يَہْدِي الْقَوْمَ الْفٰسِقِيْنَ۱۰۸ۧ
اور (واقعہ ہیکہ) اللہ تعالیٰ نافرمانوں کو اصلاح حال کی توفیق نہیں دیتے۔
يَوْمَ يَجْمَعُ اللہُ الرُّسُلَ فَيَقُوْلُ مَاذَآ اُجِبْتُمْ۰ۭ
وہ دن یاد رکھنے کے قابل ہے جس دن اللہ تعالیٰ تمام رسولوں کو جمع کریں گے پھر ان سے پوچھیںگے تمہیں اپنی دعوت کا کیا جواب ملا تھا۔
قَالُوْا لَا عِلْمَ لَنَا۰ۭ
وہ عرض کریںگے (باطن کا حال) ہم نہیں جانتے۔
اِنَّكَ اَنْتَ عَلَّامُ الْغُيُوْبِ۱۰۹
یقیناً آپ ہی غیب کی باتوں کے جاننے والے ہیں۔(ان کے دلوں کاحال)
اِذْ قَالَ اللہُ يٰعِيْسَى ابْنَ مَرْيَمَ اذْكُرْ نِعْمَتِيْ عَلَيْكَ وَعَلٰي وَالِدَتِكَ۰ۘ
(وہ مکالمہ بھی قابل ذکر ہے) جب کہ اللہ تعالیٰ (قیامت میں) عیسیٰ علیہ السلام سے کہیںگے۔ ائے عیسیٰ ابن مریم میرے ان احسانات کویاد کرو جو میں نے تم پر اور تمہاری والدہ پر کئے۔
اِذْ اَيَّدْتُّكَ بِرُوْحِ الْقُدُسِ۰ۣ
جب کہ میں نے جبرئیل سے تمہاری مدد کی۔
تُكَلِّمُ النَّاسَ فِي الْمَہْدِ وَكَہْلًا۰ۚ
تم زمانہ شیر خوارگی میں اور بڑی عمر کو پہنچ کر لوگوں سے باتیں کیا کرتے
تھے (کہ میں اللہ ہی کا بندہ اور اس کا رسول ہوں اللہ نے مجھے کتاب دی ہے۔ لہٰذا اللہ ہی کی عبادت کرو جو میرا بھی رب ہے اور تمہارا بھی)
وَاِذْ عَلَّمْتُكَ الْكِتٰبَ وَالْحِكْمَۃَ وَالتَّوْرٰىۃَ وَالْاِنْجِيْلَ۰ۚ
اور اس وقت میں نے تم کو کتاب کا علم سکھایا دانائی بخشی توریت و انجیل کی تعلیم دی۔
وَاِذْ تَخْلُقُ مِنَ الطِّيْنِ كَہَيْئَۃِ الطَّيْرِ بِـاِذْنِيْ
اور جب تم مٹی سے پرندوں کی شکلیں میرے حکم سے بناتے تھے۔
فَتَنْفُخُ فِيْہَا فَتَكُوْنُ طَيْرًۢا بِـاِذْنِيْ
پھر تم اس میں پھونک مارتے تو وہ میرے حکم سے (پرندہ ہوکر) اڑنے لگتا۔
وَتُبْرِئُ الْاَكْـمَہَ وَالْاَبْرَصَ بِـاِذْنِيْ۰ۚ
اور تم مادر زاد اندھے اور برص کے مریض کو میرے حکم سے بھلا چنگا کئے دیتے تھے۔
وَاِذْ تُخْرِجُ الْمَوْتٰى بِـاِذْنِيْ۰ۚ
اور جب تم میرےحکم سے مردہ کو زندہ کرتے تھے۔
وَاِذْ كَفَفْتُ بَنِيْٓ اِسْرَاۗءِيْلَ عَنْكَ
اور جبکہ میں نے بنی اسرائیل کی دست درازیوں سے تمہیں بچائے رکھا۔
اِذْ جِئْتَہُمْ بِالْبَيِّنٰتِ
