بِسْمِ اللّٰهِ الرَّحْمٰنِ الرَّحِيْمِ
اللہ کے نام (اسی کی مدد) سے جورحمٰن اور رحیم ہے، میں اس کا م کا آغاز کر ر ہا ہوں۔
حٰـمۗ۱ۚ عۗسۗقۗ۲
حٰمٓ ۔عٓسٓقٓ۔ حٰ،مٓ،عٓ،سٓ،قٓ یہ حروف مقطعات ہیں۔
ان کے کوئی معنی رسول اللہﷺ سے بہ سند صحیح منقول نہیں ہیں۔
كَذٰلِكَ يُوْحِيْٓ اِلَيْكَ وَاِلَى الَّذِيْنَ مِنْ قَبْلِكَ۰ۙ اللہُ الْعَزِيْزُ الْحَكِيْمُ۳
( ائے نبیﷺ) اللہ عزیز وحکیم نے آپؐ کی طرف اور آپؐ سے پہلے گزرے ہوئے رسولوں کی طرف اسی طرح وحی بھیجی ہے(یہ کوئی تعجب خیزبات یانئی تعلیم نہیں ہے)
لَہٗ مَا فِي السَّمٰوٰتِ وَمَا فِي الْاَرْضِ۰ۭ
آسمانوں اورزمین میں جوکچھ ہے سب اسی کا ہے۔
وَہُوَالْعَلِيُّ الْعَظِيْمُ۴
اور وہ برتراورعظیم المرتبت ہے۔
تَكَادُ السَّمٰوٰتُ يَتَفَطَّرْنَ مِنْ فَوْقِہِنَّ
اللہ تعالیٰ کے تعلق سے جو لوگ اس طرح کی باتیں گھڑتے ہیں( اس کے نتیجہ میں) قریب ہے کہ آسمان اوپر سے پھٹ پڑیں
وَالْمَلٰۗىِٕكَۃُ يُسَبِّحُوْنَ بِحَمْدِ رَبِّہِمْ
اورفرشتے اپنے رب کی حمد کے ساتھ تسبیح کرتے ہیں۔
(کہ اللہ تعالیٰ ہرطرح کے نقص اور عجز سے پاک ہیں)
وَيَسْتَغْفِرُوْنَ لِمَنْ فِي الْاَرْضِ۰ۭ
اورزمین والوں کے حق میں معافی کی درخواست کرتے رہتے ہیں
اَلَآ اِنَّ اللہَ ہُوَالْغَفُوْرُ الرَّحِيْمُ۵
آگاہ ہوجاؤ(غلط عقائد سے باز آؤ) اللہ تعالیٰ بڑے ہی بخشنے والے رحم فرمانے والے ہیں۔
وَالَّذِيْنَ اتَّخَذُوْا مِنْ دُوْنِہٖٓ اَوْلِيَاۗءَ اللہُ حَفِيْــظٌ عَلَيْہِمْ۰ۡۖ
اللہ تعالیٰ کے سوا جن لوگوں نے غیر اللہ کو اپنا ولی(کارساز وحاجت روا) بنالیا ہے وہ سب اللہ تعالیٰ کی نظرمیں ہیں۔ (انھیں قرار واقعی سزادینگے)
وَمَآ اَنْتَ عَلَيْہِمْ بِوَكِيْلٍ۶
اورآپ ان پر(ان کی بداعمالیوں کے) ذمہ دار نہیں ہیں۔
وَكَذٰلِكَ اَوْحَيْنَآ اِلَيْكَ قُرْاٰنًا عَرَبِيًّا
اور(ائے نبیﷺ) اسی طرح ہم نےیہ قرآن بہ زبان عربی آپ کی طرف وحی کیا ہے۔
لِّتُنْذِرَ اُمَّ الْقُرٰى وَمَنْ حَوْلَہَا
تا کہ آپؐ بستیوں کے مرکز(شہر مکہ) او راس کے گردوپیش رہنے والوں کوباخبر کردیں۔
وَتُنْذِرَ يَوْمَ الْجَمْعِ لَا رَيْبَ فِيْہِ۰ۭ
اورانھیں جمع ہونے(یعنی قیامت) کے دن سے ڈرائیں، جس کے واقع ہونے میں شک نہیں ہے۔
فَرِيْقٌ فِي الْجَنَّۃِ وَفَرِيْقٌ فِي السَّعِيْرِ۷
(اس روز) ایک فریق جنت میں ہوگا اور ایک فریق دوزخ میں۔
وَلَوْ شَاۗءَ اللہُ لَجَعَلَہُمْ اُمَّۃً وَّاحِدَۃً
اور اگر اللہ تعالیٰ چاہتے توانھیں ایک ہی امت بنادیتے۔
وَّلٰكِنْ يُّدْخِلُ مَنْ يَّشَاۗءُ فِيْ رَحْمَتِہٖ۰ۭ
لیکن اللہ تعالیٰ جس کوچاہتے ہیں اپنی رحمت میں داخل کرلیتے ہیں۔
جو طالب رحمت ہوتا ہے اس کوداخل رحمت کیا جاتا ہے۔
وَالظّٰلِمُوْنَ مَا لَہُمْ مِّنْ وَّلِيٍّ وَلَا نَصِيْرٍ۸
اور ظالموں کا نہ کوئی دوست ہوگا اور نہ مددگار(یہ ایسے نادان ہیں کہ)
اَمِ اتَّخَذُوْا مِنْ دُوْنِہٖٓ اَوْلِيَاۗءَ۰ۚ
کیاانہوں نے اللہ کو چھوڑکر اوروں کوکارساز بنارکھا ہے۔
فَاللہُ ہُوَالْوَلِيُّ وَہُوَ يُـحْيِ الْمَوْتٰى۰ۡوَہُوَعَلٰي كُلِّ شَيْءٍ قَدِيْرٌ۹ۧ
