سورة المدثر

ائے کپڑے میں لپٹے ہوئے (محمدﷺ)
اٹھئے اور (لوگوں کو) خبردار کیجئے (یعنی اللہ تعالیٰ کے بندوں کوخواب غفلت سے جگائیے،انھیں انجام آخرت سے ڈرائیے)
اوراپنے پروردگار کی عظمت وبرتری کا اعلان کیجئے۔

اوراپنے کپڑے صاف وستھرے رکھئیے

اور(ہرقسم کی) گندگی سے دور رہئے(خواہ وہ عقائد وخیالات کی ہویا

اخلاق واعمال کی یا جسم ولباس ورہن سہن کی)
اور(اس غرض سے) احسان نہ کیجئے (کہ کسی موقع پر) اس سے زیادہ حاصل کرنا مقصود ہو۔

اور(مخالفین اسلام کی طرف سے جوبھی اذیتیں پہنچتی رہیں ان پر) اپنے پروردگار کی خاطرصبر کیجئے۔
پھر جب صور میں پھونک مار دی جائے (اور تمام مردے محاسبۂ اعمال کےلئے قبروں سے اٹھائے جائیں گے)
تو وہ دن بڑا ہی سخت ہوگا۔
کافروں پر آسان نہ ہو گا۔
چھوڑدو مجھے اور اس شخص کو، جسے میں نے اکیلا پیدا کیا ہے(میں اس نمٹ لوں گا)

(اللہ تعالیٰ فرماتے ہیں) اور میں نے اس کو کثرت سے مال دیا (ایسا مال جو اس سے منقطع نہ ہو)
اورہروقت پاس رہنے والے بیٹے دیئے۔

اورسب طرح کا سامان اس کے لئے مہیا کردیا(جاہ مرتبہ قیادت وغیرہ)
پھر بھی وہ اس بات کی ہوس رکھتا ہے کہ میں اس کو اور زیادہ دوں۔
ہرگز نہیں
وہ ہماری آیتوں (اور دین حق) کا سخت مخالف ہے۔

میں اس کو عنقریب (دوزخ کے پہاڑ کی)ایک کٹھن گھاٹی پر چڑھواؤں گا(جو اس کی برداشت سے باہر اورسخت ترین عذاب کا موجب ہوگا۔)

(اس کوکافروں کی طرف سے مجلس نبوی میں لایا گیا تو)
اس نے سوچا اور کچھ بات بنانے کی کوشش کی۔
اللہ کی مار ہو اس پرکیسی بات بنانے کی کوشش کی۔
ہاں اللہ کی مارہو اس پرکیسی بات بنانے کی کوشش کی ۔
پھر(اس نے حاضرین جلسہ پر) ایک نظرڈالی (کچھ تامل کیا)
پھر منہ بنایا اور انتہائی ناگواری کا اظہار کیا۔

پھر پلٹا اور تکبر کا اظہار کیا(گویا وہ بہت بڑا جاننے والا ہے)
پھر اس نے کہا کچھ نہیں یہ توجادو ہے جو پہلے سے چلاآرہا ہے۔
یہ تو ایک انسانی کلام ہے۔
(حق تعالیٰ فرماتے ہیں) میں عنقریب اس کوسقر میں داخل کروںگا۔
آپ جانتے ہیں کہ وہ سقر کیا ہے؟
(وہ) نہ کچھ باقی رکھے گی اور نہ کچھ چھوڑے گی۔

جلاکر بدن کوخاکستر کردے گی(ہیئت بگاڑدے گی)

اس پرانیس پہرہ دار ہیں۔
اور ہم نے دوزخ کے یہ کارکن فرشتے بنائے ہیں۔

اور ہم نے ان کی تعداد کوکافروں کے لئے فتنہ بنادیا۔

تا کہ اہل کتاب(سننے کے ساتھ ہی) یقین کرلیں
اورایمان لانے والو ںکا ایمان اورزیادہ بڑھے
اوراہل کتاب اورمومنین کسی شبہ میں نہ رہیں۔

اور جن لوگوں کے دلوں میں نفاق کی بیماری ہے،

وہ اورکافر یہ کہنے لگیں کہ۔
بھلا اس عجیب بات کے بیان کرنے سے اللہ کا کیا مقصد ہوسکتا ہے؟
(سن لو) اس طرح اللہ تعالیٰ جسے چاہتے ہیں، گمراہی میں پڑا رہنے دیتے ہیں اور جسے چاہتے ہیں ہدایت دیتے ہیں۔

اور(ائے نبیﷺ) آپ کے پروردگار کے لشکروں کی تعداد خود اس کے سوا کوئی اور نہیں جانتا۔
اور اس (دوزخ) ذکر اس لئے کیا گیا ہے کہ اس سے انسان کونصیحت ہو۔

ہرگز ایسا نہیں ہے(جیسا کہ کافرسمجھتے ہیں) اورقسم ہے چاند کی
اوررات کی جب وہ جانے لگے۔
اورقسم ہے صبح کی جب وہ روشن ہوجائے۔

یقیناً وہ دوزخ بڑی ہیبت ناک چیزوں میں سے ایک ہے۔
انسانوں کے لئے بڑی ہی خوفناک ہے۔
ہراس شخص کے لئے جو تم سے آگے بڑھنا چاہے یا پیچھے رہ جانا چاہے۔

ہر شخص اپنے اعمال کے بدلے میں رہن ہے۔
سوائے داہنی بازو والوں کے جو ۔
بہشت کے باغوں میں ہوں گے۔
وہ وہاں (جہنم میں رہنے والے) مجرمین سے پوچھیں گے۔

تمہیں کیا چیز جہنم میں لے گئی۔
وہ کہیں گے ہم نماز پڑھنے والوں میں سے نہ تھے۔
اور نہ ہم مسکینوں کوکھانا کھلاتے تھے۔
اورہم اہل باطل کے ساتھ مل کر حق سے انکار کرتے تھے۔

اور ہم روز جزا کو جھٹلاتے تھے۔
یہاں تک کہ ہمیں (اسی حالت میں) موت آگئی۔
تب شفاعت کرنے والوں کی سفارش بھی ان کوکچھ فائدہ نہ دے گی۔
انھیں کیا ہوگیا کہ یہ نصیحت سے روگردانی کرتے ہیں۔
گویا کہ یہ وحشی گدھے ہیں۔

جوشیر سے (خطرہ بھانپتے ہی بدحواس ہوکر تیز) بھاگتے ہیں۔

بلکہ ان میں سے ہرایک چاہتا ہے کہ اس کاموسومہ کھلاہوا آسمانی صحیفہ دیا جائے۔

ایسا ہرگز نہیں ہوسکتا۔
بلکہ حقیقت یہ ہے کہ وہ سرے سے آخرت ہی کا خوف نہیں رکھتے۔

كَلَّآ اِنَّہٗ تَذْكِرَۃٌ۝۵۴ۚ

فَمَنْ شَاۗءَ ذَكَرَہٗ۝۵۵ۭ
وَمَا يَذْكُرُوْنَ

مگر یہ کہ جس کے بارے میں اللہ تعالیٰ ایسا ہی چاہیں۔

وہ اس کا حق دار ہے کہ اسی سے ڈراجائے اوروہی بخشش کا مالک ہے(نجات ومغفرت اسی کے اختیار میں ہے)