جب تم ان کے پاس (واضح) نشانیوں کے ساتھ آئے۔
فَقَالَ الَّذِيْنَ كَفَرُوْا مِنْہُمْ اِنْ ہٰذَآ اِلَّا سِحْرٌ مُّبِيْنٌ۱۱۰
تو ان میں جو کافر تھے کہنے لگے یہ تو کھلے جادو کے سوا اور کچھ نہیں۔
وَاِذْ اَوْحَيْتُ اِلَى الْحَوَارِيِّيْنَ اَنْ اٰمِنُوْا بِيْ وَبِرَسُوْلِيْ۰ۚ
اور اس وقت میں نے حوارین کو توفیق دی کہ مجھ پر اور میرے رسولوں پر ایمان لائیں۔
قَالُـوْٓا اٰمَنَّا وَاشْهَدْ بِاَنَّنَا مُسْلِمُوْنَ۱۱۱
انہوں نے کہا کہ ہم ایمان لائے۔ آپ گواہ رہئے کہ ہم مسلمان ہیں (اطاعت گزار و فرمانبردار ہیں)
اِذْ قَالَ الْحَوَارِيُّوْنَ يٰعِيْسَى ابْنَ مَرْيَمَ
اس وقت حواریوں نے عیسی ابن مریم سے کہا تھا۔
ہَلْ يَسْتَطِيْعُ رَبُّكَ اَنْ يُّنَزِّلَ عَلَيْنَا مَاۗىِٕدَۃً مِّنَ السَّمَاۗءِ۰ۭ
کیا آپ کا پروردگار ہمارے لئے (کھانے پینے کی چیزوں سے) جماجمایا دسترخوان آسمان سے بھیج سکتا ہے؟
قَالَ اتَّقُوا اللہَ اِنْ كُنْتُمْ مُّؤْمِنِيْنَ۱۱۲
عیسیٰؑ نے کہا اگر تم مومن ہو تو اللہ تعالیٰ سے ڈرو (یہ بڑی گستاخانہ بات ہے)
قَالُوْا نُرِيْدُ اَنْ نَّاْكُلَ مِنْہَا
انہوں نے کہا (ہم بے ادبی نہیں کررہے ہیں) ہم چاہتے ہیں کہ (روزگار سے بے فکر رہ کر) اس دسترخوان سے کھائیں پئیں۔
وَتَطْمَىِٕنَّ قُلُوْبُنَا وَنَعْلَمَ اَنْ قَدْ صَدَقْتَنَا
اور ہمارے دل مطمئن ہوجائیں اور ہم جان لیں کہ آپ نے ہم سے سچ کہا ہے۔
وَنَكُوْنَ عَلَيْہَا مِنَ الشّٰہِدِيْنَ۱۱۳
اور ہم اس پر(خوان نعمت کے مُنزّل من اللہ ہونے پر) گواہ ہیں۔
قَالَ عِيْسَى ابْنُ مَرْيَمَ اللّٰہُمَّ رَبَّنَآ اَنْزِلْ عَلَيْنَا مَاۗىِٕدَۃً مِّنَ السَّمَاۗءِ
عیسیٰؑ ابن مریم نے دعاکی کہ ائے میرے پروردگار ہم پر آسمان سے (اکل و شراب کےسامان سے بھرا ہوا) ایک خوان نعمت نازل فرمایئے۔
تَكُوْنُ لَنَا عِيْدًا لِّاَوَّلِنَا وَاٰخِرِنَا وَاٰيَۃً مِّنْكَ۰ۚ
کہ( وہ دن) ہمارے اور ہمارے بعد آنے والوں کیلئے عید قرار پائے اور وہ آپ کی طرف سے (آپ کی تائید و نصرت کی) ایک نشانی بھی ہو۔
وَارْزُقْنَا وَاَنْتَ خَيْرُ الرّٰزِقِيْنَ۱۱۴
اور اس طرح ہمارے رزق کا سامان کردیجئے اور آپ تو بہترین رزق دینے والے ہیں۔