پس کارساز تواللہ تعالیٰ ہی ہیں وہی مردوں کوزندہ کرتے ہیں اوروہ ہر چیز پرقدرت رکھتے ہیں۔
وَمَا اخْتَلَفْتُمْ فِيْہِ مِنْ شَيْءٍ فَحُكْمُہٗٓ اِلَى اللہِ۰ۭ
اور جن باتوں میں تم اختلاف کرتے ہو اس کا فیصلہ اللہ تعالیٰ ہی کریں گے۔
ذٰلِكُمُ اللہُ رَبِّيْ عَلَيْہِ تَوَكَّلْتُ۰ۤۖ وَاِلَيْہِ اُنِيْبُ۱۰
وہی اللہ میرا پروردگار ہے میں اسی پربھروسہ رکھتا ہوں اوراسی کی طرف رجوع کرتا ہوں۔
فَاطِرُ السَّمٰوٰتِ وَالْاَرْضِ۰ۭ
وہی آسمانوں اورزمین کا پیدا کرنے والا ہے۔
جَعَلَ لَكُمْ مِّنْ اَنْفُسِكُمْ اَزْوَاجًا وَّمِنَ الْاَنْعَامِ اَزْوَاجًا۰ۚ
اسی نے تمہارے لئے تمہاری ہی جنس سے جوڑے بنائے اورجانوروں کے بھی جوڑے بنائے۔
يَذْرَؤُكُمْ فِيْہِ۰ۭ
اسی طریقہ سے وہ تمہاری نسلیں پھیلاتا ہے۔
لَيْسَ كَمِثْلِہٖ شَيْءٌ۰ۚ وَہُوَالسَّمِيْعُ الْبَصِيْرُ۱۱
کوئی شئے اس جیسی نہیں اور وہی (بہ یک وقت سب کی دعاؤں اور فریادوں کا) سننے والا دیکھنے والا ہے۔
لَہٗ مَقَالِيْدُ السَّمٰوٰتِ وَالْاَرْضِ۰ۚ
اسی کے پاس آسمانوں اور زمین کے خزانوں کی کنجیاں ہیں۔
يَبْسُطُ الرِّزْقَ لِمَنْ يَّشَاۗءُ وَيَقْدِرُ۰ۭ
وہ جس کیلئے چاہتا ہے رزق میں وسعت فرماتا ہے اور جس کے لئے چاہتا ہےکم عطا فرماتا ہے(یہ اللہ تعالیٰ کا ایک حکیمانہ نظام ہے)
اِنَّہٗ بِكُلِّ شَيْءٍ عَلِيْمٌ۱۲
بے شک ہرچیز کا علم اسی کو ہے۔
شَرَعَ لَكُمْ مِّنَ الدِّيْنِ مَا وَصّٰى بِہٖ نُوْحًا
اللہ تعالیٰ نے تمہارے لئے وہی دین مقرر کیا، جس کے اختیار کرنے کا حکم حضرت نوحؑ کودیا گیا تھا۔
وَّالَّذِيْٓ اَوْحَيْنَآ اِلَيْكَ
اورجسے( اختیار کرنے کیلئے) ائے محمدﷺ) ہم نے آپؐ کی طرف وحی بھیجی
وَمَا وَصَّيْنَا بِہٖٓ اِبْرٰہِيْمَ وَمُوْسٰى وَعِيْسٰٓى
اور جسے اختیار کرنے کا حکم ہم نے ابراہیمؑ اورموسیٰ وعیسیٰؑ کودیا تھا۔
اَنْ اَقِيْمُوا الدِّيْنَ وَلَا تَتَفَرَّقُوْا فِيْہِ۰ۭ
یہ کہ دین کوقائم رکھو اور اس میں اختلاف پیدا نہ کرو۔
كَبُرَ عَلَي الْمُشْرِكِيْنَ مَا تَدْعُوْہُمْ اِلَيْہِ۰ۭ
(ائے نبیﷺ) جس دین الٰہی کی طرف آپ انھیں بلارہے ہیں مشرکین پریہی بات سخت ناگوار گذرتی ہے۔
اَللہُ يَجْتَبِيْٓ اِلَيْہِ مَنْ يَّشَاۗءُ
اللہ تعالیٰ جس کوچاہتے ہیں دین کے لئے منتخب فرمالیتے ہیں۔
دین کے فہم سے سرفراز فرماتے ہیں، دین کا کام لیتے ہیں۔
وَيَہْدِيْٓ اِلَيْہِ مَنْ يُّنِيْبُ۱۳
اور اطاعت الٰہی کے عزم کے ساتھ جو کوئی رجوع الی اللہ ہوتا ہے، اللہ تعالیٰ اس کوہدایت دیتے ہیں۔
وَمَا تَفَرَّقُوْٓا اِلَّا مِنْۢ بَعْدِ مَا جَاۗءَہُمُ الْعِلْمُ بَغْيًۢا بَيْنَہُمْ۰ۭ
لوگوں میں یہ تفرقہ اس وقت ہوا جب کہ ان کے پاس علم آچکا تھا اور ان کی آپسی ضد کی وجہ سے۔
وَلَوْلَا كَلِمَۃٌ سَبَقَتْ مِنْ رَّبِّكَ اِلٰٓى اَجَلٍ مُّسَمًّي لَّقُضِيَ بَيْنَہُمْ۰ۭ
اور اگر فیصلہ کا دن تمہارے رب کے پاس پہلے ہی سے مقرر نہ ہوا ہوتا تو ان کا فیصلہ ہی کردیا گیا ہوتا۔
(دنیا ہی میںعذاب دے کران کا خاتمہ کردیا جاتا)
