سورة سبأ

ساری تعریف اللہ تعالیٰ ہی کے لئے ہے جو کچھ آسمانوں اورزمین میں ہے سب اسی کا ہے،

اور آخرت میں بھی اسی کے لئے تعریف ہے (وہی سزاوار حمد وثنا ہے)

اور وہی ساری حکمتوں کا مالک(کائنات کا ذرہ ذرہ کی) خبر رکھنے والا ہے۔

(اس کی وسعت علمی کی شان یہ ہے کہ) جو چیز زمین کے اندرداخل ہوتی ہے(بارش وغیرہ)

اور جوچیزیں اس میں سے نکلتی ہیں (پودے وغیرہ)

اور جو کچھ آسمان سے نازل ہوتا ہے (احکام یا بارش یا فرشتوں کا نازل کیا جانا وغیرہ)

اور جو کچھ اس میں (آسمان پر) چڑھتا ہے(اعمال، فرشتے ہوائیں، بادل) وہ ان سب چیزوں کوجانتا ہے۔

اور وہ (اللہ ) بڑا ہی بخشنے والا رحم فرمانے والا ہے ۔

اورکافر کہتے ہیں کیا بات ہے۔

قیامت ہم پرنہیں آرہی ہے۔

کہئے، ہاں ہاں ! میرے پروردگار کی قسم وہ تم پرضرور آکر رہے گی۔

وہ غیب کا جاننے والا ہے( قیامت کا واقع ہونا اسی کے علم میں ہے)

اس سے کوئی ذرہ برابر چیز پوشیدہ نہیں رہ سکتی۔

نہ آسمانوں میں اور نہ زمین میں

اور نہ ذرے سے بڑی اورنہ اس سے چھوٹی،

مگر وہ سب کے سب لوح محفوظ میں درج ہیں۔

تا کہ جو لوگ ایمان لائے اوراعمال صالحہ کرتے رہے انھیں ان کے نیک اعمال کا بدلہ دے۔

یہ وہ لوگ ہیں کہ ان کیلئے مغفرت اور رزق کریم (باعزت روزی ) ہے۔

اور جن لوگوں نے ہماری تعلیمات کونیچا دکھانے کی کوشش کی ان کے لئے بدترین قسم کا درد ناک عذاب ہے۔

اور جن لوگوں کوعلم دیا گیا ہے، وہ جانتے ہیں کہ جوقرآن آپ کے پروردگار کی طرف سے آپ پرنازل کیا گیا ہے۔ وہ سراسر حق ہے۔

اور وہ ایک زبردست قابل تعریف خدا کے راستہ کی طرف رہنمائی کرتا ہے۔

اور وہ لوگ جوکافر ہیں (دوبارہ حساب وکتاب کے لئے اٹھائے جانے

کیا ہم تمہیں ایک ایسا شخص بتائیں جو تمہیں خبر دیتا ہے کہ تمہارے (مرکر۔ گل سڑکر) ریزہ ریزہ ہوکر ملیامیٹ ہوجانے کے بعد

تم نئے سرے سے پیدا کئے جاؤگے ؟

اس نے اللہ تعالیٰ پر جھوٹی بات گھڑرکھی ہے یا اسے جنون ہوگیا ہے (نہیں)

(نہیں) بلکہ جولوگ حیات آخرت پرایمان نہیں رکھتے وہ (دائمی) عذاب میں ماخوذ رہیں گے اور وہی انتہائی گمراہی میں ہیں

کیا وہ اپنے آگے اورپیچھے آسمان سے زمین تک نہیں دیکھ رہے ہیں ؟

ہم اگر چاہتے توانھیں زمین میں دھنسادیتے۔

یا ہم ان پر آسمان کا کوئی ٹکڑا گرادیتے۔

ان واقعات میں ہراس شخص کے لئے جو توبہ کے ساتھ رجوع الی اللہ ہوتا ہے (اللہ تعالیٰ کے الہ واحد ہونے کی) کئی ایک نشانیاں ہیں۔

(اورحکم دیا کہ) ائے پہاڑو، داودؑ کے ساتھ تم بھی اللہ تعالیٰ کی تسبیح کیا کرو اور پرندوں کوبھی (یہی حکم دیا گیا)