قَالَ اللہُ اِنِّىْ مُنَزِّلُہَا عَلَيْكُمْ۰ۚ
(اس دعا کے جواب میں) اللہ تعالیٰ نے فرمایا (میں ایسا خوان نعمت) تمہارے لئے بھیجتا ہوں (مگر یہ بات سن لو)
فَمَنْ يَّكْفُرْ بَعْدُ مِنْكُمْ فَاِنِّىْٓ اُعَذِّبُہٗ عَذَابًا لَّآ اُعَذِّبُہٗٓ اَحَدًا مِّنَ الْعٰلَمِيْنَ۱۱۵ۧ
پھر اس کے بعد تم میں سےجو کوئی کفران نعمت کرے گا تو میں اس کو ایسی سزا دوںگا کہ اہل عالم میں سے کسی کو نہ دوںگا۔
وَاِذْ قَالَ اللہُ يٰعِيْسَى ابْنَ مَرْيَمَ
اور (قیامت کے روز ہونے والے اس مکالمہ کو پیش نظر رکھو) جب اللہ تعالیٰ عیسیٰ ابن مریم سے پوچھیںگے۔
ءَاَنْتَ قُلْتَ لِلنَّاسِ اتَّخِذُوْنِيْ وَاُمِّيَ اِلٰــہَيْنِ مِنْ دُوْنِ اللہِ۰ۭ
کیا تم نے لوگوں سے کہا تھا؟ کہ اللہ کے سوا (یا اللہ کے ساتھ) مجھے اور میری ماں کو معبود (و مستعان) قرار دے لو؟
قَالَ سُبْحٰنَكَ مَا يَكُوْنُ لِيْٓ اَنْ اَقُوْلَ مَا لَيْسَ لِيْ۰ۤ بِحَقٍّ۰ۭ۬
حضرت عیسیٰؑ جواب دیںگے (اللہ تعالیٰ اس طرح کی شرکت سے) آپ پاک ہیں۔ میرے لئے یہ بات کیسے سزا وار ہوسکتی ہے کہ میں ایسی بات کہوں جس کا مجھے کوئی حق نہیں۔
اِنْ كُنْتُ قُلْتُہٗ فَقَدْ عَلِمْتَہٗ۰ۭ
اگر میں نے ایسی بات کہی تھی تو آپ اس کو ضرور جانتے ہیں۔
تَعْلَمُ مَا فِيْ نَفْسِيْ وَلَآ اَعْلَمُ مَا فِيْ نَفْسِكَ۰ۭ
آپ جانتے ہیں جو کچھ میرے دل میں ہے میں نہیں جانتا جو کچھ آپ کے ضمیر میں ہے (یعنی اس طرح پوچھنے کا کیا مقصد ہے میں نہیں جانتا)
اِنَّكَ اَنْتَ عَلَّامُ الْغُيُوْبِ۱۱۶
بیشک آپ غیب کی ساری چیزوں (اور احوال) کو جانتے ہیں۔
مَا قُلْتُ لَہُمْ اِلَّا مَآ اَمَرْتَنِيْ بِہٖٓ
میں نے ان سے (ایسی) کوئی بات تو نہیں کہی تھی سوائے اس کے جس کاآپ نے حکم دیا تھا۔
اَنِ اعْبُدُوا اللہَ رَبِّيْ وَرَبَّكُمْ۰ۚ
وہ یہ کہ تم اللہ ہی کی عبادت کرو جو میرا بھی رب ہے اور تمہارا بھی۔
وَكُنْتُ عَلَيْہِمْ شَہِيْدًا مَّا دُمْتُ فِيْہِمْ۰ۚ
اور میں جب تک ان میں رہا اسی بات کے حق ہونے کی شہادت دیتا رہا۔
فَلَمَّا تَوَفَّيْتَنِيْ كُنْتَ اَنْتَ الرَّقِيْبَ عَلَيْہِمْ۰ۭ
پھر جب آپ نے مجھے اپنی طرف آسمان پر زندہ اٹھالیا تو آپ ہی ان پر نگران رہے۔
وَاَنْتَ عَلٰي كُلِّ شَيْءٍ شَہِيْدٌ۱۱۷