وَاِنَّ الَّذِيْنَ اُوْرِثُوا الْكِتٰبَ مِنْۢ بَعْدِہِمْ لَفِيْ شَكٍّ مِّنْہُ مُرِيْبٍ۱۴
اور جو لوگ ان کے بعد(اللہ تعالیٰ کی) کتاب کے وارث ہوئے وہ اس کی طرف سے شکوک وشبہات اوربڑی الجھن میں پڑگئے۔
فَلِذٰلِكَ فَادْعُ۰ۚ
لہٰذا آپ (گذرے ہوئے پیغمبروں کی طرح) اسی دین واحد کی طرف لوگوں کوبلاتے رہئے(مخالفوں کی پرواہ نہ کیجئے)
وَاسْتَقِمْ كَـمَآ اُمِرْتَ۰ۚ
اور جس طرح آپؐ کوحکم دیا گیا ہے اس پرجمے رہئے اورلوگوں کی خواہشات کی اتباع نہ کیجئے۔
(انھیں راضی کرنے کے لئے دین کے اندر رد وبدل نہ کیجئے)
وَلَا تَتَّبِـعْ اَہْوَاۗءَہُمْ۰ۭ وَقُلْ اٰمَنْتُ بِمَآ اَنْزَلَ اللہُ مِنْ كِتٰبٍ۰ۚ
اورکہئے جوکتاب اللہ تعالیٰ نے نازل فرمائی ہے میں اس پر ایمان رکھتا ہوں۔
وَاُمِرْتُ لِاَعْدِلَ بَيْنَكُمْ۰ۭ
اورمجھے حکم دیا گیا ہیکہ(اس کتب کے مطابق تمہارے درمیان) انصاف کروں۔
اَللہُ رَبُّنَا وَرَبُّكُمْ۰ۭ
اللہ تعالیٰ ہی ہمارے اورتمہارے رب ہیں،
لَنَآ اَعْمَالُنَا وَلَكُمْ اَعْمَالُكُمْ۰ۭ
ہمارے اعمال کا بدلہ ہمارے لئے۔ اور تمہارے اعمال کا بدل تمہارے لئے
ہرایک اپنے اپنے اعمال کا ذمہ دار اور جواب دہ ہے۔
لَا حُجَّۃَ بَيْنَنَا وَبَيْنَكُمْ۰ۭ
ہمارے اورتمہارے درمیان کوئی حجت وتکرار نہ ہونی چاہئے۔
اَللہُ يَجْمَعُ بَيْنَنَا۰ۚ وَاِلَيْہِ الْمَصِيْرُ۱۵ۭ
اللہ تعالیٰ( قطعی فیصلہ کیلئے) ہم سب کو ایک دن جمع کریں گے اور(محاسبہ اعمال کیلئے ہم سب کو) بہرحال اسی کی طرف لوٹ کرجانا ہے۔
وَالَّذِيْنَ يُحَاۗجُّوْنَ فِي اللہِ مِنْۢ بَعْدِ مَا اسْتُجِيْبَ لَہٗ
اور جو لوگ دین الٰہی کے بارے میں (ان لوگوں سے) جھگڑتے ہیں جنہوں نے اللہ کے دین کوقبول کرلیا ہے۔
حُجَّــتُہُمْ دَاحِضَۃٌ عِنْدَ رَبِّہِمْ وَعَلَيْہِمْ غَضَبٌ وَّلَہُمْ عَذَابٌ شَدِيْدٌ۱۶
ان کے پروردگار کے پاس ان کی حجتیں باطل وزائل ہیں اور ان پر (اللہ تعالیٰ کا) غضب ہے اور سخت ترین عذاب ہے۔
اَللہُ الَّذِيْٓ اَنْزَلَ الْكِتٰبَ بِالْحَقِّ وَالْمِيْزَانَ۰ۭ
اللہ ہی تو ہے جس نے حق کے ساتھ یہ کتاب نازل فرمائی اورمیزان (شریعت) بھی یعنی عدل وانصاف کی تعلیم،
وَمَا يُدْرِيْكَ لَعَلَّ السَّاعَۃَ قَرِيْبٌ۱۷
اورتمہیں کیا خبر کہ فیصلہ کی گھڑی قریب ہی آپہنچی ہو۔
يَسْتَعْجِلُ بِہَا الَّذِيْنَ لَا يُؤْمِنُوْنَ بِہَا۰ۚ
اس کے لئے وہی لوگ جلدی مچاتے ہیں جو اس کے واقع ہونے کا یقین نہیں رکھتے۔
وَالَّذِيْنَ اٰمَنُوْا مُشْفِقُوْنَ مِنْہَا۰ۙ
اور جولوگ ایمان لائے ہیں( یعنی قیامت کے واقع ہونے کا یقین رکھتے ہیں) وہ اس کے خیال ہی سے ڈرتے (اورگھبراتے ہیں)
وَيَعْلَمُوْنَ اَنَّہَا الْحَقُّ۰ۭ
اورجانتے ہیں کہ وہ یقیناً واقع ہونے والی ہے۔
اَلَآ اِنَّ الَّذِيْنَ يُمَارُوْنَ فِي السَّاعَۃِ لَفِيْ ضَلٰلٍؚبَعِيْدٍ۱۸
خبردار (آگاہ ہوجاؤ) جو لوگ قیامت کے بارے میں کج بحثی کرتے ہیں وہ گمراہی میں بہت دور نکل گئے ۔
اَللہُ لَطِيْفٌۢ بِعِبَادِہٖ يَرْزُقُ مَنْ يَّشَاۗءُ۰ۚ
اللہ تعالیٰ اپنے بندوں پربڑے ہی شفیق وعنایت فرماہیں جس کو جو چاہتے ہیں عطا فرماتے ہیں