اور ہم نے ان کے لئے لوہے کونرم کردیا۔

اورہدایت دی کہ اس سے زرہیں بناؤ اوران کی کڑیاں (حلقے) برابر برابر ایک خاص انداز سے جوڑے رکھو (اوران کا صحیح استعمال کرو)

اور(ائے آل داؤد) نیک عمل کرو۔

تم جو کچھ کرتے ہو میں دیکھ رہا ہوں۔
(تمہارے سب اعمال میری نظر میں ہیں)

اورسلیمانؑ کے لئے ہوا کوتابع کردیا۔

اس کی صبح کی منزل ایک مہینہ کی راہ ہوتی اورشام کی منزل ایک مہینہ کی۔

اورہم نے ان کے لئے تانبہ کا چشمہ جاری کیا،

اور اجنہ میں سے ایسے جن ان کے تابع کردیئے گئے۔ جو اپنے رب کے حکم سے ان (سلیمانؑ) کے آگے کام کرتے تھے۔

اور ان میں جوکوئی ہمارے حکم سے سرتابی کرتا تو ہم اس کو بھڑکتی ہوئی آگ کا مزہ چکھاتے۔

وہ (اجنہ) ان کے لئے جو وہ چاہتے بناتے،

اونچی اونچی عمارتیں اورتانبے کے مجسمے اور حوض جیسے لگن اور بھاری بھاری دیگیں (جو اپنی جگہ سے اٹھائی نہ جاسکتی تھیں سلیمانؑ کے حسب منشا بناتے تھے)

(اللہ تعالیٰ نے فرمایا) ائے آل داؤد (اس احسان کے بدلے) شکر بجالاؤ۔

اور میرے بندوں میں بہت ہی کم شکر گزار ہیں۔

پھر جب ہم نے سلیمانؑ پر موت کا حکم صادر کیا (اوران کی روح پرواز کرگئی)

توکسی چیز نے ان کی موت کا پتہ نہ دیا سوائے گھن کے کیڑے کے جوان کے عصا کواندر ہی اندر کھارہا تھا۔
(جس پرٹیک لگا کر کھڑے آپؑ کام کی نگرانی کررہے تھے)

پھر جب عصا گرپڑا تب جنوں پرحقیقت کھلی (اورکہنے لگے) اگر وہ غیب کا علم جانتے ہوتے تواس درجہ تکلیف کے ساتھ ذلت میں پڑے نہ رہتے۔

یہ بستیاں شاہراہ عام پرواقع تھیں۔

اور سیروسیاحت کے لئے ہم نے ان میں ایک انداز سے قریب قریب منزلیں رکھی تھیں۔

نبی کے ذریعہ ہم نے حکم دیا کہ ان میں (ایک بستی سے دوسری بستی میں سہولت کے ساتھ) رات دن امن کے ساتھ بلاخوف وخطر چلتے پھرتے رہو

(اہل سبا نے ناشکری کی اور دعا کی) ائے ہمارے پروردگار ہمارے سفر کی مسافتیں لمبی کردیجئے۔

جب انہوں نے اپنے آپ پر ظلم کیا تو ہم نے انھیں افسانہ اورقصہ پارینہ بنا کر رکھ دیا( ان کا نام ونشان بھی نہ رہا)

اورہم نے انھیں پوری طرح بکھیر کر رکھ دیا

ان واقعات میں ہر اس شخص کیلئے( درس عبرت ہے) جو (ہرحالت میں) اللہ تعالیٰ کا شکر ادا کرتا رہتا ہے (اور اللہ کی طرف سے آئی ہوئی) مصیبتوں کو (اپنے لئے بہتر سمجھ کرانھیں) بہ طیب خاطر برداشت کرتا ہے۔

اورابلیس نے ان لوگوں کے متعلق اپنا خیال سچ کردکھایا پس مومن کی ایک جماعت کے سوا وہ سب اسی (شیطان) کے پیچھے چل پڑے۔

اور ان پر اس کا کوئی زور نہ تھا (یعنی شیطان توبطور خود ان پر مسلط ہو نہیں سکتا تھا بلکہ ہم نے انتقاماً اس کو ان کے پاس بھیجا)

