سورة الشمس

قسم ہے سورج کی اور اس کی روشنی کی۔
اور چاند کی جب وہ سورج غروب ہونے پر آتا ہے۔
اور دن کی قسم جو سورج اس کو خوب روشن کردیتا ہے۔
اور رات کی قسم جب سورج کو ٹھانک لیتی ہے۔

اور آسمان کی اور اس ذات کی قسم جس نے اس کو بنایا۔
اور زمین کی اور اس ذات کی قسم جس نے اس کو بچھا یا۔

اور نفس انسان کی اور اس ذات کی قسم جس نے اس کے اعضاو جوار ح
مو زوں و متنا سب بنائے۔
پھر اس کی بدی اور اس کی پر ہیز گاری اس پر الہام کردی۔

یقیناً اس نے فلاح پائی جس نے نفس کا تزکیہ کیا (اپنے کو گناہوں سے پاک رکھا)
اور نامراد ہوا وہ جس نے اس کو خاک میں ملا دیا۔

قوم ثمود نے اپنی شرارت وسر کشی کی وجہ (حضرت صالحؑ کی) تکذیب کی
(یہ اس وقت کا واقعہ ہے) جب کہ اس قوم کا آدمی جو سب سے زیادہ بدبخت تھا وہ (اونٹنی کے قتل کرنے کے لئے) اٹھ کھڑا ہوا
تو اللہ کے پیغمبر (صالح علیہ السلام) نے ان لوگوں سے کہا کہ خبر دار ! اللہ تعالیٰ کی اونٹنی کو (ہاتھ نہ لگا نا یعنی اسے کسی طرح کا نقصان نہ پہنچا نا اور)اس کے پانی پینے(کی باری)میں مانع و مزا حم نہ ہونا

مگر انھوں نے اس(پیغمبر کی بات)کو جھٹلادیا اور انٹنی کو مار ڈالا
تو ان کے پر ور دگار نے ان کے گناہوں کے سبب ان پر ایک ساتھ تباہی نازل کی۔
اور اپنے اس فعل کے کسی برے نتیجہ کا کوئی خوف اللہ کو نہیں ۔