وَہُوَالْقَوِيُّ الْعَزِيْزُ۱۹ۧ
اور وہ نہایت ہی قوی اورزبردست (طاقت کے مالک) ہیں۔
مَنْ كَانَ يُرِيْدُ حَرْثَ الْاٰخِرَۃِ
جو کوئی آخرت کی کھیتی چاہتا ہے(بدل آخرت کے پیش نظر اس کے حصول کی کوشش میں لگارہتا ہے)
نَزِدْ لَہٗ فِيْ حَرْثِہٖ۰ۚ
ہم اس کے لئے اس کھیتی کوبہت زیادہ بڑھادیتے ہیں۔
(اس کی طلب سے بھی بہت زیادہ لازوال نعمتیں عطا کرتے ہیں)
وَمَنْ كَانَ يُرِيْدُ حَرْثَ الدُّنْيَا
اورجو کوئی دنیا ہی کی کھیتی چاہتا ہے۔
یعنی دنیا ہی کے حصول کی کوشش میں لگارہتا اور آخرت کونظرانداز کردیتا ہے۔
نُؤْتِہٖ مِنْہَا وَمَا لَہٗ فِي الْاٰخِرَۃِ مِنْ نَّصِيْبٍ۲۰
توہم اسے دنیا ہی میں سے کچھ دے دیتے ہیں(جتنا ہمیں منظورہوتا ہے) اوراس کے لئے آخرت میں کوئی حصہ نہیں ہے۔
اَمْ لَہُمْ شُرَكٰۗؤُا شَرَعُوْا لَہُمْ مِّنَ الدِّيْنِ
کیا ان کے کچھ شریک ہیں جنہوں نے ان کے لئے ایسا دین (طریقہ) مقرر کردیا ہے۔
مَا لَمْ يَاْذَنْۢ بِہِ اللہُ۰ۭ
جس کی اجازت اللہ نے نہیں دی۔
وَلَوْلَا كَلِمَۃُ الْفَصْلِ لَـقُضِيَ بَيْنَہُمْ۰ۭ
اور اگر فیصلہ کی بات پہلے سے طے شدہ نہ ہوتی تودنیا ہی میں انکا فیصلہ ہوچکا ہوتا
وَاِنَّ الظّٰلِـمِيْنَ لَہُمْ عَذَابٌ اَلِيْمٌ۲۱
اوریقیناً ایسے ظالموں کے لئے دردناک عذاب ہے۔
تَرَى الظّٰلِـمِيْنَ مُشْفِقِيْنَ مِمَّا كَسَبُوْا وَہُوَوَاقِـــعٌۢ بِہِمْ۰ۭ
آپ ظالمین کودیکھیں گے کہ وہ اپنے کئے کے انجام سے ڈر رہے ہوں گے اور اس کے وبال ان پرواقع ہوکر رہے گا۔
وَالَّذِيْنَ اٰمَنُوْا وَعَمِلُوا الصّٰلِحٰتِ فِيْ رَوْضٰتِ الْجَـنّٰتِ۰ۚ
اورجولوگ ایمان لائے اورنیک عمل کئے وہ جنت کے باغوں میں ہوں گے۔
لَہُمْ مَّا يَشَاۗءُوْنَ عِنْدَ رَبِّہِمْ۰ۭ ذٰلِكَ ہُوَالْفَضْلُ الْكَبِيْرُ۲۲
ان کے لئے جو وہ چاہیں گے اپنے رب کے پاس ملے گا یہ بہت ہی بڑا فضل(و انعام) ہے۔
ذٰلِكَ الَّذِيْ يُبَشِّرُ اللہُ عِبَادَہُ
یہی وہ انعام ہے جس کی خوش خبری اللہ تعالیٰ اپنے بندوں کودیتے ہیں۔
الَّذِيْنَ اٰمَنُوْا وَعَمِلُوا الصّٰلِحٰتِ۰ۭ
ان بندوں کوجو ایمان لائے اور نیک عمل کئے۔
قُلْ لَّآ اَسْـَٔــلُكُمْ عَلَيْہِ اَجْرًا
(ائے نبیﷺ) لوگوں سے کہئے کہ میں اس کام کا صلہ تم سے مانگ نہیں رہا ہوں۔
اِلَّا الْمَوَدَّۃَ فِي الْقُرْبٰى۰ۭ
البتہ قرابت داری کی محبت ضرور چاہتا ہوں۔
چاہئے تویہ تھا کہ رشتہ داری کی خاطر تم میری بات مان لیتے اور دشمنی پر اتر نہ آتے۔
وَمَنْ يَّــقْتَرِفْ حَسَـنَۃً نَّزِدْ لَہٗ فِيْہَا حُسْـنًا۰ۭ
اور جو کوئی نیکی کرے گا ہم اس کی نیکیوں میں مزید خوبیوں کا اضافہ کریں گے۔
اِنَّ اللہَ غَفُوْرٌ شَكُوْرٌ۲۳
بے شک اللہ تعالیٰ بڑے ہی بخشنے والے بڑے ہی قدردان ہیں۔
اَمْ يَقُوْلُوْنَ افْتَرٰى عَلَي اللہِ كَذِبًا۰ۚ
کیا یہ لوگ کہتے ہیں کہ آپؐ نے اللہ پر جھوٹی باتیں گھڑ رکھی ہیں ؟ اس صورت میں
فَاِنْ يَّشَاِ اللہُ يَخْتِمْ عَلٰي قَلْبِكَ۰ۭ
اگر اللہ تعالیٰ چاہتے تو آپ کے دل پرمہر کردیتے۔