تاکہ ہم آزمائیں کہ کون اخروی زندگی پر ہماری تعلیم کے مطابق ایمان رکھتا ہے۔

اور کون اخروی زندگی کے تعلق سے شک وشبہات میں پڑا رہتا ہے۔

اور آپ کا پروردگار ہرچیز پر نظررکھے ہوئے ہے۔ (سب کا نگہبان ہے)

وہ آسمان اورزمین میں ذرہ برابر کے مالک نہیں ہیں (یعنی ذرہ برابر اختیار نہیں رکھتے)

اور نہ ان میں ان کی شرکت ہے۔

اورنہ ان میں سے کوئی اللہ کا مددگار ہے۔

اور(قیامت کے دن دیکھ لیں گے کہ) اللہ تعالیٰ کے پاس کوئی سفارش کسی کے کام نہ آئیگی (اور نہ کوئی اپنے طور پر سفارش کرنے کا مجاز ہوگا)

سوائے اس کے جس کے لئے اللہ تعالیٰ نے سفارش کی اجازت دی ہو۔

یہاں تک کہ جب ان کے دلوں سے گھبراہٹ دور کی جائیگی (فرشتے) پوچھیں گے کہ تمہارے پروردگار نے کونسی ایسی بات کہی (جس سے تم اس درجہ گھبراگئے)

وہ جواب دیں گے جوبات حق تھی وہ اللہ تعالیٰ نے کہہ دی (کہ آج تمہارا کوئی سفارشی ہے اور نہ مددگار)

اور وہی علوشان عظیم المرتبت ہے۔

پیغمبرﷺ ان سے پوچھئے کہ آسمانوں اور زمین سے کون تم کورزق دیتا ہے (مشرک جانتے ہیں کہ اللہ تعالیٰ ہی رزاق ہیں)

کہئے اللہ تعالیٰ ہی رزق دیتے ہیں۔

اب (ماننا پڑے گا) کہ ہم میں اور تم میں سے کوئی ایک ہدایت پر ہے یا کھلی گمراہی میں۔

کہئے ہمارے گناہوں کی پرسش تم سے نہ ہوگی۔

اور ہم سے پوچھا نہ جائے گا کہ تم کیا عمل کرتے رہے تھے۔

کہئے کہ ہمارا رب (محاسبہ اعمال کیلئے ہم سب کو ایک جگہ) جمع کریگا۔

پھر وہ ہمارے درمیان ٹھیک ٹھیک فیصلہ کرے گا

اور وہی حق بات کا جاننے والا صحیح صحیح فیصلہ فرمانے والا ہے۔

کہیئے، مجھے بتاؤ توسہی کہ وہ کون ہیں جنہیں تم نے اللہ تعالیٰ کے ساتھ شریک فرماں روائی سمجھ رکھا ہے؟ ہرگز(اس کا کوئی شریک) نہیں۔

بلکہ وہی ایک زبردست حکیم (وحدہ لاشریک) ہے۔

اور اے نبیﷺ ہم نے آپ کوتمام انسانوں کے لئے پیغمبر بنا کر بھیجا۔ جوایمان لانے والوں کوہماری رضا مندی کی خوشخبری سناتے ہیں اور ایمان نہ لانے والوں کوہمارے غضب سے ڈراتے ہیں۔

لیکن اکثر لوگ نہیں جانتے۔

اور وہ کہتے ہیں اگر تم سچ کہتے ہو تو بتاؤ یہ قیامت کا وعدہ کب پورا ہوگا ؟

کہئے تمہارے لئے ایک خاص دن مقرر ہے۔

جس کے آنے میں تم ایک گھڑی بھرکی تاخیر کرسکتے ہو

اور نہ ایک گھڑی آگے بڑھ سکتے ہو۔

اور نہ ان کتابوں پرجو اس سے پہلے نازل کی جاچکی ہیں۔
(زبور، توریت، انجیل وغیرہ)

(ائے نبیﷺ) کاش آپ اس حالت کودیکھتے جب یہ ظالم اپنے رب کے سامنے لا کھڑے کئے جائیں گے

تو یہ ایک دوسرے پرالزام دینے لگیں گے۔

وہ لوگ جو دینی اعتبار سے کمزور سمجھے جاتے تھے (یعنی وہ ضعیف الاعتقاد عوام جواپنے غلط رہنماؤں کے زیراثر تھے) اپنے ان خود ساختہ پیشواؤں سے کہیں گے،