اور آپ تو (کائنات کی) ہر چیز کےنگران ہیں۔
اِنْ تُعَذِّبْہُمْ فَاِنَّہُمْ عِبَادُكَ۰ۚ
اگر آپ انھیں عذاب دیں تو وہ آپ ہی کے بندے ہیں۔
وَاِنْ تَغْفِرْ لَہُمْ فَاِنَّكَ اَنْتَ الْعَزِيْزُ الْحَكِيْمُ۱۱۸
اور اگر آپ انھیں معاف کردیں تو بے شک آپ بڑے ہی زبردست حکیم ہیں (یعنی آپ کا ہر فعل اور ہر تجویز نہایت ہی حکیمانہ ہے)
قَالَ اللہُ ہٰذَا يَوْمُ يَنْفَعُ الصّٰدِقِيْنَ صِدْقُہُمْ۰ۭ
اللہ جواب میں فرمائیںگے (حق کو جھٹلانے والوں کی مغفرت کا سوال ہی کیا ہے) آج وہ دن ہے کہ سچے لوگوں کو ان کی سچائی کام دیگی (یعنی رحمت الٰہی کے مستحق وہی لوگ ہونگے جنہوں نے دعوت حق کی تصدیق کی۔
لَہُمْ جَنّٰتٌ تَجْرِيْ مِنْ تَحْتِہَا الْاَنْھٰرُ خٰلِدِيْنَ فِيْہَآ اَبَدًا۰ۭ
ان کے لئے جنت ہے جس کے نیچے نہریں بہتی ہوںگی۔ جس میں وہ ہمیشہ ہمیشہ (عیش و آرام سے) رہیںگے۔
رَضِيَ اللہُ عَنْہُمْ وَرَضُوْا عَنْہُ۰ۭ
اللہ تعالیٰ ان سے راضی ہوگئے اور وہ اللہ تعالیٰ کی عطا سے راضی ہوگئے۔
ذٰلِكَ الْفَوْزُ الْعَظِيْمُ۱۱۹
یہی بڑی کامیابی ہے۔
لِلہِ مُلْكُ السَّمٰوٰتِ وَالْاَرْضِ وَمَا فِيْہِنَّ۰ۭ
آسمان اور زمین اور جو کچھ ان دونوں کے درمیان ہے سب اللہ تعالیٰ کا ہے (یعنی تمام موجودات کےبلا شرکت غیرے تنہا مالک و فرمانروا اللہ تعالیٰ ہی ہیں۔)
وَہُوَعَلٰي كُلِّ شَيْءٍ قَدِيْرٌ۱۲۰ۧ
اور وہ ہر چیز پر قادر ہے۔
کی روح کو اللہ تعالیٰ کے پاس لے جاتے ہیں اور اللہ تعالیٰ بزرگوں کی سعی سفارش یا ان کی نسبتوں سے روح کے ناری و ناجی ہونے کا فیصلہ کردیتے ہیں، وغیرہ وغیرہ۔ان گھڑے ہوئے عقیدوں کے سبب وہ قرآن مجید کو اللہ تعالیٰ کی کتاب اور محمدﷺکو اللہ تعالیٰ کا رسول ماننے کے لئے تیار نہ تھے۔ اور ان کا خیال یہ بھی تھا کہ اللہ تعالیٰ کے رسول کے لئے یہ بھی ضروری ہے کہ وہ مافوق البشر طاقتوں کاحامل ہو۔ رسول کا انسانوں میں سے ہونا یعنی بشر ہونا ان کے لئے عجیب بات تھی۔ ایسے ہی کچھ اور اعتراضات تھے جو نزول قرآن کے زمانہ میں ان کے دلوں میں پیدا ہوتے رہے تھے جن کا ہر وقت جواب بھی نازل ہوتا رہا۔ اور تزکیہ نفس کی تعلیم کے بعض اجزا بھی ساتھ ساتھ نازل کئے جاتے رہے۔