وَيَمْحُ اللہُ الْبَاطِلَ وَيُحِقُّ الْحَقَّ بِكَلِمٰتِہٖ۰ۭ
اللہ تعالیٰ باطل کومٹادیا کرتے ہیں اور اپنے کلام سے حق کا حق ہونا ثابت کردکھاتے ہیں۔
اِنَّہٗ عَلِيْمٌۢ بِذَاتِ الصُّدُوْرِ۲۴
بے شک وہ دلوں کے راز سے واقف ہے۔
(اللہ تعالیٰ خوب جانتے ہیں کہ آپ پراس طرح کے الزام کیوں لگائے گئے ہیں اس سے ان کفار کا کیا مقصد ہے)
وَہُوَالَّذِيْ يَقْبَلُ التَّوْبَۃَ عَنْ
اور وہی اپنے بندوں سے توبہ قبول کرتا ہے۔
عِبَادِہٖ وَيَعْفُوْا عَنِ السَّـيِّاٰتِ
اور برائیوں کودرگذرفرماتا ہے۔
وَيَعْلَمُ مَا تَفْعَلُوْنَ۲۵ۙ
اور تم جو کچھ کرتے ہو وہ سب بذاتہ جانتا ہے۔
وَيَسْتَجِيْبُ الَّذِيْنَ اٰمَنُوْا وَعَمِلُوا
وہ ایمان لانے اور نیک عمل کرنے والوں کی دعائیں قبول کرتا ہے
الصّٰلِحٰتِ وَيَزِيْدُہُمْ مِّنْ فَضْلِہٖ۰ۭ
اور اپنی مہربانی سے مقررہ اجر سے زیادہ عطا کرتا ہے
وَالْكٰفِرُوْنَ لَہُمْ عَذَابٌ شَدِيْدٌ۲۶
اور جو لوگ اس حقیقت کا انکار کرتے ہیں ان کیلئے سخت ترین عذاب ہے۔
وَلَوْ بَسَطَ اللہُ الرِّزْقَ لِعِبَادِہٖ
اور اگر اللہ تعالیٰ اپنے بندوں کورزق وافر عطا فرماتے (رزق میں کمی بیشی کا نظام نہ ہوتا)
لَبَغَوْا فِي الْاَرْضِ وَلٰكِنْ يُّنَزِّلُ بِقَدَرٍ مَّا يَشَاۗءُ۰ۭ
تو وہ ملک میں کھلی سرکشی کرتے لیکن جس قدر انھیں منظور ہوتا ہے نازل فرماتے ہیں۔
اِنَّہٗ بِعِبَادِہٖ خَبِيْرٌۢ بَصِيْرٌ۲۷
بے شک وہ اپنے بندوں سے با خبر اور ان پر نظر رکھے ہوئے ہیں(اللہ تعالیٰ ان کی بشری کمزوریوں اورنفس کی کوتاہیوں سے واقف ہیں)
وَہُوَالَّذِيْ يُنَزِّلُ الْغَيْثَ مِنْۢ بَعْدِ مَا قَنَطُوْا وَيَنْشُرُ رَحْمَتَہٗ۰ۭ
اور وہی توہے جو لوگوں کے نا امید ہوجانے کے بعد اپنی رحمت سے بادلوں کوپھیلا کردور دور تک مینہ برساتا ہے۔
وَہُوَالْوَلِيُّ الْحَمِيْدُ۲۸
اور وہی کارساز، حاجت روا، ہر طرح کی تعریف کا سزاوار ہے ۔
وَمِنْ اٰيٰتِہٖ خَلْقُ السَّمٰوٰتِ وَالْاَرْضِ وَمَا بَثَّ فِيْہِمَا مِنْ دَاۗبَّۃٍ۰ۭ
اوراسی کی قدرت کی نشانیوں میں سے آسمانوں اورزمین کی تخلیق ہے اور آسمان وزمین میں مختلف قسم کی جاندار مخلوق کا پھیلانا ہے۔
وَہُوَ عَلٰي جَمْعِہِمْ اِذَا يَشَاۗءُ قَدِيْرٌ۲۹ۧ
اور وہ ان تمام خلائق کو جب چاہے جمع کرنے پرقادر ہے(قیامت ہوگی اور اولین وآخرین جمع کئے جائیں گے)
وَمَآ اَصَابَكُمْ مِّنْ مُّصِيْبَۃٍ فَبِمَا كَسَبَتْ اَيْدِيْكُمْ
اور تم کوجو کچھ مصیبت پہنچتی ہے وہ تو تمہارے اپنے ہاتھوں کی کمائی ہے (مکہ کے قحط کی طرف اشارہ ہے)
وَيَعْفُوْا عَنْ كَثِيْرٍ۳۰ۭ
اوریوں تواللہ تعالیٰ بہت سی کوتاہیوں کونظرانداز کرہی دیتے ہیں۔
وَمَآ اَنْتُمْ بِمُعْجِزِيْنَ فِي الْاَرْضِ۰ۚۖ وَمَا لَكُمْ مِّنْ دُوْنِ اللہِ مِنْ وَّلِيٍّ وَلَا نَصِيْرٍ۳۱
اور تم(بھاگ کر) اللہ تعالیٰ کے غضب سے بچ نہیں سکتے اللہ تعالیٰ کے مقابلہ میں تمہارا نہ کوئی کارساز ہے اور نہ مددگار۔
وَمِنْ اٰيٰتِہِ الْجَـــوَارِ فِي الْبَحْرِ كَالْاَعْلَامِ۳۲ۭ
اور اس کی(قدر کاملہ کی) نشانیوں میں پہاڑوں جیسے بڑے بڑے جہاز بھی ہیں جوسمندر میں چلتے ہیں ۔