اگر تم نہ ہوتے(یعنی تم نے ہماری غلط رہنمائی نہ کی ہوتی) تو ہم ضرور ایمان لے آتے۔

اور وہ بڑائی کرنے والے(غلط رہنما) اپنے زیر اثر متبعین سے کہیں گے

تمہارے پاس ہدایت آجانے کے بعد کیا ہم نے تمہیں اس سے روک رکھا تھا ؟

بلکہ تم خود گمراہ تھے۔

اور وہ لوگ جو (دینی اعتبار سے) کمزور کردیئے گئےتھے۔

اپنے غلط پیشواؤں اور رہنماؤںسے کہیں گے۔

نہیں بلکہ تم رات دن ہم کوفریب دیتے رہے۔

جب تم نے ہم کو حکم دیا کہ ہم اللہ تعالیٰ کے ساتھ کفر کریں

اور دوسروں کواس کا ہمسر ٹھیرایں۔

(اس گفتگو کے ساتھ) جب وہ عذاب الٰہی کودیکھیں گے۔ تودل ہی دل میں پچھتائیں گے۔

اور ہم کافروں کی گردنوں میں طوق ڈال دیں گے (جنہوں نے انکار حق کیا تھا اور اللہ کوالٰہ واحد معبود ومستعان نہ مانا تھا)

جو عمل وہ کرتے تھے، اسی کا ان کوبدلہ دیا جائے گا۔

اور جس بستی میں بھی ہم نے(لوگوں کوان کی بداعمالیوں کے انجام بد سے باخبر کرنے کیلئے) ڈرانے والے بھیجے تووہاں کے خوش حال ذی اقتدار لوگوں نے کہا۔

جس پیام کے ساتھ تم بھیجے گئے ہو ہم اس کے ماننے والے نہیں ہیں۔

اور انہوں نے کہا ہم بہت مال اور اولاد رکھتے ہیں( جو اس بات کی علامت ہے کہ اللہ تعالیٰ ہم پر مہربان ہیں)

اور ہم عذاب پانے والے نہیں ہیں۔

کہئے، میرا رب جس کے لئے چاہتا ہے رزق میں کشادگی فرماتا ہے (اوراپنی حکمت سے جس کے لئے چاہتا ہے تنگی فرماتا ہے (واسطہ و وسیلہ کواس سے کوئی تعلق نہیں)

لیکن اکثر لوگ اس حقیقت کونہیں جانتے۔

یہی وہ لوگ ہیں جنہیں ان کے اعمال کا کئی گنا اجر ملے گا اور وہ جنت کے اعلیٰ ترین منزلوں میں بڑی ہی خاطر جمعی کے ساتھ بیٹھے رہیں گے۔

اور جو لوگ ہمارے احکام کونیچا دکھانے کی کوشش میں لگے رہتے ہیں (دین حق کی اشاعت میں مانع ومزاحم ہوتے ہیں)

وہ عذاب پانے کے لئے حاضر کئے جائیں گے۔

(ائے نبیﷺ) کہئے کہ میرا پروردگار اپنے بندوں میں جسے چاہتا ہے رزق وافر عطا فرماتا ہے، اور( اپنی حکمت سے) جس کے لئے چاہتا ہے رزق میں تنگی فرماتا ہے

اور جو کچھ بھی تم (اللہ تعالیٰ کے دیئے میں سے) خرچ کرتے رہوگے تووہی اس کمی کوپورا کرتا رہے گا ( اور زیادہ دے گا)

اور وہ سب سے بہتر رزق دینے والا ہے۔

اور جس دن وہ ان سب (انسانوں) کوجمع کرے گا۔

پھر فرشتوں سے پوچھے گا، کیا یہ لوگ (مشرکین، دنیا میں) تمہاری عبادت کیا کرتے تھے ؟

وہ جواب میں کہیں گے اللہ تعالیٰ آپ ہر طرح کے نقص وعجز سے پاک ہیں

آپ ہی ہمارے دوست ہیں، کارساز ہیں ہمارا تعلق توآپ ہی سے ہے۔ ہم ان مشرکین کودوست نہیں رکھتے۔

