سورة القيامة

(حق تعالیٰ فرماتے ہیں) میں قیامت کے دن کی قسم کھاتا ہوں۔

اورمیں قسم کھاتا ہوں، ملامت کرنے والے نفس کی۔

کیاانسان یہ سمجھ رہا ہے کہ ہم اس کی مُردہ وبکھری ہوئی ہڈیاں اکھٹی نہیں کریں گے(یعنی اس کودوبارہ پیدا نہ کریں گے؟)
ہاں کیوں نہیں (ہم ضرور پیدا کریں گے) ہم اس پر بھی قادر ہیں کہ اس کے انگلیوںکی پور پور تک درست کردیں یعنی جیسی تھیں وہیں بنادیں۔

مگر (نفس پرست) انسان چاہتا ہے کہ (مذہبی قید وبند سے آزاد ہوکر) اپنی زندگی فسق وفجور میں گزاردے۔

پوچھتا ہے کہ قیامت کا دن کب آئے گا ؟
پھر جب (اس دہشت ناک دن کو دیکھ لے گا توخوف وحیرت سے اس کی) آنکھیں پتھراجائیں گی۔
اور چاند بے نور ہوجائے گا۔

اور چاند وسورج جمع کردیئے جائیں گے(یعنی دونوں مغرب سے طلوع کریں گے اور بے نور ہوجائیں گے تو وہ دن بڑا ہی دہشت ناک ہوگا)

اس دن انسان کہے گا کیا کہیں بھاگنے کی بھی جگہ ہے۔
ہر گز نہیں (کوئی جائے پناہ نہ ہوگی اللہ تعالیٰ کے عذاب سے بچانے والا کوئی نہ ہوگا۔)

اس روز آپ کے رب ہی کے سامنے جا کرٹھیرنا ہوگا۔
اس دن انسان کواس کے (تمام اعمال) دکھلادئے جائیں گے۔
وہ جو اس نے اپنی زندگی میں آگے بھیجے تھے اور وہ جو اس نے پیچھے چھوڑے تھے۔

بلکہ انسان اپنے اعمال سے خود بھی خوب واقف ہے ۔
چاہے وہ کتنا ہی عذروحیلہ کرے۔
(ائے نبیﷺ، دوران وحی) وحی کے الفاظ کو جلدی جلدی یاد کرنے کے لئے اپنی زبان کومتحرک نہ کیجئے ۔
اسے یاد کرادینا اور پڑھوادینا ہمارے ذمہ ہے۔
لہٰذا جب ہم اپنا کلام پڑھوانے لگیں توآپ اس کوغور سے سنتے رہیں۔

پھر اس کا مطلب سمجھادینا بھی ہمارے ہی ذمہ ہے۔

نہیں ہرگز (یعنی تمہارے انکار آخرت کی اصل وجہ یہ نہیں ہے کہ تم خالق کائنات کوقیامت کے برپا کرنے اور موت کے بعد دوبارہ زندہ کرنے سے عاجز سمجھتے ہو)بلکہ (اصل وجہ یہ ہے کہ ) تم جلد حاصل ہونے والی چیز (دنیا) سے محبت رکھتے ہو۔

اورآخرت کوچھوڑدیتے ہو۔
اس روز کچھ چہرے تروتازہ اور پررونق ہوں گے۔
اپنے پروردگار کی طرف دیکھ رہے ہوں گے(دیدارالٰہی میں محوہوں گے)

اوراس روز کتنے ہی چہرے اداس وبدروپ ہوں گے۔
اور سمجھ رہے ہونگے کہ انکے ساتھ بڑا ہی سخت (کمر توڑ) برتاؤ ہونے والا ہے۔

(ائے منکرو) ہرگز ایسا نہیں ہے، تمہارا یہ خیال غلط ہے کہ تم مرکرفنا

جب جان حلق تک پہنچ جائے گی۔
اور لوگ کہنے لگیں کے ’’ہے کوئی جھاڑپھونک کے ذریعہ (موت سے) بچانے والا‘‘۔

اور (اس وقت) آدمی سمجھ لے گا کہ یہ دنیا سے جدائی کا وقت ہے۔
اور (شدت نزع کی وجہ) پنڈلی سے پنڈلی لپیٹ جائے گی۔

اور وہ دن آپ کے پروردگار کی طرف چلنے کا ہوگا۔

اس نے (اپنی ناعاقبت اندیشی سے اللہ رسول کی بات کو) سچ نہ جانا اورنہ نماز پڑھی
بلکہ جھٹلایا اور روگردانی کی۔
پھر اکڑتا ہوا اپنے گھروالوں کی طرف چل دیا۔

پس (ائے جاہل انسان) تف ہے تجھ پراورتباہی ہے تیرے لئے پھر تف ہے تجھ پر اور خرابی ہے تیرے لئے۔
کیا انسان نے یہ سمجھ رکھا ہے کہ وہ یونہی (سزاوجزاءبغیر، شتر بے مہار کی طرح) چھوڑدیا جائے گا (کہ جدھر چاہے چرتا پھرے اور کوئی اس کی نگرانی کرنے والا نہیں ہے)

کیا وہ ایک حقیر پانی کا نطفہ نہ تھا جو عورت کے رحم میں ٹپکایا جاتا ہے۔
پھر وہ ایک خون کا لوتھڑا بنا۔ پھر اللہ تعالیٰ نے اس کا جسم اور اس کے اعضاء وجوارح مناسب طورپر بنائے (اس میں روح پھونکی اورایک مکمل انسان بنایا)
پھر اس سے مرد اورعورت کی دوقسمیں بنائیں۔

کیا وہ اس پرقادر نہیں ہے کہ مرنے والوں کوپھر سے زندہ کرے (اور حساب لے بلاشبہ اللہ تعالیٰ ایسا کرسکتے ہیں)