اِنْ يَّشَاْ يُسْكِنِ الرِّيْحَ فَيَظْلَلْنَ رَوَاكِدَ عَلٰي ظَہْرِہٖ۰ۭ
اگر اللہ تعالیٰ چاہیں توہوا کو ٹھیرادیں اور جہاز اس کی سطح پر کھڑے کے کھڑے رہ جائیں۔
(بادبانی جہاز پردوں میںہوا بھرجانے اور اس کے ڈھکیلنے سے چلا کرتے ہیں۔)
اِنَّ فِيْ ذٰلِكَ لَاٰيٰتٍ لِّكُلِّ صَبَّارٍ شَكُوْرٍ۳۳ۙ
بے شک اس میں ہرایک صبر کرنے والے اورشکر کرنے والے بندۂ مومن کے لئے قدرت کے نمونے ہیں۔
اَوْ يُوْبِقْہُنَّ بِمَا كَسَبُوْا وَيَعْفُ عَنْ كَثِيْرٍ۳۴ۡ
یا ان کے کرتوتوں کے سبب انھیں(سمندر میں) غرق کردے (یوں تووہ اکثر درگذرہی سے کام لیتے ہیں) اور بہت سے قصور تومعاف ہی کرتے رہتے ہیں۔
وَّيَعْلَمَ الَّذِيْنَ يُجَادِلُوْنَ فِيْٓ اٰيٰتِنَا۰ۭ
اور جو لوگ ہماری آیتوں میں جھگڑتے ہیں(انھیں اپنی تباہی کے وقت معلوم ہوجائے گا کہ)
مَا لَہُمْ مِّنْ مَّحِيْصٍ۳۵
اللہ تعالیٰ کے عذاب سے بچنے کے لئے کوئی جائے پناہ نہیں ہے ۔
فَمَآ اُوْتِيْتُمْ مِّنْ شَيْءٍ فَمَتَاعُ الْحَيٰوۃِ الدُّنْيَا۰ۚ
پس جو کچھ تمہیں دیا گیا ہے وہ دنیا کا چند روزہ سامان زندگی ہے۔
وَمَا عِنْدَ اللہِ خَيْرٌ وَّاَبْقٰى لِلَّذِيْنَ اٰمَنُوْا وَعَلٰي رَبِّہِمْ يَتَوَكَّلُوْنَ۳۶ۚ
اور جو کچھ اللہ تعالیٰ کے ہاں ہے وہ بہتر اور باقی رہنے والا ہے ان لوگوں کے لئے جو ایمان لائے اور اپنے پروردگار ہی پر بھروسہ رکھا۔
وَالَّذِيْنَ يَجْتَنِبُوْنَ كَبٰۗىِٕرَ الْاِثْمِ وَالْـفَوَاحِشَ
اور جو کبیرہ گناہوں سے بچتے ہیں اوربے حیائی کی باتوں سے پرہیز کرتے ہیں۔
وَاِذَا مَا غَضِبُوْا ہُمْ يَغْفِرُوْنَ۳۷ۚ
اورجب انھیں غصہ آتا ہے تومعاف کردیتے ہیں۔
وَالَّذِيْنَ اسْتَجَابُوْا لِرَبِّہِمْ
اور اپنے پروردگار کا حکم مانتے۔
وَاَقَامُوا الصَّلٰوۃَ۰۠
اور نمازیں قائم کرتے ہیں
وَاَمْرُہُمْ شُوْرٰى بَيْنَہُمْ۰۠
اور ان کا ہر کام آپس کے مشورہ سے ہوتا ہے۔
وَمِمَّا رَزَقْنٰہُمْ يُنْفِقُوْنَ۳۸ۚ
اور ہم نے انھیں جو کچھ دیا ہے ( اللہ کی راہ میں) خرچ کرتے ہیں۔
یعنی تنگی معاش کوانفاق نہ کرنے کا بہانہ نہیں بناتے۔
وَالَّذِيْنَ اِذَآ اَصَابَہُمُ الْبَغْيُ ہُمْ يَنْتَصِرُوْنَ۳۹
اور جب ظلم وزیادتی کا شکار ہوجاتے ہیںتوضرور بدلہ لیتے ہیں۔
وَجَزٰۗؤُا سَيِّئَۃٍ سَيِّئَۃٌ مِّثْلُہَا۰ۚ
برائی کا بدلہ ویسی ہی برائی ہے(زیادتی مراد نہیں)
فَمَنْ عَفَا وَاَصْلَحَ فَاَجْرُہٗ عَلَي اللہِ۰ۭ
پھر جو کوئی معاف کردے اور اصلاح کرے تواس کا اجر اللہ تعالیٰ کے ذمہ ہے(بدلہ لینے کے مقابلہ میں معاف کردینا زیادہ بہتر ہے)
اِنَّہٗ لَا يُحِبُّ الظّٰلِـمِيْنَ۴۰
یقیناً اللہ تعالیٰ ظلم کرنے والوں کو پسند نہیں فرماتے ۔
وَلَمَنِ انْتَصَرَ بَعْدَ ظُلْمِہٖ فَاُولٰۗىِٕكَ مَا عَلَيْہِمْ مِّنْ سَبِيْلٍ۴۱ۭ
اور جس پرظلم ہوا ہو اگر وہ اس کے بعد انتقام لے توایسے لوگوں پرکوئی الزام نہیں۔
اِنَّمَا السَّبِيْلُ عَلَي الَّذِيْنَ يَظْلِمُوْنَ النَّاسَ وَيَبْغُوْنَ فِي الْاَرْضِ بِغَيْرِ الْحَقِّ۰ۭ