بلکہ وہ تواجنہ کی پرستش کیا کرتے تھے،

ان کی اکثریت انھیں کومانتی تھی۔

(انھیں کہا جائے گا) آج تم میں سے کوئی کسی کونفع یا نقصان پہنچانے کا اختیار نہیں رکھتا۔

اور ہم ظالموں سے کہیں گے۔

جس عذاب کی تم تکذیب کرتے تھے اب اس کا مزہ چکھو۔

اور جب ہمارے واضح احکام انھیں پڑھ کرسنائے جاتے، توکہتے (یہ پیغمبر نہیں ہیں) یہ ایک انسان ہیں۔

چاہتے ہیں کہ جن چیزوں کی تمہارے باپ دادا پرستش کیا کرتے تھے ان سے تمہیں روک دیں۔

اور وہ کہتے ہیں یہ قرآن(محض) ایک جھوٹ ہے افترا کیا ہوا ہے۔

اور جب ان کافروں کے پاس قرآن آیا توکہنے لگے،

یہ توکھلا جادو ہے۔

اور ہم نے انھیں نہ کوئی کتاب دی تھی جسے یہ پڑھتے ہوں اور نہ ہم نے آپ سے پہلے ان کی طرف کوئی ڈرانے والا بھیجا تھا۔

اور ان سے پہلے جو لوگ تھے انہوں نے بھی تکذیب کی تھی۔

اور جو کچھ ہم نے انھیں دیا تھا یہ اس کے عشرعشیر کوبھی پہنچ نہ سکے۔

پس انہوں نے میرے رسولوں کوجھٹلایا۔سو (ان پر) میرا کیسا عذاب ہوا۔

کہ تم اللہ تعالیٰ کے لئے ایک ایک دو دو مل کرکھڑے ہوجاؤ پھر غور کرو(تنہائی میں ذرا ٹھنڈے دل سے)

یہ تمہارے ساتھی مجنوں نہیں ہیں۔

وہ تو تمہیں ایک سخت ترین عذاب کے آنے سے پہلے متنبہ کرنے والا ہے۔

ائے نبیﷺ، کہئے میں تم سے کوئی معاوضہ نہیں چاہتا وہ تو تمہارے ہی فائدے کے لئے ہے۔

میرا اجر تومجھ کواللہ تعالیٰ ہی عطا کریں گے۔

اور وہ ہرچیز سے باخبر ہے۔

(ائے نبیﷺ) کہئے میرا پروردگار(باطل پر) حق کی ضرب لگاتا ہے۔ (یعنی باطل کومٹاتا ہے) وہ غیب (تمام پوشیدہ چیزوں) کا جاننے والا ہے۔

کہئے حق آچکا اور نہ اب باطل پنپ سکتا ہے اور نہ سراٹھا سکتا ہے۔

کہئے اگر میں گمراہ ہوچکا ہوں تومیری گمراہی کا وبال مجھ ہی پرپڑے گا۔

اور اگر میں ہدایت پر ہوں تواس وحی کی بنا پر ہوں،جو میرے رب نے میرے پاس بھیجی ہے۔

بے شک وہی سب کچھ سننے والا(بندہ سے) قریب تر ہے

اور اگر آپ انھیں اس وقت دیکھتے جب یہ موت یا قیامت کی ہولناکیوں سے بچنے کیلئے بھاگنے لگیں گے توکسی مزاحمت کے بغیر وہیں پکڑلئے جائینگے۔

اور اس وقت کہیں گے کہ ہم (اس تعلیم پر) ایمان لائے۔
(جو دنیا میں رسولﷺ نے پیش کی تھی)

اور(ان سے کہا جائے گا) حق سے اتنا دور ہوجانے کے بعد اب وہ دین حق کوکہاں پاسکتے ہیں۔

اور اس سے پہلے یہ (دنیا کی زندگی میں) دین حق کا انکار کرچکے تھے۔

اوربلا تحقیق دور دور سے غلط قیاس آرائیاں کرتے رہے تھے (دین کوسمجھنے کی کوشش نہیں کی)

او راس وقت جس چیز کی یہ تمنا کرہے ہوں گے اس سے انھیں محروم کردیا جائیگا

جیسا کہ ان سے پہلے ان کے ہم مذہبوں کے ساتھ معاملہ کیا گیا۔

یقیناً وہ سب بڑے ہی اضطراب آمیز شک وشبہ میں مبتلا رہے۔