الزام توانھیں پر ہے جو لوگوں پرظلم کرتے ہیں اورزمین میں ناحق فساد پھیلاتے ہیں۔
اُولٰۗىِٕكَ لَہُمْ عَذَابٌ اَلِيْمٌ۴۲
ایسے لوگوں کے لئے درد ناک عذاب ہے۔
وَلَمَنْ صَبَرَ وَغَفَرَ
اور جس نے صبر سے کام لیا ہے اور معاف کیا(درگذر سے کام لیا)
اِنَّ ذٰلِكَ لَمِنْ عَزْمِ الْاُمُوْرِ۴۳ۧ
تویہ بڑی ہمت کے کاموں میں سے ہے۔
وَمَنْ يُّضْلِلِ اللہُ فَمَا لَہٗ مِنْ وَّلِيٍّ مِّنْۢ بَعْدِہٖ۰ۭ
اور جس کواللہ تعالیٰ اس کی اپنی گمراہی میں پڑا رہنے دیں توپھر اس کے بعد کوئی اس کا سنبھالنے والا نہیں۔
وَتَرَى الظّٰلِـمِيْنَ لَمَّا رَاَوُا الْعَذَابَ
اور(ائے نبیﷺ) آپ ان ظالموں کودیکھوگے جب وہ (دوزخ کا) عذاب دیکھیں گے۔
يَقُوْلُوْنَ ہَلْ اِلٰى مَرَدٍّ مِّنْ سَبِيْلٍ۴۴ۚ
توکہیں گے کیا پھر دنیا میں جانے (اورنیک کام کرنے) کی کوئی صورت ہوسکتی ہے؟
وَتَرٰىہُمْ يُعْرَضُوْنَ عَلَيْہَا خٰشِعِيْنَ مِنَ الذُّلِّ
اورآپؐ انھیں دیکھیں گے کہ جب وہ (دوزخ کے) سامنے لائے جائیں گے توذلت کے مارے جھکے جارہے ہوں گے
يَنْظُرُوْنَ مِنْ طَرْفٍ خَفِيٍّ۰ۭ
(اور نظربچا کر) چھپی اورنیچی نگاہوں سے (اپنے ساتھیوں کو) دیکھ رہے ہوںگے۔
وَقَالَ الَّذِيْنَ اٰمَنُوْٓا اِنَّ الْخٰسِرِيْنَ الَّذِيْنَ خَسِرُوْٓا اَنْفُسَہُمْ وَاَہْلِيْہِمْ يَوْمَ الْقِيٰمَۃِ۰ۭ
اور (اس وقت) اہل ایمان کہیں گے بے شک خسارہ اٹھانے والے تو وہ لوگ ہیں جنہوں نے قیامت کے دن اپنے آپ کواور اپنےاہل وعیال کو تباہ کردیا (ایسی تباہی جس کی تلافی ممکن نہیں)
اَلَآ اِنَّ الظّٰلِـمِيْنَ فِيْ عَذَابٍ مُّقِيْمٍ۴۵
آگاہ ہوجاؤ ! یقینا ًظالم (مشرک کافر) ہمیشہ ہمیشہ دائمی عذاب میں رہینگے۔
وَمَا كَانَ لَہُمْ مِّنْ اَوْلِيَاۗءَ يَنْصُرُوْنَہُمْ مِّنْ دُوْنِ اللہِ۰ۭ
اور اللہ تعالیٰ کے مقابلہ میں ان کے کوئی حامی ان کی مدد نہ کرسکیں گے۔
وَمَنْ يُّضْلِلِ اللہُ فَمَا لَہٗ مِنْ سَبِيْلٍ۴۶ۭ
اور جسے اللہ تعالیٰ گمراہی میں پڑا رہنے دیں تو پھر اس کے بچاؤ کی کوئی صورت نہیں۔
اِسْتَجِيْبُوْا لِرَبِّكُمْ مِّنْ قَبْلِ اَنْ يَّاْتِيَ يَوْمٌ لَّا مَرَدَّ لَہٗ مِنَ اللہِ۰ۭ
اپنے رب کی بات مان لو(تعلیمات الٰہی کو قبول کرلو) قبل اس کے کہ وہ دن آجائے جو اللہ کی طرف سے ٹلنے والا نہیں۔
مَا لَكُمْ مِّنْ مَّلْجَاٍ يَّوْمَىِٕذٍ وَّمَا لَكُمْ مِّنْ نَّكِيْرٍ۴۷
اس دن تمہارے لئے کوئی جائے پناہ ہوگی اور نہ ہی تم (اپنی بداعمالیوں کا) انکار کرسکوگے۔
جوفرشتے اعمال لکھنے پرمامور ہیں وہ اعمال نامہ سامنے لاکررکھ دیں گے۔
فَاِنْ اَعْرَضُوْا فَمَآ اَرْسَلْنٰكَ عَلَيْہِمْ حَفِيْظًا۰ۭ
لہٰذا اگریہ لوگ (اس تعلیم سے) منہ موڑلیں (نہ مانیں) توہم نے آپ کو ان پرنگہبان بنا کر تونہیں بھیجا ہے (یعنی ان کے ایمان نہ لانے کی کوئی ذمہ داری آپ پر نہیں ہے۔
اِنْ عَلَيْكَ اِلَّا الْبَلٰــغُ۰ۭ
آپؐ پرتوصرف احکام پہنچادینے کی ذمہ داری ہے۔
وَاِنَّآ اِذَآ اَذَقْنَا الْاِنْسَانَ مِنَّا رَحْمَۃً فَرِحَ بِہَا۰ۚ
اور جب ہم انسان کو اپنی رحمت کا مزہ چکھاتے ہیں( یعنی دنیاوی مال ودولت عطا کرتے ہیں) تواس پر خوش ہوتا ہے۔
وَاِنْ تُصِبْہُمْ سَيِّئَۃٌۢ بِمَا قَدَّمَتْ اَيْدِيْہِمْ فَاِنَّ الْاِنْسَانَ كَفُوْرٌ۴۸
اورا گر ان کوان ہی کے اعمال کے سبب کوئی مصیبت پہنچتی ہے توایسا انسان (اللہ تعالیٰ کے احسانات کوبھول جاتا اور ) بڑا ہی ناشکرا ہوجاتا ہے۔
بزرگوں کے فیضان کا انکار کرنے کے بجائے اللہ تعالیٰ ہی کے فضل کا منکر ہوجاتا ہے۔
لِلہِ مُلْكُ السَّمٰوٰتِ وَالْاَرْضِ۰ۭ
آسمانوں اورزمین کی فرماں روائی اللہ تعالیٰ ہی کے لئے ہے۔
کوئی مقرب سے مقرب بندہ اللہ تعالیٰ کی فرماں روائی میں کسی حیثیت سے بھی شریک ودخیل نہیں ہے۔
يَخْلُقُ مَا يَشَاۗءُ۰ۭ
وہ جوچاہتا ہے پیدا کرتا ہے۔
يَہَبُ لِمَنْ يَّشَاۗءُ اِنَاثًا وَّيَہَبُ لِمَنْ يَّشَاۗءُ الذُّكُوْرَ۴۹ۙ
جسے چاہتا ہے بیٹیاں عطا کرتا ہے اور جسے چاہتا ہے، بیٹے عطا کرتا ہے۔
اَوْ يُزَوِّجُہُمْ ذُكْرَانًا وَّاِنَاثًا۰ۚ وَيَجْعَلُ مَنْ يَّشَاۗءُ عَــقِـيْمًا۰ۭ
یا انھیں بیٹے اور بیٹیاں دونوں عنایت فرماتا ہے اور جسے چاہتا ہے بے اولاد رکھتا ہے۔
اِنَّہٗ عَلِيْمٌ قَدِيْرٌ۵۰
بے شک وہ بڑا ہی جاننے والا ہرچیز پرقدرت رکھنے والا ہے
وَمَا كَانَ لِبَشَرٍ اَنْ يُّكَلِّمَہُ اللہُ
اور کسی بشر کی مجال نہیں کہ وہ اللہ تعالیٰ سے کلام کرسکے۔
اِلَّا وَحْيًا اَوْ مِنْ وَّرَاۗئِ حِجَابٍ اَوْ يُرْسِلَ رَسُوْلًا فَيُوْحِيَ بِـاِذْنِہٖ مَا يَشَاۗءُ۰ۭ
سوائے اس کے کہ وہ وحی کے ذریعہ ہویا پردہ کے پیچھے سے یا کسی فرشتے کے ذریعہ جو اللہ تعالیٰ کے حکم سے منشاء الٰہی کے مطابق وحی لاتا ہے۔
اِنَّہٗ عَلِيٌّ حَكِيْمٌ۵۱
بے شک وہ بڑا ہی عالی شان نہایت ہی حکمت والا ہے۔
حکیم ، ساری حکمتوں کا منبع، بڑا ہی دانا ودانشور، جس کی ساری تجاویز نہایت ہی حکیمانہ ہوتی ہیں۔
وَكَذٰلِكَ اَوْحَيْنَآ اِلَيْكَ رُوْحًا مِّنْ اَمْرِنَا۰ۭ
اور اسی طرح(مذکورہ طریقوں سے) ائے نبی (ﷺ) ہم نے اپنے حکم سے آپؐ کی طرف روح القدس (جبرئیل امین) کے ذریعہ وحی کی (قرآن مجید بھیجا)
مَا كُنْتَ تَدْرِيْ مَا الْكِتٰبُ وَلَا الْاِيْمَانُ
یہ آپؐ جانتے ہی نہ تھے کہ اللہ تعالیٰ کی کتاب کیا چیز ہے اورایمان کیا ہے۔
وَلٰكِنْ جَعَلْنٰہُ نُوْرًا نَّہْدِيْ بِہٖ مَنْ نَّشَاۗءُ مِنْ عِبَادِنَا۰ۭ
لیکن ہم نے اس قرآن کوایک نور بنایا(جس کے ذریعہ علم وعمل کی رہنمائی ہوتی ہے) ہم اپنے بندوں میں سے جس کوچاہتے ہیں ہدایت کی راہیں سمجھاتے ہیں۔
وَاِنَّكَ لَـــتَہْدِيْٓ اِلٰى صِرَاطٍ مُّسْتَقِيْمٍ۵۲ۙ
اوریقیناً (ائے محمدﷺ) آپ صراط مستقیم( دین اسلام )کی طرف رہنمائی کرتے ہیں۔
صِرَاطِ اللہِ الَّذِيْ لَہٗ مَا فِي السَّمٰوٰتِ وَمَا فِي الْاَرْضِ۰ۭ
اس اللہ تعالیٰ کے مقرر کردہ راستے کی طرف جو مالک ہے، ان ساری چیزوں کا جو آسمانوں میں ہے اورجوزمین میں ہیں۔
اَلَآ اِلَى اللہِ تَصِيْرُ الْاُمُوْرُ۵۳ۧ
خبردار(اس بات کو یاد رکھو کہ) تمام امور (فیصلہ کے لئے) اللہ تعالیٰ ہی کے پاس پیش ہوں گے (اور کسی کی سعی و سفارش کواس میں دخل نہ ہوگا۔)